ARTICLE 32

NUNAVUTMI INUHILIGENEKMUT KATIMAYIT

KANUKLIKA ELITKOHIGENIAGAIT

32.1.1 Inuit ayunginniaktut ukaghimaniatigut uma Nakatani pikatauyaamingni pival­ lianianut inuhiligenekmut ilitkohiligenekmutlu pitkohiliuknikhainnut, kanugen­ nikhaliuklugitlu inuhiligenekmut ilitkohiligenekmutlu piligeyakhat ikayutikhatlu, kanoktutlu tapkuat atulektitaunikhainnut Inunginnut Nunavut.

KAVAMAT PIYAKHAGEYAIT

32.2.1 Maliklugu Nalaaniittok 32.1.1, Kavamat piyakhageyait ukuat:

(a) pipkaglugit Inuit pikatauyaanginni pivallianianut inuhiligenekmut ilitko­ hiligenekmutlu pitkohiliuknikhainnut, kanugennikhaliuklugitlu inuhiligenekmut ilitkohiligenekmutlu piligeyakhat ikayutikhatlu, kanoktutlu tapkuat atulektitaunikhainnut Inunginnut Nunavut; talvalu

(b) inektihimanahuaklugit Inuit pinahuaktait piyumayaitlu tapkununga pitko­ hfliukhimayainnut, piligeyainnut ikayutikhainnutlu, kanoktutlu atulektinnik­ hainnut Inunginnut Nunavut.

NUNAVUTMI INUHILIGENEKMUT KATIMAYILIUKNEK

32.3.1 Nunavutmi Inuhiligenekmut Katimayiliukniaktut piligepkaligeanginni tapkuat pinahuaktait pinahuagomayaitlu Nalaaniittut 32.1.1 talvanilu 32.2.1-mi, nalun­ gillunilu ilaa atlatlu timiuyut piligepkainiagonnaghiyut taimaatut talvuna An­ gegotikkut ahiitigutlunnit.

32.3.2 Katimayingoktut aulaniaktut maniliugahuangillutik Tikkuaktauhimaplutik Inuit Piligeviit talvalu maliklugit taaksiiyautauvaktunut maligauyut atlatlu atoktakhauyut timiupluni malikpaklugit.

32.3.3 Katimayit ikayokniagait Inuit nalunaiktitlugit piligepkageanginni tapkuat pina­ huaktait pinahuagomayaitlu pivallianianut inuhiligenekmut ilitkohiligenekmutlu talvalu pipkaktinnahuakpaklugit Kavamat kanugennikhahuklugit atoktileklugitlu inuhiligenekmut ilitkohiligenekmutlu pitkohiliuklugit piligeyakhaliuklugitlu In­ ungnut nalaumayunik. Taimailiuknahuaklutik, Katimayit piinnagiakaktut:

(a) kauyihakpaklugit kanugettuungmangaata inuhiligenekmut ilitkohiligenek­ mutlu pivaktat;

(b) tuhagotikhaliuklutik tuneghaglugitlu tuhagotiliuhimayut inuhiligenekmut il­ itkohiligenekmutlu pivaktat taikkununga Inungnut, kavamanut kitkunnut­ likaaklu;

(c) ukakatikakpaklutik havakatikaglutiklu piligeyunik inuhiligenekmut ilitko­ hiligenekmutlu nunalingni, aviktoghimayuni, nunattiakmi, kanatamilu;

(d) ukautjokpaklugit Inuit kavamatlu inuhiligenekmut ilitkohiligenekmutlu pit­ kohigeyaitigut, piligeyaitigut ikayugotaitigutlu atoktauyunik Nunavutmi; talvalu

(e) piligelugitlu atlat hunatlikaak atoktaunginnagealgit inuhiligenekmut ilitko­ hiligenekmutlu Nunavutmi.

32.3.4 Katimayit inekhivangniaktut tunihivaklutiklu ukiugotimingnut unipkaaliuk­ himayunik kanugenniinnut Inuit ilitkohiita inuuhiitalu Nunavutmi taikkununga Hivulliuktiannut Nunattiap Kavamaita hatkektittaangani Maligaliukvingmi, taffumungalu Ministanganut Inuligeyitkut hatkektittaangani Maligaliukvikyuami Kanatami.