ᐱᔾᔪᑎᖓ ᑖᔅᓱᒪᑉ ᑐᑦᓯᕋᐅᑎᓕᐅᖁᔨᔾᔪᑎᑉ ᐃᑲᔪᖅᑐᐃᓇᓱᐊᖅᑐᖅ ᓈᒻᒪᑦᑐᓂᒃ ᐊᔪᙱᑦᑐᓂᒃ ᐃᖅᑲᓇᐃᔭᖅᑎᑖᖁᓪᓗᒋᑦ ᐊᒻᒪᓗ ᐃᖅᑲᓇᐃᔮᕐᒥ ᐱᕙᓪᓕᐊᓂᖃᖅᑎᑕᐅᓗᑎᑦ ᐃᓚᒌᑦᑐᑦ ᐋᓐᓂᖅᑎᖅᑕᐅᓲᑦ ᕿᒫᕕᖏᑦ ᐃᖅᑲᓇᐃᔭᖅᑎᖃᖁᓪᓗᒋᑦ ᐱᖓᓱᓂᑦ ᓄᓇᕗᒻᒦᑦᑐᑦ ᕿᒫᕖᑦ ᕼᐊᒻᓚᖏᖕᓂ ᐅᑯᐊ ᖃᒪᓂ’ᑐᐊᖅ, ᐸᖕᓂᖅᑑᖅ, ᐊᒻᒪᓗ ᐅᖅᓱᖅᑑᖅ.
ᐱᔾᔪᑎᖓ ᑖᔅᓱᒪᑉ ᑐᑦᓯᕋᐅᑎᓕᐅᖁᔨᔾᔪᑎᑉ ᐃᑲᔪᖅᑐᐃᓇᓱᐊᖅᑐᖅ ᓈᒻᒪᑦᑐᓂᒃ ᐊᔪᙱᑦᑐᓂᒃ ᐃᖅᑲᓇᐃᔭᖅᑎᑖᖁᓪᓗᒋᑦ ᐊᒻᒪᓗ ᐃᖅᑲᓇᐃᔮᕐᒥ ᐱᕙᓪᓕᐊᓂᖃᖅᑎᑕᐅᓗᑎᑦ ᐃᓚᒌᑦᑐᑦ ᐋᓐᓂᖅᑎᖅᑕᐅᓲᑦ ᕿᒫᕕᖏᑦ ᐃᖅᑲᓇᐃᔭᖅᑎᖃᖁᓪᓗᒋᑦ ᐱᖓᓱᓂᑦ ᓄᓇᕗᒻᒦᑦᑐᑦ ᕿᒫᕖᑦ ᕼᐊᒻᓚᖏᖕᓂ ᐅᑯᐊ ᖃᒪᓂ’ᑐᐊᖅ, ᐸᖕᓂᖅᑑᖅ, ᐊᒻᒪᓗ ᐅᖅᓱᖅᑑᖅ. ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᑭᒡᒐᖅᑐᐃᔨᖏᑦ ᐅᐊᑦᑎᓂᐊᖅᐳᑦ ᑖᔅᓱᒥᖓ ᐱᓕᕆᐊᕐᒥᒃ.
ᓇᓗᓇᐃᔭᖅᓯᒪᒃᑲᓐᓂᖅᑐᑦ ᓯᕕᑐᓂᖓᑕ ᐃᖅᑲᓇᐃᔮᑦ ᐊᒻᒪᓗ ᖃᖓᒃᑯᑦ ᐱᔭᕇᖅᓯᒪᖃᑦᑕᕆᐊᖃᕐᓂᖏᑦ ᑕᑯᓂᐊᖅᑕᐅᔪᓐᓇᖅᐳᑦ ᑎᑎᕋᖅᓯᒪᓂᖓᑕ ᐃᓚᖓ 2 ᐊᒻᒪᓗ ᐅᐃᒍᖏᖕᓂ ᐊᓪᓕᕐᒥ.
ᑐᑦᓯᕋᐅᑎᓕᐅᖅᑐᑦ ᑭᐅᔾᔪᑎᓕᐅᕆᐊᑐᙱᓚᑦ ᑕᒪᐃᓐᓂ ᒪᓕᑦᑕᐅᔭᕆᐊᓕᓐᓂᒃ ᑐᑦᓯᕋᐅᑎᓕᐅᖁᔨᔾᔪᑎᒥ. ᑐᑦᓯᕋᐅᑎᓕᐅᖅᑐᑦ ᑐᓂᓯᔪᓐᓇᖅᑐᑦ ᑐᑦᓯᕋᐅᑎᒥᒃ ᑕᐃᒃᑯᓄᖓᑐᐊᖅ ᓈᒻᒪᑦᑐᓂᒃ ᐊᔪᙱᑕᖏᖕᓄᐊᖓᔪᓄᑦ, ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᖕᓄᑦ, ᒪᑭᒪᑎᑦᑎᒍᓐᓇᖅᑐᒥᓂᐅᓂᖏᖕᓄᑦ ᐊᒻᒪᓗ ᐱᔾᔪᑏᑦ ᐅᖃᐅᑕᐅᔪᑦ ᐊᔪᙱᑦᑕᒥᓄᑦ.
ᓄᓇᕗᑦᑐᙵᕕᒃ ᑎᒥᖓ ᑐᑦᓯᕋᐅᑎᓕᐅᖁᔨᔪᑦ ᐊᔪᙱᑦᑐᓂᒃ ᑳᓐᑐᕌᒃᑦ−ᑖᕈᒪᔪᓂᒃ ᐱᔾᔪᑎᓕᓐᓂᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᒻᒪᓗ ᐃᖅᑲᓇᐃᔮᑦ ᐱᕙᓪᓕᕈᑎᒋᔭᐅᓂᖏᖕᓄᑦ ᐃᑲᔪᖅᑐᐃᓂᐊᕐᒪᑕ ᐱᖓᓱᓂᒃ 24-ᓕᓐᓂᒃ ᐃᒡᓕᓕᓐᓂᒃ ᐃᓚᒥᓄᑦ ᐋᓐᓂᖅᑎᖅᑕᐅᓲᑦ ᕿᒫᕕᖏᑦ, ᕿᒫᕖᑦ ᐅᑯᓇᓃᑦᑐᑦ ᖃᒪᓂᑐ’ᐊᖅ, ᐸᖕᓂᖅᑑᖅ ᐊᒻᒪᓗ ᐅᓱᖅᑑᖅ. ᑖᓐᓇ ᐆᑦᑐᕋᐅᑎᒋᔭᐅᖕᒪᑦ ᐱᓕᕆᐊᖅ, ᐱᔭᕇᖅᑕᐅᒍᓂ ᓈᒻᒪᒋᔭᐅᓗᓂᓗ ᓄᓇᕗᑦ ᑐᙵᕕᒃ ᑎᒥᖓᓄᑦ, ᓯᕗᓂᒃᓴᒥ ᐊᔾᔨᐸᓗᖏᖕᓄᑦ ᐱᓕᕆᐊᕐᓄᑦ ᐱᔭᐅᔪᒪᓂᖅᓴᐅᔾᔪᑕᐅᒐᔭᖅᑐᓂᒃ ᑳᓐᑐᕌᒃᑦ−ᑖᖅᑐᖅ ᑳᓐᑐᕌᒃᑦ−ᑖᒃᑲᓐᓂᖅᑎᑕᐅᓗᓂ ᓲᕐᓗᒃ ᐃᒡᓗᕐᔪᐊᑦ ᐋᖅᑭᒃᓱᖅᑕᐅᕙᓪᓕᐊᑎᓪᓗᒋᑦ ᑕᒪᐃᓐᓂ ᓄᓇᕗᓕᒫᕐᒥ. ᓄᓇᕗᑦ ᑐᙵᕕᒃ ᑎᒥᖓ ᐊᔾᔨᒌᓕᖅᓱᐃᓇᓱᐊᖅᑐᑦ ᐃᖅᑲᓇᐃᔮᕐᓂᒃ ᑕᒪᒃᑯᓂᖓ ᖃᐅᔨᒪᓇᑦᑎᐊᖁᓪᓗᒍ ᐊᔾᔨᖐᔾᔫᒥᓂᐊᕐᒪᑕ, ᓈᒻᒪᑦᑑᓗᑎᑦ, ᐊᒻᒪᓗ ᐊᐅᓚᓂᖃᑦᑎᐊᐊᕐᓗᑎᑦ ᐱᔨᑦᑎᕋᕈᑕᐅᔭᕆᐊᓖᑦ ᓄᓇᕗᓕᒫᕐᒥ; ᑖᓐᓇ ᐱᓕᕆᐊᖅ ᑭᒡᒐᖅᑐᐃᕗᖅ ᓯᕗᓪᓕᖅᐹᖑᓪᓗᓂ ᑲᒪᒋᔭᐅᓇᓱᐊᖅᑐᖅ ᑕᐃᒪᓐᓇ ᑲᒪᒋᔭᖃᕆᐊᙵᐅᓯᖓᑎᒍᑦ, ᐊᒻᒪᓗ ᑲᔪᓯᓂᖃᑦᓯᐊᕐᓂᖓ ᐱᐅᓯᑎᑦᑎᓂᖅᓴᒻᒪᕆᐅᓂᐊᖅᑐᖅ ᐊᐅᓚᑦᑎᓂᕐᒥᒃ ᐊᒻᒪᓗ ᐱᔨᑦᑎᕋᕈᑏᑦ ᑲᒪᒋᔭᐅᓗᑎᑦ ᐊᒻᒪᓗ ᖃᓄᐃᑦᑕᐃᓕᒪᓗᑎᑦ ᐃᓄᒻᒪᕇᑦ ᓄᓇᕗᒻᒥ ᓄᓇᓕᓕᒫᖏᖕᓂ.
- ᐃᒡᓗᐃᑦ ᖃᒪᓂ’ᑐᐊᕐᒥ ᐊᒻᒪᓗ ᐸᖕᓂᖅᑑᕐᒥ ᐅᓪᓗᒥ ᒪᑐᐃᓛᕐᓂᐊᕋᓱᒋᔭᐅᕗᑦ ᒫᑦᓯ 2027-ᒥ, ᐃᒡᓗᕐᔪᐊᕐᓗ ᐅᖅᓱᖅᑑᕐᒥ ᒪᑐᐃᓛᕐᓂᐊᕋᓱᒋᔭᐅᓪᓗᓂ ᒫᑦᓯ 2028−ᒥ. ᑕᐃᒪᐃᒻᒪᑦ, ᐊᔾᔨᒌᑦᑐᑦ ᐱᔨᑦᑎᕋᕈᑏᑦ ᑕᒪᐃᓐᓄᑦ ᐱᖓᓱᓄᑦ ᓄᓇᓕᓐᓄᑦ ᐊᑐᐃᓐᓇᐅᒪᔭᕆᐊᖃᕋᓗᐊᖅᑎᓪᓗᒋᑦ, ᐱᔭᕇᖅᑕᐅᓗᓂ ᐱᓕᕆᐊᖅ ᖃᒪᓂ’ᑐᐊᕐᒥ ᐊᒻᒪᓗ ᐸᖕᓂᖅᑑᕐᒥ ᓯᕗᓂᐊᒍᑦ 31, 2027−ᒥ ᓯᕗᓪᓕᐅᔾᔭᐅᑎᑕᐅᕗᖅ ᐃᓱᒪᒋᔭᐅᓪᓗᓂ.
- ᐅᐸᓗᖓᐃᔭᖅᑕᐅᓂᖓ ᓄᓇᓕᓐᓂ ᕼᐋᒻᓚᒃᑯᑦ ᐱᒻᒪᕆᐅᕗᖅ ᐊᒻᒪᓗ ᓇᓗᓇᐃᔭᖅᑕᐅᑦᑎᐊᖅᓯᒪᓪᓗᑎᑦ ᐊᓪᓕᕐᒥ.
ᐱᖓᓲᓕᖅᑲᖓᕗᑦ ᐱᔨᑦᑎᕋᕈᑕᐅᓪᓗᐊᑕᖅᑐᑦ ᑖᔅᓱᒧᖓ ᐱᓕᕆᐊᒧᑦ:
- ᐃᖅᑲᓇᐃᔭᖅᑐᓕᕆᔨᒃᑯᓐᓂᐃᑲᔪᖅᑐᐃᓂᖅ: ᐃᖅᑲᓇᐃᔭᖅᑐᓕᕆᔨᒃᑯᑦᐊᐅᓚᓂᖏᑦᑭᖑᓪᓕᖅᐹᖅᓯᐅᑎᓂᒃᐋᖅᑭᒃᓯᓗᑎᒃᐃᖅᑲᓇᐃᔮᒧᑦᐱᔭᐅᔭᕆᐊᓕᖕᓂᒃ, ᐊᒻᒪ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒧᑦ ᑕᐃᒪᐃᑦᑐᓄᑦ ᐃᖅᑲᓇᐃᔮᒃᓴᓄᑦ, ᐊᑐᓂ ᐱᖓᓱᓂ ᐱᓕᕆᕝᕕᖕᓂ, ᐱᔭᕆᐊᖃᕌᖓᑕ. ᑕᒪᓐᓇ ᐃᓚᖃᖅᐳᖅ, ᑭᓯᐊᓂ ᑭᒡᓕᖃᙱᖦᖢᓂ ᐅᑯᓄᖓ:
- ᐋᖅᑭᒃᓱᐃᕙᓪᓕᐊᓂᖅ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖏᓐᓂᒃ (JDs) ᐃᓂᓄᑦᓄᓇᓕᖕᒨᖓᑐᐃᓐᓇᕆᐊᓕᖕᓄᑦ; ᑕᒪᓐᓇ ᐃᓚᖃᖅᐳᖅ ᑭᓯᐊᓂᓗ ᑖᒃᑯᓄᖓᑐᐊᖑᙱᖦᖢᓂ ᐊᑖᓃᑦᑐᓄᑦ. ᓄᓇᕗᒻᒥ ᐊᔾᔨᓕᐅᕆᓂᖅ ᓇᓕᖅᑲᕐᓗ ᒫᓐᓇᓕᓴᕐᓂᒃ ᐃᓂᒋᔭᐅᕙᒃᑐᓂᒃ JD−ᓂᒃ ᐱᑕᖃᖅᐸᒌᖅᑐᓂᒃ ᕿᒫᕝᕕᖕᓂᒃ ᐱᔭᐅᔭᕆᐊᖃᑐᐃᓐᓇᕆᐊᖃᖅᐳᑦ ᐃᑲᔪᕈᒪᓂᕐᒧᑦ ᑕᒪᑐᒧᖓ ᐱᓕᕆᐊᖑᔪᒧᑦ. ᐱᓕᕆᖃᑎᖃᕐᓂᖅ ᓄᓇᓕᖕᓂ ᕼᐋᒻᓚᒋᔭᐅᔪᓂᒃ ᐱᔭᕆᐊᓕᒃ.
- ᐃᓅᓯᓕᕆᔨ
- ᕿᒫᕕᒻᒧᑦ ᑐᑭᒧᐊᑦᑎᑦᓯᔨᒻᒪᕆᒃ
- ᐃᑲᔪᖅᑕᐅᔭᕆᐊᓕᖕᓄᑦ ᐃᑲᔪᖅᑎ
- ᐃᓕᖅᑯᓯᓕᕆᓂᕐᒧᑦ ᐃᑲᔪᖅᑎ/ᐃᓐᓇᖅ
- ᐱᓕᕆᐊᒃᓴᓕᕆᔨ
- ᐸᐃᕆᕝᕕᖕᒥ ᐃᖅᑲᓇᐃᔭᖅᑎ
- ᓂᖅᖠᐅᖅᑎ
- ᓴᓗᒻᒪᖅᓴᐃᔨ
- ᐃᓇᖐᔪᖅ/ᐃᖅᑲᓇᐃᔭᑲᐃᓐᓇᖅᑐᖅ ᕿᒫᕕᒻᒥ ᐃᖅᑲᓇᐃᔭᖅᑎ
- ᑎᑎᕋᖅᑕᐅᒋᐊᕐᖓᖅᑐᑦ ᐅᕝᕙᓘᓐᓃᑦ ᐆᒃᑑᑎᑦ ᐃᖅᑲᓇᐃᔮᒧᑦ ᓇᓗᓇᐃᖅᓯᒪᔪᑦ, ᐊᑐᐃᓐᓇᐅᒃᐸᑕ, ᐱᑎᑕᐅᓂᐊᖅᐳᑦ ᐱᓇᔪᒃᑐᒧᑦ ᑳᓐᑐᓛᒃᑕᐅᓚᐅᖅᑎᓪᓗᒍ ᐱᕕᒃᓴᖅ ᒥᒃᖠᒋᐊᖅᑎᑦᑐᒪᓪᓗᒍ
- ᓇᓗᓇᐃᖅᓯᓪᓚᕆᖕᓂᕐᒥᒃ ᐃᓚᐅᖃᑕᐅᔾᔪᑎᒥᒃ/ᓇᓗᓇᐃᒃᑯᑕᖅᑖᕐᓂᕐᒧᑦ ᐱᔭᐅᔭᕆᐊᓕᖕᓂᒃ ᐊᒃᑐᐊᓂᓕᖕᓂᒡᓗ ᒪᓕᒐᓕᐊᖑᔪᒪᔪᓂᒃ ᐊᑐᕈᓐᓇᖅᑐᓂᒡᓘᓐᓃᑦ ᒪᓕᒐᕐᓂᒃ ᐊᕙᑖᓃᑦᑐᓂᒃ ᐃᓂᓂᒃ ᓂᕆᐅᒋᔭᐅᔪᑦ, ᐱᓗᐊᙳᐊᖅᖢᓂ ᐃᓅᓯᓕᕆᔨᒧᑦ
- ᐋᖅᑭᒃᓱᐃᔪᖃᕐᓗᓂ ᑲᑐᔾᔨᖃᑎᒌᒡᕕᐅᓯᒪᔪᓄᑦ ᑎᑎᕋᖅᓯᒪᔪᓂᒃ ᑕᒪᐃᓐᓄᑦ ᐊᑐᓂᑦ ᐃᓂᓄᑦ (3), ᑕᐃᒪᐃᑦᑕᕆᐊᖃᕌᖓᑕ, ᐱᓕᕆᖃᑎᖃᖅᑐᖃᕐᓗᓂᓗ ᓄᓇᓕᖕᓂ ᕼᐋᒻᓚᒋᔭᐅᔪᓂᒃ
- ᑲᑎᖅᓱᕐᓗᒋᑦ ᐱᑕᖃᖅᐸᒌᖅᑐᑦ ᓄᓇᕗᒻᒥ ᕿᒫᕖᑦ ᐊᑐᐊᒐᖏᑦ ᐊᒻᒪ ᐱᓕᕆᔾᔪᓯᖏᑦ. ᑕᒪᓐᓇ ᐃᑲᔪᕐᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᒃ ᐊᔾᔨᑲᓴᖏᓐᓂᒃ ᐊᑐᐊᒐᕐᓂᒃ ᐊᒻᒪ ᐱᓕᕆᔾᔪᓯᕐᓂᒃ ᐱᖓᓱᓄᑦ ᐃᓚᒌᓄᑦ ᐋᓐᓂᖅᓯᕆᖃᑦᑕᐅᑎᔪᓄᑦ ᕿᒫᕝᕕᖕᓄᑦ ᖃᐅᔨᒪᔭᐅᖁᓪᓗᒋᑦ ᐊᔾᔨᒌᒡᔫᒥᔪᑦ, ᓈᒻᒪᒃᑐᑦ ᐊᒻᒪ ᐊᑑᑎᖃᑦᑎᐊᖅᑐᑦ ᐱᔨᑦᑎᕋᐅᑎᑦ ᓄᓇᓕᓕᒫᓄᑦ.
- ᓴᖅᑭᑎᑦᑎᔪᖃᕐᓗᓂ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᖅᑐᐃᓂᐊᖅᑐᓂᒃ ᑖᒃᑯᓇᓂᑦᑕᐃᓐᓇᖅ ᐊᑐᐊᒐᕐᓂᒃ ᑲᔪᓯᐊᔾᔪᑕᐅᕙᒃᑐᓂᒡᓗ (ᓲᕐᓗ ᐃᓯᖅᐸᓪᓕᐊᔪᓄᑦ ᑎᑎᕋᕆᐊᓕᖕᓂᒃ, ᐊᓯᔾᔨᖅᓯᓂᕐᒧᑦ ᐊᓯᔾᔨᕐᓂᕆᔭᐅᔪᓂᒃ, ᐱᕐᕈᓗᐊᕿᔪᖃᖅᑎᓪᓗᒍ ᑎᑎᕋᕆᐊᓕᖕᓂᒃ, ᐊᓯᖏᓐᓂᒡᓗ) ᐅᓂᒃᑲᐅᓯᖃᕐᓂᕐᒧᓪᓗ ᐊᑐᖅᑕᐅᔪᓐᓇᖅᑐᓂᒃ ᐊᖑᒻᒪᑎᔪᒪᓂᕐᒧᑦ ᐅᓂᒃᑲᐅᓯᖃᕐᓂᕐᒧᑦ ᐱᔭᐅᔭᕆᐊᓕᖕᓂᒃ ᑮᓇᐅᔭᖃᖅᑎᑦᑎᕙᒃᑐᓄᑦ ᑲᑐᔾᔨᖃᑎᒌᓄᑦ (ᓲᕐᓗ, ᐊᕐᕌᒍ ᑎᓴᒪᐃᖅᓱᕐᓗᒍ ᐅᓂᒃᑲᐅᓯᕐᓂᒃ, ᕿᑎᐊᓂ ᐅᓂᒃᑳᓂᒃ, ᐊᕐᕌᒍᑕᒫᖅᓯᐅᑎᓂᒡᓗ ᐅᓂᒃᑲᐅᓯᕐᓂᒃ; ᐅᓂᒃᑲᐅᓯᖃᕆᐊᖃᕐᓂᖅ). ᐊᐅᓚᑦᑎᖃᑎᖃᖅᐸᒡᓗᓂ ᑮᓇᐅᔭᖃᖅᑎᑦᑎᕙᒃᑐᓂᒃ ᑲᑐᔾᔨᖃᑎᒌᓂᒃ ᐱᔭᐅᓯᒪᔭᕆᐊᖃᖅᐳᖅ.
- ᖃᐅᔨᓴᕐᓂᖅ ᐱᕙᓪᓕᐊᑎᑦᑎᓂᕐᓗ ᓈᒻᒪᒃᑐᓂᒃ ᐊᑭᓕᖅᓱᖅᑕᐅᔾᔪᑎᓂᒃ, ᐱᔭᕆᐊᖃᕌᖓᑕ, ᑕᒪᐃᓐᓄᑦ ᓄᓇᓕᖕᓄᑦ ᐊᒃᑐᐊᓂᓕᖕᓄᑦ ᐃᖅᑲᓇᐃᔮᒃᓴᓄᑦ; ᑲᑐᔾᔨᖃᑎᒌᓄᑦ ᐊᑭᓕᖅᓱᖅᑕᐅᔾᔪᑎᑦ ᑕᒪᐃᓐᓄᑦ ᓄᓇᓕᖕᓄᑦ ᐃᓱᒪᒋᔭᐅᔭᕆᐊᖃᖅᐳᑦ
- ᐱᕙᓪᓕᐊᑎᑦᑎᓂᖅ ᒪᓂᓴᐅᑎᓂᒃ ᐊᒻᒪ ᐱᕚᓪᓕᕈᑎᒃᓴᓂᒃ ᐊᒻᒪ ᓇᓗᓇᐃᖅᓯᓂᕐᒥᒃ ᒪᓂᓴᐅᑎᓄᑦ ᐃᑲᔫᑎᒃᓴᓂᒃ ᐊᒻᒪ ᐱᓕᕆᐊᖑᖔᕈᓐᓇᖅᑐᓂᒃ, ᐱᔭᕆᐊᖃᕌᖓᑦ, ᐊᒻᒪ ᐱᓕᕆᖃᑎᒋᓗᒋᑦ ᐊᑐᓂ ᓄᓇᓕᖕᓂ ᕼᐋᒻᒪᓚᒃᑯᓐᓂ
- ᑲᒪᒋᔭᖃᖅᐸᒡᓗᓂ, ᑕᐃᒪᐃᑦᑕᕆᐊᖃᕌᖓᑦ, ᐱᓕᕆᖃᑎᖃᖅᐸᒡᓗᓂᓗ ᓄᓇᓕᖕᓂ ᕼᐋᒻᒪᓚᒋᔭᐅᔪᓂᒃ, ᐃᖅᑲᓇᐃᔭᖅᑎᑦᑎᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᐃᖅᑲᓇᐃᔮᒃᓴᓂᒃ ᐱᓇᔪᒃᑕᐅᔪᓐᓇᖅᑐᓂᒃ.
- ᐊᔪᕈᓐᓃᖅᓴᕐᓂᕐᒧᑦ ᐱᕙᒌᔭᖅᑕᐅᓯᒪᔪᖅ: ᑕᐅᑦᑐᒃᓴᓕᐅᕐᓂᖅ/ᐋᖅᑭᒋᐊᖅᓯᓂᖅ/ᓱᖏᐅᓴᓂᖅ ᐱᓕᕆᔨᓪᓚᕆᐅᓂᕐᒧᑦ ᐱᕙᓪᓕᐊᓂᕐᒧᑦ ᐱᖁᑎᓂᒃ ᐱᔭᐅᔭᕆᐊᓕᖕᓂᒃ ᓇᓗᙱᑦᑎᐊᕈᒪᓂᕐᒧᑦ ᕿᒫᕝᕕᖕᒥ ᐃᖅᑲᓇᐃᔭᖅᑏᑦ ᑕᒪᐃᓐᓂ ᐃᓂᒋᔭᐅᕙᒃᑐᓂ ᓈᒻᒪᒃᑐᓂᒃ ᐊᔪᕈᓐᓃᖅᓴᖅᓯᒪᒐᓗᐊᕐᒪᖔᑕ. ᑕᒪᓐᓇ ᐃᓚᖃᖅᐳᖅ ᑕᒪᐃᓐᓂᒃ JD−ᒧᑦ ᑐᕌᖓᓪᓗᐊᑕᖅᑐᓂᒃ ᐱᖁᑎᓂᒃ ᑕᒪᐃᓐᓄᑦ ᐃᓂᓄᑦ ᑕᒪᐃᓐᓂ ᐃᓂᒋᔭᐅᔪᓕᒫᓂ, ᐊᒻᒪᓗᑦᑕᐅᖅ ᑭᒃᑯᑐᐃᓐᓇᓄᑦ ᐊᑐᖅᑕᐅᕙᒃᑐᓂᒃ ᑕᒪᒃᑯᐊᓗ ᑎᓕᓯᔾᔪᑕᐅᓯᒪᓂᐊᖅᖢᑎᒃ ᑕᒪᐃᓐᓄᑦ ᐃᓂᓄᑦ (ᐅᕝᕙᓘᓐᓃᑦ ᐱᔭᕆᐊᖃᕐᓗᑎᒃ ᖃᐅᔨᑎᑦᑎᓂᕐᒥᒃ ᐱᓯᒪᓂᕐᒥᒃ ᓇᓕᒧᒃᓱᖅᑐᒥᒡᓘᓐᓃᑦ) ᐃᓱᒪᒋᓇᒋᑦ ᐃᖅᑲᓇᐃᔭᑯᑖᖕᓂᖏᑦ.
- ᐃᓕᓐᓂᐊᒐᒃᓴᑦ ᐅᑯᓂᖓ ᐃᓚᖃᕆᐊᓖᑦ, ᑖᒃᑯᐊᑐᐊᖑᙱᖦᖢᑎᒃ:
- ᐃᓕᖅᑯᓯᕆᔭᐅᔪᓂᒃ ᖃᐅᔨᑎᑕᐅᕚᓪᓕᕐᓂᖅ ᐊᒻᒪ ᓄᓇᕗᒻᒥ ᐃᓄᐃᑦ ᐃᓕᖅᑯᓯᖏᓐᓂᒃ ᐅᔾᔨᕈᓱᒃᑎᑦᑎᓂᕐᒥᒃ ᐱᓕᒻᒪᒃᓴᕐᓂᖅ, ᑕᐃᒪᐃᑦᑕᕆᐊᖃᕌᖓᑦ, ᐊᒻᒪ ᐱᓕᕆᖃᑎᖃᕐᓗᑎᒃ ᓄᓇᓕᖕᓂ ᕼᐋᒻᒪᓚᒃᑯᓐᓂ
- ᖁᐋᖅᓵᖅᓯᒪᔪᑦ ᑐᓴᐅᒪᑎᑕᐅᓂᖏᑦ ᐊᒻᒪ ᐃᓕᖅᑯᓯᒃᑯᑦ ᐊᑦᑕᕐᓇᙱᑦᑐᒥᒃ ᑲᒪᒋᔭᖃᕐᓂᖅ
- ᑐᐊᕕᕐᓇᖅᑐᓕᕆᔪᓐᓇᕐᓂᖅ ᐊᒻᒪ ᐊᑲᐅᙱᓪᓕᐅᕈᑎᖃᓗᐊᕈᓐᓃᖅᑎᑦᑎᓂᖅ
- ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑕᐃᓕᒪᓂᖅ, ᐅᑯᓂᖓᓗ:
- ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᒃᓴᑦ ᐋᖅᑭᒃᓯᒪᓂᖓ
- ᐃᖅᑲᓇᐃᔭᕐᕕᖕᒥ ᐸᕐᓇᐃᓂᖅ ᐊᒻᒪ ᐊᑦᑕᕐᓇᖅᑐᓂᒃ ᖃᐅᔨᓴᕐᓂᖅ
- ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ (WSCC) ᐊᑐᕆᐊᓕᖏᑦ ᓂᕆᐅᒋᔭᖏᓪᓗ
- ᐋᓐᓂᖅᑐᓕᕆᓂᖅ/ᐊᓂᖅᓵᖅᑎᑦᑎᓇᓱᖕᓂᖅ
- ᐃᓱᒪᓕᕆᓂᖅ ᐅᐃᕆᓯᒪᓂᓕᕆᓂᕐᓗ, ᐃᓚᐅᓪᓗᓂ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐋᓐᓂᖅᑐᓕᕆᓂᖅ ᐄᔭᒐᓄᓪᓗ ᐋᖓᔮᕐᓇᖅᑐᓄᑦ ᐱᓕᒻᒪᒃᓴᕐᓂᖅ
- ᐃᖕᒥᓃᕐᓂᓕᕆᓂᕐᒧᑦ ᕿᒥᕐᕈᓂᖅ ᐱᔪᓐᓇᖅᓯᓂᖅ ᐱᔭᕆᐅᖅᓴᑎᑕᐅᓂᕐᒥ (ASIST)/Safe Talk
- ᖃᑕᙳᑎᒌᓄᑦ ᐊᐃᑉᐸᕇᓄᓪᓗ ᐋᓐᓂᖅᓯᕆᖃᑦᑕᐅᑎᕙᒃᑐᓄᑦ ᐃᓱᒪᒃᑯᑦ ᐃᓕᓐᓂᐊᖅᑎᑦᑎᓂᖅ
- ᐱᐅᙱᑦᑐᑦ ᓄᑕᕋᐅᑎᓪᓗᒋᑦ ᐊᑐᖅᑕᐅᓂᑯᑦ ᐊᒻᒪ ᑭᖑᓂᑦᑎᓐᓂ/ᑭᖑᕚᕇᓄᑦ ᐊᒃᓱᕈᕐᓇᖅᑐᒃᑰᖅᓯᒪᔪᑦ ᐃᓱᒪᒃᑯᑦ ᐃᓕᓐᓂᐊᖅᑎᑕᐅᓂᖅ
- ᐃᓄᙳᐃᓂᖅ ᐱᓕᒻᒪᒃᓴᕐᓂᖅ (ᓇᐃᒡᓕᒋᐊᖅᓯᒪᔪᖅ)
- ᐊᖓᔪᖅᑳᓄᑦ ᐃᑲᔪᖅᑐᐃᓂᖅ ᐃᓕᓐᓂᐊᕆᐅᖅᓴᓕᓵᖅᑐᓄᓪᓗ ᐊᑐᖅᑕᐅᔪᓐᓇᖅᑐᑦ
- ᓇᖕᒥᓂᖅ−ᑲᒪᒋᑦᑎᐊᕐᓂᖅ ᐊᒻᒪ ᖁᐊᖅᓵᖅᓯᒪᓂᕐᒧᑦ ᐅᔾᔨᕈᓱᖕᓂᖅ ᐊᒻᒪ ᐃᓱᒪᒃᑯᑦ ᐃᓕᓐᓂᐊᖅᑎᑦᑎᓂᖅ
- ᐱᓕᒻᒪᒃᓴᕐᓂᖅ ᐃᓕᖅᑯᓯᑦᑎᐊᕆᖕᓂᕐᒧᑦ ᑐᓴᖅᑕᐅᔭᕆᐊᖃᙱᑦᑐᓄᓪᓗ
- ᐱᒋᐊᕐᕕᐅᓯᒪᔪᒥᒃ ᐊᐅᓚᑦᑎᓂᕐᒧᑦ ᐱᓕᕆᔨᓪᓚᕆᐅᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᓄᑦ ᐊᔪᕈᓐᓃᖅᓴᕐᓂᖅ (Microsoft Office Suite, ᐊᓯᖏᓪᓗ), ᑕᐃᒪᐃᑦᑕᕆᐊᖃᕌᖓᑦᐅᖃᖃᑎᖃᖅᐸᒡᓗᓂᓗᓄᓇᓕᖕᓂᕼᐋᒻᓚᒋᔭᐅᔪᓂᒃ
- ᐱᓕᒻᒪᒃᓴᕐᓂᖅ ᐃᖅᑲᓇᐃᔭᕐᕕᐅᑉ ᐃᓗᐊᓂ ᐊᑐᐊᒐᕐᓂᑦ ᐊᑐᕈᓯᕐᓂᓪᓗ (ᓴᖅᑭᑕᐅᓯᒪᔪᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᑲᔪᖅᓱᐃᓂᕐᒧᑦ ᐊᐅᓚᓂᖏᓐᓄᑦ ᐱᔨᑦᑎᕋᕐᓂᕐᒧᑦ ᐃᓗᓕᖏᓐᓂ)
- ᐱᓕᒻᒪᒃᓴᕐᓂᖅ ᓄᓇᕗᒻᒥ ᒪᓕᒐᓕᐊᖑᔪᒪᔪᓂᒃ, ᐊᑐᐊᒐᕐᓂᒃ, ᐱᓕᕆᔾᔪᓯᕐᓂᒃ ᐊᒻᒪ ᖃᐅᔨᒪᔾᔪᑎᒃᓴᓂᒃ ᐱᔭᕆᐊᖃᕌᖓᑦ (ᓲᕐᓗ, ᐅᓂᒃᑲᐅᓯᐅᔭᕆᐊᖃᓪᓚᕆᒃᑐᑦ, ᑲᒪᒋᔭᐅᔪᑦ ᑐᓴᖅᑕᐅᔭᕆᐊᖃᙱᓐᓂᖏᑦ, ᐅᓂᒃᑳᕆᐊᖃᕐᓂᖅ, ᐊᓯᖏᓪᓗ)
- ᐊᔪᕈᓐᓃᖅᓴᕐᓂᕐᒧᑦᐱᕙᒌᔭᖅᑕᐅᓯᒪᔪᒥᒃᑲᔪᓯᑎᑦᑎᓂᖅ: ᑲᔪᓯᑎᑦᑎᓂᖅᐱᓕᕆᔨᓪᓚᕆᐅᓂᕐᒧᑦᐱᕙᓪᓕᐊᓂᕐᒧᑦᐱᖁᑎᓂᒃᐊᔪᕈᓐᓃᖅᓴᒐᒃᓴᓂᒡᓗᐱᖓᓱᓂ ᓄᓇᓕᖕᓂ
- ᐱᓇᔪᒃᑐᑦ ᑐᓂᓯᔪᓐᓇᖅᑐᑦ ᐊᔾᔨᒌᙱᑦᑐᓂᒃ ᖃᓄᐃᓕᐅᖁᔨᔾᔪᑎᓂᒃ ᖃᓄᖅ ᐊᑯᓚᐃᑎᒋᓇᔭᕐᒪᖔᑦ ᐊᑯᓂᐅᑎᒋᓇᔭᕐᓂᖓᓄᓪᓗ ᐱᓕᕆᔨᓪᓚᕆᐅᓂᕐᒧᑦ ᐱᕙᓪᓕᐊᓂᕐᒧᑦ ᐊᔪᕈᓐᓃᖅᓴᒐᒃᓴᐃᑦ ᑲᔪᓯᑎᑕᐅᕙᖕᓂᖏᓐᓄᑦ. ᓯᕗᓪᓕᖅᐸᐅᔾᔭᐅᓯᒪᔪᑦ ᑲᔪᓯᑎᑕᐅᕙᖕᓂᖏᓐᓄᑦ ᐊᔪᕈᓐᓃᖅᓴᒐᒃᓴᐃᑦ ᐃᓱᒪᒋᔭᐅᓪᓗᐊᖅᐳᑦ ᐃᓗᓕᖏᓐᓄᑦ ᒪᑐᐃᕐᕕᒃᓴᖓᑕ ᐅᓪᓗᐊᓄᑦ ᐱᑐᐃᓐᓇᕆᐊᖃᓕᕐᓂᖏᓐᓄᓪᓗ ᕿᒫᕝᕖᑦ, ᑕᒪᓐᓇᓗ ᑕᖅᑭᓄᑦ ᐱᖓᓱᓄᑦ (3−ᓄᑦ) ᑎᑭᖦᖢᒍ ᐊᕐᕕᓂᓕᖕᓄᑦ (6−ᓄᑦ) ᐱᕕᒃᓴᖃᖅᑎᑕᐅᓇᔭᖅᖢᓂ ᑳᓐᑐᓛᒋᔭᐅᔪᖅ ᑐᓐᓂᖅᑯᑕᐅᓚᐅᖅᑎᓪᓗᒍ; ᑲᔪᓰᓐᓇᖅᑐᒥᒃ ᐊᔪᕈᓐᓃᖅᓴᖅᑎᑕᐅᔪᖃᑐᐃᓐᓇᕆᐊᖃᖅᐳᖅ ᒪᑐᐃᖅᑕᐅᕙᓪᓕᐊᓕᓵᖅᑎᓪᓗᒍ. ᑕᑯᓗᒍ ᑎᑎᕋᖅᓯᒪᓂᓕᒃ 2.1. ᑭᓯᐊᓂᑦᑕᐅᖅ, ᑕᒪᓐᓇ ᐃᓚᖃᕆᐊᖃᖅᐳᖅ:
- ᐊᑕᐅᓯᕐᒥᒃ ᐅᐸᒍᑎᓯᒪᓗᑎᒃ ᑲᔪᓯᑎᑦᑎᔪᖃᕐᓗᓂ ᐃᖅᑲᓇᐃᔭᖅᑎᓂᒃ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᑕᒪᐃᓐᓂ ᐊᑐᓂᑦ ᓄᓇᓕᖕᓂ ᒪᑐᐃᖅᑕᐅᓚᐅᙱᓐᓂᖓᓂ ᐃᓂᒋᔭᐅᔪᖅ.
- ᑲᔪᓯᑎᑦᑎᓂᖅ ᐊᔪᕈᓐᓃᖅᓴᒐᒃᓴᓂᒃ ᓇᓗᓇᐃᖅᑕᐅᓯᒪᔪᓂᒃ ᐊᑐᖅᑕᐅᔭᕆᐊᖃᓪᓚᕆᖕᓂᖏᓐᓂᒃ ᑕᒪᐃᓐᓄᑦ ᐊᑐᓂᑦ ᐃᓂᓄᑦ ᒪᑐᐃᖅᑕᐅᓚᐅᙱᓐᓂᖓᓂ ᐃᓂᒋᔭᐅᔪᖅ ᐊᑐᖅᑐᖃᕐᓗᓂ ᒪᓂᒪᔪᓂᒃ ᐊᑐᖅᑕᐅᔪᓐᓇᖅᑐᓂᒃ (ᐅᐸᒃᓯᒪᓗᑎᒃ, ᐃᑭᐊᖅᑭᕕᒃᑯᑦ, ᖃᕆᓴᐅᔭᒃᑯᑦ ᑲᑎᖅᓱᖅᓯᒪᔪᒃᑯᓪᓘᓐᓃᑦ)
- ᐱᓕᒻᒪᒃᓴᕐᓂᖅ ᐊᕕᒃᑐᖅᓯᒪᔭᕆᐊᖃᖅᐳᖅ ᒪᓕᒡᓗᑎᒃ ᐱᒋᐊᓕᓵᖅᑐᓄᑦ ᐱᓕᒻᒪᒃᓴᕐᓂᕐᓄᑦ, ᑲᔪᓰᓐᓇᖅᑐᓄᑦ ᐱᓕᒻᒪᒃᓴᕐᓂᕐᓄᑦ, ᐊᒻᒪ ᐱᓕᒻᒪᒃᓴᕐᓂᕐᒧᑦ ᓄᑖᓄᑦ ᐃᖅᑲᓇᐃᔭᖅᑎᓄᑦ/ᐃᖅᑲᓇᐃᔭᖅᑏᑦ ᐊᓯᔾᔨᖅᑕᕐᓂᖏᓐᓄᑦ; ᐊᑐᓂ ᐊᕕᒃᑐᖅᓯᒪᔪᑦ ᐱᑎᑦᑎᓂᐊᖅᐳᑦ ᐊᑕᖐᑦᑎᐊᖅᑐᓂᒃ ᐊᒻᒪ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᐱᓕᒻᒪᒃᓴᕐᓂᕐᒧᑦ ᑎᑎᕋᖅᓯᒪᔪᓂᒃ. ᐊᑐᓂ ᐊᕕᒃᑐᖅᓯᒪᔪᑦ ᓇᓗᓇᐃᖅᓯᓂᐊᖅᐳᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ (ᖃᕆᑕᐅᔭᒃᑯᑦ, ᐅᐸᒍᑎᓯᒪᓗᑎᒃ, ᖃᕆᓴᐅᔭᒃᑯᑦ, ᐅᕝᕙᓘᓐᓃᑦ ᑲᑎᙵᔪᒃᑯᑦ).
ᐱᓇᔪᒃᑐᑦᓇᓗᓇᐃᖅᓯᔭᕆᐊᖃᖅᐳᑦᑳᓐᑐᓛᒃᑎᑦᑎᔨᐅᑐᐃᓐᓇᕆᐊᓕᖕᓂᒃ, ᑳᓐᑐᓛᖃᒃᑲᓐᓂᖅᑐᓂᒃ, ᐊᓯᖏᓐᓂᒡᓘᓐᓃᑦᐱᓕᕆᔨᒃᑲᓐᓂᕐᓂᒃᐱᖃᖃᑕᐅᔪᓂᒡᓘᓐᓃᑦᐃᓚᐅᓇᔭᖅᑐᓂᒃᐱᔨᑦᑎᕋᕐᓂᕆᔭᐅᕙᒃᑐᓂᒃᑕᐃᒪᐃᑦᑕᕆᐊᖃᖅᐸᑦ, ᓇᓗᓇᐃᖅᑕᐅᓯᒪᓗᓂᓘᓐᓃᑦᐱᕚᓪᓕᕈᑕᐅᓇᔭᕐᓂᖓᓂᒃᐱᓕᕆᐊᖑᔪᒧᑦ
ᐅᔾᔨᕐᓇᖅᓯᑎᑦᑎᓂᕐᒥᒃᑲᔪᓯᑎᑦᑎᓂᕐᒥᒡᓗᑲᔪᖏᖅᓴᐃᔪᓕᕆᓂᕐᒧᑦᐱᕕᒃᓴᓂᒃ, ᐊᔪᙱᓐᓂᖃᕐᓗᓂᓗᐱᑎᑦᑎᔪᓐᓇᕐᓂᕐᒥᒃᑲᔪᓰᓐᓇᖅᑐᒥᒃᐃᑲᔪᖅᑐᐃᓂᕐᒥᒃᕿᒫᕝᕕᖕᓄᑦ, ᐃᓱᒪᒋᔭᐅᓂᐊᖅᐳᖅᐱᓇᔪᒃᑐᓄᑦᐱᕚᓪᓕᕈᑕᐅᓯᒪᓂᖏᓐᓂᒃ.
ᐅᔾᔨᕐᓇᖅᓯᑎᑦᑎᓂᕐᒥᒃᑲᔪᓯᑎᑦᑎᓂᕐᒥᒡᓗᐅᖃᐅᔾᔪᐃᓂᕐᒧᑦᐱᔨᑦᑎᕋᕐᓂᕆᔭᐅᕙᒃᑐᓂᒃ, ᐊᔪᙱᓐᓂᖃᕐᓗᓂᓗᐱᑎᑦᑎᔪᓐᓇᕐᓂᕐᒥᒃᑲᔪᓰᓐᓇᖅᑐᒥᒃᐃᑲᔪᖅᑐᐃᓂᕐᒥᒃᕿᒫᕝᕕᖕᓄᑦ, ᐃᓱᒪᒋᔭᐅᓂᐊᖅᐳᖅᐱᓇᔪᒃᑐᓄᑦᐱᕚᓪᓕᕈᑕᐅᓯᒪᓂᖏᓐᓂᒃ
ᐊᐅᓚᑦᑎᓗᑎᒃ, ᐱᔭᕆᐊᖃᕌᖓᑦ, ᓄᓇᕗᒻᒥᕿᒫᕝᕕᖕᓄᑦᐱᓕᕆᔨᓄᑦᑐᓴᐅᒪᖃᑦᑕᐅᑎᖃᑎᒌᒍᑎᓂᒃᐱᑕᖃᖅᐸᒌᖅᑐᓂᒡᓗᐊᔪᕈᓐᓃᖅᓴᕐᓂᕐᒧᑦᐊᑐᖅᑕᐅᔪᓐᓇᖅᑐᓂᒃ
ᓂᕈᐊᖅᑕᐅᔪᖅᐱᓇᔪᒃᑐᖅᐅᖃᕐᕕᖃᖃᑦᑕᕐᓂᐊᖅᐳᖅᓄᓇᕗᑦ ᑐᙵᕕᒃᑯᓐᓄᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᓕᖕᓂ ᕼᐋᒻᓚᒋᔭᐅᔪᓄᑦ, ᑭᓯᐊᓂᓗᑦᑕᐅᖅ ᐱᓕᕆᖃᑎᖃᕆᐊᖃᖃᑦᑕᕐᓂᐊᖅᐳᖅ ᓄᓇᓕᖕᓂ ᐱᖃᖃᑕᐅᔪᓂᒃ ᑕᒪᐃᓐᓂ ᐊᑐᓂᑦ ᓄᓇᓕᖕᓂ ᓇᓗᙱᑦᑎᐊᕈᒪᓂᕐᒧᑦ ᓄᓇᓕᖕᓂ ᐊᑐᖅᑕᐅᓪᓚᕆᒃᐸᒃᑐᑦ ᐃᓚᓕᐅᔾᔭᐅᓯᒪᒐᓗᐊᕐᒪᖔᑕ ᐱᓕᕆᐊᖑᔪᒧᑦ ᐱᖁᑎᓄᑦ, ᐊᐅᓚᑦᑎᕝᕕᖃᕐᓂᕐᒧᑦ, ᖃᖓᒃᑰᕋᔭᕐᓂᖏᓐᓄᓪᓗ. ᑕᒪᓐᓇ ᐃᓚᖃᖅᐳᖅ ᑭᓯᐊᓂᓗ ᑖᒃᑯᓄᖓᑐᐊᖑᙱᖦᖢᓂ:
- ᖃᒪᓂ'ᑐᐊᕐᒥ ᕼᐋᒻᒪᓚᒃᑯᑦ
- ᐸᓐᓂᖅᑑᕐᒥᕼᐋᒻᒪᓚᒃᑯᑦ
ᕼᐋᒻᒪᓚᒃᑯᑦᐅᖅᓱᖅᑑᕐᒥ
ᑐᒃᓯᕋᐅᑏᑦ ᐱᔭᐅᔭᕆᐊᓖᑦ ᐅᖓᑖᓅᙱᑦᑐᖅ 5:00 ᐅᓐᓄᓴᒃᑯᑦ ᐃᖃᓗᐃᑦ ᓯᕿᙳᔭᖓ ᒪᓕᑦᑐᒍ ᓄᕖᕝᕙ 30, 2026
ᑐᑭᓯᒋᐊᕈᑎᓕᒫᑦ ᑖᑦᓱᒧᖓ ᑐᑦᓯᕋᐅᑎᓕᐅᖁᔨᔾᔪᑎ−ᒧᑦ ᑎᑎᖅᑲᒃᑰᖓᔭᕆᐊᓖᑦ ᐊᐅᓪᓚᖅᑎᑕᐅᓗᑎᓪᓗ procurement@tunngavik.com