ARTICLE 14

HAMLET-KUT NUNAOTAIT

ELANGA l: NAONAIPKOTIT

14.1.1 Oma nanlani okaotyokhimayok ovani Nakatami hapggoat taigoakhat atoktaovag­ niaktot ovalo tokikaohiitlo okaotiginiaktait ovani:

“Hamlet-kut Nunaotait” tokikaktok ima tamaita nunat iloani Hamlet-kut titikniani kihimi:

(a) Inuit nanminiktakhimayait iloani Hamlet-kut titikniani;

(b) Gavamat nanminiktakhimaayait iloani Hamlet-kut titikniani hapgoat:

(i) imavalokakviit,

(ii) 100 feet takitigiyok nunna atlaktikota tahamaga tagiop hinanit ovalonit tahamanga hinanit hapgoat tattiit ovalo kookat iloani hapgoat Hamletkut titikniita ovalo tikpangot tigilogo. Ona 100 feet takitigiyok pityotiginaktait hapgononga kookanot ovalo tatiinot iloani Hamlet-kut titiknianot ila Inuit ingikayakotigiyakakmatyot kayakot.

(iii) nunat ilitagiyaoyot ovani titikami atikaktok ima Nahokiakaktait Kanatap Gavamaita Nunaotait hapgoat ilaoyot nunaat tedja atoktoghat ovalonit hivoniptini hapgononga Gavamat iglooghainik ovalonit hanavighainik, ovalo

(iv) Nunaat tigoyaoyot Gavamatkonit ona Angikgot iniktaotakak;

(c) Nunaat nanminiktaktaohimayot kitoniitlikak atlaanit Gavamaongitonit ovaloniit Hamlet-koniongitok;

(d) oyakakakviit,oyakaat, oyakaliangongitot, hiogaongitot ovaloniit atlaat hanal­ gotighat.

HAMLET-KOLIOKHIMALIKTOT

14.2.1 Oma nalani okaotikaktok ovani Oigoani 14-1 atilioktaohimayot tamaita nunaat iloani Nunavut-mi toniyaohimayot Hamlet-lioktaotyotighamiknik ona Angikotao­ himayok iniktaotaktinago.

HAMLET-KONOT NOTOGHAT

14.3.1 Oma nalani okaotikaktok kilaminoak ovalo pingahot okiot kangiktinagit ona in­ ikkat Angikotaohimayok, hapkoat Hamlet-kut nunaotait iloani igloot akongani homilikak Hamlet-mi toniyaohongoyot okononga Hamlet-kot Corporation-kanot nanminikiliklogit. Okoat igloot akongani tiliyaohongoyot homilikak iglooiok­ himayot, monakhikakviit, ilihakviit, ovalo hapgoat nunaat atoktaoyot kovikakviit, anaktaotiit akyaktakviit,imiktakviitlo, ilolikviitlo hapkoalo ohyakaliat, hiokaliatlo, atlatlo ohyakat hanatyotaovaktot. Okoat Nunatiap Gavamaita monakihongoyait hanalogit akiliktoilotiklo ihivgiokotikhainik hapgoat igoolokakvikhat kilamioka­ hoaklotik .

14.3.2 Oma nalani okaotikaktok kangikat okoat Hamlet-kut Corporation-gat toniyaotakata Hamlet-kut nunaotainik igloot akongani Hamlet-gani, atani nalani 14.3.1, okoat Hamlet Corporation-kut apikhinakiakalikhongoyot Kamiksinamit tonikologit hap­ goat avalikhimayot Hamlet-kut nunaotigaloangit hilatani havoma nunaap iglooliok­ taohimayop ihivgioktaoyakikhimayop.

14.3.3 Oma nalani okaotikaktok ilaotyotigilogit hapgoat nunaat toniyaohimayot Hamlet­ kut Corporation-ganot nalani 14.3. l ovalonit 14.3.2, okoat Hamlet-kut Corporationgat piyakiakaktot tonikhihimalotik alaat nanminiktakomakpata akohokpata tatvanga oploanit Kamiksina tonihititlogo nunaanik Hamlet-kut Corporation-kanot. Tatva okoak Kamiksina ovalonit Gavamatkotlonit atoktitigomik nunanik maliliokotigivlogo ovalonit ohyakakhioktot nanminiktakhimakpata ovalonit atoktititpata, hapkoat aolapkakaolaitot kitonotlikak okoat Hamlet-kut Corporation-gat nanminikalikaloaktitlogit.

MONAGIY AOYOKHAT HAMLATKOT NUNAOTAIT

14.4.1 Talvani eniktomi nunataaknikmi Anggigotmi, tamaita Hamlatkot Nunaotait, tamna nunat atoktaoyomayot akiliktaolotik okaotaohimangittot Hamlatkonot nunani, monagiyaoniaktot pihimaniaktaitlo Kamisinap atoktiniaktait ovalo ekayutaoniak­ mata hamlanot.

14.4.2 Kamisinak nutaanik eliogailimaitok naliak tonikhailimaitok piomayaoyonik inuit nunaotaitnik Hamlatkot nunani apigiagiikhimaltomik titigakvigihimaitomik Hamlatkot nunai, koyaginalimaitoklo nunanik naliak.

14.4.3 Ovanionggitok Nalaani 14.4.1 ovanilo 14.4.2-mi, hapkoa eniktomi nunataaknikmi Anggigotmi, ovalo apigiglaktinnagit Hamlatkot, Kamisinak nuutigiakaktok monagitjutaitnik pihimajutaitnik Hamlatkot Nunaotaitnik Ministamot, havaktianot, ekayoktianot Kanatap Kavamaitni kihime emailioktokhak hapkoatigot,

(a) anggikhimakpgo Hamlatkot, titigaitigot kanoktotlo; naliak

(b) akianik nunap akilikhiokhak Hamlatkonot, ema tamna nuna piyaotaokkat kavamanit ajikotaatigot,ovalo nunamik tonihigomi alanot nuna Hamlatkot Nunaotigihoiktat.

MONAKITYOTIKHAIT 100 FEET TAKITIGIYOP

14.5.1 Oma nalani okaotikaktok oma Kamiksinap atangoktoihongoyait ovalo monagilogit hapkoat nunaat iloani 100 feet takitigiyop, ovani nalani 14.1.1(b) (ii) kihimi ona 100 feet tagitigiyok atokaoyakaktot omaangainak Hamlet-konit kanoklikak ikayok­ hiotiginahoaklogo.

14.5.2 Oma nalani okaotikaktok titikniktokiakakmago Kamiksinap hamna nunna iloani 100 feet tagitigiyok. Kamiksina imailiolaitok:

(a) manikhitigilogo ovaloniit tonilogo ilanga ovalonit tamaat hamna 100 feet tagitigiyok ovani 14.1.1 (b) (ii) nunna atlanot timimot ovalonit Inuknot nan­ miniktaakologit; ovalonit

(b) akiliktoipkakloni manikhiotigiloitait ovaonit atlanik maniliokotikhamik hanalaitok ilangani ovalonnit tamaini oma 100 feet tagitigiyop nunaap okaotaoyok ovani 14.1.1 (b) (ii) pityotigihimaitomik titikamik titikihimaitomik apikotikhamik okonanga Hamlet-kut Corporation-ganit.

14.5.3 Oma nalani okaotikakok , pityotigingitkaloaklogit okoat okaohiit ovani Nalani 14.5.1.ovalo 14.5.2, Oma Kamiksinap tonilaaktait hapgoat atangoktoiyani ovalo monakityotait havoma 100 feet tagitigiyop nunnap kitonotlikak Ministonot ovalonit atlanot Gavamat timinot ovalonit kivgaktoktinot kihiani:

(a) Okoat Hamlet-kut Corporation-gat angikhimakpata, ovalonit

(b) Oma Kamiksinap akilikpagit okoat Hamlet-kut Corporation-gat atyikotanik manikmik imakak akhaktoinahoaliktomik nunamik ima malikaliokhimayoni atikaktok ima akhaktoiyok alaat nunaotainik.

imakaak ona 100 feet tagitigiyok nunna toniyaokpat, pityotigiyaoyakakoiktok ataniktoktaoloni ovalonit monakiyaoyakakoikhongoyok atoktaoni ovalonit mani­ liokotaononilonit kitonitlikak Hamlet-konit.

HAMLET-KUT TITIKNIKHAIT

14.6.1 Oma nalani okaotikaktok honakagitok ovani Nakatami notkaotigilimaitat havoma Hamlet-kut titikniata atlangoktaonahoakomi ovalonit titiknikhak notagoktaolaitok notagoktaonahoakat Hamlet-hak ona iniktakat Angikotaoyok. Ona atlangoktaokpat titiknik ovaloniit titiknikgoktaonahoakat nottak Hamlet-hak pityotaonahoalaitok 1ma:

(a) atlangoktaolaitok nanminiktakota havoma nunnat;

(b) tiliyaologit Inuit nanminiktakhimayait nunnat apikitkaktinagit titikaklotik DIOkonit; ovalonit

(c) apikotigilogo ona iniktakhimayok Angikotaoyok atlangokahoaklogo.

14.6.2 Oma nalani okaohiikiya honalikak ilaoyakiakaktok ovani natlangoktaonahoakat titiknik ovalonit titiknikhak notamot Hamlet-hamot. Ona okaohikaktot hamna titiknik tapapkikiakaktait nunaat ihakiatingitangini oplomi ovalo hivonikmi nunak­ haitik Hamlet-kut hapgoatlo :

(a) kaoyimanahoaklogit agitlivatliatyohiit Nunaat ;

(b) Nunani imiktakviit;

(c) kovikakviit;

(d) atoktaovaktot hapgoat ohyakaliat, hiokaat, ovalo atlat ohyakaat ovalo ig­ loolioknikot hanatgotighat homilikak nunani;

(e) aolayot ovalo hivonikmi nunani ingitkatyotighat ovalo tohakotighalikinikot ingitkaayaghait;

(f) nunani tinmiat mikvikhait ovalo omiakakvikhaitlo;

(g) nalonaiktaohimayot kangiktailityotighat akongani igoolioktaoyop nunaap havomalo atoktaongitop nunaap monakitiagiangitni pivaatlianikit;

(h) ohlapkivikakviit ovalo atlaatlo nunaat atoktaovaktot nunakaktonit tamaat ovalonit aipagotoakgangat ovalo pityotikaklotik nunaotaini pivat­ liatyotighaginiaktait; ovalo

(i) nunaat iloakiyaoyot kitonotlikak nunanot ovalo pityotaoyakaktot aolapkakahoaklogit ihomagiyatik.

PINAKIALAKIYAIT NUNAAT ATOKTAOHOIKTOT KAVAMATKONIT

14.7.1 Oma nalani okaotikaktok ona Angikotaohhimayok iniktakat, imaakak Gavamat ihomaliokotigomik hamna nunna nanminikiyat iloani havoma Hamlet-kut titikniani atoktaonahoakoikata, ovalo okoat Gavamat tonikhigomik ima “atokaongitonik”, tatvanga Gavamat tonihongoyak hamna nunna Hamlet-kut Corporation-ganot mikiyomik manikhitigilogo.

AVATKOTAILITYOTIGHAIT NANMINIKTAKGOMAYOT HAMLET-KUT NUNAINIK

14.8.1 Oma nalani pityotigitkoyait okoat Nunatiap Gavamaitnot nigoakoilotik tamaini Hamlet-koni kagogolikak akongani ataohiip ovalo malgok okiot natpata ona An­ gikotaohimaliktok iniktaotakhimalikat.Ona nigoakotaotkoiyok tamaini Hamletkut nigoaktiita ihomaliokiakakmata pitkoigomik pitkoiningitkomiklonit Hamlet-kut nunaotait manikhitiginahoaklogit ovalonit tonivitlogitlonit.

14.8.2 Oma nalani okaotikaktok imakak amikaiknikhaoyot nigoaktot ihomaliokomik pit­ kongitlogit Hamlet-kut Corporation-gat manikhitiginaahoaklogo nunatik ovalonit tonivitlogit, taimaitpat Hamlet-kut Corporation-gat niovgotigilaitat nunnat ovvalo himaohiktilaitat ovalonit akilikotiginahoalaitat nunnat

(a) kangiktinago 99 okiot; ovalonit

(b) piyotiginahoaklogo tonityotighait ovalonit akiliktoityotighait pigiaktinago 99 okiot hivoniani.

14.8.3 Oma nalani okaotikakok pigiaktinago nigoakotaonahoak, okaot maligaghat nalani 14.8.2 pityotaoyakaktot Hamlet-kut nunainot.

14.8.4 Oma nalani okaotikaktok imakak kitolikak nunna nigoakat manikhitigiyomangit­ logo ovalonit toniyomangitkomiko nunaotitik tatva 20 okiot natpata nigoaktak­ titlogit ovalonit kanikaloaklogo 20 okiot, nigoakfanginakgiatgit ihomamiknik on­ gavakomagomiko ona ihoigiyaoyok.

14.8.5 Oma nalani okaotikaktok imakak pitakangitpat Hamlet-kut hivoniotighainik, okaot Hamlet-kut Corporation-gat ihomakholaitot notagoktiginaloaklotik pivakliatyotighanik (oktotigilogo: akiliktoktitlogit nunamik atoktot, nunaap atokotiknanik pikakomi) tahamani nunami ovalonit igoolikahoaklotik tahamani nunami apikhitkaktinatik titikilogo Kamiksina.

TATYAKAFOK NOTYOTIGHAT MONAKITYOTTIGHAT

14.9.1 Oma nalani okaotikakot okoat Hamlet-kut Corporation-gat saininakiakaktot an­ gikotmik Kamiksinalo tonilogo Kamiksina ihomaliokotighanik monakilikiangani ilanginik ovalonit tamainik Hamlet-kut nunaotainik tedjakavok.

IKHINAKTAOHIMAYOT HAMLET-KOHIMY AYOGALONIT

14.10.1 Oma nalani okaotikaktok imaakak naliaklikak Hamlet-kut Corporation-gat aolayonaikomik ovalo okoat hamlet-kut nunaotait ikhinaktaokpata ovalo Gavamatkut ivakiagigitpatyok hapgoat Hamlet-kut nunaotigaloangit, tatvanga okoat DIOkut hivoniokiakaktot piyomagomiko hapgoat nunaat. Ima tokikakniaktok hivonioktikakhimaitomik atlanit tiiminit, katimayiitnit ovalonit inuknit, okoat DIO-kut

(a) niovinakiakaktait nunaat; ovalonit

(b) imakak okoat DIO-kuthimmaohikniaktait Inuit nanminik nunaotait atyi­ kotagiyainik hapgoat Hamet-kut nunaotainik ovalo okoat Gavamatkot ova­ lo DIO-kut angikotikalaitpata hapgoninga nunanik himikotikhanik,tatvona ona aivatyotaoyok ihoakhiyaohongoyok tatvona Nakatakmi 38- angiktitainahoaktitkot.

AKHAKTOINIK HAMLET-KUT NUNAOTAINIK

14.11.1 Oma nalani okaotikaktok hapgoat maligaliokhimayot tonikhihimayot Gavamanot ovalonit atlanot timimnot tigoinakiakaktait nunaat nanminikingitatik akhaklogit hapgoat nanminikaktot himikhilotik manikmik pityotigilogit hapgoat Hamlet-kut nunaotait.

NOTANGOKTIKIYOT HAMLET-KUT

14.12.1 Oma nalani okaotikaktok ona Nakatak, kihimi nalani 14.2.1 pityotigiyaoyokhak Hamlet-not inikikhimayonot ona Angikotaohimayok iniktaktitlogo ovalo pityotigilogo atanmat tatvona Angikotaohimayomaot kaoyimayaoyokhak ona tat­ kikhiota kitolikak Hamlet-kut aolakotaohimaninga Angikot inikhimaliktitlogo, ona tatikhiota tiliyaohongoyok tatvonga tatikhiotanot inikotata oma Angikotaohimayop.

AOLAYOT HAMLET-KOKHIMALIKTOT

(Nalaani 14.2.1)

IKPIARJUK

QIKIQTARJUAQ

KINGAIT

KANGGIQIUGAAPIK

SANIRAJAK

AUSUITTUQ

IGLULIK

IQALUIT

KIMMIRUT

PANGNIQTUUQ

MITTIMATALIK

QAUSUITTUQ

SANIKILUAQ

ARVIAT

QAMANI”TUAQ

IGLULIGAARJUK

SALIIT

KANGIQTINIQ

NAUJAAT

TIKRARJUAQ

IKALUKTUTIAK

KUGLUKTUK

ARVILLIKYOAK

TALOKYOAK

Sorry, this entry is only available in English and ᐃᓄᑦᑎᑐᑦ.