ARTICLE 34

ENGILGAAT ELITKOHIT HANAUYAKHIMAYUT ENGILGAAKNITTATLU TITEKKAKOTIT

HUNAUTJUHIIT NAUNAIGOTAITLU

34.1.1 Umani Nakataani:

“engilgaaknittat hanauyat” tukikaktut hunatlikaak hanahimayut, ihuakhaktau­ himayut, atoktauhimayut inungmit katitektauplutiklu titigaktauhimaplutiklu naunaigotauyaanginni kauyihautauyaanginnilu inuup elitkohianik;

“engilgaaknittat titekkakotit” tukikaktut hatkektauhimangittut uvvalunnit atjik­ kutaungittut titigaktautkunnaktut taima kauyi hautauyungnaghutik hivuniptingnik kanugetpakhimaninginnik.

34.1.2 Umani Nakatani tukingit ihuilitjutigiyakhaungittut Nakatanut 33-mi.

34.1.3 Umani Nakatani imakmiutat pikahiotihimaniaktut.

HUNATLIKAAK

34.2.1 Naliit engilgaaknitaligenikmut piligeyakhat Nunavutmi aulatitauyut Kavamanit talvani Nakatani 23-mi.

ENGILGAAKNITT AT HANAUYAT

34.3.1 Kanatami Engilgaaknitakagvik Inuhiligenekmut tapkuatlu naliit nunattiap kava­ mainni engilgaaknittanut katiteghilekpaktut pinahuanginnagpaktukhauyut atok­ tittillaklutik amihunik engilaaknittanik hanauyakhimayunik Nunavutmi Engil­ gaaknittanik Tigumiaktinut.

34.3.2 Tapkuat Engilgaaknittanik Tigumiaktit atugomakpata naliinnik engilgaaknittanik pihimayauyunik pitjutilingniklunnit Nunavutmi Nunakotinginnut, pihimayaukpata kavamatukagnit nunattiaplu kavamainnit katiteghilekpaktunit, tapkunangalu Kanatami Engilgaaknitakagvik Inuhiligenekmut, Kanatami Engilgaaknittanik Titekkakotikagvik tapkuatlu Kanatami Kipingoikhegviligeyit tapkuatlunnit nunattiap kavamait kivgaktoktiit, tamna atogomatjutat kengiyaulimaittok kihianik imaitpat:

(a) tapkuat Engilgaaknitakagviit munagelimaitpatjuk hanauyak huungektitlugu ahigoklugulunit, iglup panekninganun talvalu kukiktaunginnageakakkat tunihilimai ttut;

(b) tapkuat Engilgaaknittakagviit tautunnaktilimaitpatjuk tamna hanauyak kit­ kunnullikaak kauyihaktinutlunnitlu;

(c) engilgaaknitakagviit atoktilimaitpatjuk tamna hanauyak ilaa ukaghimaniata kanogennikhaatalunnit ayoknagniakkat tapkunanga kavamatkuungittunit;

(d) tapkuat Kanatami Engilgaaknitakagvik Inuhiligenekmut, Kanatami Engil­ gaaknittanik Titekkakotikagvik tapkuatlu Kanatami Kipingoikhegviligeyit tapkuatlunnit nunattiap kavamait kivgaktoktiit piyumakpatjuk hanauyak:

(i) inmik piligetjutinmingnut kongeaktitlugu kauyihautigilugulunnit, uvvalunnit,

(ii) tamna pikotiuyok atjikkutakangitpat;

(e) pitukauhiata aulapkalimaitpagu; uvvalunnit

(f) pikotauyok hivuatigut atoktitauhimakpat, pihimakpagulunnit atlap tapku- angungittut kavamatukait nunattiap kavamaitalunnit.

34.3.3 Tapkuat kivgaktugviit ukautauhimayut Nalaani 34.3.2-mi malikpagu piyumayaat Engilgaaknitakagviit, tapkuat kivgaktugviit piinnageakaktut ukauhikaglugit kanugennikaglugitlunnit malikhugit ayungittut havakviuvaktutlunnit atokhimayait, tapkuatlu ukauhiuvaktut kanugenniliukhimayutlunnit hivitunikhaanut nutkagvikhaanutlu atokniata taffuma pikotip.

34.3.4 Tapkuat Engilgaaknitakagviit atugomagumikkut tamna pikoti ukautauhimayok Na­ laani 34.3.2-mi, kihimi tamna pikoti atlamut atoktitauhimannekkat tapkununga­ ungittok kavamatukagnut nunattiap kavamainnutlunnit, Engilgaaknitakagviit hivulli-utiniaktut atlanit inungnut atoktitaulutik taffuminga pikotimik ukautau­ himayumik, maliklugit naliit ukautauhimayut Nalaaniittuk 34.3.2 talvanilu 34.3.3- mi.

ENGILGAAKNITTAT TITEKKAKOTIT

34.4.1 Tapkuat Engilgaaknitakagviit atugomakpagit engilgaaknittat titekkakotit pitjutiliit Nunavutmut kongeaktinnahuaklugit takughaupkaktitlugitlunnit, talvalunnit at­ jikkutait engilgaaknittat titekkakotit kauyihautaulugit ilihautaulugitlunnit, tap­ kunanga Kanatami Engilgaaknitakagvik Inuhiligenekmut, Kanatami Engilgaaknit­ tanik Titekkakotikagvik tapkuatlu Kanatami Kipingoikhegviligeyit tapkuatlunnit nunattiap kavamait kivgaktoktiinnit, tapkuat tughektauyut munageyauniaktut tughegotait atlakkiutingillugit naliinnit engilgaaknitakagvingnit.