ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑐᓄᑦ ᑐᓂᕐᕈᑕᐅᒃᑐᑦ ᑮᓇᐅᔭᐃᑦ

ᔫᓯ ᐊᒪᐅᔭᖅ ᑯᓱᒐᖅ ᐃᓅᓯᕐᒥᓂᒃ ᑐᓂᓯᒪᑦᑎᐊᓚᐅᖅᑐᖅ ᓄᓇᕗᒻᒧᑦ ᐊᒻᒪᓗ ᓯᕗᒻᒧᐊᒃᑎᑦᑎᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᐊᒃᓱᕉᑎᖃᕐᓂᖓ ᐊᒻᒪᓗ ᑐᓂᓯᒪᑦᑎᐊᕐᓂᖓ ᐃᓕᓐᓂᐊᕐᓂᓕᕆᓂᕐᒥᒃ ᐊᒻᒪᓗ ᐱᕚᓪᓕᖅᑎᑦᑎᓂᕐᒥᒃ ᐊᒻᒪᓗ ᐸᐸᑦᑎᓂᕐᒥᒃ ᐃᓄᐃᑦ ᐅᖃᐅᓯᖓᓂᒃ ᐱᔪᓐᓇᖅᑎᑦᑎᓚᐅᖅᑐᖅ ᐃᓄᖕᓂᒃ ᐅᓄᖅᑐᓂᒃ ᐱᕚᓪᓕᕈᑎᓂᒃ.

ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓇᓗᓇᐃᖅᓯᕗᑦ ᔫᓯᐅᑉ ᐱᔪᒃᓯᑎᑦᑎᔪᓐᓇᕐᓂᖓᓂᒃ ᐃᓄᖕᓂᒃ ᑲᔪᓰᓐᓇᖅᑎᑦᑎᕙᒃᖢᓂ ᑐᓂᓯᕙᒃᖢᓂ ᒪᕐᕉᖕᓂᒃ ᐊᕐᕌᒍᑕᒫᑦ $5,000−ᓂᒃ ᐃᓕᓐᓂᐊᕈᑎᒃᓴᓂᒃ ᐃᓕᓐᓂᐊᖅᑎᓄᑦ ᐱᓇᔪᒃᑐᓄᑦ ᐃᓕᓐᓂᐊᕐᕕᖕᓂ ᐃᓕᓐᓂᐊᕌᓪᓚᓚᐅᕐᓗᓂ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᓕᓐᓂᐊᕐᓂᕐᒥᒃ ᐃᓕᓐᓂᐊᕐᓂᓕᕆᓂᕐᒥ, ᐃᓄᐃᑦ ᐅᖃᐅᓯᖓᓐᓂ, ᓯᕗᒻᒧᐊᒃᑎᑦᑎᓂᕐᒥᒡᓘᓐᓃᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ.

ᐱᓇᔪᒍᒪᔪᓄᑦ ᐱᕕᒃᓴᖅ ᐊᐃᕆᓕ 1−ᒥᑦ ᔪᓚᐃ 9−ᒧᑦ.

ᐱᓇᔪᒃᑐᑦ ᑕᑯᒃᓴᐅᑎᑦᑎᑦᑎᐊᕆᐊᖃᖅᐳᑦ ᖃᓄᖅ ᐊᑐᕐᓂᐊᕐᒪᖔᕐᒥᓂᒃ ᐃᓚᓕᐅᔾᔨᓂᐊᕐᒪᖔᕐᒥᓂᒡᓗ ᔫᓯᐅᑉ ᐊᓂᒍᖅᑎᓯᒪᔭᖏᓐᓂᒃ ᐱᐅᓯᒋᐊᖅᑎᑦᑎᓂᕐᒥᒡᓗ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐃᓕᓐᓂᐊᖅᑕᒥᓄᑦ ᐃᓕᓐᓂᐊᖅᑕᒥᓄᓪᓗ.