Pink dwarf fireweed blooming along a shoreline, with sunlight sparkling on the water and buildings on the far shore under a cloudy sky.

ᐱᓕᕆᕝᕖᑦ

ᓄᓇᕗᑦ ᑐᙵᕕᒃ ᑎᒥᖓᑕ ᐱᓕᕆᕝᕖᑦ ᑲᒪᒋᔭᖃᓲᑦ ᑲᑐᔾᔨᖃᑎᒌᑉ ᐃᖅᑲᓇᐃᔭᖏᓐᓂᒃ ᐊᑐᓕᖅᑎᑦᑎᓪᓗᑎᑦ ᓄᓇᕗᑦ ᐊᖏᕈᑎᖓᓂᒃ, ᐊᐅᓚᑦᑎᓗᑎᑦ ᐱᓕᕆᐊᕐᓂᒃ ᐱᔨᑦᑎᕋᕈᑎᓂᓪᓗ, ᐃᑲᔪᖅᑐᐃᓪᓗᑎᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᐱᕚᓪᓕᕈᑎᔅᓴᖏᓐᓂᒃ, ᐊᒻᒪᓗ ᑭᒃᑯᑐᐃᓐᓇᕐᓂᒃ ᑐᑭᓯᒋᐊᕈᑎᓂᒃ ᑐᓴᐅᒪᑎᑦᑎᓲᑦ ᐃᓄᓐᓄᑦ, ᓄᓇᓕᓐᓄᑦ, ᐱᓕᕆᖃᑎᒋᔭᐅᓲᓄᑦ, ᐊᒻᒪᓗ ᒐᕙᒪᒃᑯᓐᓄᑦ.

ᐊᖓᔪᖅᑳᑉ ᑎᑎᕋᕐᕕᖓ

ᓯᕗᓕᖅᑎᓄᑦ ᒐᕙᒪᓕᕆᓂᕐᒧᑦ ᓯᕗᓕᖅᑎᐅᓲᑦ, ᑭᒃᑯᑐᐃᓐᓇᕐᓅᖓᔪᑦ, ᐊᒻᒪ ᑭᒡᒐᖅᑐᐃᓲᑦ ᑭᒡᒐᖅᑐᖅᖢᒋᑦ ᓄᓇᕗᒻᒥ ᐃᓄᐃᑦ.

ᐊᐅᓚᑦᑎᔨᒻᒪᕆᐅᑉ ᐊᒡᓚᕝᕕᐊ

ᐊᔪᕆᖅᓲᔾᔨᕙᒃᐳᖅ ᐆᒪᔪᓕᕆᓂᕐᒧᑦ ᐊᕙᑎᓕᕆᓂᕐᒧᓪᓗ, ᓄᓇᓕᕆᓂᕐᒧᑦ ᐊᑐᖅᑕᐅᔪᓐᓇᖅᑐᓄᓪᓗ, ᐃᓄᐃᓪᓗ ᐱᓕᕆᐊᒃᓴᖏᓐᓄᑦ ᐱᔨᑦᑎᕋᕐᕕᖏᓐᓄᓪᓗ ᐱᓕᕆᕝᕕᒋᔭᐅᔪᓄᑦ.

ᑐᓴᒐᒃᓴᓕᕆᔨᒃᑯᑦ

ᑲᒪᒋᔭᖃᖅᐸᒃᐳᖅ ᑕᒪᐃᓐᓂᑦᑎᐊᖅ ᓄᓇᕗᑦ ᑐᙵᕕᒃᑯᑦ ᑐᓴᐅᒪᑎᑦᑎᕙᖕᓂᖏᓐᓂᒃ, ᐱᕙᓪᓕᐊᔪᓕᕆᔨᓂᒃ, ᑐᑭᓕᐅᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᑐᓴᖅᑕᐅᔪᒃᓴᓄᓪᓗ ᐊᑐᖅᑕᐅᕙᒃᑐᓂᒃ.

ᑮᓇᐅᔭᓕᕆᓂᖅ

ᐊᐅᓚᑦᑎᕙᒡᓗᓂ ᑮᓇᐅᔭᓕᕆᓂᕐᒧᑦ ᐅᓂᒃᑳᓂᒃ, ᑮᓇᐅᔭᓕᕆᓂᕐᒥᒃ, ᑕᒻᒪᖅᓯᒪᔪᖅᓯᐅᕐᓂᕐᒥᒃ, ᐊᒻᒪ ᑮᓇᐅᔭᑦ ᐊᑐᖅᑐᒃᓴᓂᒃ ᐱᓕᕆᕙᓪᓕᐊᓂᕐᒥᒃ ᓄᓇᕗᑦ ᑐᙵᕕᒃᑯᑦ ᑲᒻᐸᓂᓕᕆᔨᖏᓐᓄᑦ.

ᐃᖅᑲᓇᐃᔭᖅᑐᓕᕆᔨᒃᑯᑦ

ᐱᕙᒌᔭᐃᕙᒃᐳᑦ ᐊᑐᓕᖅᑎᑦᑎᕙᒃᖢᑎᒡᓗ ᓄᓇᕗᑦ ᑐᙵᕕᒃᑯᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ ᐃᓚᖃᖅᖢᓂ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒥᒃ, ᐱᕚᓪᓕᕈᑕᐅᕙᒃᑐᓂᒃ, ᐱᓕᕆᐊᖃᕐᓂᕐᒧᑦ ᐊᐅᓚᑦᑎᕝᕕᖃᕐᓂᕐᒥᒃ, ᐃᖅᑲᓇᐃᔭᕐᕕᒋᔭᐅᔪᒥᓗ ᖃᓄᐃᙱᑦᑎᐊᕈᓐᓇᕐᓂᕐᒥᒃ.

ᐊᑐᓕᖅᑎᑕᐅᔪᑦ

ᓇᐅᑦᑎᖅᓱᖅᓯᕙᒃᐳᖅ ᐱᓕᕆᐊᖑᕙᓪᓕᐊᔪᓂᒃ ᓄᓇᑖᕐᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ ᓇᓗᙱᑦᑎᐊᕋᓱᒃᐸᒃᖢᓂᓗ ᓄᓇᕗᑦ ᑐᙵᕕᒃᑯᑦ ᐊᖑᒻᒪᑎᒐᓗᐊᕐᒪᖔᑕ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑕᐅᓯᒪᔪᒧᑦ ᐊᑐᓕᖅᑎᑦᑎᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ.

ᖃᕆᑕᐅᔭᓕᕆᔨᒃᑯᑦ ᐊᐅᓚᔾᔪᑎᖏᓪᓗ

ᐊᐅᓚᑦᑎᕙᒃᐳᖅ ᓄᓇᕗᑦ ᑐᙵᕕᒃᑯᑦ ᑐᓴᐅᒪᑎᑦᑎᓂᕐᒧᑦ ᐱᓕᕆᔾᔪᑕᐅᕙᒃᑐᓂᒃ, ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ, ᐱᓕᕆᔾᔪᑎᓄᓪᓗ ᐃᑲᔪᖅᑐᐃᓂᕐᒥᒃ ᑕᒪᐃᓐᓂᓕᒫᖅ ᐊᕕᒃᓯᒪᓂᕆᔭᐅᔪᓂ.

ᒐᕙᒪᓕᕆᔨᒃᑯᑦ

ᓯᕗᒃᑲᖅᑕᐃᔪᖅ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐃᓚᐅᓂᕆᔭᖓᓂᒃ ᐃᓄᐃᑦ ᑯᐃᓐ ᑭᒡᒐᖅᑐᖅᑎᖏᓐᓄᑦ ᐱᓕᕆᖃᑎᒌᑦ ᑲᑎᒪᔨᕋᓛᖏᓐᓂᒃ ᐊᒻᒪ ᒐᕙᒪᒥᐅᑕᐅᖃᑎᒌᑦ ᐱᓕᕆᖃᑎᒌᒃᐸᖕᓂᖏᓐᓂᒃ.

ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᓐᓄᑦ

ᓇᓗᓇᐃᖅᓯᓂᕐᒥᑦ ᐊᖏᖅᓯᒪᓂᐅᔪᓂᑦ ᑭᒡᒐᖅᑐᐃᓂᕐᒧᑦ ᖁᑦᓯᓐᓂᓕᓐᓂᑦ ᐃᓄᓐᓂᑦ ᐃᖅᑲᓇᐃᔭᖅᑎᑦᓯᓂᕐᒧᑦ ᓄᓇᕗᒻᒥ ᐊᑖᓂ ᑎᑎᕋᖅᓯᒪᔪᖅ 23.

ᓄᓇᐃᑦ ᐊᑐᖅᑐᒃᓴᓪᓗ

ᐅᔾᔨᕐᓇᖅᓯᑎᑦᑎᕙᒃᐳᖅ ᓴᐳᔾᔨᓯᒪᕙᒃᖢᓂᓗ ᐃᓄᐃᑦ ᐃᓱᒪᒋᔭᖏᓐᓂᒃ ᓄᓇᒥ ᐊᑐᖅᑕᐅᔪᓐᓇᖅᑐᓂᒡᓗ ᓄᓇᕗᒻᒥ.

ᒪᓕᒐᓕᕆᓂᕐᒧᑦ ᐱᔨᑦᑎᕋᖅᑎᑦ

ᒪᓕᒐᕐᓂᒃ ᖃᐅᔨᓴᓲᑦ, ᐅᖃᐅᔾᔨᒋᐊᖅᐸᒃᖢᑎᒃ, ᐃᑲᔪᖅᑐᐃᕙᒃᖢᑎᒡᓗ ᓄᓇᕗᒻᒥ ᐊᖏᕈᑎᑦ ᑐᑭᖏᓐᓂᒃ, ᐃᖅᑲᖅᑐᐃᕕᒃᑰᖅᑎᑦᑎᓂᕐᒥᒃ, ᐊᒻᒪ ᒪᓕᒋᐊᓕᖕᓂᒃ ᐱᔾᔪᑎᓕᖕᓂᒃ.

ᑕᕆᐅᕐᒥᐅᑕᑦ

ᐊᑐᓕᖅᑎᑦᑎᔪᑦ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᔾᔪᑕᐅᓂᐊᖅᑐᒥᒃ ᑕᐅᑐᒐᖃᓪᓗᐊᑕᖅᑐᓂᒃ ᐱᐅᖅᓱᐊᕐᓂᕐᒥᒃ, ᑲᔪᓰᓐᓇᕈᓐᓇᖅᑐᓂᒃ ᐱᕙᓪᓕᐊᑎᑦᑎᓂᕐᒥᒃ, ᐊᒻᒪ ᐊᐅᓪᓚᖅᑎᑦᑎᓂᕐᒥᒃ ᓄᓇᕗᒻᒥ ᐃᒪᖁᑎᖏᓐᓂᒃ.

ᓇᖕᒥᓂᖅᓱᕈᓐᓇᕐᓂᖅ

ᖃᐅᔨᓇᓱᒡᓗᑎᒃ ᐱᔾᔪᑕᐅᔪᓂᒃ ᐊᒻᒪ ᐱᓕᕆᐊᖑᖔᕈᓐᓇᖅᑐᓂᒃ ᐊᒃᑐᐊᓂᓕᖕᓂᒃ ᐃᓄᐃᑦ ᓇᖕᒥᓂᖅᓱᕈᓐᓇᕐᓂᖏᓐᓂᒃ, ᐅᑯᓂᖓᓗ ᓇᖕᒥᓂᖅ ᒐᕙᒪᖃᕐᓂᕐᒧᑦ ᐊᖏᖃᑎᒌᒍᑎᓂᒃ.

ᐆᒪᔪᓕᕆᓂᖅ ᐊᕙᑎᓕᕆᓂᕐᓗ

ᐅᖃᐅᔾᔪᐃᕙᒃᐳᖅ ᐃᓄᐃᑦ ᐆᒪᔪᓂᒃ ᐊᖑᓇᓱᒍᓐᓇᕐᓂᕐᒧᑦ ᐱᔪᓐᓇᐅᑎᒋᔭᐅᔪᓂᒃ ᐆᒪᔪᓂᒡᓗ ᐊᐅᓚᑦᑎᕝᕕᖃᖅᐸᖕᓂᕐᒥᒃ ᑎᑎᕋᖅᓯᒪᓂᓕᒃ 5 ᐊᑖᒍᑦ.