ᓄᓇᕗᑦ ᑐᙵᕕᒃᑯᑦ ᑐᓴᖅᑎᑦᓯᕗᑦ ᐃᓄᒃᑑᖅᑕ! ᐊᐃᑦᑑᓯᐊᕐᓂᕐᒧᑦ ᑭᖑᓪᓕᖅᐹᖑᖃᑕᐅᔪᑦ

(ᓄᕖᕝᕙ 6, 2026 − ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᖏᔪᖅᑳᖅ ᐊᒻᒪᓗ ᐃᒃᓯᕙᐅᑕᐅᓪᓗᓂ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᓐᓄᑦ ᐊᑦᑕᓄᐊᖅ ᐅᓗᖅᓯ ᑐᓴᖅᑎᑦᓯᔪᒪᕗᖅ 2026 ᑭᖑᓪᓕᖅᐹᖑᖃᑕᐅᔪᑦ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒧᑦ ᐊᐃᑦᑑᓯᐊᕐᓂᖅ ᓵᓚᒃᓴᕈᓐᓇᖅᑐᓂᒃ. ᐅᑯᐊᖑᕗᑦ ᑎᓚᐃᓚ ᒥᓯᕋᓚᖅ, ᑎᐊᓇᔅ ᓇᑯᓛᖅ, ᒥᐊᕆ ᓗᕆᐅ, ᓖᓇ ᐊᐃᐱᓕ, ᐊᒻᒪᓗ ᕋᐃᒡᒋᓕ ᐊᒫᖅ. 

ᓯᕙᑖᕐᕕᒻᒥ, ᓄᕖᕝᕙ 7, ᐃᓄᒃᑑᖅᑕ! ᐊᐃᑦᑑᓯᐊᕐᓂᕐᒧᑦ ᖁᕕᐊᓲᑎᖃᓛᖅᑐᐃᑦ ᐊᖅᓴᕐᓃᑦ ᑐᔪᖅᒥᕕᒃ ᐊᒻᒪ ᑲᑎᒪᕕᒃ ᐃᖃᓗᐃᑦ, ᓄᓇᕗᒻᒥ ᑕᐃᑲᓂ ᓵᓚᒃᓴᖅᑐᑦ ᐅᖃᖅᑕᐅᓛᖅᑐᑦ. ᐊᑕᐅᓯᖅ ᑭᖑᓪᓕᖅᐹᖅ ᐱᔾᔪᓯᐊᓛᖅᑐᖅ $80,000.00 ᐊᒻᒪ ᐃᑲᔪᖅᑕᐅᓗᓂ ᑲᔪᓯᖁᓪᓗᒍ ᑎᑎᕋᕐᓂᕐᒧᑦ ᐅᖓᑖᓂᐅᓗᐊᖅᑐᖅ ᐊᕐᕌᒍ ᐋᖅᑭᑦᓱᐃᕙᓪᓕᐊᑎᓪᓗᒍ ᑐᓂᔭᑦᓴᒥᓂᒃ ᐃᓗᐃᑦᑑᓕᕐᓗᒍ ᐅᖃᓕᒫᒐᓕᐊᖓ. ᐊᓯᖏᑦ ᓵᓚᒃᓴᒐᒃᓴᑲᓐᓃᑦ ᐊᐃᑦᑑᓯᐊᖑᓛᕐᒥᔪᑦ ᐅᑯᐊ, $10,000, $5000, $3000, ᐊᒻᒪ $2000. 

ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᒧᑦ ᓵᓚᖃᐅᓯᐊᕐᓂᖃᕐᓇᐅᑎᓪᓗᒍ ᐃᓚᒋᔭᐅᓛᖅᑐᑦ ᓂᔾᔭᐅᓯᔭᖅᑏᑦ ᓄᓇᕗᒻᒦᖔᖅᑐᑦ ᐅᑯᐊᖑᕗᑦ ᐋᓯᕙᒃ, ᑎᐅᕆ ᐅᔭᕋᖅ, ᔫᑎ, ᔭᐃᑲᑉ ᐅᖄᑦᓯᐊᖅ, ᔭᐃᒥᓯ ᐅᖔᓛᖅ, ᐋᓚᓐ ᑲᖑᖅ, ᐊᒻᒪᓗ ᑖᓐᓂᐊᓕ ᑕᐅᑭ. 

ᑕᕝᕙᓂ ᐊᕐᕌᒍᒥ ᐱᓕᕆᐊᖑᓂᐊᖅᑐᖅ ᐃᓚᖃᖅᐳᖅ ᓴᖅᑭᑎᑦᓯᕙᓪᓕᐊᓂᕐᒧᑦ ᐱᓕᖃᑎᒌᑉᐸᒃᑐᓂᒃ ᐃᓄᐃᓐᓇᕐᓂᒃ ᐱᓕᕆᔨᐅᖃᑎᒌᓂᒃ ᐊᐅᓚᑦᓯᔪᖃᕐᓗᓂ ᖁᙱᐊᖅᑕᐅᕝᕕᖕᒥ, ᓂᐱᓕᐅᕆᓂᕐᒥᒃ ᖃᐅᒻᒪᖅᑯᑎᓕᕆᓂᕐᒥᓪᓗ, ᓯᕗᓕᖅᑎᖃᕐᓗᑎᒃ ᐱᓕᕆᔨᓂᒃ ᑲᓛᖡᑦ ᓄᓇᖓᓐᓃᖔᖅᑐᒥᒃ ᐊᔪᕈᓐᓃᖅᓴᖅᑎᑕᐅᔪᓂᓪᓗ ᓄᓇᕗᒻᒦᙶᖅᑐᓂᒃ, ᑐᕌᒐᖃᖅᓱᑎᒃ ᓄᓇᓕᖕᓂ ᐊᔪᕈᓐᓃᖅᐹᓪᓕᖅᑎᑦᓯᔪᒪᓪᓗᑎᒃ ᓯᕗᓂᒃᓴᒥ ᐱᙳᐊᖅᑎᑦᓯᖃᑦᑕᓛᖅᑐᓂᒃ. ᐃᑎᕈᓐᓇᐅᑏᑦ ᐊᑐᐃᓐᓇᐅᕗᑦ ᓂᐅᕕᐊᑦᓴᐃᑦ ᐃᖐᖅᑕᐅᑎᒃᑯᑦ ᐅᕙᓂ; https://www.eventbrite.com/e/inuktuuqta-inuktukta-mik-hosted-by-nti-tickets-2003515847834?aff=oddtdtcreator&keep_tld=true 

ᐃᓄᒃᑑᖅᑕ! ᑎᑎᕋᕐᓂᒧᑦ ᓵᓚᖃᐅᓯᐊᕐᓂᖃᕐᓇᐅᑎᓪᓗᒍ ᑕᑯᑦᓴᐅᓛᕐᒥᔪᖅ ᖃᕆᓴᐅᔭᒃᑯ ᓄᓇᕗᑦ ᑐᙵᕕᒃᑯᑦ ᕙᐃᔅᐳᒃᑯᑦ. 

ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ: 

ᐋᓂ ᑕᒻᓕᓐᓴᓐ 

ᑐᑭᒧᐊᑦᑎᑦᑎᔨ 

ᑐᓴᐅᒪᑎᑦᑎᓂᕐᒧᑦ  

ᓄᓇᕗᑦ ᑐᙵᕕᒃ ᑎᒥᖓ  

media@tunngavik.com