Talvuuna Inuit Nanminiqaqtut Atiliurviat
Atugakhaq Ihumaliurniqmullu Havakvinga Nunavut Tunngavikkut (NTI) pihimajait Inuit Nanminiqaqtut Atiliurviat malikhugit ukua Nakataa 24 haffumani Nunavunmi Nunataarutaanut Angirutaa. Naunaitkut Inuit Nanminiqaqtut Qanuriniit tunijaujut nanminiqaqtunun tapkua pidjutigijait maligahat uvani Nakataa 24.
Nakataa 24 pitquijuq kavamatuqatkunnin Nunavunmilu kavamagijaujunin pimmarikharnikkut ilaunirnik ukunani Inuit Nanminiqaqtut piangaijarnikkut Nunavunmi, pimmarikharlugit angummadjutikhait ukunani Inuit havagviinni akittaqutijaami kavamatkunni kaantraakhanik, pipkainikkullu havaktikhanik Inuinnarnik tautungnarniqaqtunik Nunavunmi havaktuni.
Hunaungmat "Inuit Nanminiqaqtut"?
Una "Inuit Nanminiqaqtut" naunaijautaa havagviujuq kitut malikhugit maligatigut pijakhat havagiangini nanminirit Nunavunmi Nunaini, uvalu kitut:
- Kikliqaqtuq havagvik piqaqtuq ikitqiamik 51 pusant nanminiqaqtut niruangnikkut avakhautit ikajuutikkut nanminirijaujut Inuinnarnin;
- kuapaliisit munarijaujut Inuinnarnin; uvaluuniin
- Inuinnaq avaliittuq nanminiqaqtuq paannariiktumikluunniit.
Nanminiqarnikkut Naunaitkutingit
Piqaqtuq pingahunik aadlatqiingujut Inuit nanminirijait uumani Inuit Nanminiqaqtut Atiliurniq:
- Naunaitkutaa 1: 51%-75% Inuit Nanminia
- Naunaitkutaa 2: 76%-99% Inuit Nanminiat
- Naunaitkutaa 3: 100 pusant Inuit Nanminigijaat
Ikajuutit Atiliurnirmun
NTI-kut Inuit Nanminiqaqtut Atiliurviat ikajuutaujuq ikajuutikhat kavamatkut pijaangini pijakhatik ataani Nakataa 24. Ikajuutikhat ilaujut:
- Nunavut Kavamangit Nunavummi Nangminiqaqtunik Ikajuuti (NNI) Maligakhat naunaijainiaqtun atuqtauluagumajunik uuktuqtukharnik ihuaqhaidjutikharnik taima 5 pusant Naunaitkutaa 1 nanminiqaqtut, 10 pusant Naunaitkutaa 2, 15 pusant Naunaitkutaa 3 Inuit Nanminiqaqtut tukhiqtauhimajunik kavamangit kaantulaanginni.
- Kanadaup Kavamanga pitqujauhimajun miitiqatigilugin atiliurvik tuniliraangata kaantraanik mikhaagun Nunavunmi.
- NTI-kut atuqpaktut Inuit uuktuqtukhanik pilluarumajainik imatut 10% inmikkut kantraqaqtunut.
- Atuqtuarvik Kuapulisiitkut atuqpagait atiliuqhimajut naunaiqhitikhamingnik pittaariakhainnik atukkiutikhanik imaalu nanminirijangit manikhanik.
- Kivalliq Partners in Development, Kakivak Katimajiit, ukuallu Kitikmeot Economic Development Commission atuqpagait atiliurvikhat naunaiqhitikhanik pittaaqtunik kitunik aittuutikhanik atukkiutikhaniklu.
- NTI-kut uvalu Aviktungniini Inuit Katimajiit atuqtaat atiliugutit amigaijuumijaangini Inuinnarnik havaktitiniq, ilihaidjutit uvalu nanminiqaqtut pijakhat nunanik atungnikkut laisinik, akiliqtugahanik, qiniqhianikkut angirutinik uvalu Inuit Aktuumattaaqtunit Ikajuutikhanut Angirutit.
Titiqqat Titiraqtakhallu
- Inuit Nanminiit Atiliurnikkut Uuktuutikhaq Titiraqtakhaq
- Ukiuk tamaat Nanminiqaqtunik Nuutaanguqtiqhimajut/Nuutaanguqtirutikharnik Titiraq
- Inuit Nanminiinik Atiliurnikkut Maliguagahat
- Qilaminnuaq Maliktakhaq Inuit Havagviinni Atiliurnikkut
Qinirhialugu Atiliurvik
Qiniqhiajaangat atiliuqhimajunik Inuit havagviingit, pulaarlugu Inuit Nanminiit Atiliurnikkut qiniqhiajut uvani atiliurnikkut qaritaujaliqidjutingni.
Uqarvikhat
Naunaiqjumirutikharnik talvuuna Inuit Nanminiqaqtut Atiliurviat, hivajarlugu:
Inuit Nanminiinni Atiliurnikkut Tutqikhaiji
Pivalliajuliqijikkut Havagvia
Nunavut Tunngavikkut
E-mail: inuitfirm@tunngavik.com