ARTICLE 24
GAVAMATKONI CONTRACT-TAKHAT
HIVONIKHIITYOTIKHAT
24.1.1 Ovani Nakatami:
“Gavamat” tokikaktot ima Kanatap ovalonit Nunatiap Gavamait;
“Gavamat Contract-takhat” tokikaktok ima contract-kaktok okoak gavamat ovalo gavamaongitot ilikot nanminikaktot pityotiginahoaklogit honatigot ikayotaoyok hat okonanga gavamaongitonot ilikot nanminikaktot, pityotigilogit:
(a) contract-kaktok okononga tamayatigot ikayotigot;
(b) ikloliotonot contract-takhat;
(c) Contract-takhat Gavamat atogaghainik;
(d) akiliktoklogit atogaghat Gavamaongitonit;
“Gavamat Kanatami” tokikaktot ima tamaita Gavamatokat havakviit ovalo Gavamatokat Piotait atiktaohimayot ovani Oigoani I ovalo 11, ovalo angayokagoyot Gavamatokat Piotaitnik titigaktaohimayonik Oigoani 111, Elanga I ovani Manilokotigot Maligaghat RSC 1985, magpikakmi:
“Inuit nanminiktatkot” tokikaktot nanminiktaktot pityotikaktot malikaliokhimayot malikalogit nanminiktakinakiatgit iloani Nunavutmi ovalo piyakiakaktot:
(a) ona nanminiktakhimayok nanminilioktaohimayok ikayokgiginit tatva Inuit amigaitkiyakaktot nanminiktatlotik nikoaginakiakalikniaktot tatvona nan miniktaknikop mikhakgot;
(b) co-oplioktaohimayok monakiyaoyot Inuknit; ovalonit
(c) Nanminiktaktitaohimayok Inukpat avaliitomik ovalonit, ilikiktot Inuit ilikot nanminiktaktitaohimayot; “”pitkoiyon”” imaitok akitakotitkoinik havakhanot Gavamatkonit; “”piyiliktoiyon havakhatigon”” imaitok kanoginiga havakham Nunavutmi atayok Inuit amigaikpaliayohianon Nunavut-mi;
“piomayon” imaitok akitakotigikoinik nanminiiliknik ayoitilanikon;
“Nunatiami Gavamait” imaitok Nunatiam Gavamait ataniktoiyot Nunavut nunai nik, ovalo tamaita Gavamavaloit holiyovaloitlo naonaiyakhimayot Manilikinikot Aolayohiata, S.N.W.T. 1987, (1), c.16, Elanga IX, ovalo Oigoi A,B,ovalo C, kihi mi pityotingitlogit okoat Nunatiami Kolilikiyiit. ;
PINAHOAKOTIKHAT
24.2.1 Oma nalani okaotikaktot okaok Kanatap Gavamait ovalo Nunatiap Gavamait ikayokiakaktot lnuknik nanminikaktonik okaotaoyot ovani Nakatami ikayoki akakamiko pinayoakomakpata Gavamanit contract-takhanik.
ILITKOTIT
24.3.1 Oma nalani okakhimayok okoat Kanatap Gavamait pivatliktitiniaktot , atohikmiklo, pinahoaknikmiklo piyotigiplogo Inuit nanminikaktot ilaopkaka hoaklogit contract-taghatni Gavamatni Nunatiami.
24.3.2 Oma nanlani okaotikaktot hapkoat malikaliokhimayait Gavamat pivatliatyotao hongoyot ovalo ihoakhiyaokataniaktot okaotyaokataklotik DIO-konit. Okoat malikakhat iliyaohongoyot tatvona titikatigot ovalo malikakhatigot.
24.3.3 Oma nanlani okaotikaktot okoat Gavamatkot piyakaktot maliklogit okoat pityotaoyot ovani Nalani 24.3.2.-mi Okoat atogaghat malikalioktaoyakaliklotik atolikhongoyot:
(a) kanoklikakataohik okiok kakgiktailinahoaklogo Angikotip inikota; ovalo
(b) ihomagilogit hapgoat ihivgiokhiyot Nunanik contract-takhat , ila tonitinagit hapgoat contract-takhat atani Nakatami 19.
24.3.4 Oma nalani okaotikaktot maliklogit okoat maligaghat ovani nanalani 24.9.2, okoat Nunatiap Gavamait pihimayakaktait ona malikaliokhimayatik ikayotiyot hap gononga Inuit nanmininik contract-takhat pipakitkiyaologit atlanit nanminiknik ovalo atlanit malikaliokhimanyonit ikayottaoyonit ovani Nakatami piyotiginahoaklogit tamaita Nunatiap Gavamaita contract-hat pityottaoyot Gavamat havakinik Nunavutmi. Ona Nakatak malikatiakiakakmat, Okoat Nunatiap Gavamait okaotyokiakaktait okoat DIO-kut atlangotigilikomik okoninga maligaghanik atyikotainik Gavamat aolavaohiitnik .
24.3.5 Oma nalani okaotikaktot okoat malikakhat ovalo atogaghat pityotaoyot atok taolininga hapgoat malikakhat ihoakiakaktot ovalo ihomagiyakaktait okoat amikaikpatliayot oktotaoyot Inuit nanminiktakotaoyot, kakogongogaikpat, pinahoakagoaklogit hapgoa Gavamat contract-takhak.
24.3.6 Oma nalani okaotikaktot hapgoat hivonikhityotighat oktogaghat itkaomayaohon goyot hapgonani maligaghani ovalo atogaghani atoktaovatlianiakmata hapkoat maligaghat, nakogotigilogit:
(a) amikaikahoaklogit oktoktoghat hapgoat Inuit Nanminikakomayot iloani Nunavut manikhiotigiyaini;
(b) ikayokpatlikahoaklogit pityotikhait Inuit nanminikaktot oktokomakpata Gavamat contract-takhatigot; ovalo
(c) Inuit havakaotighaitigot natliomayomik Nunavutmi havakhaoyonik.
24.3.7 Oma nalani okaotikaktot ikayokahoaklogit hapgoat oktogakhat ovani Nalani 23.3.6mi, Okoat Kanadap Kavamait ovalo Nunatiap Kavamaitlo enighiniaktut atogakhanik ehoaghailotik ovalo iliogaklogit hapgoat maligaghat oktotigilogit okaohigiyait okoat DIO-kut imaitot hanayaohimayot pityotiginayoaklogit hapgoat:
(a) hatkomikpatliklogit Inuit havaohikhait tatvona ataotigot ilihakhimaaklotik havaakaklotik , ayoikhakhimaaklotiklo, ovalo sikokhimaaklotik pitjotighanik piniaktut Nalani 23.4.2(d) (vi); ovalo
(b) amigaikpatliklogit piyonaotikhat Inuknot ilihaotighainik ovalo ayoikpatligiangani aotlakotikhainik ovalo nanminiktakotighamiknik havamik Okioktaktomi .
AKITAKOTAOTINIK
24.4.1 Oma nalani okaotikaktot ikayoktaolotik okonanga DIO-konit, okoat Kanatap Gavamait ovalo Nunatiap Gavamaitlo ikayoknaiktait Inuit nanminikaktot ilitokip-kakahoaklogit hapgoninga Gavamat aolatyotighainik tatvona akitakotaotinik contract-takhanik ovalo akimanahoakotilotik Gavamat contract-gitnik Nunavutmi.
24.4.2 Oma nalani okaotikaktot okoat Gavamat hakyaikhigomik havakhanik naliagnot nanminiktoktonot oktokomayonot Gavamat contract-ginik iloani Nunavutmi, okoat Gavamat pitiagiatgit hapgononga Inuit nanminiktakhimayonik ima namagiyaoplotik oktoinakiakakmata akitakotaotinik pityotigilogit hapgoat akinahoaklogit atlat oktoktot atoklogit oktootit titigakhimayot atani:
(a) oplok okakgiklogo, homilo kanoklo ihoakhaotighat inikgiklogo oktootigiya mi hapgoninga contract-taghanik ila Inuit oktoinakiakaligiangini ahyoknaitomik;
(b) akitakotaotilotik hapkoninga titigatiakhimayot piyakhat pinagiakalikiangini mikitkiyat nanminiliokhimayot oktokiakakmata;
(c) pinagiakalikiangini mikitkiyat nanminiliokhimayot akitakotaotilotik hapkoninga angitkiyanik contract-nik hapkononga tamayanot atogaghanotlo;
(d) titikagiyaklogit igloolioktot contract-hait ikayotaokiangini oktoinakialakikiagini hapgoat nanminiliokhimayot akitakotaotilotik; ovalo
(e) atoktailinayoaklogo ilihatiakhimanik havaghatigot atokiakagitmat tatvona contract-lioktonot.
24.4.3 Oma nalani okaotikaktot naliak okoak Kanatap Gavamait ovalonit Nunatiap Gavamait hanaiyalikomik contract-taghanik akitakotaotipkailotik Gavamat contractginik Nunavut-mi, ilihimayakakot Inuit nanminiktakhimayait kaoyiyakaktot contract-takhanik ila nakoyomik oktotiakgiakakmata akitakotaotigiakakmata contract-takhanik.
AKITAKOTINIK TIGONAHOAKOTIGHAT
24.5.1 Oma nalani okaotikaktot imaakak Gavamat apikhilikata hapkoninga akitakotaotinik Gavamat contract-ginit Nunavutmi, kaoyimayakaktot hapkoat ahyoiknikhaoyot Inuit nanminiktakhimayot ilaoyakiakaktot atilioktaoyonot nanminikaktonot Gavamat-koni tatvona ihoakhailikata.
24.5.2 Oma nalani okaotikaktot imaakak Inuit nanminiktagiit akihimakpata contract hamik inikomioklo nakoyomik, tatvona tamna akihimayok ilaokataohongoyok nanminikaktonot tigoyaohimayot Gavamanit ila pitkoyaoginakhongoyot atyikotanik akihimayamiknik contract-takhamik.
24.5.3 Oma nalani okaotikaktot Inuit nanminiktakhimayot ihomagiyaotiakhongoyot Gavamanit akitakotinahoangitpata. “akitakotinahoangitpata” tokikaktot kanok likak aolanik pityotigilogo Gavamat pityotigiyakangitot tamainot nanminikaktonot atyikohiokahoaklogit contract-hait.
AKITAKOTINIKOT AOLANIKHAT
24.6.1 Oma nalani okaotikaktot kanokli ihoakat monakityotikhait, ovalo ihoiktinahoak himaitomik maligaghat Kanatap Gavamait pityotigiyait atlanot Nunanot, Kanatap Gavamait ilaniaktait hapgoat aolanikhat, ovalonit amigaikhinahoaklotik, iliokak taonahoakmata aolanikhanot akitakotinikot Kanatap Gavamaitnit contract liokaingomik Nunavutmi.
(a) Atangoyot havakvikhait, kivgaktoktitlo havakvikhait ovalonit atlat havakvikhat Nunavut-mitakaktot;
(b) havaktiginahoaklogit Inuit, Inuit ahyoitot ikayoktighait ivagiakiyaopata (ok totigilogit Inuit maligalioktigot nanminikaktot) ovalonit atoklogit Inuit nan minilgit tamayanik atogaghanotlo contract-titinahoalikomik;
(c) tonikhimanahoaklogit contract-hat Gavamatkoni tatvona havakloni ilihainakialit ovalo ilihakpatlinakiatgit kitotlikak Inuit.
24.6.2 Oma nalani okaotikaktot kanokli ihoakat monakityotikhait, ovalo ihoiktinahoak himaitomik maligaghat Kanatap Gavamait pityotigiyait atlanot Nunanot, Kanatap Gavamait ilaniaktait hapgoat aolanikhat, ovalonit amigaikhinahoaklotik, iliokak taonahoakmata aolanikhanot akitakotinikot Nunatiap Gavamaitnit contract liokaingomik Nunavutmi .
(a) Atangoyot havakvikhait, kivgaktoktitlo havakvikhait ovalonit atlat havakvikhat Nunavut-mitakaktot;
(b) havaktiginahoaklogit Inuit, Inuit ahyoitot ikayoktighait ivagiakiyaopata (ok totigilogit Inuit maligalioktigot nanminikaktot) ovalonit atoklogit Inuit nan minilgit tamayanik atogaghanotlo contract-titinahoalikomik;
(c) tonikhimanahoaklogit contract-hat Gavamatkoni tatvona havakloni ilihainakialit ovalo ilihakpatlinakiatgit kitotlikak Inuit.
ATILIOKTAOHIMA YOT INUIT NANMINIKAKTOT
24.7.1 Oma nalani okaotikaktot okoat DIO-kut hanayakaktot ovalo oplommot tikipkak logo atilioktaoyot Inuit nanminikaktot, ataotikot tohakatigigahoaklotik tatvona tamayanot ovalo atogaghanotlo pityotigigagamiko Gavamat contract-ginot. tamaknik Gavamak ihomagiyakaktait atiliokhimayot pityotiginahoalikangamiko monakiyatik ovani Nakatami.
KAOYIHAKLOGIT OVALO AMIKILOGIT
24.8.1 Oma nalani okaotikaktot tamaknik Gavamat, ihomalioktiakatigilogit okoat DIO kut, amikitiakiakaktat ovalo kagogongogangat kaoyihaklogit hamna Nakatak kanok aktoktaovaligiagha.
ILIOKHAINIK
24.9.1 Oma nalani okaotikaktot togakotiginahoaklogit hapgoat pinahoagaghat titigak taohimayot ovani Nakatami, naliak Kanatap Gavamait ovalo Nunatiap gavamait manikmik atokgiakangitok kihimi avikiakakhongoyat aolangitatik manik pityotiginahoaklogit togakotiginnahoaklogit.
24.9.2 Oma nalani okaotikaktot okoat Nunatiap gavamaita amikiyakaktait maligaliok himayatik contract-lioknikot hanayaohimayot ikayotaonahoaklotik nunani, nunat lanilo ovalo okioktaktomi havakvikhat ovalo nanminiktakhimayot ikayokahoak logit piyotigiyainik ovani Nakaktami.
24.9.3 Oma nalani okaotikaktot 20 okiot kangikata oma inikotani Angikotip, okoat DIO kut Kanatap Gavamaitlo ovalonit Nunatiap Gavamaitlonit ihivgiokfakhongoyait ona Nakatak kanokiniakiakhait hamna atokninga. Imakak DIO-kut ovalo Gavamatkut namagigpatyok hapgoat tokagotiginahoaktatik,tatva ataohik okiok kagikat ihivgioktakomiko DIO-kut ovalo kitoklikak Gavamat, havaghait okoat kitotikak Gavamat taimaktitaohongoyot,imakak ihomagiyaopata havagit aolapkaktaoniakata ihivgioktaotakata, okoat DIO-kut ovalo Gavamat ihivgiokfakniaktait imakak ona atokninga tamat tatlimat okiot natagikpata ovalonit kakogolikak ihivgiokfalikomalikomiko.