ᓄᓇᕗᒻᒥ ᐊᖏᕈᑎᒧᑦ ᐊᑎᓕᐅᖃᑕᐅᓂᖅ

ᑎᑎᕋᖅᓯᒪᓂᓕᒃ 35 ᓄᓇᕗᒻᒥ ᐊᖏᖃᑎᒌᒍᑎᒥ ᐱᔭᕆᐊᖃᖅᑎᑦᑎᕗᖅ ᓇᓗᓇᐃᖅᑕᐅᓯᒪᔪᒥᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᓇᓗᙱᑦᑎᐊᕈᒪᓂᕐᒧᑦ ᑕᒪᕐᒥᑦᑎᐊᖅ ᐊᔪᖅᑎᑕᐅᙱᑦᑐᑦ ᐃᓄᐃᑦ ᓄᓇᕗᒻᒥ ᓄᓇᑖᕐᕕᐅᓯᒪᔪᒥ ᐱᕕᒃᓴᖃᖅᑎᑕᐅᒐᓗᐊᕐᒪᖔᑕ ᐃᓚᐅᓕᕈᓐᓇᕐᓂᕐᒥᒃ. ᐃᓄᒃ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᐊᑎᖃᕐᕕᖕᒦᑦᑐᖅ ᐱᕚᓪᓕᕈᑎᖃᕈᓐᓇᖅᐳᖅ ᓄᓇᕗᒻᒥ ᐊᖏᕈᑖᓂ ᐃᓅᓂᓕᒫᖓᓂ. ᐃᓄᐃᑦ ᐊᖏᓚᐅᖅᐳᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᑎᒃᑯᐊᖅᑕᐅᓯᒪᓗᓂ ᐃᓄᐃᑦ ᑲᑐᔾᔨᖃᑎᒌᖑᓕᕐᓗᓂ. ᐃᓚᐅᓕᕈᓐᓇᕐᓂᖅ ᑕᓯᐅᖅᑕᐅᕗᖅ ᑐᙵᕕᒋᔭᐅᔪᒧᑦ ᐃᓄᐃᑦ ᐱᐅᓛᒃᑯᑦ ᓇᓗᓇᐃᖅᓯᔪᓐᓇᕐᓂᖏᓐᓂᒃ ᑭᓇ ᐃᓅᖕᒪᖔᑦ ᐱᔾᔪᑎᖃᕐᓗᓂ ᐱᕚᓪᓕᕈᑎᖃᕐᓂᐊᕐᓗᓂ ᓄᓇᕗᒻᒥ ᐊᖏᖃᑎᒌᒍᑎᒥᒃ.

1. ᑲᓇᑕᒥᐅᑕᐅᒍᕕᑦ
2. ᐃᓅᒐᕕᑦ ᒪᓕᑦᑐᒋᑦ ᐃᓄᐃᑦ ᐃᓕᖅᑯᓯᖏᑦ ᐊᒻᒪᓗ ᐊᑐᖅᐸᑦᑕᖏᑦ.
3. ᓇᓗᓇᐃᖅᓯᒐᕕᑦ ᐃᓅᓂᕐᓂᑦ.

ᓄᓇᕗᒻᒥ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᐊᑎᖏᑦ ᑲᒪᒋᔭᐅᓲᖑᕗᑦ ᓄᓇᕗᑦ ᑐᙵᕕᒃᑯᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐱᓕᕆᕝᕕᖓᓂ ᖃᕆᓴᐅᔭᒃᑯᑦ ᑐᖅᑯᖅᑐᐃᕝᕕᒃᑯᑦ. ᐊᑎᓕᐅᖅᑕᐅᓯᒪᔪᓕᒫᑦ ᓄᓇᕗᒻᒥ ᐃᓄᐃᑦ ᐱᔪᓐᓇᖅᑎᑕᐅᔪᑦ ᓄᓇᕗᒻᒥ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᐊᐅᒃᑕᔫᒥᒃ.

ᖃᐅᔨᒪᓂᐊᖅᐳᑎᑦ ᐃᓄᒃ ᐊᑎᓕᐅᖅᑕᐅᓯᒪᔪᖅ ᐃᓅᓗᓂ ᑐᓴᖅᑎᑦᑎᔭᕆᐊᖃᖅᐳᖅ ᓄᓇᕗᑦ ᑐᙵᕕᒃᑯᑦ ᐊᑎᓕᐅᕐᕕᖓᓂ ᖃᓄᑐᐃᓐᓇᖅ ᐊᓯᔾᔨᖅᑐᖃᖅᐸᑦ ᐊᑎᕐᒥᓂᒃ, ᐅᕝᕙᓘᓐᓃᑦ ᑕᒻᒪᖅᓯᒪᔪᖃᖅᐸᑦ ᐊᑎᖓᑕ ᑎᑎᕋᖅᓯᒪᓂᖓᓂ ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᑎᑎᕋᖅᓯᒪᔪᓂ ᐅᕝᕙᓘᓐᓃᑦ ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᐊᐅᒃᑕᔫᒥ. ᑕᒪᓐᓇ ᐱᓕᕆᐊᖑᔪᓐᓇᖅᐳᖅ ᐱᔭᕇᖅᓯᓗᓂ ᑐᓂᓯᓗᓂᓗ ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᐊᓯᔾᔨᕐᓂᕆᔭᐅᔪᒥᒃ ᑕᒻᒪᖅᓯᒪᔪᓐᓃᖅᑎᑦᑎᓂᕐᒧᓪᓗ ᑎᑎᕋᕆᐊᓕᖕᒥᒃ:

ᐃᓕᓐᓂᐊᖃᑕᐅᔪᑦ ᐊᓯᔾᔨᖅᑐᑦ ᐊᒻᒪ ᐋᖅᑭᒋᐊᖅᓯᓂᕐᒧᑦ ᑕᑕᑎᕆᐊᓕᒃ (pdf)

ᓄᓇᕗᑦ ᑐᙵᕕᒃᑯᑦ ᑎᒥᖓᑦ (NTI) ᑲᒪᒋᔭᒃᓴᖃᖅᐳᑦ ᐃᓚᓕᐅᔾᔨᓂᕐᒥᒃ ᐃᓄᖕᓂᒃ ᓄᓇᕗᒻᒥ ᐊᖏᖃᑎᒌᒍᑎᒧᑦ. ᑕᒪᓐᓇ ᐱᓕᕆᐊᖑᕙᓪᓕᐊᓂᖓ ᐊᐅᓚᑕᐅᕙᒃᐳᖅ ᓄᓇᕗᑦ ᑐᙵᕕᒃᑯᓐᓂᑦ ᐅᑯᑎᒎᓇᖅ, ᐃᓚᐅᓕᖅᑎᑦᑎᓂᕐᒧᑦ ᐱᓕᕆᕝᕕᒋᔭᐅᕙᒃᑐᒥ ᐊᐅᓚᑦᑎᕝᕕᒋᔭᐅᔪᒥ, ᓄᓇᓕᖕᓂᓗ ᐃᓚᐅᓕᖅᐸᒃᑐᓄᑦ ᑲᑎᒪᔨᕋᓛᓄᑦ:

ᓄᓇᓕᖕᓂ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᑲᑎᒪᔨᕋᓛᑦ ᒪᓕᒃᑕᐅᔭᕆᐊᓖᑦ ᖃᓄᐃᓕᐅᕐᓂᐊᕐᓗᓂ (pdf)

No, as long as you meet the requirements for enrolment, where you live is not a concern. For the requirements see above: Q. How do I know I qualify for enrolment?

ᐊᑎᓕᐅᖅᓯᔪᒪᒍᕕᑦ ᑎᒍᐊᕆᔭᐅᔪᒥᒃ ᐃᓄᖕᒥᒃ ᓄᑕᖅᑲᒥᒃ ᓄᓇᕗᒻᒧᑦ ᐊᖏᖃᑎᒌᒍᑕᐅᓯᒪᔪᒧᑦ, ᑕᑕᑎᕆᔭᕆᐊᖃᖅᐳᑎᑦ ᐆᒥᖓ, ᑎᒍᐊᖅᑕᐅᔪᓄᑦ ᐃᓄᐃᑦ ᓄᑕᖅᑲᖏᓐᓄᑦ ᐱᓇᔫᑎᒧᑦ ᑎᑎᕋᕆᐊᓕᖕᒥᒃ. ᐊᑎᓕᐅᕐᓗᒍ ᑎᑎᕋᕆᐊᓕᒃ, ᐊᐃᑉᐸᐃᑦ ᐊᑎᓕᐅᖅᑎᓪᓗᒍ ᑎᑎᕋᕆᐊᓕᖕᒥᒃ, ᓇᒃᓯᐅᑎᓗᒍᓗ ᓄᓇᕗᑦ ᑐᙵᕕᒃᑯᓐᓄᑦ.

Adopted Inuit Children Application Form (pdf)

ᐱᓕᕆᐊᒃᓴᕆᓪᓗᐊᑕᖅᑕᖓ CEC (ᓄᓇᓕᖕᓂ ᐊᑎᓕᐅᖅᑕᐅᖃᑕᐅᔪᓄᑦ ᑲᑎᒪᔨᕋᓛᑦ) ᐃᑲᔪᕐᓗᑎᒃ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂᒃ ᐊᖑᒻᒪᑎᖁᓪᓗᒋᑦ ᑲᒪᒋᔭᒃᓴᖏᓐᓂᒃ ᐃᒃᐱᒋᑦᑎᐊᕐᓗᒍ ᐊᑎᓕᐅᖅᑕᐅᖃᑕᐅᔪᑦ ᐃᓄᐃᑦ ᑎᑎᕋᖅᓯᒪᓂᓕᒃ 35 ᒪᓕᒃᖢᒍ ᓄᓇᕗᒻᒥ ᐊᖏᕈᑎᒥ.

ᐊᑕᐅᓯᕐᒥᒃ CEC−ᑕᖃᖅᐳᖅ ᑕᒪᐃᓐᓂ ᐊᑐᓂᑦ ᓄᓇᓕᖕᓂ ᑲᑎᒪᖃᑦᑕᕆᐊᖃᖅᐸᒃᖢᑎᒃ ᐃᒻᒪᖄ ᐊᑕᐅᓯᐊᕐᓗᑎᒃ ᑕᖅᑭᑦ 6 ᐊᓂᒍᑐᐊᕌᖓᑕ ᐊᒻᒪᓗ ᑲᑎᒪᒐᔪᖕᓂᖅᓴᐅᕙᒡᓗᑎᒃ ᑕᐃᒪᐃᑦᑕᕆᐊᖃᕋᓱᒋᔭᐅᒍᑎᒃ. ᑲᑎᒪᑎᓪᓗᒋᑦ, ᓇᓗᙱᑦᑎᐊᕋᓱᖃᑦᑕᕐᓂᐊᖅᐳᑦ ᑕᒪᕐᒥᑦᑎᐊᖅ ᐱᓇᔪᒍᑕᐅᔪᑦ ᐃᓚᐅᔪᒪᓂᕐᒧᑦ ᐱᓕᕆᐊᖑᑦᑎᐊᕋᓗᐊᕐᒪᖔᑕ ᑕᒻᒪᖅᑕᖅᓯᒪᙱᓪᓗᑎᒃ, ᑲᔪᓯᓂᖃᑦᑎᐊᖅᑐᒃᑯᑦ ᓱᒃᑲᓕᔪᒃᑯᓪᓗ.

ᑎᑭᑕᐅᓇᓱᐊᖅᑐᑦ CEC−ᑯᓐᓄᑦ ᑐᓴᖅᑕᐅᔪᒃᓴᒃᑲᓐᓃᓪᓗ ᓇᓂᔭᐅᔪᓐᓇᖅᐳᑦ ᓄᓇᓕᖕᓂ ᐃᓚᐅᓕᕐᓂᕐᒧᑦ ᑲᑎᒪᔨᕋᓛᑦ ᒪᓕᒃᑕᐅᕙᓪᓕᐊᕙᒃᑐᓂ ᖃᓄᐃᓕᐅᕐᓂᐊᕐᓗᓂ:

ᓄᓇᓕᓐᓂ ᐊᑎᖃᖃᑕᐅᔪᓄᑦ ᑲᑎᒪᔨᕋᓛᑦ Terms of Reference (pdf)

ᐱᒋᐊᕐᓂᐊᕐᓗᓂ, ᑎᑎᕋᕆᐊᖃᖅᐳᑎᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑎᑎᕋᕆᐊᓕᖕᒥᒃ ᓇᒃᓯᐅᑎᓗᒍᓗ ᐊᑎᓕᐅᖃᑕᐅᓂᕐᒧᑦ ᐊᐅᓚᑦᑎᔨᒧᑦ. ᐱᖓᓱᓂᒃ ᐊᔾᔨᒌᙱᑦᑐᓂᒃ ᑕᑕᑎᒐᒃᓴᖅᑕᖃᖅᐳᖅ, ᒪᓕᒃᖢᓂ ᐱᔾᔪᑕᐅᔪᒥᒃ ᐱᓇᔪᒃᑲᓐᓂᕐᓂᕆᔭᕐᓄᑦ. ᐃᕝᕕᓪᓕ, ᐱᔭᕆᐊᖃᕋᔭᖅᐳᑎᑦ ᑎᑎᕋᕆᐊᓕᖕᒥᒃ D−ᒥᒃ:

ᑕᑕᑎᕆᐊᓕᒃ D: ᑖᓐᓇ ᑕᑕᑎᕆᐊᓕᒃ ᐊᑐᖅᑕᐅᓲᖅ ᐃᓄᒃ ᕿᐱᓗᒃᑕᐅᑎᓪᓗᒍ ᐊᑎᓕᐅᖅᑕᐅᔪᒪᓂᕐᒧᑦ.

Enrolment Refusal Appeal Form D (pdf)

ᑕᑕᑎᒐᒃᓴᖅ E: ᑖᓐᓇ ᑕᑕᑎᒐᒃᓴᖅ ᐊᑐᖅᑕᐅᓲᖅ ᐃᓄᒃ ᐊᑎᓕᐅᖅᑕᐅᖃᑕᐅᓯᒪᑎᓪᓗᒍ ᐊᓯᐊᓗ ᐃᓄᒃ ᐊᔪᐃᓐᓇᕆᐊᒃᑲᓐᓂᕈᒪᒃᐸᑦ ᐊᑎᓕᐅᖅᑕᐅᓯᒪᓂᖓᓂᒃ.

Enrolment Removal Appeal Form E (pdf)

ᑕᑕᑎᒐᒃᓴᖅ F: ᑖᓐᓇ ᑕᑕᑎᕆᐊᓕᒃ ᐊᑐᖅᑕᐅᓲᖅ ᐃᓄᒃ ᐲᖅᑕᐅᔭᕌᖓᑦ ᐊᑎᓕᐅᖅᑕᐅᖃᑕᐅᓯᒪᔪᓂᒃ.

Enrolment Appeals Form F (pdf)

ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑎᑎᕋᕐᕕᒃᓴᖅ ᐱᔭᐅᓯᒪᓕᖅᐸᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐊᐅᓚᑦᑎᔨᒧᑦ, ᑐᓐᓂᖅᑯᑕᐅᓂᐊᖅᐳᖅ ᓄᓇᕗᒻᒥ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ ᑲᑎᒪᔨᕋᓛᓄᑦ, ᑖᒃᑯᐊᓗ ᐋᖅᑭᒃᓯᒪᓕᖅᑎᑦᑎᓇᔭᖅᖢᑎᒃ ᖃᖓ ᓇᓃᓐᓂᐊᕐᒪᖔᓪᓗ ᓈᓚᖕᓂᐅᓛᖅᑐᒧᑦ. ᖃᐅᔨᒃᑲᐃᔾᔪᑎ ᓈᓚᖕᓂᖃᕐᓂᐊᕐᓂᕐᒧᑦ ᓴᖅᑭᔮᖅᑎᑕᐅᓂᐊᖅᐳᖅ ᓂᕈᐊᕆᔭᐅᔪᒥ ᓄᓇᓕᖕᓂ, ᐱᓇᓱᐊᕈᓰᒃ ᒪᕐᕉᒃ ᓯᕗᓂᐊᒍᑦ ᐱᓕᕆᐊᖑᓚᐅᙱᓐᓂᖓᓂ. ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᓈᓚᖕᓂᕆᔭᐅᔪᑦ ᑭᒃᑯᑐᐃᓐᓇᓄᑦ ᒪᑐᐃᙶᕐᓂᐊᖅᐳᑦ.

ᐃᓚᐅᔪᒪᔪᓕᒫᑦ ᐃᓚᐅᔪᓐᓇᖅᐳᑦ ᓈᓚᖕᓂᖃᖅᑎᓪᓗᒋᑦ. ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ ᑲᑎᒪᔨᕋᓛᑦ ᐱᔪᓐᓇᖅᑎᑦᑎᔪᓐᓇᖅᑐᑦ ᐃᓄᖕᒥᒃ ᐃᓚᐅᖁᔨᓗᑎᒃ ᓈᓚᖕᓂᖃᖅᑎᓪᓗᒋᑦ ᐅᖄᓚᐅᑎᒃᑯᑦ ᐊᔾᔨᐸᓗᖓᓂᒡᓘᓐᓃᑦ ᖃᕆᑕᐅᔭᒃᑯᑦ.

ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ ᑲᑎᒪᔨᕋᓛᑦ ᐊᖏᖅᓯᔪᓐᓇᖅᑐᑦ ᑐᓴᐅᓯᒃᑯᑦ ᓇᓗᓇᐃᕈᑎᒃᓴᓂᒃ, ᐊᒻᒪᓗ ᑐᓂᓯᓗᑎᒃ ᓇᓗᓇᐃᕈᑎᒃᓴᓂᒃ ᐅᖁᒪᐃᓐᓂᖏᓐᓂᒃ ᐊᒻᒪᓗ ᐃᓱᒪᒃᓴᕐᓯᐅᕈᑎᖏᓐᓂᒃ ᓈᒻᒪᒐᓱᒋᔭᖏᓐᓂᒃ. ᐊᑭᖏᑦ ᐃᓚᐅᓂᐊᕐᓗᓂ ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ ᐊᑭᓕᖅᑕᐅᖃᑦᑕᕐᓂᐊᖅᐳᑦ ᐃᓚᐅᔪᓄᑦ.

ᓄᓇᕗᒻᒥ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ ᑲᑎᒪᔨᕋᓛᑦ ᕿᒥᕐᕈᓲᖑᕗᑦ ᒪᓕᒐᖃᖅᐸᒃᖢᑎᒡᓗ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᐊᔪᐃᓐᓇᕆᐊᒃᑲᓐᓂᕈᑎᓄᑦ. ᑖᒃᑯᐊ ᑲᑎᒪᔨᕋᓛᑦ ᐱᖓᓱᓂᒃ ᐊᕕᒃᑐᖅᓯᒪᔪᓂᒃ ᑲᑎᒪᔨᕋᓛᖃᖅᐳᑦ. ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ (RIAs) ᑎᒃᑯᐊᖅᓯᓲᖑᕗᑦ ᐊᑕᐅᓯᕐᒥᒃ ᐊᑐᓂ ᓄᓇᓕᖕᓂᙶᖅᑐᓂᒃ ᐊᕕᒃᑐᖅᓯᒪᔪᑦ ᑲᑎᒪᔨᕋᓛᖏᓐᓄᑦ. ᐊᑐᓂ ᐊᕕᒃᑐᖅᓯᒪᔪᑦ ᑲᑎᒪᔨᕋᓛᖏᑦ ᓂᕈᐊᖅᓯᓕᖅᐸᒃᐳᑦ ᑲᑎᒪᔨᒃᓴᒥᒃ ᐃᒃᓯᕙᐅᑕᐅᖃᑕᐅᓂᐊᖅᑐᒥᒃ ᑲᑎᒪᔨᕋᓛᓄᑦ, ᐱᖓᓱᓂᒃ ᐃᒃᓯᕙᐅᑕᖃᕐᓂᐊᖅᑐᑦ ᑲᑎᖦᖢᒋᑦ, ᐊᑕᐅᓯᕐᒥᒃ ᐊᕕᒃᑐᖅᓯᒪᔪᓂᙶᖅᑐᓂᒃ.

ᐃᓚᒋᔭᐅᔪᖅ ᓄᓇᕗᒻᒥ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔨᕋᓛᓄᑦ ᐃᓱᒪᓕᐅᕆᔭᕆᐊᖃᙱᑦᑐᖅ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᐃᓚᐅᓐᓂᕈᑎᒃ ᓄᓇᓕᖕᓂ ᐊᑎᓕᐅᖅᑕᐅᖃᑕᐅᓯᒪᔪᓄᑦ ᑲᑎᒪᔨᕋᓛᓄᑦ ᓯᕗᓪᓕᕐᒥ ᐊᑎᓕᐅᖅᑕᐅᖃᑕᐅᔪᒪᔪᓄᑦ ᐃᓱᒪᓕᐅᕆᓚᐅᖅᑐᓄᑦ.

ᑎᓕᓯᔾᔪᑕᐅᔪᓕᒫᑦ, ᐃᓱᒪᓕᐊᕆᔭᐅᔪᑦ ᐃᓱᒪᓕᐅᕈᑕᐅᔪᓪᓘᓐᓃᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔨᕋᓛᓄᑦ ᑭᖑᓪᓕᖅᐹᖑᕗᑦ ᐊᑐᖅᑕᐅᔭᕆᐊᖃᖅᖢᑎᒡᓗ ᖁᑦᑎᖕᓂᖅᓴᒧᑦ ᐅᓐᓂᕐᓗᒡᕕᐅᒃᑲᓐᓂᕈᓐᓇᙱᖦᖢᑎᒃ, ᑭᓯᐊᓂ ᕿᒥᕐᕈᔭᐅᑐᐃᓐᓇᕆᐊᖃᖅᐳᑦ ᓄᓇᕗᒻᒥ ᐃᖅᑲᖅᑐᐃᕕᓕᕆᔨᒃᑯᓐᓂ ᒪᓕᙱᑉᐸᑕ ᑐᙵᕕᒋᔭᐅᔪᓂᒃ ᐃᖅᑲᖅᑐᐃᓂᓕᕆᓂᕐᒥ. (ᐃᓚᒍᑖ 35.5.8 ᓄᓇᕗᒻᒥ ᐊᖏᕈᑎᒥ)

ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑎᓕᐅᖅᑕᐅᖃᑕᐅᓯᒪᓂᕐᒧᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᐱᓕᕆᔾᔪᓯᕐᒥᑦ ᐅᑯᐊ ᑕᑯᓗᒋᑦ:

Enrolment Appeals Process (pdf)