ᓂᕈᐊᕐᓂᖅ

(ᐋᒡᒌᓯ 19, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᑦᑕᓄᐊᖅ ᐅᓗᖅᓯ ᑐᓴᖅᑎᑦᑎᕗᖅ ᒫᓂᑲ ᐃᐅᓪ−ᑲᓇᔪᖅ, ᐃᖅᑲᓇᐃᔭᖃᑎᖃᕐᓗᓂ ᐊᔮᔭ ᓴᖅᑭᔮᖅᑎᑦᑎᔨᒃᑯᑦ ᐊᒻᒪᓗ ᑐᓴᐅᒪᑎᑦᑎᔨᒃᑯᓐᓂ, ᑎᒃᑯᐊᖅᑕᐅᕗᖅ ᓂᕈᐊᖅᑐᓕᕆᔨᒻᒪᕆᐅᓛᕐᓗᓂ ᓄᓇᕗᑦ ᑐᙵᕕᒃ ᑎᒥᖓ ᓂᕈᐊᖅᑎᑦᑎᓂᖓᓄᑦ ᒪᕐᕉᓐᓂᒃ ᐊᖓᔪᖅᑳᑉ ᑐᖏᓕᖏᓐᓂᒃ, ᓂᕈᐊᖅᑐᖃᓛᖅᑐᓂ ᓇᒡᒐᔾᔭᐅ, ᑎᓰᕝᕙ 14, 2026−ᖑᓕᖅᐸᑦ.

ᓂᕈᐊᕋᒃᓴᓕᐅᕈᓐᓇᖅᑐᑦ ᑖᔅᓱᒧᖓ ᓂᕈᐊᕐᓂᕐᒧᑦ ᐱᒋᐊᕐᓗᒍ ᓇᒡᒐᔾᔭᐅ, ᓄᕖᕝᕙ 2 ᑎᑭᓪᓗᒍ ᐅᓪᓗᑐᐃᓐᓇᖅ, ᓄᕖᕝᕙ 6, 2026. ᓂᕈᐊᕋᒃᓴᐅᒍᓐᓇᖁᓪᓗᑎᑦ ᐅᕝᕙᓘᓐᓃᑦ ᓂᕈᐊᕈᓐᓇᖁᓪᓗᑎᑦ, ᐃᓄᐃᑦ ᑲᓇᑕᒥᐅᑕᐅᔭᕆᐊᓖᑦ, ᐅᑭᐅᖃᕐᓗᑎᑦ 16 ᐅᖓᑖᓄᑦ ᑎᓰᕝᕙ 14, 2026−ᖑᑎᓪᓗᒍ, ᐊᒻᒪᓗ ᐊᑎᓕᐅᖅᓯᒪᓗᑎᑦ ᓄᓇᕗᑦ ᐊᖏᕈᑎᖓᓄᑦ. ᓂᕈᐊᕋᒃᓴᓕᐅᕈᓐᓇᕐᓂᖅ ᐱᒋᐊᖅᐸᑦ, ᓂᕈᐊᕋᒃᓴᓕᐅᕐᓂᕐᒧᑦ ᓈᑎᕆᐊᓖᑦ ᑲᑎᖅᓱᖅᓯᒪᓂᖏᑦ ᐊᑐᐃᓐᓇᐅᒪᒐᔭᖅᑐᑦ ᓄᓇᓕᓐᓂ ᑐᓴᐅᒪᑎᑦᑎᔨᓂ, ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓᓂ.

ᖃᐅᔨᒪᑦᑎᐊᖅᑎᑦᑎᔭᕆᐊᓖᑦ ᓂᕈᐊᕋᒃᓴᐅᔪᑦ ᐱᔭᕇᖅᓯᒪᑦᑎᐊᕋᓗᐊᕐᒪᖔᑕ ᓂᕈᐊᕋᒃᓴᓕᐅᕈᑏᑦ ᑎᑎᖅᑲᖏᑦ, ᐱᖃᓯᐅᑎᓗᒍᓗ ᐱᕋᔭᓐᓂᑯᖃᕐᒪᖔᖅ ᑎᑎᖅᑲᖏᑦ, ᑐᓂᔭᐅᓗᑎᑦ ᓂᕈᐊᖅᑐᓕᕆᔨᒻᒪᕆᒻᒧᑦ ᑐᓂᔭᐅᓯᒪᒐᓗᐊᕐᒪᖔᑕ ᐅᓪᓗᖓ ᐃᓱᓕᕝᕕᖓ ᐊᓂᒍᓚᐅᙱᓐᓂᖓᓂᒃ. ᓂᕈᐊᕋᒃᓴᓕᐅᕈᑏᑦ ᑎᑎᖅᑲᖏᑦ ᑐᓂᔭᐅᒍᑎᑦ ᐅᓪᓗᖅ ᐃᓱᓕᕝᕕᖓ ᐅᖓᑕᐅᔨᓯᒪᑎᓪᓗᒍ ᐱᔭᐅᒐᔭᙱᒻᒪᑕ, ᐊᒻᒪᓗ ᐃᓄᒃ ᐃᓚᐅᒍᓐᓇᕋᔭᙱᑦᑐᖅ ᑎᓰᕝᕙ 2026 ᓂᕈᐊᖅᑐᖃᖅᑎᓪᓗᒍ. ᓂᕈᐊᕋᒃᓴᐅᔪᑦ ᖁᔭᓈᕈᓐᓇᕐᒥᔪᑦ ᓂᕈᐊᕋᒃᓴᐅᔾᔪᑎᖏᓐᓂᒃ ᑎᑭᓪᓗᒍ ᓇᒡᒐᔾᔭᐅ, ᓄᕖᕝᕙ 9, 2026. ᓂᕈᐊᕈᓐᓇᓛᖅᑐᑦ ᑎᓰᕝᕙ 2026−ᒥ ᓂᕈᐊᕐᓇᒥ ᓂᕈᐊᕈᓐᓇᓛᕐᒪᑕ ᐅᑯᑎᒎᓇᖅ ᑕᓪᓕᒪᑎᒍᑦ ᓂᕈᐊᕈᓐᓇᕋᒃᓴᐅᔪᒃᑯᑦ. ᓲᕐᓗᒃ ᐱᖃᓯᐅᔾᔨᕗᑦ ᓂᕈᐊᕈᓐᓇᓛᕐᓗᑎᑦ ᑎᓰᕝᕙ 7, 2026−ᒥ, ᓂᕈᐊᖅᑎᑦᑎᔨᐅᔪᑦ ᐅᐸᒍᑎᓯᒪᑎᓪᓗᒋᑦ, ᑭᒡᒐᖅᐃᔨᖃᕐᓗᑎᑦ ᓂᕈᐊᖅᑎᑦᑎᓗᑎᑦ, ᑎᑎᖅᑲᓂᐊᕐᕕᒃᑯᑎᒍᑦ, ᐅᕝᕙᓘᓐᓃᑦ ᐃᓄᒃᑎᒍᑦ ᓂᕈᐊᕐᓗᑎᑦ ᓂᕈᐊᕐᓇᑉ ᐅᓪᓗᖓᓂ, ᑎᓰᕝᕙ 14, 2026−ᒥ.

-30-

ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ
ᐋᓂ ᑕᒻᓕᓐᓴᓐ
ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
Media@tunngavik.com