Atia: Ikayuqhugit HR-kkut uvvalu Ayuittiarnikkut Angiglivallianiq hapkununga Pingahut Ilagiingnun Ningarnikkut Qimaaviit Nunavunmi

Tikinnahuarutaa haffuma Tukhiutit Tukhirutikhanut (RFP) ikayuutikhat piyaangani Ilagiingnut Ningarnirmut Qimaaviit Qamanittuami, Panniqtuumi, Uqhuqtuumilu ihuaqtunik havaktiqariangani ikayuutikhaniglu ayuittiarnirmut pivallianirmut. Nunavut Tunngavik Timiqutinga (NTI) havaktiilu qiniqhimaarniaqtaat una havaakhaq atugakhailu hunat.

Nalvaaqhigiaqaqtutin amigaittunik naunairutingnik talvuuna hivunikharnik havaakharnik ikaarnikhangit piqaqtukhat talvani Ilangani 2 uvanilu naunaitkunmi ataani.

Kiugiaqangittutit tamainnik atuqtakharnik uvani RFP-mi. Tuyuriaqaqtutin tukhidjutikharnik ilanganik taimaa ihuaqtumik ayuittiariikhimayangnik, havakpakhimayarnik, hanaqidjutikharnik, ilihimayangniglu.

NTI apiqhiyut naunaiyaqhimayunik tukhiutinik ayuittiaqhimayunin inungnin tunihiyaamingnik HR-kkunnit uvvalu ayuittiarnikkut pivallianikkut ikayuutinik pingahunun 24nik igliqaqtunun ilagiingnun ningarnikkut qimaaviit nayugaqaqtut hamani Qamanittuaq, Panniqtuuq, Uqhuqtuurlu. Una hivulliqpaamik havaakhaq taimaatut, iniqtaukpat NTI-kkut ihuariyainnik, ikayuutikhanik hivuniptingni aadjikkutavyainnik havaakhanik kaantulaakhaniglu qanurinningit igluqpait taapkua havaktauliqtut tamainnit Nunavunmi. NTI-kkut uuktuqtaat una havaaq ihuatqiyamik taimaalu kivgaqtuutit tuniyauyut ihuaqtumik uvvalu ihuaqtumik humiliqaak; Una havaakhaq hivulliuyuq uuktuqtauyuq, ihuaqqat, ihuaqhiyuumirutiginiaqtaat qanuq kivgaqtuutit aulayut uvvalu qanurinningit inuuhiit Inuinnainut tamainnit Nunavunmi nunallaani.

• Igluqpait Qamanittuami Panniqtuumilu niriuktauyut angmarlutik uvani Qiqaiyalirvia 2027, atauhirlu Uqhuqtuumi niriuktauyuq angmarluni uvani Qiqaiyalirvia 2028. Taimaalu, tamaita pingahut nunallaat ihariahuktut aadjikiiktumik kivgaqtuutinik, iniqtirlugit havaakhat Qamanittuami Panniqtuumilu tikitinnagu Qiqaiyalirvia 31, 2027 hivulliuyukhaq.
• Havaqatigilugit nunamingni Haamlatkut ihariagiyauyuq naunaiyaqhimayurlu ataani.

Una havaakhaq piqaqtun pingahunik ikayuutikharnik ilanganik:

1. Havaktuliqiyitkut Ikayuqtiuyut: HR-kkut munarihimaarniaqtun iniqtigiyaangat hunauyut havaakhangit piqaqtukhat havaktiqarianganiglu tamarnit pingahuuyut munaqhiviit, humiliqaak pigiaqagumik. Una ilauyuq, kihimi kiglivikhaqanngittuq tapkuninga:

• Havaglugit havaakhat naunaiyautait (JDt) havaakhanun taapkua ihuaqtut kitunun nunallaanun; una ilauyuq, kihimi kigliqanngittuq haffumunga, hunat ataani. Ikayuutauniaqtuq havaglugit Nunavunmi aadjiliurlugit uvvalu pilugit nutaat qimaaviit nayugakhait ikayuutikhat haffumunga. Havaqatigiyakhatit nunangni Haamlat.

• Uqaudjauyi
• Qimaavik Aulapkaiyilluaq
• Ikayuqtauyumayunut Ikayuqti Havakti
• Pitquhikkut Ikayuqti Havakti/Inirnikhaq
• Pinahuaruti Tutqikhaiyi
• Nutaqqiqqivingmi Havakti
• Kukialuk
• Haluummaqhaiyi
• Himmautaullaktuq/Havakaffuktuq Qimaavingmi Havakti

• Iniqhimaittuq uuktuutigiyauyurluuniit havaamut qanurittaakhaanik, piqarumi, tuniyauniaqtuq ikayuqtiuyumut taimaa kaantulaak tuniyaukpat qilamiurnaittumik
• Tutqiqharlugit ilitaridjutikkut uvvaluuniin naunaitkutinik piyakhat uvvalu ihuaqtut maligakhat atauttinun havaanun niriuktauyut, hapkunungalluaq uqaudjinikkut havaanun.   
• Havaglugit ihuaqhainikkut naunaitkutait atauttinun pingahunun nayugainun, ihariagiyaukpata, havaqatigilugit nunamingni Haamlat.   
• Katitirlugit atuqtauyut Nunavunmi qimaaviit maliruagakhait havauhiillu. Una ikayuutauniaqtuq havaglugit aadjikiivyaktut maliruagakhat pingahunun ilagiingnun ningarnirmun qimaaviit piyaangani kivgaqtuutit ihuaqtut, ihuaqhaiyut, ihuaqtullu tamainnit nunallaani.
• Piliurluni uuktuutinik ikayuriami iluanit maligangit qanuriliurutingillu (ukunatitut piyut titiqqat, himmautingit aallanngurningit, hivituyuq qanuriliurutingit titiqqat, hunavalugluuniit) unalu naunaipkainiq uuktuutingit pigiami manikharnirmut timiqutigiyangit ihariagiyangit (ukunatitut pingahut tatqiqhiutit qaangiraangat taiguagakhat, qitqani-pitillugu taiguagakhat, unalu ukiuq tamaat taiguagakhat; havaaq uqaqtakhaq). Munariyakhat manikharnirmut timiqutigiyangit. 
• Qauyiharlutin pivallialiurlutillu ihuaqtunik akiliuhiarutikhanun naunaiyarutinik tamainnun nunallaanun tamainnun ihuaqtunun havaakhanun ihariagiyaukpata; puiguqtailutin pilugit havaktinun ikayuqtiinni akiliuhiakhainnit tamainnit nunallaani ihumagilugit. 
• Havaglugit tuhaqtidjutit uvvalu akhuuqhaidjutit tamayat, naunaiyarlugit tuhaqtidjutit ikayuutit uvvalu piyakhat humi piyariaqaqqat, uvvalu havaqatigilugit atauttit nunamingni Haamlat. 
• Ihariagiyaukpat, havaqatigilugit nunamingni Haamlatkut munarilugit havaktikhaqhiurnikkut havauhiit munarilugillu havaakhat akittaqutautit.
• Ayuiqhainirmut Ihumaliurut: Piliuqtukhauyugut, ihuaqharlugit, ihuaqharlugillu ayuiqhattiarumayarnik pivalliadjutikhanut atuqtakhat taimaa qimaavingni havaktit tamainnit nayugainnit ihuaqtumik ayuiqhayanginnit. Una ilaqaqtuq havaamut pilluaqhimayunik atuqtakhanik tamainnut havaakhanut tamainnit igluqpangnit, ukuallu hunavaluit tamaita iniqtiqtakhait (takupkailutigluuniit iniqhihimayut aadjikkutaanigluuniit) humaangittuq ayuittaminik.
• Ilihaqtakhat ilauyukhat, kihimi taapkuanginaungittut:
• Ilitquhirnik kangiqhipkaidjutikhat imaalu Nunavunmi Inuit ilitquhiinik qauyimayakhainnik ayuiqharvikhat piyariaqaqqata, imaalu havaqatigilugit nunamingni Hamlatkut 
• Tuquffihungnikkut-kangiqhidjutiqaqtut uvvalu pitquhikkut qayangnaittumik munaqhidjutit 
• Qilamiuqtuqaliqqat hatumiarniq ingattaqtailinahuarnirmullu 
• Havagvingmi qayangnautit, ilauyut: 
• Havakvingni Qayangnaqtunik Tamayanik Kangiqhidjutikkut Auladjutit (WHMIS)
• Havagvingmi upalungaiyarniq ihumalungnarnirlu naunaiyarni
• Havaktiit Aanniaqtailinginnit Akiliuhirnikkullu Katimayiingit (WSCC) pitquyauhimayut naahuriyaillu
• Aanniqtuqaqqan Ikayugiaqaqtunik/CPR-niglu
• Ihumakkut aanniaqtailiniq uvvalu ipiralaingnikkut, ilauyut ihumakkut aanniaqtailinikkut aaniqtuqaqat munaridjutit uvvalu opioidsnik ilihaidjutit
• Ayuiqhaplutik Inminiiqtailinikkut Ikayuutikhanik Ayuiqharniq (ASIST)/Qayangnaittumik Uqaqtuq 
• Ihumamitigut ilihainiq ilamingnut unalu inuuqatiminut ningarniq 
• Ihumakkut ilihaidjutit ihuanngittumik nutarautilugit atuqhimayait uvvalu ingilraarnitatigut/ukiuqaqtunun quglukhimanikkut 
• Inunnguiniq ilihaidjutit (naittuq titiraqhimayuq) 
• Angayuqaangunikkut ikayuutit uvvalu ilihalihaaqtut nutaqqat ilihautikhait ikayuutit 
• Nanminikkut munaridjutikharnik ilittuqhaidjutikharniglu/ilihairutikharnik talvuuna aallatqiinguyut tuquffihuktitauhimayut 
• Ilihaidjutit pittiarnirmun hiamittiqtailinirmullu
• Ayurnaittut titiqqiqinirmut unalu ayuittiarnirmut ayuittaminik ayuiqhainiq (ukunatitut Microsoft Office, hunavalugluuniit) ihariagiyaukpat, uqaqatigiigiamilu nunamingni Haamlatkunnut. 
• Ayuiqhainiq iluanit maligangit qanuriliurutingillu (piliuqhimayuq Havaktuliriyiitkut ikayuutikhamut aulapkaininngit). 
• Ayuiqhainiq nunavunmi maliganginnik, maligangit, qanuriliurutingit, maliktakhangillu ihariagiyaukpat (una uuktuutigillaglugu, ihariagiyauyuq naunaipkainiq, ikayuqtaunahuat hiamittiqtakhaungittumik, havaaq uqariami, hunavalugluuniit.)
   
• Ayuiqhainirmut Ihumaliurut Tuniqhainiq: Tuniluni ajuirharnikkut pivallialiuqnikkut tamajakhanik iliharutiniklu pingahuni nunallaani.
• Ikayuqtit hivumuuqtilugit aallatqiit ihumagiyatik qanuq qaffiiqturlutik hivitunikhaillu ayuittiarnirmun pivallianirmun ilihaidjutit havaktauyukhat. Hivulliuyukhat tunihinirmun hapkuninga ilihaidjutinik ihumagiyakhait humi qimaaviit angmaqtauniaqqat qanurlu upalungaiqhimayut, kitut hivituniqaqtut pingahunin siksinun tatqiqhiutinun kinguani kaantulaak tuniyaukpat. Ihariagiyauniarungnaqhiyuq aulahimaaqtumik ilihaidjutinik qimaaviit angmaqqata. Takulugu Titiraqhimayuq 2.1. Mikiniqhakkut, una ilauyukhaq:
• Atauhirmik inungmik havaktinut ayuiqharvikhanik tamainnit nunallaani igluqpak angmaqtinnagu 
• Pitqujauhimajut ilihaqtakhat tamainnut havaakhanut iniqtauyukhat igluqpak angmaqtinnagu, aturlutik hailijunik atuqtakhanik imaatut upautilutik, (qaritauyakkut, ungahiktukkut, imaaluuniit qaritauyakkut iliharnirmik). 
• Ayuiqhavikhat aviktuqtauyukhat aullaqtirutikhanut ayuiqharvikhanik, aullaranginnaqtumik ayuiqharvikhanik, imaalu ayuiqharvikhanik nutaanut havaktikhanut imaaluuniit havaktit aallannguqqata. 
• Tamarmik katitirvingit piqaqtukhat naunaiyattiaqhimayunik titiraqhimayunik hunanik ilauyunik imaalu naunaiyattiarlugit qanuqtut ayuiqhaidjutikhat tuniyauvagiakhainnik — (qaritauyakkut, upautilutik, ungahiktukkut, imaaluuniit atauttikkut ajuiqhaudjilutik).
• Uuktuqtut tikkuaqtuiyukhaugaluit kaantulaaktunik, uvvaluuniin quyaginnaq aallat ilauyut uvvaluuniin tigummidjutiqaqtut kitut ilauniaqtut tunihilutik kivgaqtuutinik ihariagiyaukpat, uvvaluuniin kitut ikayuqtaaqtut havaakhamun.   
• Akhuuqhaidjutikhanik tunihilutiglu ayuiqhaudjinirmik iliharvikhanik, imaalu aullaraanginnaqtumik ikayuutikhanik qimaavingnut, ihuaqutauyuq.   
• Akhuuqhaidjutikhanik uqaudjinirmiglu kivgaqtuidjutikhanik, imaalu aullaraanginnaqtumik ikayuutikhanik qimaavingnut, ihuaqpiaktuq.   
• Ihuaqharlugit, ihariagiyaukpata, Nunavunmi uquarmiuvikhat havaqatigiigutit atuqtullu ayuiqhaudjutini ihuaqutinik.
• Tikkuaqtauyuq uuktuqtut unniudjuiniaqtuq NTI-kkunnut uvvalu/uvvaluuniin nunamingni Haamlatkunun, kihimi havaqatigiyakhait nunamingnit tigummidjutiqaqtut atauttini nunallaani piyaangani nunamingnit idjuhiit pidjutiqaqtut havaakhanun tamayanut, munaridjutinut, atugakhanullu. Una ilauyuq, kihimi kigliqanngittut hapkununga:
• 1. Qamanittuaq Haamlangat
• 2. Panniqtuuq Haamlangat
• 3. Uqhuqtuuq Haamlangat

Tuyudjavat tikitinnagu 5:00 unnukpat,  uvani Hikutirvia 2, 2026, uvani qaritauyakkut titiqqidjutimi:

Nunavut Tunngavik Timiqutinga 
Turaarvigilugu: Jason Briffett
Qaritauyakkuurutaa: procurement@tunngavik.com