ARTICLE 11
NUNAP ATOKTAONIGHAGOT PIYAGEYAOTIT
PIYOMAJOTIT
11.1.1 Nunavunmi opalongaiyainighakot ehoaghaiyit (NPC-kot) piyaohinnaktinnagit, nunap atohighaagot piyageyainighak ehoaghaktaovakniaktot atoklogo ona July 28, 1983-gotilogo kanoklika angikatigegotaohimayok nunap atohighata mighaagot opalongai-yaotaoyok Nunatiami atoklogit alanggotaoniagonaghiyot angikatigegotaoplotik Tungavitkonnitlo kavamanitlo .
11.1.2 Omani Nakatani titigakhimayomi okaghimayok:
“nuna” pikahiotihimayut emaklo nunamilo atoktaghat angotighallo tamatkio mayut.
11.1.3 Naliat Kavamat havakveta monaginiaktait eliogaktaoyot nunap atohighaago opalongaiyaotaoyot namagiyaokpata okaghimangmat titikami nalani 11.5.9-mi.
11.1.4 Ona titigak pihimayok tamainot nunamotlo emangmiotanotlo nunavutmik nunataagonahoaktomi ovalo hikoiyoilgot pikahiotihimayot.
OPALONGAIY AOTIGHAT, MALIGAKHATLO, PILGAKTAGHALO, OKTOGAKHALO
11.2.1 Hapkoa pitjotaoyoghat hivonniogotaoniaktot pivaliajotighanot, opalonggaiyak nikotlo maligoakhano, hivoliotiyaghanotlo, ovalo oktotighanot:
(a) Inuit hilaktik elagikmajot ovalo enohikmikot elitkohiktilo kanok manighiotigiplogo atokmajok, taimaa elaoloaktoghat nunap atohighaagot kanok piyageyagahoagaikpata aolanighaagot;
(b) nunap atoktaonighaata mighaagot opalongaiyaotaoyot pihimalakiyot Nunavutmi pivaaliktinnahoakoplogo ovalo amigiyaoyaagani ovalo inuinait enoohet nunavut nunalaaginni tatja hivonighaptingnilo, taimailioklota ehomagiyaoniaktogot tamainit Kanatami inungnut Inuit nunaani nanminik hivonighaptingni;
(c) opalonggaiyaotaoyot imaa inniaktot pihimanahoaklotik nunap atohighaagot piyageyaotaoyot pilgaaktaghanot atayaaginni ovalo inungnut nunakaktonot opalongaiyaktaoyoni nunam aviktoghimayoni pihimayaagani;
(d) angmaomalogo opalongaiyainik pihimagomi imaa inuit pikataovakniaktot ovalo inungnut ekayotaoniakmat alanotlo tahapkona mihigimanakniakmat nunap atohighaagot opalonggaiyaotaoyot imaa elaolotik inuit pikataovagiaginni, ovalo enighimayonot naonaigotighanik tohakpagiaginni ehoaktonik talvalo havaghakhiotigilogolo elihaotigilogogo nunalingnot pihimavagiagani;
(e) piyageyaotaoyot ekayotaolotik pihimaniaktot nunamik monaghinighakot pivaliajotaoyoghaniklo nunap atohighaagot;
(f) opalogaiyainik pihimaniaktok imaa ehoakgihimatiagiagani naliomatiloni alanot piyageyaotaoyonot tahapkonoga kanogilivalianighakot takoogotaoyonik okaghimayok titikami Nakataani 12-mi, ovalo;
(g) opalonggaiyaknighak ehoaktomik aolaniakat, Inuitlo Kavamatlo pikatigetiaklotik havagiakaktok.
11.2.2 Opalogaiyainighakot oktoklogit pinahoakniaktait imaa:
(a) eniktigilotik piyageyaknighakot maligaghanik ovalo oktotaoyoghanik pinahoaknikot ehomagilogolo monaghinighak nunamik ovalo nunap atok taonighaagot Nunavutmi
(b) maalogo okaghimajohia (a-mi) piyageyaotaoyot nunap atoktaonighaagot ovalo naotiktoghimalogit atotaoyot ovalo pivaahotaoyot nunamiotatigot Nunavunmi, ovalo
(c) atoligiaginni nunap atoktaonighaagot opalongaiyaotaoyot.
11.2.3 Eniktigilikat opalonggaiyainikot maligaghanik, hivoliotiyoghaniklo, pma hoaknikotlo oktotighanik ima inniaktot:
(a) manighiotighatigot evagiagiyaoyot
(b) nunalingni evagiagiyaoyot imaa eklotigot, anniaktoliginikotlo, elinniak toligin ikot lo, ayoghakto l ig i nikotlo , aolayaagoti tigotlo, tohakataotighatigotlo, aolavighatigotlo, aolayaaknikot, ovalonet tohaktitinighakotlonet
(c) elitkohiktigotlo, pitloaktaghatigotlo
(d) hilamik monaghinighakot, ovalo pihimalotik amighinigha aolatailinahoaklogit angotighat, ovalo
(e) ekomajotighanotlo evagiagiyaoyot ovalo homit pivakniakmagaagita, kanoklo.
NUNAP ATOHIGHAGOT PIYAGEYAKHIMAYOK
11.3 l Nunap atohighagot piyageyakhimayok makpigaak titigakhimayok naonaiyak himayonik nalaanetoniklo, oigoiniklo, nakatainiklo, ovalo nunaoyanik pihimaploni hivonniogotaoyogha hivikitomiklonet, hivitoyomiklonet pivaliajotaoyoghanik, ehomaghakhiotigiplogit atoktoghat hapkoa:
(a) Inuit amiktilaagitigot naonaiyaotit.
(b) nunamiotatigot kanoklo atoktaovagiakhainik.
(c) manighiotighatigot evagiagiyaoyot.
(d) aolayaaknikotlo tohakataotitigotlo atoktaovaktot aolavetigotlo, aolayaagotao yot, ovalonet tohaktitijotaovaktot, imaa okaotitigotlonet, apkotitigotlonet.
(e) ekomajotighanotlo evagiagiyaoyot ovalo homit pivakniakmagaagita, kanoklo.
(f) nunalingni evagiagiyaoyot imaa eklotigot, anniaktoliginikotlo, elinniak toliginikotlo, ayoghaktoliginikotlo.
(g) nunap mighaagot ehomalotaoyot pilogit totkomayaoyot nunat, monagiyaoyotlo, talvalo nikyotikangnigit.
(h) elitkohitokaktigotlo atoktaovakhimayot pitloaktaghalo, hapkoa aolatailinig haitigotlo engilgaat nayogaovakhimayot ovalo enoilakmiovioplotik nunagi yaoyot angonahoakvioplotik.
(i) nunalaatigot aviktoghimayotigotlo nunani ehomagiyaoloaktoghak.
11.3.2 Nunap atohighaagot piyageyakhimayok amigiyaoyaagani ovalo pivaaliotaoyaagani tatja inungnut kingolikhaptingnotlo nunalingni nunavutmi nunataagoyomi ovalo ehornagilogit tarnaita kaniliat talvalo rnonagiyaoyaaginni kanoklo nuna pinneyak taohirnakpat hanakiyaovagiagani Nunavutrni.
11.3.3 Nunap atohighaagot piyageyaotaoyot naonaiyatiakhirnayot kanok inniakrnagaak.
NUNA VUNMI PIYAGEYAINIGHAKOT EHOAGHAIYIT (NPC-KOT)
11.4.1 Angikatigegotaoyokot NPC-KOT piyaoniaktot katitaolotik talvalo hapkoa havaaginiaktait rnonagilogit:
(a) atogakhanik opalongaiyainighakot ehoaghailotik ,pinahoaktatigotlo okotigha nik nunavut Kavarnaghaitigot;
(b) enighilotiklo nunap atohighaagot piyagekhirnayonik okaotigitiaklogo kanok nunarniotatigot atoktaonighaata ovalo eniktiklogo nunavut rnaliklogo titigak hirnayok nakataani 11;
(c) havaagilogit piyaonahoakhirnayot angikatigegotaoyorni ovalo rnaliklogit okaghirnayot titikarni nalaani 11.2.1-rni talvalo aolanighat okagektaohirnayot Kavamanit ovalo 010-konnit.
11.4.2 Nunavut opalonggaiyainikot piyageyakteta titigakviloaghaat Nunavutrni inniaktok .
11.4.3 Kavamat akiliktoktaghagiyait NPC-kot. Talvalo NPC-kot ehoaghaivaktoghaoyot rnaningnik okiokot atogaghanik ovalo takooktaolotik piyaovakniaktot kavarnanik narnagiyaolotiklo ehoakata.
11.4.4 Angikatigegotaoyomi okagekhimayok NPC-kot hapkoa havaginiaktait.
(a) naonaikhirnalogit nunat naliani piyageyakhimayot;
(b) naonaiyatiaklogit kanok opalongaiyaotiginahoaktatik ovalo nalianot atokniakmagaagita nunani oktotiginahoaktaktik pinahoaktatiklo;
(c) pikataolotiklo naotiktoiligaikpata piavaliajotighatigot okioktaktorni ernangmiotaliginikot pikoyalioktilogit;
(d) tohagoghatlo naonaigotighallo hakyaikhimalogit;
(e) ovalo nunalet Katimayelo inuitlo nunalaani apighokpaklogit opalong gaiyainighakot kanok ehomagiyakakmagaagita;
(f) nunaplo atohighaagot opalongaiyaotit piyageyakpaklogit takopkaktitak paklogitlo taigoktaoyoghat;
(g) inungnutlo tamainot hakyaihimanahoaklotik okakatigivaklogitlo nalakpak logitlo okaohigiyomayainik opalonggaiyakniop mighaagot;
(h) minisitagoyomoplo piyageyaotaoyot namagitkologit;
(i) piyageyaotaoyollo alanggotighainik ehomaghakhiokgekhimalotik minisitagoyop namagingitpagit opalonggaiyaotighat;
(j) alangotighainiklo ehoaghaotighainiklo nunap atohighata mighaagot opalong gaiyaotaoyot ehomaliogekhimalotik maliklogo titigakhimayok elangani 6-mi;
(k) ehomaliotigilogo havaaghanot piyomajot namagiakhaanik nunap atohighaagot piyageyaotaoyonot ;
(l) amigilogit havaagoyot malikatiyaaghainik opalonggaiyaotaoyot enigekhimayonot pittiagiakhainik; ovalo (m) aipagotoagaikpat minisitagoyomot D10-konnotlo tohaktitivaklotik opalonggaiyaotayot kanok atoktaovagiakhainik.
11.4.5 NPC-kot Katimayeni elaoyoghak ataohik pihimaniaktot taiyaohimaloni kanataplo nunatiaplo kavamainit ovalo DIO-kot taihihimaniaktot talvalo enolikiyitokat minisitaganit tikoaktaoniaktot taiyaohimayot DIO-konnitlo kavamanitlo.
11.4.6 Kanataplo Nunatiaplo kavamaini havaakaktot NPC-kot katimayenot taiyaolimaitot elaotkoyaolotik.
11.4.7 NPC-konni elaoyot amiktilaakhait avaoniaktot nunavunmiotaolotik.
11.4.8 DIO-konni elaoyot alanik himmaotikanagiakaktot katimakataolaitkomik imaa nunalaat kivgaktoktiatiagiaginni opalonggaiyainighakot katimanahoagaikpata. · Himmaotaoyoghat tikkoaktaohimaniaktot okagekhimayok titikami nalaani 11.4.5mi maliklogo.
11.4.9 Pihimayok nalaani 11.4.11-mi, katimayit tikoaktaohimayot katimayiokataovakniak tot okioni pinggahoni.
11.4.10 NPC-konni katimayit eghivaotalioyoghamik taihiniaktot, talvalo enolikiyitokat Minisitagiyaat okakatikakloni piniaktok nunatiap nunamiotaligiyeta minisitaganik tikkoakhiniaktok eghivaotalighaannik NPC-kot, taimahikat alamik katimayini elaoyoghamik taihiffaakniaktok himmaohiotiloni eghivaotalinggoktaoyomot imaa malikmilogo okagekhimayok nalaani 11.4.5-mi.
11.4.11 Eghivaotalik ovalonet naliat NPC-kot katimayeni elaoyot kanok ehoinaakata ongavaktaoginnagiakaktot.
11.4.12 Katimayini elaoyomik pektokakat, himmaotighaanik taihenagiakaktot pigiaktitilotik pektaoyop katimaniokataonighaa eniktiklogo, imaa maliklogo titigakhimayok nalaani 11.4.5-mi ovalo 11.4.10-mi. Taihijotaoyot pigiaktihimaplogit piyaokpata minisitagoyok tikkoakhiyoghaoyok katimayini elaoyoghamik himmaohiotiloni pek taohimayomot.
11.4.13 Kinalikaa elaoyok taiyaofaaginniagiakaktok elaofaalikmiloni.
11.4.14 Eghivaotaliklo katimayillo imaatut havaakakniaktot: (a) ekohimaitomik okagektoghaoyot maliklogo angikatigegotaoyomi okaghi mayok nalaani 5-4-mi angiktaonani maligaliokhimayotigot;
(b) maligoakhalo pihimayot ehoilotaoyonot kavamat maligaitigot, imaa pihimak pata pitjotighat NPC-kotigot ekpingnaotiniakata inungnut kanoklikaa, talva elaoyok ehomagiyaolimaitok ehoilotakakloni imaa inuinaoyaaganik ; ovalo
(c) maliklogitlo angikatigegotit.
11.4.15 NPC-kot havaotikakniaktot atoklogit okaotit atoktaoloakataktot ovalo inuinakatut okaotit atoklogit maligaliokhimayotlo atoklogit.
11.4.16 NPC-kot maligalioginnagiakaktot atogaghaniklo ehomagilogit imaa:
(a) katimayomayagaigomik okagekpaklotik katimatilogit NPC-kot;
(b) metiklotiklo ahoaghaivaktoghaoyot ovalo ayongnaktotigot katimayigalaakhanik enighivaklotik NPC-konni;
(c) kanoklo piyaghanik ovalo ehoigiyaoyonik okakpaklotik NPC-konnot;
(d) kanoklo naonaigotighanik ehomagiyaoyoniklo pinahoakpaklotik nalakpaklotiklo tohaktitaoyomayagaigomik inungnit;
(e) NPC-kotigot holiyaghanik eniktigivaklotik, ovalo
(f) kanogittoniklo haklovioknaigotighanik pivaklotik NPC-kot piyaghainik nalaktitiyagaigomik.
11.4.17 Katimapkaiyagaigomik tohaktitinahoaklotik NPC-kot imaa pivaktoghaoyot:
(a) ehomaghakhiotigitiaklogit inuit elitkohitokait ovalo tohakataotighatigot inuitlo ehomaliotigiyainik, ovalo
(b) DIO-kot elaotkovaklogit nalagahoagaigomik.
11.4.18 NPC-kot maningnik atoktaghakatoagomik penagiakakniaktot havaktoghamik ekayoktighaklotik kimiklikaa ayoghagitomik ehoaghaiyoghamik ekayoklogit opalonggaiyaiyit.
ENIKTIGINIK OVALO TAKOOGINIKLO NUNAP ATOHIGHAAGOT OPALONGGAIYAOTINIK
11.5.1 Nunap atoktaonighaata mighaagot piyageyaotighat ehoaghaktaoniaktot NPCkonnit maliklogit okagekhimayot nalaani 11.5.4-mi hivonniogotaoyaagani hivikit tomiklonet hivitoyomiklonet pivalianighakot nunataagoyomi. Nunalaatigot opalonggaiyakhimayot atolikniaktot namagiyaolikat pilogo titigakhimayok nalaani 11.5.9-mi.
11.5.2 Hivoatigot titigakafokhimaniaktok nunap atohighaagot piyageyaotighat, inuitlo katoji-katigegitlo okakatigivakaaklogit ovalo NPC-kot ehoagikpajok piyageyaklogolo oktotaoyoghak.
11.5.3 NPC-kot enigeyainiaktot nunap atoktaonighaata mighaagot imaa maliklogo titigak nalaani 11.5.4-mi, talvalo enikat tohagakhagoklogo piniaktaat inungnut titigak himalogolo, ovalo okaotaoloni naliannit kanataplonet nunatiaplonet kavamainit, ovalonet DIO-konitlo nunalingnitlo tamainit.
11.5.4 NPC-kot imaa piniaktot:
(a) inungnik katimapkailotik tohaktitivaklotik opalonggaiyaotighatigot;
(b) naotiktoklogit hivoagot piyageyaotaoyot inuit ehomagiyainik okaotigiyainiklo tohakaaklotik; ovalo
(c) ehoaghaklogit hivoagot opalonggaiyaotighat.
11.5.5 Enikat titigakhimayok nalaani 11.5.4-mi, NPC-kot pipkainiaktot hivoagot titiga kafokhimayomik opalonggaiyaotighatigot Minisitaanot Enolikiyitokat ovalo nunatiakmiot nunamiotaligiyit Minisitagannot. Talvalo NPC-kot opalong giyaotighak ehoaghitaaghimalikat tohagakhanggokniaktaat tamainot.
11.5.6 Pitaaghimaligomiok titigakafokhimayot opalonggaiyaotighat, Minisitagoyop pikatigilogit imaa piniaktot:
(a) taamna namagilogo piniaktaat; ovalonet
(b) holi pipkafaaklogo NPC-konnot titigakhimayomik pihimalotik ehomaghak hiotigiyaghaat, talvalo okaotaohimayot Minisitagoyomot tohaktilogit nunalingnut tohaktaghat.
11.5.7 NPC-kot alanggotaoyot ehomaghakhiotiginiakmiyait titigakhimayot pilogit ovalo otiktifaaklogo Minisitagoyomot namagitkonahoaklogo.
11.5.8 Tamna opalongaiyaotighatigot pihimayok namagiyaolikat, enolikiyitokat Minisitagat pinahoakniaktok namagitkologo Kanatap kavaminit, ovalo Nunatiak miot nunamiotaligiyit minisitagat pinahoakniakmiyok namagitkonahoaklogo Kavamat aolapkaiyenit.
11.5.9 Namagiyaokpat Kanataplo Nunatiakmiotlo aolapkaiyenit Kavamanit taamna hivoagot titigakafokhimayok, eniktigaoginnagiakalikniaktok. Ovalo Kanataplo, nunatiaplo kavamait maligoaktoghaoyot piageyaktaohimayot maliklogit holiyagaigomik.
11.5.10 NPC-kot takoogivakniaktot havaaghatigot piyomajotaoyonik. Pihimaligomikik ovalo takooktakhimaligomikik pitjotaoyomayot NPC-kot katimakatiget imaa piniaktot:
(a) naotiktokniaktait ehomaliotigilogit havaagoyoghatigot piyumajotaoyot malikatiyaaghaita opalonggaiyaotaoyonot; ovalo
(b) pipkafaaklogit piyomajotaoyot pikahiotilogitlo ehomaliogotigiyatik ovalo atokoyatik naliannot kavamat havakvenot.
Nunap atohighaagot opalonggaiyaotaoyok penagialakotiginiaktaat NPC-kot angenagialakotigilogo atoktitinighakot.
11.5.11 NPC-kot ehomagikpago havaagoyoghat opalonggaiyaotikot namagitpata, hanap kaiyoghak oktoinagiakakmiyok minisitamot pikahiotitailitkologo opalonggaiyaotao himayokot. Minisitagoyok piniagonaghiyok opalonggaiyaotaoyokot atatailitkologo, talvalo penagiakaghonggoyok atoklogo titkami nalani 12.3.2-milo 12.3.3.-milo okaghimayok, talvalo NIRB-konnot pipkaklogit ehivgioktiloakniaktait ehomaghak hiotigipkaklogit. Havaaghat naliomatitiakata opalonggaiyaotaoyomot pikahioti yagetot ovalo pipkaktaovakniaktot NIRB-konnot namagiyaotkologo.
11.5.12 Naliatlikaa Minisitagoyop pikahiotitkonggitpagit opalonggaiyaotitigot tahapkoa holiyaoyoghat, Minisitagoyok titikagkloni piyoghaoyok NPC-konnot okaotigitiak logo hook taimailiogiakhaminik ovalo nunaliknut tohaktaghanggoklogo.
11.5.13 Havaaghatigot piyomajotaoyot pihimaniaktot maliklogo titigak nalaani 11.5.l Omit 11.5.12-mot nunap atohighaata mighaagot pilogo nalaani 11.5.9-metok.
EHOAGHAOTIGHAT OVALO TAKOOKTAOKATAOTIGHAIT NUNAP ATOKTAONIGHAAGOT OPALONGAIYAOTIT
11.6 l Kavamatlo, Inuitlo katojikatigegit ovalonet kinalikaa inuk egilgohiknaigotihimakpat opalonggaiyaotaohimayok nunakot. NPC-konnik okaojenagiakaktot aggogahoakologo piyageyakhimayok.
11.6.2 NPC-kot alangotighat ehomaghakhiotiginiaktait pitkoyaohimayot kitonitlikaa, alan goktigiakaktok ehomagigomiko, tamaanot tohaktihimalogo alangotighat okaoti giniaktaat.
11.6.3 Tamatkiomatilotik takookaaklogo, NPC-kot Minisitagoyonot okakniaktot pitkologik imaa:
(a) alangokoyaojotait ayaghaakologit tamaita elainaalonet ovalonet
(b) alangokoyaojotait namagitkologit tamaita elainaalonet.
11.6.4 Minisitagoyot angikhimangitpago NPC-kot alanggokoyait, titigakhimayot nalaani 11.5.6-milo, 11.5.7-milo maliktaoyaakakniaktot.
11.6.5 Alangotighat atoolikniaktot kihimi minisitap namagikpagit.
NUNALINGNI
11.7.1 Nalaani titikap 11.7.2-mit 11.7.5-mot hivonniogotaoniaktot opalong gaiyainighaitigot Nunalet Nunalaatigotlo nunat atohighaitigot piyageyaligaikpata ovalo elaovagiaginni opalonggaiyaotighatigot.
11.7.2 Atoktaghat opalonggaiyainighap mighaagot naonaighimayot nalaani 11. 2. 1-mi pi himaniaktot ekayotaolotik nunalingni nunap atohighaagot pangnaiyaligaikpata nunalingni ovalo hanakiyaonahoagaikpata pivaaliktitaonahoaklotik. Nunalet monaghiyoghaoyot hanakiyaoligaikpata nunaotitik opalonggaikhimalotiklo mali galiokhimayotigot nunamingni.
11.7.3 NPC-kot ehomaghakhiotiaktoghaoyot nunalet ehomagiyainik ovalo piyomayainik NPC-kot nunap atoktaonighaagot opalonggaiyailigaikpata nunalaani.
11.7.4 NPC-kotlo nunaletlo nunakot opalonggaiyaiyit ataotimi havakpaktoghaoyot nunalingni nunap atohighaagot piyageyaotaoyot ehoaktomik pittiakhimayaaginni ajikeklotik.
HIVONIGHIJOTAA
11.8.1 Nunap atoktaonighaagot opalonggaiyaotighat hanakihimaniaktot eniktaohimalotik maliklogik titigakhimayot nakataani 5-milo 7-milo.
11.8.2 Nunap atohighagot opalonggaiyaotaoyot atokniaktot nunamot tamaanot inuitlo nanminik nunaotainot. Talvalo elitagimajotaoniakhoni piyomayainot oktogoma yainotlo nunanot nanminigiyamingnot.
EKAKONIK HALOMMAGHINIK
11.9.1 NPC-kot pinagigahoaklotik naonaiyainiaktot nunani eghinakonik halomaktigagha nik havakviovakhimayoni imaa saitkakviogaloani oyagakhiokviovakhimayonilo. Tavalo NPC-kot ehomaginiaktaat Kitikmeoni halommaktigakhat nunat hivoliotilogit pilgaaktaghatik. Hamna pikahiotihimaniakmat opalong gaiyaotaoyokot.