ᒥᒃᓵᓄᑦ
ᐊᑐᐊᒐᑦ ᐊᒻᒪ ᐸᕐᓇᐃᔨᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐸᐸᑦᑎᕗᑦ ᐃᓄᖕᓄᑦ ᓇᖕᒥᓂᕆᔭᐅᔪᑦ ᐊᑎᖏᓐᓂᒃ ᒪᓕᒃᖢᒍ ᑎᑎᕋᖅᓯᒪᓂᓕᒃ 24 ᓄᓇᕗᒻᒥ ᐊᖏᕈᑎᒥ.
ᓇᓗᓇᐃᒃᑯᑕᕐᒥᒃ ᑐᓂᓯᔪᖃᖅᐸᒃᐳᖅ ᓇᖕᒥᓂᕆᔭᐅᔪᓄᑦ ᐊᖑᒻᒪᑎᔪᓄᑦ ᐊᑐᖅᑕᐅᔭᕆᐊᓕᖕᓄᑦ ᑎᑎᕋᖅᓯᒪᓂᓕᒃ 24−ᒥ, ᐊᑎᖓᓗ ᐱᓕᕆᕝᕕᒋᔭᐅᔫᑉ ᐃᓚᖃᖅᖢᓂ ᖃᐅᔨᒋᐊᕐᕕᐅᔪᓐᓇᖅᑐᒥᒃ ᑐᓴᖅᑕᐅᔪᒃᓴᒥᒃ ᓴᖅᑭᑎᑕᐅᓯᒪᕗᖅ ᑕᕝᕙᓂ ᐃᑭᐊᖅᑭᕕᖕᒥ.
ᑖᓐᓇ ᐃᑭᐊᖅᑭᕕᒃ ᑎᑎᕋᖅᓯᒪᔪᖅ ᓄᑖᙳᕆᐊᖅᑎᑕᐅᒐᔪᒃᐳᖅ, ᑭᓯᐊᓂ ᐊᑐᖅᑕᐅᓚᐅᑲᖕᓂᐊᖅᑐᖅ ᐊᑎᓕᐅᖅᑕᐅᓚᐅᙱᓐᓂᖓᓂ ᐊᒻᒪ ᐃᑭᐊᖅᑭᕕᒃᑯᑦ ᓴᖅᑭᑕᐅᓚᐅᙱᓐᓂᖓᓂ. ᑕᐃᒪᐃᑦᑐᖃᖅᑎᓪᓗᒍ, ᓄᑖᖅ ᐊᑎᓕᐅᖅᑕᐅᓵᖅᑐᖅ ᓇᖕᒥᓂᕆᔭᐅᔪᖅ ᐊᑐᕈᓐᓇᖅᑐᖅ ᐊᔾᔨᖓᓂᒃ "ᓇᓗᓇᐃᒃᑯᑕᖅ ᐃᓄᖕᓄᑦ ᓇᖕᒥᓂᕆᔭᐅᔪᒧᑦ ᖃᓄᐃᓕᖓᓂᖓᓄᑦ" ᑕᑯᑎᑦᑎᓗᓂ ᑎᑎᕋᖅᑕᐅᓯᒪᓂᖓᓂᒃ ᐃᓄᖕᓄᑦ ᓇᖕᒥᓂᕆᔭᐅᓂᖓᓂᒃ.