ARTICLE 31

NUNAVUTMI MANIKNIK TIGUMIAKTIT

KANUKLIKA

31.1.1 Tikitinnagu ublua nigoakyuaknikhaata Angegotip, Tungavitkut piliukniaktut titik­ kamik maligakhainnik maligatiguughimayunik Nunavutmi Maniknik Tigumiak­ tikhat maningmik nutauhimayumik Inungnut ukautauhimayokNakatani 29 tap­ kuatlu naliit kaffitaalat akiliutauhimayut inmingnut talvani Nakatani 25, talvalu nautigahoaklugit tapkuat maniittuniokhaglugit maniliukhimayut maniktaamit av­ vakhainnageakaktunut Tutkomayamit kanolikaak ikayugeanginni Inuit.

31.1.2 Nunavutmi Maniknik Tigumiaktit nunakagniaktut Kanatami.

31.1.3 Nunavutmi Maniknik Tigumiaktit aulapkagniagaat tigumiaktingokhimayut piyauplutik Aviktokhimayuni Inuit Katutjikatigiinginnit ahiatigutlunnit piplugit malikhimakpat Nalaaniittok 39.1.6.

31.1.4 Taffuma titikkap maligakhaita maligatiguughimayup Tigumiaktit nutaangoktip­ kainnageakaktait taffuminga maligamingnik titikkamik Inuit angekhimakpagit nu­ taangoknikhait nigoakhugit.

31.1.5 Maligak ilihimayauyok Hivitunikanginnekmut atokniagaat Nunavut Maniknik Tigumiaktiita.

31.1.6 Tapkuat Tigumiaktit munagegamikku manik nakuuyumik aulanahuaktukhauyut manik tammangittaangani nautigeaganilu.

31.1.7 Maligak Nalaaniittok 31.1.5-mi atungitkaluaktitlugu Tigumiaktinut, atlat maligat tapkuatlu tax-nut maligat atoktauyukhauyut Tigumiaktinit atlanitlu Inuit katut­ j ikatigiinginnit.

TUHAGTITAIKATTAGNIKHAK

31.2.1 Ukuat tuhagtitaunginnagpaktukhauyut tamainnut Inungnut:

(a) tigumiaknekmut maligangokhimayut aulatjutigiyaitlu Nunavutmi Maniknik Tigumiaktit;

(b) maligatigut ilitageyauhimayut titigakotait tapkuat attektauhimayut avvakhagtukhatluat naliitlu atlat avvakhainnageakaktut talvanga Manikmit Tigumiaktauyumit; talvalu

(c) ukiugonmut unipkaaliukhimayait titigakhimaplutik piligeyait manilikotaitlu tapkuat Tigumiaktit, attekhimayaitalu avvakhagtukhatluat, tapkuatlu naliit atlat avvakhainnageakaktut.

AYOKHAUTIGILIMAINNEK

31.3.1 Inuit ihumagumik tapkuat Tigumiaktit, attekhimayaitalu avvakhagtukhatluat, tap­ kuatlu naliit atlat avvakhainnageakaktut piyungnaikkagit Tigumiaktit maligangit tapkuatlunnit maligakhait katutjikatigiit piyakhagaluatik, Inuit apeghuivingmun­ gaktiinnageakaktait maliktinnahuaklugit tapkuninga maligaliukhimayamingnik Tigumiaknekmut.