ARTICLE 27
ᓄᓇᒥᐅᑕᕐᓄᑦ ᐱᕙᓪᓕᐊᓂᐅᔪᑦ
ᐅᖅᓱᐊᓗᒃ
27.1.1 ᓯᕗᕐᖓᓂ ᒪᑐᐃᖅᓯᓂᐅᑉ ᓄᓇᓂᒃ ᓄᓇᕗᒻᒥ ᐅᖅᓱᐊᓗᑦᓯᐅᕐᓂᕐᒧᑦ, ᒐᕙᒪᒃᑯᑦ ᖃᐅᔨᒃᑲᐃᓂᐊᖅᑐᑦ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ ᐱᕕᑦᓴᖃᖅᑎᓪᓗᒋᓪᓗ ᐅᓂᒃᑲᓕᐅᓕᕐᓂᕐᒥᒃ ᐅᖃᐅᓯᖃᕐᓂᕐᒥᓪᓗ ᐃᓱᒪᒋᔭᒥᓐᓂᒃ ᒐᕙᒪᒃᑯᓐᓄᑦ ᐱᔾᔪᑎᖃᕐᓗᑎᒃ ᐃᒪᐃᓕᖓᓂᖏᓐᓂᒃ ᒪᓕᒋᐊᓕᓐᓂᓪᓗ ᐊᑕᔪᓂᒃ ᑕᐃᒪᐃᑦᑐᓄᑦ ᐱᔪᓐᓇᕐᓂᐅᔪᓄᑦ.
27.1.2 ᓯᕗᕐᖓᓂ ᐊᑑᑎᒋᐊᓐᖓᕐᓂᖏᑦᑕ ᐱᔪᓐᓇᐅᑏᑦ ᐊᑦᑐᐊᔪᑦ ᕿᓂᕐᓂᕐᒧᑦ, ᐱᕙᓪᓕᐊᑎᑦᓯᓂᕐᒧᑦ ᐅᕝᕙᓗ ᐅᖅᓱᐊᓗᓕᕆᓂᕐᒧᑦ ᑯᐃᓐ ᓄᓇᖁᑎᖏᓐᓂ ᓄᓇᕗᒻᒥ, ᐸᕐᓇᐃᕐᓗᑎᓪᓗ ᐱᕚᓪᓕᕈᑎᑦᓴᓄᑦ ᐸᕐᓇᐅᑎᓄᑦ ᐊᖏᖅᑕᐅᓂᖏᓐᓄᑦ ᑖᒃᑯᐊᓪᓗᐊᑦ ᒪᓕᒐᓕᕆᓂᕐᒧᑦ ᐱᔪᓐᓇᕐᓂᓖᑦ, ᑐᑦᓯᕋᖅᑐᖅ ᐅᖃᖃᑎᖃᕐᓂᐊᖅᑐᖅ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ, ᒐᕙᒪᒃᑯᓪᓗ ᐅᖃᖃᑎᖃᕐᓂᐊᖅᓱᑎᒃ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ, ᐊᑦᑐᐊᔪᓄᑦ ᑕᐃᒃᑯᓄᖓ ᐊᐅᓚᓂᐅᔪᒧᑦ ᑎᑎᕋᖅᓯᒪᔪᓄᑦ ᐅᐃᒍ 27-1-ᒥ.
ᐊᓯᖏᑦ ᓄᓇᒥᐅᑕᐃᑦ
27.2.1 ᓯᕗᕐᖓᓂ ᐊᐅᓚᔾᔭᒋᐊᕐᓂᖓᑕ ᐱᔪᓐᓇᐅᑏᑦ ᐊᑦᑐᐊᔪᑦ ᐱᕙᓪᓕᐊᓂᖓᓄᑦ ᐅᕝᕙᓗ ᓴᓇᔭᐅᓂᖏᓐᓄᑦ ᓄᓇᒥᐅᑕᐃᑦ ᐊᓯᖏᑦ ᐅᖅᓱᐊᓗᐃᑦ ᑯᐃᓐ ᓄᓇᖁᑎᖏᓐᓂ ᓄᓇᕗᒻᒥ, ᑐᑦᓯᕋᖅᑐᖅ ᐅᖃᖃᑎᖃᕐᓂᐊᖅᑐᖅ ᓇᓗᓇᐃᖅᑕᐅᓯᒪᔪᓂᒃ ᐃᓄᓐᓄᑦ ᑎᒥᖁᑕᐅᔪᓂᒃ ᐊᑦᑐᐊᔪᓄᑦ ᑕᐃᒃᑯᓄᖓ ᐊᐅᓚᓂᐅᔪᑦ ᑎᑎᕋᖅᓯᒪᔪᓄᑦ ᐅᐃᒍ 27-1.
27.2.2 ᐅᖃᖃᑎᒌᓐᓂᐅᑎᑕᐅᔪᖅ ᐅᕙᓂ ᐃᓚᖓᓂ ᓇᓕᒧᒌᓕᕈᐅᓂᐊᖅᑐᖅ ᑭᓐᖒᒪᒋᔭᖏᓐᓄᑦ ᓇᓗᓇᐃᖅᑕᐅᓯᒪᔪᑦ ᐃᓄᓐᓄᑦ ᑎᒥᖁᑕᐅᔪᑦ ᑐᓴᕋᑦᓴᓄᑦ, ᐱᕕᑦᓴᖃᕐᓂᐅᓗᓂ ᐅᖃᖃᑎᒌᓐᓂᕐᒧᑦ ᐃᓄᓐᓄᑦ, ᐊᒻᒪᓗ ᑭᓐᖒᒪᒋᔭᖏᑦ ᒐᕙᒪᒃᑯᑦ ᑐᑦᓯᕋᖅᑐᕐᓗ ᑭᖑᕙᐅᖅᑲᖏᑦᑐᓂᒃ ᑮᓇᐅᔭᖅᑐᓗᐊᓐᖏᑦᑐᓂᒃ ᐋᖅᑭᑦᑕᐅᔪᓂᒃ.
ᑕᕝᕙᐅᔪᑦ ᓄᓇᐅᑉ ᕐᑳᖓᕗᑦ ᐱᔪᓐᓇᐅᑏᑦ
27.3.1 ᑐᓂᒪᓂᐅᔪᑦ ᐅᖃᖃᑎᖃᕐᓂᕐᒧᑦ ᐊᑖᓂ ᑎᑎᕋᖅᓯᒪᑦ 27.1.2 ᑎᑭᓪᓗᒍ 27.2.2 ᐊᑑᑎᓂᐊᖅᑐᑦ ᐊᐅᓚᑦᓯᔨᐅᔪᓄᑦ ᐱᔪᓐᓇᐅᑎᖏᑦ ᑲᔪᓯᑎᑕᐅᔪᑦ ᐊᑖᓂ ᑎᑎᕋᖅᓯᒪᔪᖅ 21.7.2.
ᐊᐅᓚᓂᐅᔪᑦ ᐃᓱᒪᒋᔭᐅᔪᑦ ᓈᒻᒪᑦᑑᒋᐊᖏᑦ ᐅᖃᖃᑎᒌᒍᑕᐅᓂᕐᒧᑦ
(ᑎᑎᕋᖅᓯᒪᔪᑦ 27.1.2, 27.2.1)