ARTICLE 17

INUIT NAMINIK NUNAKAOHIGHAIT

KANUKLIKA

17.1.1 Inuit nanminik nunakaohighait pihimayot okagekhimaplotik ovani An­ gikatigegotaoyomi imaa inuit penagialakiyaaginni nanminik nunakaliklotik ovalo manighiokvigilogo elitkohitokakmikotlo atolikniakmajok ehomaghotigilogo.

17.1.2 Inuit nunatigot nanminikaohighait pihimaniaktot imaatut itlotik

(a) Nunat ehomagiyaoloaktot angotighakaknigit imaa:

(i) Inuit angonahoakpakvet;

(ii) angotighakaknigitlo homilikaa ovalo ehomagiyaoloakto amigiyaotiaklotik;

(iii) nunat angotighanik pamikhaiviolayot ovalo monaghiviolotik piyong­ naktot;

(iv) nunatlo enoilakmioviolotik angonahoakviovaktot ovalo kakogo nunagiyaoyomayot angoniakviolotik;

(v) talvalo nunat aliahokviolotik angoniaktonit manighiokvioyongnaktot polaagaktonitlo opaktaovagiaginni.

(b) talvalo nunat naotkilaitotigot pivaliatitivighat imaa:

(i) nuna oyagakhiokvioloni nalvaakvioyongnaktok ovalonet nal­ vaaghakaktok;

(ii) talvalo havakvioliklotik eklokpiviolotiklonet pivalianighap mighaagot;

(c) nunat manighiokviolotik atoktaolayot; ovalo

(d) engilgaknitan enitokliminet nalvaaghakaktot ovalo elitkohitokaktigot atok­ taoyoghat,

17.1.3 Inuit nunat naminigiyait pihimayoghaogaloit tamatkiomatilotik okagekhimayonot nalaani 17.1.2-mi imaatut koyaginnak manighiotaovagiaginni piyagekhimagomik kanok ataohenaogitokot.Ona tamainot ehoakgihimatilatok okaghimayotot 17.1.2- mi, imaa nunani elangginni angotighagiakaloakloni , kihimi nal­ vaaghakatialimaitonaghiyok oyagakhioknikot manighiotighallo mighaagot. Tai­ maitomik nunalaat naonaighiyoghaoyot kanogittonik nunanik nan­ minikagomayaaghamingnik.

17.1.4 Tungavitkot inuit kivagkhogit Nunavutmi ovalo Kanatap Kavamailo namagijotiyot pinahoakhogit omani titikami okaotaoyot piplogit angikatigegotighamik okagekhimayot Inuit nunaniknanminikaohighaitigot piplogit.

17.1.5 Naliat Kavamatlonet, inuitloonet apighoiviktigot pinahoalaitot haklovioknaigoti nahoaklot ik omam titikami okaotaohimayot maliktaogittaaghainik .