ᐊᐅᓈᖅᑐᖅᓯᐅᑎᓄᑦ ᐊᒻᒪᓗ ᑲᑕᒑᑎᑦᑎᕝᕕᐅᔪᓂᒃ ᐃᓗᐊᖁᑎᒃᓴᓂᒃ ᐊᑐᐃᓐᓇᐅᒪᑎᑦᑎᔪᖃᕐᓗᓂ ᓄᓇᕗᒻᒥ ᐃᓄᒻᒪᕇᑦ ᐃᓕᓐᓂᐊᕆᐊᓲᕐᓄᑦ ᓄᓇᕗᓕᒫᕐᒥ
ᓄᓇᕗᑦ ᑐᙵᕕᒃ ᑎᒥᖓ ᐃᓄᒻᒪᕆᖕᓂᒃ ᓇᒻᒥᓂᖁᑎᓕᓐᓂᒃ ᕿᓂᖅᑐᑦ ᓂᐅᕕᕋᔭᕐᓗᑎᑦ ᐊᒻᒪᓗ ᑐᓂᐅᖅᑲᐃᓗᑎᑦ ᐊᐅᓈᖅᑐᖅᓯᐅᑎᕈᓘᔭᕐᓂᒃ ᐊᒻᒪᓗ ᑲᑕᒑᑎᑦᑎᕝᕕᖏᓐᓂ ᓄᓇᕗᒻᒥ ᐃᓄᒻᒪᕇᑦ ᐃᓕᓐᓂᐊᕆᐊᓲᓄᑦ ᓄᓇᕗᓕᒫᕐᒥ.
ᓯᕕᑐᓂᖓ ᐃᖅᑲᓇᐃᔮᕆᔭᐅᒐᔭᖅᑐᑉ
- ᓂᐅᕕᕐᓗᑎᑦ ᐊᒻᒪᓗ ᐊᐅᓪᓚᖅᑎᑦᑎᓗᑎᑦ ᐊᐅᓈᖅᑐᖅᓯᐅᑎᕈᓘᔭᕐᓂᒃ 25 ᓄᓇᕗᒻᒥ ᓄᓇᓕᖏᖕᓄᑦ.
- ᐃᖅᑲᓇᐃᔭᖃᑎᖃᕐᓗᑎᑦ ᓄᓇᓕᓐᓂ ᑐᓴᐅᒪᑎᑦᑎᔨᓂᒃ ᐅᕝᕙᓘᓐᓃᑦ ᐊᓯᐊᓂᒃ ᓄᓇᓕᓐᓂ ᑐᓴᐅᒪᑎᑦᑎᔨᓂᒃ ᑕᒪᐃᓐᓂ ᓄᓇᕗᑦ ᓄᓇᓕᖏᓐᓂ ᐸᕐᓇᖃᑎᒋᓗᒋᑦ ᑕᒪᒃᑯᐊ ᐱᔭᐅᒐᔭᕐᒪᑕ, ᑐᓂᐅᖅᑲᖅᑕᐅᓗᑎᑦ ᐊᐅᓈᖅᑐᖅᓯᐅᑎᕈᓘᔭᖏᑦ ᐊᒻᒪᓗ ᑐᖅᑯᖅᑕᐅᓯᒪᑦᑎᐊᕐᓂᐊᕐᓗᑎᑦ.
- ᐊᐅᓪᓚᖅᑎᑦᑎᓗᓂ ᐊᒻᒪᓗ ᑐᓂᐅᖅᑲᐃᓗᓂ ᑕᒪᐃᓐᓂ ᐊᐅᓈᖅᑐᖅᓯᐅᑎᓂᒃ ᐊᒻᒪᓗ ᑲᑕᒑᑎᑦᑎᒍᑎᖏᓐᓂᒃ ᐃᓕᓴᕕᓐᓄᑦ ᐊᒻᒪᓗ ᐊᓯᖏᓐᓂᒃ ᐱᓕᕆᕝᕕᓄᑦ;
- ᐱᖃᓯᐅᔾᔨᓗᑎᑦ ᐃᓕᓐᓂᐊᑎᑦᑎᒍᑎᖏᓐᓂᒃ ᐊᐅᓈᖃᑦᑕᕐᓂᕐᒨᖓᔪᓂᒃ, ᓴᓗᒪᑎᑦᑎᐊᕐᓂᕐᒥᒃ ᐊᐅᓈᖅᑎᓪᓗᒋᑦ, ᐊᐅᓈᖅᑐᖅᓯᐅᑎᕈᓘᔭᐃᑦ ᖃᓄᐃᑦᑑᓂᖏᑦ ᐊᒻᒪᓗ ᒪᓕᒐᒃᓴᖏᑦ ᖃᓄᖅ ᐊᑐᖅᑕᐅᔪᓐᓇᕐᒪᖔᑕ. ᐊᐅᓈᖃᑦᑕᕐᓂᕐᒧᑦ ᖃᐅᔨᓴᐅᑎ ᖃᕋᓴᐅᔭᕋᓛᒃᑯᑦ ᐊᑐᕋᒃᓴᖅ ᑐᑭᓯᒋᐊᕈᑎᖏᑦ.
- ᑕᒪᐃᓐᓂ ᖃᓄᐃᓕᐅᕈᑎᒋᔭᐅᔪᑦ, ᐱᖃᓯᐅᑎᓗᒋᑦ ᑐᓂᐅᖅᑲᖅᑕᐅᓂᖏᑦ ᑕᒪᐃᓐᓂ ᐊᐅᓈᖅᑐᖅᓯᐅᑎᕈᓘᔭᖏᑦ ᐱᓕᕆᕝᕕᓄᑦ ᐃᓕᓐᓂᐊᕐᕕᓄᓪᓗ, ᐱᔭᕇᖅᓯᒪᔭᕆᐊᓖᑦ ᒫᑦᓯ 31st, 2027−ᕈᓚᐅᙱᓐᓂᖓᓂ.
ᐱᓕᕆᐊᖃᕈᒪᔪᖅ ᓇᒻᒥᓂᖁᑎᒋᔭᖅ ᐅᕝᕙᓘᓐᓃᑦ ᐃᓄᒃ (ᑳᓐᑐᕌᒃᑦ−ᑕᐅᒐᔭᖅᑐᖅ) ᑐᓂᓯᔪᓐᓇᖅᑐᑦ ᐸᐃᑉᐹᓂᒃ ᐊᒻᒪᓗ/ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑐᒃᓯᕋᐅᑎᒥᓂᒃ. ᐸᐃᑉᐹᑦ ᐴᖅᓯᒪᑦᑎᐊᕆᐊᓖᑦ ᓂᐱᑎᖅᓯᒪᓗᒍ ᐸᐃᑉᐹᓄᑦ ᑎᑎᖅᑲᑦ ᐴᖏᖕᓄᑦ ᐅᕝᕙᓘᓐᓃᑦ ᐊᓯᐊᓂᒃ ᐊᑐᕐᓗᑎᑦ ᓂᐱᑎᑦᑎᐊᖅᓯᒪᓗᒋᑦ ᑲᑎᙵᔪᑦ ᑐᒃᓯᕋᐅᑎᖏᑦ, ᐅᖃᓕᒫᕋᒃᓴᐅᓗᒋᑦ ᑎᑎᕋᖅᓯᒪᓗᒍ ᑎᑎᖅᑲᑦ ᐴᖏᑦ/ᐴᑦ ᐊᑎᖓ ᑎᑎᕐᓗᒍ ᑖᔅᓱᒪᑉ ᑐᒃᓯᕋᐅᑎᓕᐅᖁᔨᔾᔪᑎᑉ.
ᑐᒃᓯᕋᐅᑏᑦ ᐱᔭᐅᔭᕆᐊᓖᑦ ᓄᓇᕗᑦ ᑐᙵᕕᒃ ᑎᒥᖓᓄᑦ ᐅᖓᑖᓅᖅᑎᓐᓇᒍ ᓯᖁᙳᔭᖅ 5:00 ᐅᓐᓄᓴᒃᑯᑦ ᐃᖃᓗᐃᑦ ᓯᕿᙳᔭᖓ ᒪᓕᓪᓗᒍ ᓯᑏᕝᕙ 24th, 2026 ᐅᕙᓂ ᐊᓪᓚᕝᕕᖓᓂ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑐᕌᕈᑎᖓᓅᖅᑕᐅᓗᑎᑦ:
ᓄᓇᕗᑦ ᑐᙵᕕᒃ ᑎᒥᖓ
300-922 ᓯᕗᒧᒋᐊᖅ ᐊᖅᑯᑎᖓ
ᐃᖃᓗᐃᑦ, ᓄᓇᕗᑦ
X0A 3H0