ARTICLE 22
INUIT NUNAIT AKILIKTOOTIT
OKAOHIIT
22.1.1 Ovani Nakatami:
“inuit igloit nunaini akiliktoohiit” emagok akiliktokhat kavamanot, tonihilotik akiliohiakpaktokhat nunaotait inuit eliogaktaohimayot nunaitni kavamalaagitnot naliak ehoakhaktaoyot sekoogviknot ovalo emiktaotainotlo;
“nanminikaktop piotait” emagok tamayatlo nanminiotaitlo, okoalo havaagivagait ovalo nanminiotaitlo.
HONAVALOIT
22.2.1 Okoatigoktokhaklo hamani Nakatami ovanilo Anggigotmi, Kanatap Kavamait, Nunatiap Kavamait, ahinilo kavamait hamlanggitlo akiliohiaktitilimaitot nunaotainik Inuit Nanminiotaitnik Nunanik. Inuit akilihigiakanggitot nunaotimingnik kavamanot kihime titigagiikhimayokakkat hamani Nakatami naliak Anggigotmi.
22.2.2 Hamani Nalani 22.2.5, Inuit kihime akiliohiagiakaktot havakvikagomik nan miniotimingni havakkomik hamlakaktomi kigliata nuna eloani ematot
(a) nunamik ehoakhaihimagomik, naliak
(b) nunamik ehoakhaihimaitkomik, eloani atoktaonahoaktomi iglokakvikhani,
nanminilgit akilikhiagiakaktot maligatigot hamlakaknini.
22.2.3 Okoatigogikatok Nalaatigot 22.2.5-mi, Inuit Nanminiit Nunat hilataani hamlakak viit, kilianiikomiklo akilikhiyagiakaktot nunat atoktamingnik. Ovaniogitok, ehoakhaktaohimakpat nuna ovalo tamna nuna ehoakhaktaohimaitpat, akilitoilakhoktok ehoakhaiyagiakaktok kanok akilikhiyagani akitovalaaktaililogo.
22.2.4 Talvani atoktaoyokhami Nalaani 22.2.2 ovalo 22.2.3-mi ehoakhaijutit pikataong gittot:
(a) ehoakhakhimayaokpata kavamanit Inuitlo atokakgit;
(b) nannigiaktokviit;
(c) iglot maniliogotaonggitpata anggoyakhalikioni, iglokpaitlo hamlat hilataaniitot, topikpakakviit, topikakviit , nannigiaktokviit, pigoyakakviit, hapotikakviitlo; naliak
(d) maniliogotaonggitot iglot inuit pitkohiminitigot atoktait.
22.2.5 Inuit Nanminikaktot akilikhiagiakanggittot, piyaolotik Nakami, kavamat akilik hipkailimaitot inuit piotaitnik . Kihime, maniit pilaaktait inuit nanminiotait okoatigot Inuit Elagiit Katimayiitnit okoanitlo Nunavut Tigommiyiinit. Taxilikiot kavamat pilaktait inuup nunaotait Inuit Naminiitigot Nunaitni naliak Nunavut Tigummiyoni neovogotigilogit piotaitni inuit.
22.2.6 Ovani Nakatami, naliak maligatigoktoni,lnuit Nanminilgit Nunanik Katimayiit kantolakaktot hamlani ema kavamat atokpagait hamlatkot havaktiinik kavamanik akilikhipkaivaklotik Inuit Nanminilgit Nunamingnik.
22.2.7 Tabkoa Inuit Elagiit Katimayii kavamanot akilihiagiakanggittot Inuit Nunaotaitni Nanminiitni ovaniititlogo Kinggolikmi Anggigotmi ovani Nalaani 19.3.1.