ᓂᕈᐊᕋᑦᓴᙳᖅᑎᑦᑎᖁᔨᔾᔪᑏᑦ - ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ
ᓄᓇᕗᑦ ᑐᙵᕕᒃᑯᑦ ᑎᒥᖓ ᕿᓂᕐᒪᑕ ᐊᔪᙱᑦᑎᐊᖅᑐᓂᒃ ᓂᕈᐊᒐᒃᓴᓂᒃ ᐊᕐᕌᒍᓄᑦ ᐱᖓᓱᓄᑦ ᑲᑎᒪᔨᐅᓇᔭᖅᑐᓂᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑎᑦ ᑲᑎᒪᔨᖏᓐᓄᑦ.
ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑎᑦ ᓴᖅᑭᖅᑕᐅᓚᐅᖅᓯᒪᕗᑦ ᓄᓇᕗᒻᒥ ᐊᖏᕈᑎᒃᑯᑦ ᑭᒡᒐᖅᑐᐃᖁᓪᓗᒋᑦ ᓄᓇᕗᒻᒥ ᐃᓄᐃᑦ ᐱᔪᒪᔭᖏᓐᓂᒃ ᐃᓕᖅᑯᓯᓕᕆᓂᕐᒥᒃ. ᑐᑭᒧᐊᑦᑎᑕᐅᓪᓗᑎᒃ ᐃᓄᐃᑦ ᖃᐅᔨᒪᔭᖏᓐᓄᑦ ᐊᒻᒪ ᐃᓐᓇᐃᑦ ᓯᓚᑐᓂᖏᓐᓄᑦ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑎᒃᑯᑦ ᐱᓕᕆᓲᖑᕗᑦ ᓴᐳᔾᔨᓪᓗᑎᒃ, ᔭᒐᑎᑦᑎᑦᑕᐃᓕᒪᓪᓗᑎᒃ, ᐊᒻᒪ ᐅᔾᔨᕆᔭᐅᓕᖅᑎᑦᑎᓇᓱᖦᖢᑎᒃ ᓄᓇᕗᒻᒥ ᐃᑦᑕᕐᓂᓴᕐᓂᒃ ᑭᖑᕚᒃᓴᑦᑎᓐᓄᑦ.
ᑲᑎᒪᔨᕈᕋᓱᐊᖅᑐᑦ ᐱᓕᕆᐊᖃᑦᓯᐊᕆᐊᓖᑦ ᓇᒻᒥᓂᕐᓗ ᐊᖏᖅᓯᒪᓂᖃᕐᓂᕐᒥᑦ ᑭᒡᒐᖅᑐᐃᓂᕐᒥᑦ ᐱᔪᒪᔭᖏᓐᓂᑦ ᓄᓇᕗᒻᒥ ᐃᓄᐃᑦ ᑐᑭᓯᐅᒪᓂᖃᑦᓯᐊᕐᓗᓂᓗ ᓄᓇᕗᒻᒥ ᐊᖏᕈᒻᒥᑦ ᐊᑦᑐᐊᓂᓕᓐᓄᑦ ᐱᓕᕆᐊᖏᓐᓄᑦ ᐱᓕᕆᐊᑦᓴᖏᓐᓄᓪᓗ ᐃᓄᐃᑦ ᐱᖁᑎᖏᓐᓂᒃ ᓴᐳᔾᔨᔨᒃᑯᑦ.
ᓄᓇᕗᑦ ᑐᙵᕕᒃᑯᑦ ᑎᒥᖓ ᖃᐅᔨᒪᑦᑎᐊᖅᑎᑦᑏᓐᓇᕐᓂᐊᖅᐳᑦ ᐊᑑᑎᖃᖅᑐᒃᑯᑦ ᐃᓄᐃᑦ ᐃᓚᒋᔭᐅᓂᐊᕐᒪᑕ ᐊᑐᓕᖅᑎᑦᓯᓗᑎᑦ ᓄᓇᕗᒻᒥ ᐊᖏᕈᒻᒥᑦ ᓴᖅᑭᑎᑦᓯᓯᒪᑦᓱᑎᓪᓗ ᒪᑐᐃᖓᔪᒥᒃ ᓴᖅᑭᔮᖅᑐᒥᓪᓗ ᐱᓕᕆᔾᔪᓯᖃᕐᓂᐊᕋᒥᒃ ᐃᓱᒪᒃᓴᖅᓯᐅᕈᑕᐅᓗᑎᑦ ᐊᔪᙱᑦᑐᑦ ᐃᓄᐃᑦ ᑲᑎᒪᔨᕈᕋᓱᐊᖅᑐᑦ.
ᐃᓱᓕᕝᕕᑦᓴᓕᒃ: ᑎᓰᕝᕙ 30, 2026
ᐱᓇᔪᒍᒪᒍᕕᑦ, ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᓇᒃᓯᐅᑎᓗᒋᑦ ᐊᔪᙱᑕᑎᑦ ᐊᒻᒪ ᐱᓕᕆᖃᑦᑕᖅᓯᒪᔭᑎᑦ:
- ᐃᕐᖐᓐᓈᖅᑕᐅᒃᑯᑦ ᐅᕗᖓ Implementation@tunngavik.com (Word ᐅᕝᕙᓘᓐᓃᑦ PDF);
- ᐊᖅᑯᑎᒋᓗᒍ ᓄᓇᓕᖕᓂ ᑐᓴᐅᒪᔪᓕᕆᔨ ᓄᓇᔅᓯᖕᓂ; ᐅᕝᕙᓘᓐᓃᑦ
- ᑎᑎᖅᑲᓂᐊᕐᕕᒃᑯᑎᒍᑦ ᐅᕗᖓ:
ᓄᓇᕗᑦ ᑐᙵᕕᒃᑯᑦ ᑎᒥᖓ
ᐊᑐᓕᖅᑎᑦᑎᔨᒃᑯᑦ
300-922 ᓯᕗᒧᒋᐊᖅ ᐊᖅᑯᑎ
ᐃᖃᓗᐃᑦ, ᓄᓇᕗᑦ X0A 3H0
ᑐᕌᖅᑐᖅ: ᑲᑎᒪᔨᓂᒃ ᑎᒃᑯᐊᖅᓯᓂᖅ