ARTICLE 38

ANGIKATIGIIKTINNAHUAKNEK

KATIMAYIKHAKAGNEK ANGIKA TIGIIKTINNAHUAKNIKKUT

38.1.1 Angikatigiiktinnahuaknikkut Katimayikhakagniaktut (“Katimayit”).

38.1.2 Katimayit nainguniaktut ilauyut. lghivautak tuglialu ighivautap piyauniaktuk il­ auyunit Katimayinit.

38.1.3 Kavamatukait, Nunattiap Kavamait tapkuatlu Tikkuaktauhimayut Inuit Piligeviit (DIO) angekatigiigahuakniaktut kitkut tikkuaktauhimaniakmangaata inmingnit Katimayiuyukhat.

38.1.4 Angikatigiilimaigomik naliit tamaitalunnit nainguyukhat inuit, anigoktinnagit siksit tatkeghiutit ubluanit nigoakniata angektauhimalekkat angikatigiigut, tapkuat naliit Kavamatukait, Nunattiap KavamaitTikkuaktauhimayutlunnit Inuit Piligeviit apeghiinnageakaktutapeghuiyimik apeghuivingmiutamik Nunavutmi tikkuakhitkolugu avaleektunik inungnik ilauyukhanik.

38.1.5 Maliklugik Nalaaniittuk 38.1.3 tamnalu 38.1.4 piffaanginnageakaktait tikkuaktauhimayut nutaaniklunnit tikkuakhilutik Katimayikhanik, kihimi apeghuiyit tikkuakhikoyaunginnageakaktok angelimaitpata anigoktinnagit siksit tatkeghiutit iningektauhimalekti tlugu.

38.1.6 Hivitunikha ilauningata Katimayiuyup tallimauniaktut ukiut tamnalu ilauyok uk­ tuffaanginnageakaktok tikkuaktauffaakl uni.

38.1.7 Katimayit havaktikaktinniagait Kavamat naliitlu titikkekevikhait inniaktut Nunavutmi. Katimayit inekhivaktukhauyut ukiukmi atoktaghamiknik manilikotinik, kungeaktaunginnageakaktunik angektauvaklutiklu Kavamanit. Angektauhimayut mangit atoktukhat Kavamat akilkepangneaktait.

AYUNG ITJUHIKHAIT ANGIKATIGIIKTINNAHUAKTIT NAALAKTIIT

38.2.1 Tapkuat angikatigiiktinnahuaktit naalaktiit ayungitjutikagniaktut angikatigiiktin­ nahuaknikmik ukuninga:

(a) piligelugu kanok uingaiktittaangani atoknikhaaniklu Angikatigiigutip tapkuat Tikkuaktauhimayut Inuit Piligeviit Kavamatlu- angekatigiilimaikkanik pinikhaanut; talvalu

(b) naliinnilu Nakataaniittut ihuakhiyukhauyut angektitainahuaktitkunnit umuu­ na Nakataagut pilutik.

38.2.2 Tapkuat angektitainahuaktit naalaktiit pilimaittut ihumaliugotitik atlang­ uutauniakkat, ihuakhautauniakkat, piiyautauniakkat, himmautauniakkatlunnit kanoktut naliinni Nakatainni Angegotip.

MALIGAT ATUGAKHATLU

38.3.1 Katimayit maligakhaliunginnageakaktut atugakhaliuklutiklu piligeyakhamingnut angektitainahuaklutik umuuna Nakataagut pilutik.

38.3.2 Angektitainahuakniaktut ihuigiyauyut ihuakhivaklugit kelamiuktinnahuaklugit maligakkuungitkaluaklutik.

38.3.3 Hunatlikaak pitkoyauyut naalaktauniaktut ihumaliugotauniaktutlu angektitaina­ huaktinit piyauhimayunit ilauyunit Katimayini, ukuangulutik:

(a) atauhek angektitainahuakti, angektauhimagumi aivakatigiiktunit angektitainahuakti ukataul uni; uvvalunnit

(b) pingahuulutik angektitainahuaktit, atauhek piyauhimayok aivakatigiiktunit angektitainahuaktiukataulutik, tamnalu ighivautak tikkuaktauhimayok malikhugu Nalaniittok 38.3.6.

38.3.4 Angektitaitkoitjunmik tunihiniaktut Katimayinut kinamitlikaak ihuigitjutikaktumit. Uktoktut angektitaitkoinahuakhutik attekhiniaktut kinaungmangaat aivakatikhaktik, hunaungmangaat aivagotikhak, naiklihimaniitlu ilittugetjutikhat, ukaghimalugit hunauninga angektinnahuagap, atteklugu angektitainahuaktikhak Katimayiningaaktok talvalu ukaghimalugit kanok ihuakhitjutikhauyut.

38.3.5 Anigoktinnagit 30 ubluit tuhagtitauplutik Katimayinit angektitaitkoitjutiniktut, tapkuat aippait aivakataunahoaktut kiuyukhauyut taffumunga aivagotautkoyauyu­ mut, naammagiplugulu attektauhimayok angektitaitkoiyi uvvalunnit atteklugu inmik angektitaitkoiyikhagtik Katimayiningaaktok talvalu ukaghimalugit kanogettuungmangaat ihuakhitkoyagtik.

38.3.6 Ighivautakagniatut naammagiyauhimayumik tapkunanga aivakatigiiktungnit at­ tektauhimayok malikhugik Nalaaniittuk 38.3.4 talvanilu 38.3.5-mi, kihimi, angekhimangikumikku, tamna ighivautakhak tikkuaktauhimaniaktok apeghuiyinit malikhugu nunattiakmi Angektitainahuaknikkut Maligak, taimailikpat tamna apeghuiyi tikkuakhiinnageakaktok kinamiklikaak ighivautauyukhamik inmi ihuageyaminik, tamnakaak inuk ilaugaluakluni ilaungitkaluaklunilu Katimayini.

38.3.7 Tapkuat angikatigiigahuaknikkut naalaktiit piinnageakaktut, kinamiklikaak pikataupkaktitailutik angektitainahuagonmi, tapkuat angikatigiiknahuaktit pitjutaat ataniakkat kanugennia taffumunga pikatauyumut, taimaalu ukaghimaniit kanugetkoyaitlu angikatigiiknahuaktit maliklugit pikataunginnageakaktok.

38.3.8 Tapkuat angikatigiiknahuaknikkut naalatiit ayunginnikagtut kiuyaanginnitamaita apekkutauyut ihuakhinahuagonmut, ihumaliuklutiklu naliangnut tuniniakmangaat akinnikhak, utakkiugotikhallaklunnitakinnikhak inekhimaitpat angikatigiik­ tinnahuagot; akilekhipkailutikluaivakatauyumik akimaiktumut avatkotjutinik akilektaghaniklu maniknik tapkuat akimayut ilautjutainnik atoklugu Nalaaniittok 38.2.1.

38.3.9 Tapkuat angikat igiikt innahuak ti t naal aktiit ihumal iugo­ tigilimaitpatjukakilektugakhanut, tamagmik aivakatigiiktut akilektaghait inmik akiligakhangoktut ilangitlu atlat akiligakhat angikatigiiknahuagonmut, ilaliutilugitlu akikhait angektitainahuaktit naalaktiit.

38.3.10 Pitjutikagaluaktitlugu Nalaani 38.3.9, aivakatigiit angikatigiiktinnahuakhutik akililimaitait atoktait tapkuat angikatigiiktitainahuaktit naalaktiit naliinni nan­ miniiyainekmik pititlugit ilaa akililegpakmagit Kavamat.

38.3.11 Amigaitkiyat ihumaliukatigiilimaikkata, taffuma ighivautaliup ihumaliugotaa atoktauniaktok.

38.3.12 lhumaliuktait tapkuat angikatigiiktitainahuaktit naalaktiit pitkelaittut piyakhauyutlu talvalu uktoktiffaaktaulimaittut, kihimi tapkuat ihumaliukhimayait takuunginnageakaktait apeghuiyekyuanguyut Nunavutmi Nunataaghimayamiittut kongeaklugit ihuanaaghimangmangaata maliktakhauyut naalagahuakhuni.

38.3.13 Nunattiakmi tamna Angikatigiiktinnahuaknekmut Maligak, atoktauniaktok naliinnut angikatigiiktinnahuagotinut maliklugit kanok pitkohimayait tapkuat angegonmiittut.

38.3.14 Tapkuat Katimayit pikagniaktut unipkaaliughimayamingnik ihumaliukhimayainnik angikatigiiktinnahuaktit naalaktiit kinaugaluap takuinnageakaktanginnik.

38.3.15 Naliit aivakatauhimavaktut angikatigiiktinnahuagonmi malingitpatanaliinnut kanogetkoyauhimayunut tapkunanga angikatigiiktinnahuaktit naalaktiinnit, naliak aivakatauhimayok tunihiinnageakaktok ihumaliugotauhimayumik atjinganik Apeghuiviuyunut Nunavut-mi, tamnaihumaliugotauhimayok atoktitauniaktok apeghuiyitkunnit malikoyauluni malingitpat ilaa ihuinaagotauniaktok.

38.3.16 Naliak aivakatauyok angikatigiiktinnahuaknekmut tughiinnageakak- tokapeg huivingmit, piligelektinnagitaulalekt itlugit lunnit angikatigiiktinnahuakniat imaa hunamut haataungittaamingni apeghuiyitlu angiinnageakaktaat taimainnikhaat.

38.3.17 Ukaghimaitpat tapkunanga angikatigiiktinahuaktit naalaktiinnit, atulegnikha ub­ lukhaata ihumaliukhimayaata tapkuat angikatigiiktinnahuaktiit ubluginiaktaat tu­ hagnagnikhaata ihumaliukhimayaannut.

38.3.18 Ukuat atugotiliukhimayut hutjutiyunaittut ayungitjuhikhainnut naliita apeghuiviit kihimi talvatuak piligetjutikakkata angikatigiiktinnahuaklutik ihuigitjutauyunik ukunuuna pitjutitigut.

NUUTEKPALLIANINGA

38.4.1 Katimayinekkaaktinnagit, tamna nunattiakmi Angikatigiiktinnahuaknekmut Maligak, atoktauyokhak naliinnut angikatigiiktinnahuagotinut ukautauhimayunut Nalaani 38.2.1.