ARTICLE 42

MANITOBAMILO TAGGIOGANILO KIVATAANNI MANITOBAP

INUIT ANGONAHOAGINNAGIAKAOHIGHAIT: MANITOBA

42.1.1 Okagekhimagaloaktilogo angikatigegotaoyomi, imaa 2.7.1-mi pihimalimaituk nunamotlo emangmotlo Manitobami .

42.1.2 Inuinait pinahoalimaitut apighilotik Kavamatokanik imaa ehomaliofaakologit hafomomoona ahiagot naonaighimanighaagot inuinait angonehoaginnagiakaohighaitigot Manitobami kanok himmaohigahoaaklogo ahenik Inuit nunakakkaakhimayot piyomayainik , penagiakaohighatigotlo, nanminikaohighaitigollo ehomagiplogo nunalo, emakllo, Manitobami.

42.1.3 Nalaani 42.1.2-mi talva Inuit ayoghaotikalimaitot pilogo malikayaogitpat imaa nunakakkaakhimayot pinagoaktaitigot hapkonatigot penagiakaohighatigotlo, ovalo nanminikaohighakot nonamotlo emakmollo Manitobami.

INUIT ANGONAHOAGINNAGIAKAOHIGHAIT TAGGIOMI MANITOBAP

42.2.1 Oma elanggani pihimayok imaa, taggiok Manitobap kivataanetok kangikhokyoami ittok Manitobap hinaani hivogaanot ataploni nalgoyomik, onggahiknikakhoni 15 miles-mik hinaanit ovalo atagiploni kookyoagaaloop koogaata kivataanot.

42.2.2 Taggiomi Manitobap kivataani , Inuit penagialakipkaktaohimayot kivalikmioni angotighaliginikot katojikatigeginnit (RWO) imaa angonahoaginnagiakakhotik koyaginnak angotighanik piyomayamingnik tahamani taggiomi Manitobap kivataanit nikighamingnik ovalo nunakatitik nikighakhioklogit tahamangga penagiakaktok, kihimi anigiyoghaoyot kanok penagiakaohighatik aolapkaktaoniakmagaat angotighanik monaghiyonit imaatot:

(a) anggotighat mongiyaojohet atoklogit;

(b) inahoaklotik enoohigiknighakot ovalo amingnaitomik, ovalonet anggotighanik naklighaaktitinahoakhimaitomik anggonahoagaigomik pivaklotik;

(c) eniktigilotik atoktaghanik alatkeni nunani anggikatigegotaoyok pilogit maliklogotitigakhimayok nalaani 5.9.1-mi enighimajotaa oblok angikatigegotaoyomi;

(d) ekayoklotiklo alat nunakakkaakhimayot anggonahoaginnagiakaohighaitigot imaa maliklogo nunakakkaakhimayot penagiakaotait itkilgillo anggonahoag- innagiakaohighait koyaginnak ehomagi logit anggonahoaginnagiakaklotik pihimaniaktot:

(i) imaa aghovalaak anggonahoaknighakot ataohitokakniagamik; kiglighakaktitaolimaitot alatlo nunakakkaakhimayot maligakaklotik angotighanik

(ii) inmiklo anggotighanik pilgaaginnagiakaktot kablonaanit piyaotinnagit honalikaa anggotighat angonahoakvigiyamingni.

(e) pihimalotiklo imaa anggotighat kanok kamahaaktailinahoaklogit ovalo nogotiktai linahoaklogit piyaghaoyot imaa nonanit ahinit takoyaktoiyonit taotoktaoyomavangnaikmata;

(f) talvalo kipingoiyakviktigut nunami monagiyaoyotigollo, namagiyamingnik nalingmik angikatigeklotik enighiyoghaoyot maligakhamingnik kanok okoa Kivalikmiot angotighalikinikot katimayetlo ovalo monaghiyit kipingoiyakviknik nunami ehoagiyamingnik angikatigeklotik piyoghaoyot.

42.2.3 Ehomalongnaitomik okoa titigakhimayot pilogit nalaani 42.2.2-mi atoktaoginnagiakaktot angonahoakvigenagiakaklogo hokpani angikatigegotiktik atoklogo nanilikaa angonahoaginnagiakakvighamingni.

42.2.4 Enighitinnagit pittailitighanik ovalo kiglighakaktitinighamik titigakhimayop nalaani 42.2.2-mi tahapkoa monaghiyot okakatikaklotik piniaktot okoningga NWMB-konnik ovalo Kivalikmiot RWO-koginnik.

42.2.5 Kivalikmiot RWO-kogit pikatikakniaktot monaghiyioyonik naonaiyaitilogit angotighanik angoyaovaktonik pitilogit okaghimayok atoktaotilogo nalaani 42.2.2-mi.

42.2.6 Kivalikmiot RWO-kogit eniktigitilogit hokpani angoniaginnagiakakvighanik pilogo nalaani 42.2.2-mi okagimayok, naonaighimaniaktaat Inuit taimani tatjalo angonahoakvigivaktait taggiomi Manitobap kivataani.

42.2.7 Ehomaliogotaotilogo titigakhimayok nalaani 42.2.2-mi kipingoiyakvikni nunani ovalo monagiyaoyoni, tahapkoa monaghiyot naonaighimaniaktait piyaghat ovalo maligoakhat tahafoma mighaagot monagiyaoyop pihimalogit.

42.2.8 Angonahoaginnagiakaohighak okakhimayok nalaani 42.2.2-mi imaa piyaghaotaogitok

(a) ehoilotaolotik piyoghaogitot inggilgayaaghani, ovalo

(b) hoilikitailiyoghaoyot kavamanit tiliyaohimayot holitilogit, imaa angonahoakniop mighaagot naliomatilimainmat ehoaktomik, kihimi ona pitkoyaogijotaoyok Angonahoaginnagiakaknighakot pihimaghaalimaitok taimaa holiyot enighinnaktinnagi t havaktamingnik.

42.2.9 Kivalikmioni angotighalikinikot katojikatiget pipkainiaktot inungnik pivighainot haklovioknaipkotikaklotik hokpani penagiakagiakhainik angoniaknikot. Inuinait angonahoaginnagiakaktot maliklogo titigak nalaani 42.2.2-mi namagiyaolotik ovalo imaa laisikagetomik akilikgihimaitomiklo anggonahoaknighamikot.

42.2.10 Okagekhimagaloaktilogo nalaani 42.2.9-mi Inuit pitkoyaohimayot nalaani 42.2.2-mi elaani pitkoyaovangniaktot angotighak pinahoaktaktik atataghaanik titigkotikagiakakat.

42.2.11 Inuinait manighiotikainagiakaktot kanok pilotik angoniaknighakot alatigotloonet kanoklikaa tahamani taggiomi kivataani Manitobap titigak pilogo Nalaani 42.2.2- mehoilotaogitoakat maligatigot piyomayotaoyotigut koyaginnak imaa:

(a) monaghitiaktoghaoyut angotighanik amigiyaoyonik nunap elangani hokpanilikaa;

(b) angotighat tokotaginahoagomikot naklighaaktitaililogo, inungnutlo hivoganaitomik pihimanahoaklotik, hikkoktiotitigollo amighittiaklotik pihimagomik taimaa,

(c) talvalo hilami manigak halomanahoaklogo amingnaitomik piyaghagiyaat.

42.2.12 Okagekhimagaloaktilogit honalikaa omani Anggikatigegotaoyomi lnuinak ehoigiyaoyonaituk kitonitlikaa Kavamanit naonaigotighanik angonahoaknikot pipkainahoakat ovalonet angonahoakpaknikot mighaagot kanoklikaa taggiomi Manitobap kivataani imaa maligatigot kanok koyaginnak piyomayotaoyot taimaatut angonahoaknikot pinahoakata.

42.12.13 Inuinait kanok akilikhipkaktaoyaakakata taggiomi angonahoakhimanetigut tahamani Manitobap kivataani omona Angikatigegotaoyokot nalaommatinggitpat okagekhimaniagot kanovalaak piyaoyonaituk, kihiani ajikektitaona- hoakhimaniaktutalat piyaovaohetigut eliokhimaloni.

42.12.14 Omani kanok okagekhimayut pektaolimaitut penagiakaohighat okakhimayut titikami Nalaani 15.3.7-mi aolalimaitut.