ᐃᓄᐃᑦ ᓇᒻᒥᓂᖁᑎᓖᑦ ᐊᑎᓕᐅᕐᕕᖓᑕ ᒥᑦᓵᓄᑦ
ᐊᑐᐊᒐᖅ ᐊᒻᒪ ᐸᕐᓇᐃᔨᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᑲᒪᒋᔭᖃᖅᐳᑦ ᐃᓄᖕᓄᑦ ᓇᖕᒥᓂᕆᔭᐅᔪᓄᑦ ᐊᑎᓕᐅᕐᕕᖕᒥ ᒪᓕᒃᖢᒍ ᑎᑎᕋᖅᓯᒪᓂᓕᒃ 24 ᓄᓇᕗᒻᒥ ᐊᖏᕈᑎᒥ. ᓇᓗᓇᐃᒃᑯᑕᖅ ᐃᓄᖕᓄᑦ ᓇᖕᒥᓂᕆᔭᐅᔪᓄᑦ ᑐᓂᔭᐅᕙᒃᐳᖅ ᓇᖕᒥᓂᕆᔭᐅᔪᓄᑦ ᒪᓕᒃᑐᓄᑦ ᒪᓕᒋᐊᓕᖕᓂᒃ ᑎᑎᕋᖅᓯᒪᓂᓕᒃ 24−ᒥ.
ᑎᑎᕋᖅᓯᒪᓂᓕᒃ 24 ᐱᔭᕆᐊᖃᖅᑎᑦᑎᕗᖅ ᒐᕙᒪᑐᖃᒃᑯᓐᓂᒃ ᓄᓇᕗᒻᒥᓗ ᒐᕙᒪᒋᔭᐅᔪᓂᒃ ᐱᐅᓯᒋᐊᖅᑎᑦᑎᓗᑎᒃ ᐃᓚᐅᕙᖕᓂᖏᓐᓂᒃ ᐃᓄᐃᑦ ᓇᖕᒥᓂᖁᑎᖏᑦ ᑮᓇᐅᔭᓕᐅᕋᓱᖕᓂᕐᒧᑦ ᓄᓇᕗᒻᒥ, ᐱᐅᓯᒋᐊᖅᑎᑦᑎᓗᑎᒃ ᐊᔪᙱᓐᓂᕆᔭᐅᔪᓂᒃ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐱᓇᔪᖃᑕᐅᔪᓐᓇᕐᓗᑎᒃ ᒐᕙᒪᒃᑯᑦ ᑳᓐᑐᓛᒋᔭᖏᓐᓄᑦ, ᓴᐳᒻᒦᓗᑎᒡᓗ ᐃᖅᑲᓇᐃᔭᖅᑎᑦᑎᓂᕐᒥᒃ ᐃᓄᖕᓂᒃ ᑭᒡᒐᖅᑐᐃᓂᖃᑦᑎᐊᕐᓗᑎᒃ ᓄᓇᕗᒻᒥ ᐃᖅᑲᓇᐃᔭᖅᑎᒋᔭᐅᔪᓂ.
ᑭᓲᖕᒪᑦ "ᐃᓄᖕᓄᑦ ᓇᖕᒥᓂᕆᔭᐅᔪᖅ"?
"ᐃᓄᖕᓄᑦ ᓇᖕᒥᓂᕆᔭᐅᔪᖅ" ᑐᑭᖃᖅᐳᖅ ᑎᒥᐅᔪᖅ ᒪᓕᒃᑐᖅ ᒪᓕᒐᑎᒍᑦ ᐊᑐᖅᑕᐅᔭᕆᐊᓕᖕᓂᒃ ᑲᔪᓯᑎᑦᑎᓂᐊᕐᓗᓂ ᓇᖕᒥᓂᕆᔭᐅᔪᒥᒃ ᓄᓇᕘᒥ ᓄᓇᑖᕐᕕᐅᓯᒪᔪᒥ, ᐃᒪᐃᑦᑑᓪᓗᓂᓗ:
- ᓕᒥᑎᑦ ᑲᒻᐸᓂᐅᔪᑦ 51-ᐳᓴᒥᒃ ᑭᒡᓕᖃᖅᑐᒥᒃ ᑲᒻᐸᓂᐅᔫᑉ ᓂᕈᐊᕈᓐᓇᖅᑎᑕᐅᓪᓗᑎᒃ ᓇᖕᒥᓂᖃᖅᑎᐅᔾᔪᑎᖏᑦ ᐃᓄᖕᓄᑦ ᓇᖕᒥᓂᕆᔭᐅᓪᓗᑎᒃ;
- ᑯᐊᐸᒃᑯᑦ ᐊᐅᓚᑕᐅᓗᑎᒃ ᐃᓄᖕᓄᑦ; ᐅᕝᕙᓘᓐᓃᑦ
- ᐃᓅᓗᓂ ᓇᒻᒥᓂᖃᖅᑎᐅᓗᓂ ᐅᕝᕙᓘᓐᓃᑦ ᑲᑐᔾᔨᖃᑎᖃᕐᓗᓂ.
ᓇᖕᒥᓂᖃᕐᓂᕐᒧᑦ ᓇᓃᓐᓂᖏᑦ
ᐱᖓᓲᓕᖅᑲᖓᕗᑦ ᐃᓄᐃᑦ ᓇᖕᒥᓂᖁᑎᖏᑦ ᐃᓄᐃᑦ ᓇᖕᒥᓂᖁᑎᖏᑦ ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᕐᕕᖓᓂ:
- ᖁᑦᑎᖕᓂᖓ 1: 51%-75% ᐃᓄᖕᓂᑦ ᓇᖕᒥᓂᖃᕐᓂᖅ
- ᖁᑦᑎᖕᓂᖓ 2: 76%-99% ᐃᓄᖕᓂᑦ ᓇᖕᒥᓂᖃᕐᓂᖅ
- ᓇᓃᓐᓂᖓ 3: 100% ᐃᓄᖕᓂᑦ ᓇᖕᒥᓂᖁᑎᒋᔭᐅᔪᑦ
ᐱᕚᓪᓕᕈᑎᒃᓴᑦ ᐊᑎᓕᐅᖅᑕᐅᓂᕐᒧᑦ
ᓄᓇᕗᑦ ᑐᙵᕕᒃᑯᑦ ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᕐᕕᖓ ᐃᑲᔫᑎᐅᕗᖅ ᒐᕙᒪᓄᑦ ᐱᓕᕆᐊᒃᓴᖏᓐᓄᑦ ᒪᓕᖁᓪᓗᒋᑦ ᐅᖃᓕᒫᕐᕕᒃ 24 ᐊᑖᒍᑦ. ᐱᕚᓪᓕᕈᑕᐅᕙᒃᑐᑦ ᐅᑯᓂᖓ ᐃᓚᖃᖅᐳᑦ:
- ᓄᓇᕗᑦ ᒐᕙᒪᖓᑕ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ (NNI) ᒪᓕᒋᐊᓕᒃ ᐋᖅᑭᒃᓯᒪᓕᖅᑎᑦᑎᕗᖅ ᐱᔪᒥᒋᔭᐅᓂᖅᓴᐅᓇᔭᖅᑐᒥᒃ ᐊᑭᑦᑐᕋᐅᑎᓂᕐᒧᑦ ᐋᖅᑭᒋᐊᖅᑕᐅᔪᒥᒃ 5%−ᒥᒃ ᓇᓃᓐᓂᖓ 1 ᓇᖕᒥᓂᕆᔭᐅᔪᓄᑦ, 10% ᓇᓃᓐᓂᖓ 2, ᐊᒻᒪ 15% ᓇᓃᓐᓂᖓ 3 ᐃᓄᐃᑦ ᓇᖕᒥᓂᖁᑎᖏᑦ ᐊᑭᑦᑐᕋᐅᑕᐅᔪᓄᑦ ᒐᕙᒪᒃᑯᓐᓂ ᑳᓐᑐᓛᒋᔭᐅᔪᓄᑦ.
- ᑲᓇᑕᐅᑉ ᒐᕙᒪᒃᑯᖏᑦ ᑐᓴᕋᓱᖃᑦᑕᕆᐊᖃᖅᐳᑦ ᐊᑎᓕᐅᕐᕕᖕᓂᑦ ᑳᓐᑐᕌᒃᑖᖅᑎᑦᑎᓕᕌᖓᒥᒃ ᓄᓇᕘᑉ ᒥᒃᓵᓄᑦ.
- ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᑐᖅᑎᑦᑎᕙᒃᐳᑦ ᐃᓄᖕᓂᑦ ᐊᑭᑦᑐᕋᐅᑎᓂᕐᒧᑦ ᐱᔪᒥᒋᔭᐅᔪᒥᒃ 10%−ᒧᑦ ᑎᑭᖦᖢᒍ ᓇᖕᒥᓂᖅ ᑳᓐᑐᓛᒋᔭᒥᓄᑦ.
- ᐊᑐᖅᑐᐊᕐᕕᒃ ᑯᐊᐳᕇᓴᒃᑯᑦ ᐊᑐᖃᑦᑕᖅᑐᑦ ᐊᑎᓕᐅᕐᕕᒻᒥᑦ ᓇᓗᓇᐃᖅᓯᓂᕐᒧᑦ ᐱᔪᓐᓇᖅᑎᑕᐅᔪᓂᑦ ᐊᑐᖅᑐᐊᕐᓂᕐᒧᑦ ᐊᒻᒪ ᓇᒻᒥᓂᖅᑖᕆᓂᐊᕐᓗᒍ ᑮᓇᐅᔭᖃᖅᑎᑕᐅᓂᕐᒧᑦ.
- ᑭᕙᓪᓕᕐᒥ ᑕᐱᕇᑦ ᐱᕙᓪᓕᐊᑎᑦᑎᓂᕐᒧᑦ, ᑲᑭᕙᒃᑯᑦ ᑲᑐᔾᔨᖃᑎᒌᖏᑦ, ᐊᒻᒪᓗ ᕿᑎᕐᒥᐅᑦ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᖏᑦ ᐊᑐᖃᑦᑕᖅᑐᑦ ᐊᑎᓕᐅᕐᕕᒻᒥᒃ ᓇᓗᓇᐃᖅᓯᓪᓗᑎᒃ ᐱᔪᓐᓇᖅᑎᑕᐅᔪᓂᒃ ᑐᓂᕐᕈᓯᐊᓂᒃ ᐊᒻᒪᓗ ᐊᑐᖅᑐᐊᒐᕐᓂᒃ.
- ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᒻᒪ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᑦ ᐊᑐᓲᖑᕗᑦ ᐊᑎᓕᐅᖅᑕᐅᕝᕕᖕᒥ ᐅᓄᖅᓯᕚᓪᓕᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ, ᐱᓕᒻᒪᒃᓴᖅᑕᐅᓂᖏᑦ ᐊᒻᒪ ᓇᖕᒥᓂᖃᕐᓂᕐᒧᑦ ᐱᕕᒃᓴᑦ ᓄᓇᒥᒃ ᐊᑐᕐᓂᕐᒧᑦ ᓚᐃᓴᓐᓯᓂᒃ, ᐊᑐᖅᑐᐊᕈᑎᓂᒃ, ᓄᓇᒥ ᕿᓂᕐᓂᕐᒧᑦ ᐊᖏᖃᑎᒌᒍᑎᓂᒃ ᐊᒻᒪ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓄᑦ ᐃᑲᔫᖅᑕᐅᔾᔪᑎᒃᓴᖏᓄᓪᓗ ᐊᖏᕈᑦ.
ᑎᑎᖅᑲᑦ ᑎᑎᕋᕐᕕᒃᓴᓪᓗ
- ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᖅᑕᐅᖃᑕᐅᔪᒪᔾᔪᑎᒧᑦ ᑕᑕᑎᕆᐊᓕᒃ
- ᐊᕐᕌᒍᑕᒫᖅᓯᐅᑦ ᐱᓕᕆᔾᔪᑎᓄᑦ ᓄᑖᙳᕆᐊᖅᓯᒪᔪᑦ / ᓄᑖᙳᕆᐊᕈᑎᑦ ᑕᑕᑎᕆᐊᓕᒃ
- Inuit Firm Registry Policy
- Quick Guide on Inuit Firm Registration
ᕿᓂᕐᓗᒍ ᐊᑎᓕᐅᕐᕕᒃ
ᕿᓂᕈᒪᒍᕕᑦ ᑎᑎᕋᖅᑕᐅᓯᒪᔪᓂᒃ ᐃᓄᐃᑦ ᓇᖕᒥᓂᖁᑎᖏᓐᓂᒃ, ᐅᕗᙵᐅᓗᑎᑦ Inuit Firm Registry search ᑕᐃᑲᓂ ᑐᕌᖓᑎᑕᐅᔪᒥ ᐊᑎᓕᐅᕐᓂᕐᒧᑦ ᐃᑭᐊᖅᑭᕕᖕᒥ.
ᖃᐅᔨᒋᐊᕐᕕᒃᓴᖅ
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᓄᐃᑦ ᓇᒻᒥᓂᖁᑎᓖᑦ ᐊᑎᓕᐅᕐᕕᖓᓐᓂᑦ, ᖃᐅᔨᒋᐊᕐᕕᒋᓗᒍ:
ᐃᓄᐃᑦ ᓇᒻᒥᓂᖁᑎᒋᔭᐅᔪᑦ ᑎᑎᖅᑭᕆᔨ
ᐱᕙᓪᓕᐊᔪᓕᕆᔨᒃᑯᑦ ᐱᕚᓪᓕᕈᑎᒃᓴᖏᓐᓄᑦ ᐱᓕᕆᕝᕕᒃ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᕐᖐᓐᓈᖅᑕᐅᑦ: inuitfirm@tunngavik.com