ᐱᔾᔪᑎᖓ ᑖᑦᓱᒪᑉ ᑐᑦᓯᕋᐅᑎᓕᐅᖁᔨᔾᔪᑎᑉ ᑐᑦᓯᕋᐅᑎᓕᐅᖅᑎᑦᑎᓇᓱᐊᖅᑐᖅ ᐱᓕᕆᔨᒻᒪᕇᑦ ᐱᔨᑦᑎᕋᖅᑎᖏᓐᓂᒃ ᓇᓗᓇᐃᒃᑯᑎᓕᐅᕐᓗᑎᑦ ᐃᒡᓗᕗᑦ ᑯᐊᐳᕇᓴᓐ−ᒃᑯᓐᓄᑦ (ᐃᒡᓗᕗᑦ), ᐃᓄᓐᓄᑦ ᓵᙵᓗᐊᖅᑐᖅ ᐃᒡᓗᓕᕆᔨᒃᑯᑦ ᑎᒥᖓ ᐋᖅᑭᑦᑕᐅᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᒻᒪᓗ ᐱᖓᓱᑦ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ.
ᐱᔾᔪᑎᖓ ᑖᑦᓱᒪᑉ ᑐᑦᓯᕋᐅᑎᓕᐅᖁᔨᔾᔪᑎᑉ ᑐᑦᓯᕋᐅᑎᓕᐅᖅᑎᑦᑎᓇᓱᐊᖅᑐᖅ ᐱᓕᕆᔨᒻᒪᕇᑦ ᐱᔨᑦᑎᕋᖅᑎᖏᓐᓂᒃ ᓇᓗᓇᐃᒃᑯᑎᓕᐅᕐᓗᑎᑦ ᐃᒡᓗᕗᑦ ᑯᐊᐳᕇᓴᓐ−ᒃᑯᓐᓄᑦ (ᐃᒡᓗᕗᑦ), ᐃᓄᓐᓄᑦ ᓵᙵᓗᐊᖅᑐᖅ ᐃᒡᓗᓕᕆᔨᒃᑯᑦ ᑎᒥᖓ ᐋᖅᑭᑦᑕᐅᓯᒪᔪᖅ ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᒻᒪᓗ ᐱᖓᓱᑦ ᐊᕕᑦᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᓄᑦ ᓄᓇᕗᒻᒥ. ᓇᓗᓇᐃᒃᑯᑎᓕᐅᕐᓗᓂ ᐱᔨᑦᑎᕋᕈᑏᑦ ᐋᖅᑮᓂᐊᕐᒪᑕ ᓱᖅᑯᐃᓇᑦᑎᐊᖅᑐᑯᓗᒻᒥᒃ ᐊᒻᒪᓗ ᑕᑯᔭᐅᔪᒪᓂᖃᑦᑎᐊᖅᑐᒥᒃ ᑭᒃᑰᓂᖏᓐᓂᒃ ᐃᒡᓗᕗᒃᑯᑦ, ᐊᔾᔨᖃᕐᓗᓂ ᐃᓄᐃᑦ ᓯᕗᓪᓕᐅᑎᖁᔭᕐᒥᓂᒃᒥ ᐊᒻᒪᓗ ᑐᓴᐅᒪᑎᑦᑎᓂᖃᑦᑎᐊᕐᓗᓂ ᐃᒡᓗᕗᒃᑯᑦ ᐱᓕᕆᐊᒃᓴᖏᓐᓂᒃ ᐱᔾᔪᑎᖓᓂᓪᓗ ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ.
- ᑐᑦᓯᕋᐅᑏᑦ ᑕᑯᒃᓴᐅᑎᑦᑎᔭᕆᐊᓖᑦ ᖃᓄᖅ ᑐᑦᓯᕋᐅᑎᓕᐅᖅᑐᖅ ᐋᖅᑮᒐᔭᕐᓂᖓᓂᒃ ᐊᔾᔨᐅᙱᑦᑐᒥᒃ ᐊᒻᒪᓗ ᑐᑭᖃᑦᑎᐊᖅᑐᒥᒃ ᓇᓗᓇᐃᒃᑯᑕᕐᒥᒃ ᐃᒡᓗᕗᒃᑯᓐᓄᑦ ᐊᔾᔨᖃᕐᓗᓂ ᐃᓄᓐᓂᒃ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᓄᑦ ᐊᑎᓕᐅᖅᑕᐅᖃᑕᐅᓯᒪᔪᓄᑦ. ᑐᑦᓯᕋᐅᑎᓕᐅᖅᑐᖅ ᓇᓗᓇᐃᒃᑯᑎᓕᐅᕋᔭᕐᓗᓂ ᑕᑯᑦᓴᐅᑎᑦᑎᔭᕆᐊᖃᖁᕐᒥᔪᖅ ᐃᓱᒪᒃᓴᖅᓯᐅᕈᑎᖃᑦᑎᐊᖅᓯᒪᓂᖓᓂᒃ ᓇᓕᒧᓐᓂᖃᕐᒥᓗᓂ ᓄᓇᕗᑦ ᑐᙵᕕᒃ ᑎᒥᖓᑕ ᑭᒃᑰᓂᖓᑕ ᓇᓗᓇᐃᒃᑯᑕᖓᓂᒃ. ᐃᒡᓗᕗᑦ ᓇᓗᓇᐃᒃᑯᓯᖅᑕᐅᓂᖓᓗ ᐊᔾᔨᐅᙱᑦᑑᔭᕆᐊᓕᒃ ᐃᓛᒃᑰᖓᓗᓂ ᐃᓕᓴᕆᔭᐅᔪᓐᓇᑲᐅᑎᒋᓗᓂ ᓱᖅᑯᐃᓇᑦᑎᐊᖅᑐᑯᓗᒃᑯᑦ ᑐᓴᐅᒪᑎᑦᑎᓗᓂ ᐱᓕᕆᖃᑎᖃᓲᖑᓂᖓᓂᒃ ᓄᓇᕗᑦ ᑐᙵᕕᒃ ᑎᒥᖓᓂᒃ.
- ᑐᑦᓯᕋᐅᑎᓕᐅᖅᓯᒪᔪᖅ ᑳᓐᑐᕌᒃᑦᑕᐅᒐᔭᖅᑐᖅ ᓇᓗᓇᐃᔭᐃᔭᕆᐊᖃᕆᕗᖅ ᖃᓄᖅ ᑐᑦᓯᕋᐅᑎᖓ ᓇᓗᓇᐃᒃᑯᑎᓕᐅᕆᐊᓯᓂᖓᓄᑦ ᑐᑭᓯᐅᒪᓂᖃᕋᔭᕐᒪᑕ ᐃᑲᔪᖅᑐᐃᓗᓂᓗ ᐱᓕᕆᐊᕆᔭᐅᓲᕐᓂᒃ ᐃᓄᓐᓄᑦ ᑕᒪᒃᑮᒃ ᓄᓇᓕᓐᓂ ᐊᒻᒪᓗ ᐊᕕᑦᑐᖅᓯᒪᔪᓂ, ᐱᖃᓯᐅᔾᔭᐅᓗᑎᑦ ᐃᓐᓇᒻᒪᕇᑦ, ᐊᖑᓇᓱᑦᑏᑦ ᐊᒻᒪᓗ ᒥᑭᒋᔾᔭᖅᑏᑦ, ᐊᒻᒪᓗ ᐊᓯᖏᑦ ᓄᓇᓕᒻᒥᐅᑕᐅᔪᑦ.
- ᓇᓗᓇᐃᒃᑯᑎᓕᐅᕐᓗᑎᓪᓗ ᐱᖃᓯᐅᔾᔨᔭᕆᐊᖃᕆᕗᑦ, ᑖᒃᑯᑑᙱᑦᑑᒐᓗᐊᑦ, ᐅᑯᓂᖓ ᖃᓄᐃᓕᐅᕈᑎᒋᔭᐅᔭᕆᐊᓕᓐᓂᒃ:
- ᐱᓕᕆᐊᖅ ᖃᐅᔨᔭᐅᓂᖓ ᐊᒻᒪᓗ ᖃᐅᔨᓴᕆᐊᖃᕐᓂᖓ ᑐᑦᓯᕋᐅᑎᓕᐅᖅᓯᒪᔪᖅ
- ᕿᒥᕐᕈᓗᑎᑦ ᓄᓇᕗᑦ ᑐᙵᕕᒃ ᑎᒥᖓᑕ ᑎᒥᐅᔫᑉ ᓇᓗᓇᐃᒃᑯᑕᓕᐅᖅᑕᐅᓯᒪᓂᖓᓄᑦ ᑐᑭᒧᐊᕈᑎᖏᑦ, ᓈᑎᕆᐊᓖᑦ, ᐊᒻᒪᓗ ᓴᖅᑭᔮᖅᑎᑦᑎᒍᑎᖏᑦ ᐊᒻᒪᓗ ᑐᓴᐅᒪᔭᐅᓂᖅᓴᐅᒐᓱᐊᕈᑎᖏᑦ ᑭᒃᑰᒻᒪᖔᕐᒥᒃ
- ᕿᒥᕐᕈᓗᑎᑦ ᓄᓇᕗᒻᒥ ᓴᖅᑭᔮᖅᑎᑦᑎᒍᑎᓂᑦ ᑕᑯᑦᓴᐅᑎᑦᑎᔪᑦ ᓄᓇᕗᒻᒥ ᐊᒻᒪᓗ ᓄᓇᖃᖅᑳᖅᓯᒪᔪᑦ ᓯᕗᓕᖅᑎᖏᓐᓂᒃ
- ᑐᓴᕆᐊᕐᕕᖃᕐᓗᑎᑦ ᐱᖁᑎᕐᔪᐊᓕᕆᓂᕐᒧᑦ ᓱᓇᒃᑯᑖᖏᑕ ᐃᖅᑲᓇᐃᔭᖅᑏᑦ ᑲᑎᒪᔨᐊᓛᖏᓐᓂᒃ (ITWG) ᐊᒻᒪᓗ ᐃᒡᓗᕗᑦ ᑲᑎᒪᔨᖏᖕᓂᒃ ᖃᐅᔨᒪᓂᖏᓐᓂᒃ ᑐᑭᓯᒐᓱᐊᕐᓂᐊᕐᒪᑦ ᐃᒡᓗᕗᒃᑯᑦ ᒥᑦᓵᓄᑦ, ᐱᓕᕆᐊᑦᓴᖏᑦ, ᐱᔾᔪᑎᖏᑦ, ᐊᒻᒪᓗ ᑐᓴᐅᒪᑎᑦᑎᒐᓱᐊᕈᑎᒋᓲᖏᓐᓂᒃ
- ᓇᓗᓇᐃᒃᑯᑕᖅ ᑐᑭᓯᐅᒪᔭᐅᓯᒪᔭᕆᐊᓕᒃ ᑭᒃᑰᒻᒪᖔᑦᑕ
- ᑐᑭᑖᖅᑎᑦᑎᓗᑎᑦ ᓇᓗᓇᐃᒃᑯᑕᖓ ᑭᓇᐅᓂᑦᑎᓐᓂ, ᐱᖃᓯᐅᑎᓗᒋᑦ ᐱᙳᖅᓯᒪᓂᖓ, ᑐᓴᖅᑕᐅᖁᔭᐅᓗᐊᖅᑐᑦ, ᐱᒻᒪᕆᒋᔭᐅᓪᓗᐊᖅᑐᑦ, ᐊᒻᒪᓗ ᖃᓄᐃᓕᖓᓂᖏᑦ ᓄᓇᕗᑦ ᑐᙵᕕᒃ ᑎᒥᖓᓂ, ᑐᑭᓯᐅᒪᑎᑕᐅᓗᓂ ᐊᖏᕐᕋᑦᓴᓕᐅᓚᐅᖅᑕ ᐸᕐᓇᐅᑎᖓᓄᑦ.
- ᑕᑯᔭᒃᓴᒥᒃ ᑭᓇᐅᒻᒪᖔᑦᑕ ᓇᓗᓇᐃᒃᑯᑎᓕᐅᕐᓗᓂ, ᐱᓯᖃᐅᑎᓗᒍ ᑎᑎᖅᑐᒐᐅᔭᖅᓯᒪᓂᖓ, ᑎᑎᕋᖅᓯᒪᔪᑦ ᓈᓴᐅᑏᓪᓗ ᓇᓗᓇᐃᒃᑯᑕᖏᓪᓗ, ᐊᒥᐊᖏᑦ, ᑭᓇᐅᓂᑦᑎᓐᓂᒃ ᑎᑎᕋᐅᔭᖅᓯᒪᓂᖓᑕ ᓇᓗᓇᐅᒃᑯᑕᖓ, ᐊᒻᒪᓗ ᓇᓗᓇᐃᒃᑯᑕᑉ ᑐᑭᒧᐊᕈᑎᖏᑦ. ᑕᒪᐃᓐᓂ ᐱᖁᑎᐅᔪᑦ ᐱᖃᓯᐅᔾᔨᔭᕆᐊᓖᑦ ᓲᕐᓗᒃ ᑎᑎᕋᖅᑕᐅᓯᒪᓗᑎᑦ ᐊᒻᒪᓗ ᖃᕋᓴᐅᔭᒃᑰᖓᔪᒃᑯᑦ ᓴᓇᔭᐅᓗᑎᑦ
- ᐋᖅᑭᑦᓱᐃᓗᑎᑦ ᐊᓯᖏᓐᓂᒃ ᓇᓗᓇᐃᒃᑯᑕᑦ ᐱᖁᑎᐅᔪᓂᒃ, ᓲᕐᓗᒃ ᐱᖃᓯᐅᑎᓗᒋᑦ ᐃᖅᑲᓇᐃᔭᖅᑏᑦ ᐊᑎᖏᑕ ᐃᖅᑲᓇᐃᔮᖏᓪᓗ ᑎᑎᕋᖅᓯᒪᓂᖏᑦ, ᑎᑎᖅᑲᓕᐅᕐᓗᓂ ᖁᓛᒍᑦ ᓇᓗᓇᐃᒃᑯᑕᖓ ᑕᑯᑦᓴᐅᑎᑕᐅᓗᓂ, ᓈᑎᕆᐊᓖᑦ (ᐅᓂᒃᑳᑦ, ᐱᕙᓪᓕᐊᔪᑦ ᑎᑎᕋᖅᓯᒪᔪᑦ, ᓴᖅᑭᔮᕆᐊᕐᔫᑎᑦᑎᒍᑎᓄᑦ (ᓲᕐᓗᒃ ᐆᑦᑑᑎᒋᓗᒍ ᐃᓅᖃᑎᒌᕝᕕᐅᔪᑦ ᖃᕋᓴᐅᔭᒃᑯᑦ ᓴᖅᑭᖅᑎᑕᐅᔾᔪᑎᖏᑦ, ᖃᕋᓴᐅᔭᒃᑯᑦ ᐱᕙᓪᓕᐊᔪᑦ), ᐊᔾᔨᙳᐊᑦ ᐊᒻᒪᓗ ᑎᑎᖅᑐᒐᐅᔭᖅᑕᐅᓯᒪᔪᑦ
- ᓇᓕᒧᒌᑎᓪᓗᒍ ᑕᑯᑦᓴᐅᔪᑉ ᓇᓗᓇᐃᒃᑯᑕᑉ ᐃᑭᐊᖅᑭᕕᒻᒥ ᑎᑎᖅᑐᒐᖅᑕᐅᓯᒪᓂᖓᑕ ᐃᖅᑲᓇᐃᔮᕆᔭᐅᔪᑦ ᐊᖏᕐᕋᑦᓴᓕᐅᓚᐅᖅᑕᒧᑦ ᐊᒻᒪᓗ ᓄᓇᕗᒻᒥ ᐃᓄᐃᑦ ᒪᑭᒪᑎᑕᐅᔪᓐᓇᖅᑐᑦ ᐃᒡᓗᖏᑦ ᓇᓗᓇᐃᒃᑯᑕᖓᓄᑦ (NISHI).
- ᓇᓗᓇᐃᒃᑯᑕᖅ ᐊᑐᓕᖅᑎᑕᐅᓂᖓ
- ᐋᖅᑭᑦᓱᐃᓗᑎᑦ ᑐᓴᐅᒪᑎᑦᑎᓂᕐᒧᑦ ᖃᓄᖅᑑᕈᑎᒥᒃ ᓴᖅᑭᖅᑎᑕᐅᖁᓪᓗᒍ ᓄᑖᖅ ᓇᓗᓇᐃᒃᑯᑕᖅ
- ᐋᖅᑭᑦᓱᐃᓗᑎᑦ ᐃᒡᓗᕗᑦ ᑯᐊᐳᕇᓴᓐ ᐃᑭᐊᖅᑭᕕᖓᓂ ᐊᑐᕋᑦᓴᐅᓗᓂ ᐊᒻᒪᓗ ᐊᔪᙱᓪᓗᓂ ᓴᖅᑭᖅᑎᑕᐅᔪᓐᓇᕋᔭᖅᑐᓂᒃ ᓄᓇᕗᑦ ᑐᙵᕕᒃ ᑎᒥᖓᑕ ᐃᑭᐊᖅᑭᕕᖓᓄᑦ. ᐃᑭᐊᖅᑭᕕᒃ ᐊᔾᔨᖃᕆᐊᓕᒃ ᐊᖏᖅᑕᐅᓯᒪᔪᒧᑦ ᑎᒥᐅᔫᑉ ᓇᓗᓇᐃᒃᑯᑕᖓᓄᑦ ᐊᒻᒪᓗ ᑭᓇᐅᓂᖓᓂᒃ ᑐᑭᓯᔭᐅᔪᓐᓇᑲᐅᑎᒋᓂᖓ ᓇᓗᓇᐃᒃᑯᑕᖓᓄᑦ, ᐅᓪᓗᒥᓕᓴᐅᔪᒥᒃ ᐊᒻᒪᓗ ᐊᑐᕋᒃᓴᒥᒃ ᖃᕋᓴᐅᔭᒃᑯᑦ ᐊᑐᕋᑦᓴᐅᓗᓂ, ᐊᒻᒪᓗ ᐋᖅᑭᑦᑕᐅᓯᒪᓗᓂ ᐃᑲᔪᖅᑐᐃᔪᓐᓇᕐᓂᐊᕐᒪᑦ ᓯᕗᓂᒃᓴᒥ ᐱᕈᖅᐸᓪᓕᐊᒍᓐᓇᖅᑎᑕᐅᓛᕐᓂᖓᓂᒃ. ᐱᓕᕆᐊᖅ
ᖃᖓᒃᑰᖅᑕᐅᓯᒪᓂᖓᓗ/ᐋᖅᑭᑦᓱᖅᓯᒪᓂᖏᑦ
ᖃᐅᔨᓴᖅᑕᐅᒋᐊᙵᓚᐅᖅᑎᓪᓗᒍ ᓄᓇᕗᑦ ᑐᙵᕕᒃ ᑎᒥᖓᓄᑦ ᑕᒪᐃᓐᓂ ᑐᓂᔭᐅᓯᒪᔪᑦ ᑐᑦᓯᕋᐅᑎᐅᔪᓂᒃ, ᑐᑦᓯᕋᐅᑎᓕᐅᖅᑐᑦ ᑳᓐᑐᕌᒃᑦ−ᑕᐅᔪᒪᒐᔭᖅᑐᑦ ᐅᓂᒃᑲᐅᓯᖃᕆᐊᓖᑦ ᑐᑦᓯᕋᐅᑎᒥᒃ ᐃᒡᓗᕗᑦ ᑎᒥᖓᓄᑦ (ᑲᑎᒪᔨᖏᖕᓄᑦ) ᐅᓪᓗᖓ ᖃᖓᒃᑯᓪᓗ ᓯᕿᙳᔭᖓ ᐊᖏᕈᑕᐅᓯᒪᓗᓂ ᑕᒪᒃᑮᓐᓄᒃ ᐱᓕᕆᖃᑎᒌᑦᑐᓄᑦ. ᐅᓂᒃᑲᐅᑕᐅᔪᓐᓇᖅᐳᖅ ᐃᓄᒃᑎᒍᑦ, ᐅᕝᕙᓘᓐᓃᑦ ᖃᕋᓴᐅᔭᖅᑎᒍᑦ (ᐆᑦᑑᑎᒋᓗᒍ ᐅᑯᑎᒎᓇᖅ ᒪᐃᑯᕈᓵᑉᑦ ᑏᒻᔅ ᑲᑎᒪᔾᔪᑎ, ᔫᒻ, ᐊᓯᖏᓪᓗ), ᐊᑐᐃᓐᓇᐅᒪᒍᑎᑦ, ᐊᑭᖏᑦ ᐃᓱᒪᒋᔭᐅᓗᑎᑦ ᐊᒻᒪᓗ ᐊᑐᖅᑕᐅᔪᒪᓂᖏᑦ ᓇᐅᒃᑯᑦ ᐅᓂᒃᑳᕈᒪᒐᔭᖅᑐᑦ ᓈᓚᑦᑐᓪᓗ.
ᑲᑎᒪᔨᓄᑦ ᐅᓂᒃᑳᖅᑐᖃᓚᐅᖅᑎᓪᓗᒍ, ᑐᑦᓯᕋᐅᑎᓕᐅᖅᓯᒪᔪᑦ ᓂᕈᐊᖅᑕᐅᓂᖏᑦ ᑳᓐᑐᕌᒃᑦ−ᑕᐅᓂᖏᓪᓗ ᑐᑦᓯᕋᐅᑎᓕᐅᖅᓯᒪᑦᑎᐊᔫᕐᒧᑦ ᓂᕆᐅᒋᔭᐅᕗᖅ ᑭᖑᕙᙱᑦᑐᒃᑯᑦ. ᐅᑯᐊ ᐊᑐᓕᖁᔭᐅᓯᒪᕗᑦ ᒪᓕᑦᑕᐅᒐᔭᕐᓗᑎᑦ ᖃᖓᒃᑰᖅᑕᕐᓂᖏᑦ ᑐᑭᓯᐅᒪᔭᐅᒃᑲᖅᑕᐅᔭᕆᐊᓖᑦ ᑐᑦᓯᕋᐅᑎᓕᐅᖅᓯᒪᔪᑉ ᐃᖅᑲᓇᐃᔮᑦᓴᖏᑕ ᐸᕐᓇᐅᑎᖏᖕᓄᑦ:
- ᐱᓕᕆᐊᖅ ᐱᒋᐊᖅᑎᑕᐅᓂᖓ/ᑲᔪᓯᑎᑕᐅᓂᖓᓄᑦ ᑲᑎᒪᓂᖅ (KOM) ᐱᓇᓱᐊᕈᓯᖅ ᑭᖑᓂᐊᒍᑦ ᑳᓐᑐᕌᒃᑦ−ᑖᖅᑎᑦᑎᓚᐅᖅᑎᓪᓗᒋᑦ/ᐱᓕᕆᐊᕐᒥᒃ ᐱᒋᐊᖅᑎᑦᑎᓗᑎᑦ.
- ᐅᐸᓗᖓᐃᔭᐃᓗᑎᑦ ᐱᖓᓱᓂᑦ ᓇᓗᓇᐃᒃᑯᑕᑉ ᐃᓱᒪᒋᔭᐅᓯᒪᓂᖓᓂᒃ ᑎᓴᒪᐅᔪᖅᑐᑦ (8) ᐱᓇᓱᐊᕈᓰᑦ ᐱᓕᕆᐊᖅ ᐱᒋᐊᖅᑎᑕᐅᓚᐅᖅᑎᓪᓗᒍ.
- ᐋᖅᑭᒋᐊᖅᑕᐅᓗᑎᑦ ᐊᑐᖁᔭᐅᔪᑦ ᓇᓗᓇᐃᒃᑯᑕᑦ ᑭᓇᐅᓂᑦᑎᓐᓂ 12 ᐱᓇᓱᐊᕈᓰᑦ ᐱᓕᕆᐊᖅ ᐱᒋᐊᖅᑎᑕᐅᓚᐅᖅᑎᓪᓗᒍ.
ᑐᑦᓯᕋᐅᑏᑦ ᐱᔭᐅᓯᒪᒋᐊᓖᑦ ᑐᙵᕕᒃᑯᓐᓄᑦ ᑭᖑᓂᐊᓂᐅᖏᑦᑐᖅ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᑲᓇᓐᓇᕐᒥ ᓄᕖᕝᕙ 9, 2026
ᑐᑭᓯᒋᐊᕈᑎᓕᒫᑦ ᑖᑦᓱᒧᖓ ᑐᑦᓯᕋᐅᑎᓕᐅᖁᔨᔾᔪᑎ−ᒧᑦ ᑎᑎᖅᑲᒃᑰᖓᔭᕆᐊᓖᑦ ᐊᐅᓪᓚᖅᑎᑕᐅᓗᑎᓪᓗ procurement@tunngavik.com