ARTICLE 18
ATUHIKHAT MALIOTIKHAT NONAITKOTAIT INUIT NANMINIITA NUNAOTAIT
KANUKLIKA
18.1.1 Hivolioyok atogakhak maligiami naonaitkot atokniaktat Inuit Nanminilgit Nunaliit ekayotiginiaktat Inuit ema naonaitiagotaoniakmata namilikiak nunat Inuit Nanminiotait Nunat. Okoatigogiakaktok atuhikhamik tikkoaktutikhait Inuit Nanminiit Nunait hapkoaniiniaktot:
(a) nunat naonaiyagiakaktot alat nunalionggitot atogomayot; honat pihimayakhait piomayait alat nakoyomik anggigahoagiakatot; atogomayait ehoakhagiakaktot;
(b) ovanilo, naonaiyaklogit akilikhikaffoklotik inuit alat nunanik pilimaitot nunat nanminigiliklogit;
(c) ehoaktomik eliogaihimayokhat nunaliit nunatik pihimayakhagikmagit, nu nat naonaiktokhaokmata inukakniit hanianiitot ovalo iglokakviit nunat anggikliligiamilo;
(d) nunat naonaigiakaktotlo tamaita taya atoktaoyomayot, naliak kakogolo atoktaoyomalikniaktot, anggoyakhat nunait, nunat Totkumavikhat, Mingoiyakviit, enggilgaaknitat enitokliminiit naliak nunat hogajat nayohakhait nunatokait naliak aliahokviit pitkohiktokviitlo, ema namakpat
(i) nunat havaagiyaovakniaktot hogaanggit, nunatlo monagitjutait , maligaitlo atoktaoyokhat, ovalo
(ii) nunat mingoiyakvikhat, nunat enitokliminikaktot, engilgaaknitakaktot naonaigiakaktot; ovalo kiglikhait eligagiakaktot mingoiyakvikhat;
(e) naonaigiakaktot nunat kigliit inuit avatkutakpagait itkiliitlo a tokpagaitlo enikalimaitoknakhiok kigliit avatkotaaktaovaktot;
(f) elikokakaklogit naonaiyaktokhat nunanot alanot pilimaitot taya, naliak kakogolo naonailimaitongnakhiot; tabkoa Mingoiyakviit kiglikhait naonaikniaktot aivagotaolotik;
(g) elikokakaklogit naonaiyaktokhat nunanot alanot pilimaitot inuit atogomayait hamlatkotlo, ehagiagiyaolikakta naonaiktaoyavot;
(h) elikokakaklogit naonaiyaktokhat nunanot, naonaiyaktot avatkolimaitoknak hiot 100 feet taggiop hinaani; ovalo
(i) okoanikaffok, nunat naonaiktaoyaaktot nunat ehoittot kuyaginaktao himagomi.
18.1.2 Talvani nunat naonaiyaktaogomik, Inuit nunanik tikkoaktogiakaktait elihimayatik hanaogakhakakviit Inuit Nanminiotait Nunat.
18.1.3 Aivaktot anggiktokhak eliogakhimayoni ovani Nakatami enigiikhimayonik Inuit Nanminiotaitnik Nunanik talvani enikpiaktitlogo Anggigotmi.
18.1.4 Naliak Kavamatlo Inuitlo pihimmaloagahoalimaitok oktoliklotik ehoitonik hamani Nakatami Inuit Nanminiotaitnik Nunanik eliogakhimayonik Anggigotmi.