ARTICLE 20
INUIT EMAT PIHIMAYAKHAIT
INUIT EMAT PIHIMAYAKHAIT
20.1.1 Ovani Nakatami:
“emat poggiktot” okoagok emat poggiktot, onaktot ovalo ehiktot nunami onak tomi ovalo tamaita ehiktot onagaanggamik emait;
“”atokpaktot emat”” elaokmeyot onakoyaovakhotiklo toghoatigot. atoktaoyot kullinot ekomajutit
INUIT PITKOHIKHAIT
20.2.1 Ovani Nakatami, pitkohiit pihimaliktait Inuit Elagiit Katimayiit pihimayakhait tiggominiaktait atokpagakhatik niamgiyaagotikhait lnuinait.
20.2.2 Okoatigoktokhat Anggigotitigot ovalo honat pihimakataoyokhat naonaikhimak pata inuit piotainni Inuit Nanminiit Nunatik Pihimatitlogit, Inuit Elagiit Katimayiit pihimaloakniaktait atokpagakhait nunamingni, naliak kuugaktot inuit nunaotaitigot.
20.2.3 Ovanioggitkaloakloni titigami 20.2.2-mi, emat atoktaoyot, talvani naliak kuugak tomi inuit nunaotaitigot maliktokhat anggigotitigot ovani Nakatami 13-mi.
20.2.4 Okoatigoktokhat Titigami 20.5.1-mi, Inuit Elagiit Katimayiit pihimaniaktait kuu gaktipkaklogit imat Inuit Nanminiitigot Nunani ehoiyaktaoyokhaonggitot halum maiktailogitlo kuukkat.
AKILIKTAOYOKHAT
20.3.1 Pipkaktaolaitot hanaogaghat ovalonit hanyaoyotlonit iloani nunavut nunaktaitni nunat kitttot imakak aolapkaktitaolaitok nakotyohia immait kokloaktot talvona inuit nunaktaita nunatigot, ovalonit itininga haffoma immap, ovalonit kokloakyo hia, angiktaotaktinagit okonangat nunavut immat katimayiit (NWB) kihiani ona apikhiyok laisikhamik ihoakhaktaokpat talvonga ihoinakotinot akiliahat angigotinot pikatigilogit okoat Inuit Elagiit Katimayiit pityotigilogit tamakningga ovalo ahigoktikniga imakak pilokotaoyok haffomanga alangoktikotanit nakotyohiata, itiniata, ovaluniit koklokpaknia haffoma immap immalonit NWB kut ihomaliokniaktot pityotigivlogo ona Titigak 20.3.2
20.3.2 Ona apikhiyok ovalo okoat Inuit Elagiit Katimayiit piyokhat nakoyomik aivaklo tik anggiknahoaktokhat titigakhimayomi Titigami 20.3 .1-mi, kihime aivaktok anggikatigiinggitpanik, naliak aivaktok okaalagiakaktokehoakhaktakhanik kanok akiliktaoyokhamik Nunavut Angoyakhalikiot Katimayiinot, ovalo tabkoa ehoak haktat atokloaktaoniaktok.
20.3.3 Naonaikago akiliohiaktokhak tammaiyonik naliak ahihoiyonik okoatigoktokhat Titigami 20.3.2, okoa Nunavut Anggoyakhalikiyiit Katimayiit hapkoatigoklotik oktolikniaktot:
(a) kanogilitjutivat alangokmat imak halummaigomi, ahiagotlunit kuugaligomi rInuit Nanminiita Nunaitni, piotaini naliak kina nunaota imak ehoigotigomi;
(b) enavikkotaoligomi, ehoigotigomi, ahiagot kuugaligomi nipikoktohigomi kuugak alangogami pinneekhonilo emaklikgomilo kuugakpaloigomi inuit kuugaotat;
(c) alangoktok kuugak ehoigotikpat inuknot, emakhgomilo emak inuit atoktitlogo;
(d) tamna emak alangoktok kuugak emakliktaogami kuugakpaloigamilo inuit ehoiginiakmatjuk atokpagaktik;
(e) inuit pitkohitik atokpagigmago Inuit Nanminiktik Nunamingni, emat atok pagatik, alangokkat emakliktok kuugak naliak ahiagotlo kuugaligomi ehoigotilakmat atokpagaini;
(f) alangayot akitoyotlo Inuit Nanminitik Nunat, emaitlo, emakligomik, emait alanggogomik kuugait; ovalo
(g) ehoinaaktagomiklo Inuit pitkohiinnik, hammani Nakatami naliak alanitlo titigani.
20.3.4 Kihime anggikhimakpagit Inuit Elagiit Katimayiitnit onalo nunamik atogomayo mi, atoktitaoliktot akilikvaktokhat kakogonggogaikpat ovalo titigaitlo ehoak hataovaktoni, ovalo tabkoa nunat kayagiyokhat hogangitlo tamna emak atoktaonahoakkat. Akiligianiktot atokkiktitaokmata Inuit Elagiit Katimayiit kanoktot akiliktaolotik ovani Nalaani 20.3.2 taffoma nunamik atoktop emakmiklo atogomakpat ehoakhagiakaktait Nunavut Anggoyakhalikiyiit Katimayiit.
INUIT NUNATAAKVIATA HILATAANI HAVAKVIKHAT
20.4.1 Talvani havakviit naliak aolavioliktot hilataani Nunavutmi Nunataakvikmi kihime kigliani Nunatiap Nunaitni hannaviolikata tikitinnago Aggigotmi, naliak kanok emakmik aktigiomik atogahoaktoni, kuugaotmilo, inuit nunaitigot kuugaktomi, emakkoghiyaoyokhaonggitok, emakliktaililogo taimailionggitpata hanayomayot anggiktaolaitot emaknik monaktinit kihime hanayomayot akilikhilaakata anggiklotik Inuit Elagiit Katimayiitlo ahigoikpata nunamik emakmiklo atoktot, naliak akilikhilakata okoatigot Titigami 20.4.2.
20.4.2 Apikhiyot nunamik atogomayot Inuit Elagiit Katimayiitnot aivaklotik ehoiktaililotik anggigahoagiakaktot akiliohiakhamik titigatigoktoni Nalaani 20.4.1, kihime anggigitpanik, Nunavut Anggoyakhalikiyiit Katimayiit akikhanik naonaikhilaktot emalikioni, ovalo ehomaliotat atoktaoyokhak. Ehomalioktat aolabkaktaoniaktok Nalaani 20.3.3 ovanilo 20.3.4. Nunavutmi Emalikiot elagiik lotik ehoakhailaktok, apikhoiyip kanogiliokolaktat.
20.4.3 Ovanilo Nalaani 20.4.1-mi emalikiot namayiyakhat havaak naliak holivionahoak tomi nunami naonaikhimaloni akikhanik okoatigot Nalaani 20.4.2.
TOTKOIHIMANIK
20.5.1 Akiliohiakhighap monagiyaojohia piplogo, nunaut emalikiyit katimayet pi himaniaktot monagilogo emap atoktaojutikhanik nunavutmi.
20.5.2 Okonani okaghimayut titigami nutkaktitilaitot kitoniklika aolayagomayunik emakot, ovalo emmap atohighangot kanoklika emakkokloni, naliak emak atoinagiakakkat ehagianagiakkat inuit emaotaini naliak kanogonakhimaitomik emak atoinagiakakat emainait atogiami emak naonaitiakhimayomi Okioktaktomi Tagiogilgomi Emaknik Atohiit Maligani.
20.5.3 Talvani nunami havaktok Inuit Nanminiita Nunaotaini laisikhagomik Nunavutmi Emahkioni emaknik atogiamingni, tamna havagomayok tahamani nunami apik hiyagiakanggittok Inuit Elagiit Katimayiitni, kihime akilikhiyagiakaktot ahigoigomik Nalaani 20.3.1-mit 20.3.3-mot, ovalo inuit emaotait hivoliopkaktaoyagiakaktot tafomangga havagomayomit Inuit Nunaotaitni.
20.5.4 Ovani naonaitiaktoghami, tamna nunami havagomayok pigomi atotikhaminik emanik neovigiakakmiok nunamik atogahoagomilo anggigotimik ovalo akilikhilakhoni atoktaminik nunamik.
20.5.5 Hamani Nakatami, maligiakakmiok una Nalaani 21.3.3.
ATOGIAKAKMIOK
20.6.1 Ovani naonaitiaktoghami, Nalaani 20.2.4 ovalo Elangani 3 onalo 4-lo atok taoyagiakaktok emait haniagokkata kiglimi Inuit Nanimiitani Nunaniovalo alatlo nunat ematlo tahamniinggitpata Inuit Nunaotaitni Nanminiitni.
KOATIGOTIGILAKT AIT
20.7.1 Inuit Elagiit Katimayit ehoigohokkomik apikhoiyitigot ehoakhaipkailaktot apik hoiyitigot kinat atogomayot emaknik Nunavutmi Inuit Nunataakviani alanggok tigikpata emaknik kuukaniklo .