ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐱᕙᓪᓕᐊᑎᑦᑎᓂᖅ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᓂᖃᖅᑐᖅ ᐃᖃᓗᐃᑦ, ᓄᓇᕗᑦ
ᑐᑭᒧᐊᑦᑎᑕᐅᓗᓂ ᑐᑭᒧᐊᑦᑎᑦᓯᔨᐅᑉ ᐃᑲᔪᖅᑎᖓᓄᑦ ᐃᓕᓐᓂᐊᕐᓂᓕᕆᓂᕐᒧᑦ ᐅᖃᐅᓯᓕᕆᓂᕐᒧᓪᓗ ᐃᓄᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐱᕙᓪᓕᐊᑎᑦᓯᓂᕐᒧᑦ, ᑖᓐᓇ ᐃᖅᑲᓇᐃᔮᖅ ᓂᕆᐅᒋᔭᐅᔪᖅ ᐊᑐᐃᓐᓇᐅᑎᑦᓯᓂᕐᒧᑦ ᐃᑲᔪᖅᑐᕐᓂᕐᒥᑦ, ᑐᑭᒧᐊᑦᑎᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᐊᑦᑐᐊᓂᓕᓐᓄᑦ ᐃᓄᐃᑦ ᐃᓕᓐᓂᐊᕆᐅᖅᓴᔪᓕᕆᓂᕐᒨᖓᔪᓄᑦ ᓄᓇᕗᒻᒥ, ᐃᓚᒋᔭᐅᑦᓱᑎᒃ; ᐃᓄᐃᑦ ᐃᓕᓐᓂᐊᕆᐅᖅᓴᔪᓕᕆᕕᖏᑦ ᐸᐃᕆᕕᖏᓪᓗ. ᑖᓐᓇ ᐃᖅᑲᓇᐃᔮᖅ ᐱᒻᒪᕆᐅᔪᒥᑦ ᐱᓕᕆᐊᖃᕐᓂᐊᖅᑐᖅ ᐊᑐᐃᓐᓇᐅᑎᑦᓯᓂᕐᒥᑦ ᓈᒻᒪᓈᖅᑐᒥᑦ, ᐅᓪᓗᒥᒨᖓᔪᓂᑦ, ᓱᓕᔪᕐᓇᖅᑐᓂᑦ ᑐᑭᓯᒋᐊᕈᑎᓂᑦ ᑐᙵᕕᖃᖅᑐᓂᑦ ᐃᓄᐃᑦ ᓯᕗᓪᓕᐅᔾᔨᓯᒪᔭᖏᓐᓂᑦ ᐊᑦᑐᐊᓂᓕᓐᓄᑦ ᐃᓄᐃᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ. ᐃᓄᐃᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐊᑐᐊᒐᓂᑦ ᖃᐅᔨᓴᖅᑎ ᐱᓕᕆᖃᑎᖃᕐᓂᐊᖅᑐᖅ ᑲᑐᔾᔨᖃᑎᒌᓂᑦ ᒐᕙᒪᒃᑯᓐᓂᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐊᓯᖏᓐᓂᓪᓗ ᓄᓇᓕᓐᓂᑦ-ᑐᙵᕕᓕᓐᓂᑦ ᑲᑐᔾᔨᖃᑎᒌᓂᑦ ᓇᓗᓇᐃᖅᓯᓂᕐᒥᑦ ᑲᒪᒋᔭᖃᕐᓂᕐᒥᓪᓗ ᐱᔭᕆᐊᓕᖏᓐᓂᑦ ᐃᓄᐃᑦ ᓄᑕᖅᑲᐃᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᕙᓪᓕᐊᑎᑦᓯᓂᕐᒥᑦ. ᑕᒪᓐᓇ ᐃᓚᖃᖅᑐᖅ ᐱᓕᕆᖃᑎᖃᕐᓂᕐᒥᑦ ᑲᑐᔾᔨᖃᑎᒌᓂᑦ ᐊᑐᓕᖅᑎᑦᓯᓂᕐᒥᑦ ᐃᓄᐃᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐸᐃᕆᕕᓐᓄᓪᓗ ᐱᓕᕆᔾᔪᑕᐅᓂᐊᖅᑐᓂᑦ ᐊᐅᓚᑦᓯᓂᕐᒥᓪᓗ ᐃᓄᙳᐃᓂᕐᒧᑦ ᑐᑭᒧᐊᑦᑎᑦᓯᔩᑦ - ᐱᓕᕆᖃᑎᒌᑦ ᑐᕌᒐᖃᖅᑐᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐸᐃᕆᕕᓐᓄᓪᓗ.
ᑐᙵᓱᒃᑎᑕᐅᔪᒪᓗᓂ ᐊᐱᖅᓱᖅᑕᐅᓂᕐᒧᑦ; ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓴᓇᙳᐊᕐᓂᕐᒧᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ; ᐅᕝᕙᓘᓐᓃᑦ ᐊᕐᕌᒍᓄᑦ ᐱᖓᓱᓄᑦ ᐱᓕᕆᖃᑦᑕᖅᓯᒪᓂᑰᓗᓂ ᐊᑐᐊᒐᓕᕆᓂᕐᒧᑦ ᐊᐅᓚᑦᑎᓂᕐᒧᓪᓘᓐᓃᑦ ᐃᖅᑲᓇᐃᔮᒥ ᑕᑯᒃᓴᐅᑎᑦᑎᓗᓂ ᐱᓕᕆᖃᑦᑕᖅᓯᒪᓂᑰᓂᕐᒥᒃ ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᕐᒥᒃ, ᖃᐅᔨᓴᕐᓂᕐᒥᒃ ᐱᓕᕆᐊᒃᓴᓂᒡᓘᓐᓃᑦ ᐊᐅᓚᑦᑎᕝᕕᖃᕐᓂᕐᒥᒃ; ᐱᖓᓱᓂᒃ ᐊᕐᕌᒍᓂᒃ ᐱᓕᕆᔨᓪᓚᕆᐅᓂᕐᒧᑦ ᐃᖅᑲᓇᐃᔮᖃᕐᓂᕐᒥᒃ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐃᓕᓐᓂᐊᖅᑎᑦᑎᕙᖕᓂᕐᒧᑦ; ᐱᓕᕆᖃᑎᒌᒃᐸᒡᓗᓂ ᑕᑯᒃᓴᐅᑎᑦᑎᓗᓂᓗ ᐱᓕᕆᖃᑎᖃᑦᑎᐊᕈᓐᓇᕐᓂᕐᒥᒃ ᐊᓯᒥᓂᒃ; ᐃᓄᑑᓗᓂ ᐃᖅᑲᓇᐃᔭᕈᓐᓇᕐᓗᓂ ᓇᖕᒥᓂᕐᓗ ᐱᓇᔪᒍᓐᓇᕐᓗᓂ ᐱᔭᕇᖅᓯᔪᓐᓇᕐᓂᕐᒥᒃ ᐱᓕᕆᐊᒃᓴᓂᒃ; ᑕᑯᑎᑦᑎᓯᒪᓗᓂ ᐱᓕᕆᖃᑦᑕᖅᓯᒪᓂᑰᓂᕐᒥᒃ ᐊᑐᐊᒐᓕᐅᖅᐸᓪᓕᐊᓂᕐᒥᒃ; ᖃᐅᔨᒪᓂᖃᑦᑎᐊᕐᓗᓂ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ, ᓄᓇᕗᑦ ᑐᙵᕕᒃᑯᑦ ᐱᓕᕆᐊᒃᓴᕆᑎᑕᐅᔪᓂᒃ ᐃᖅᑲᓇᐃᔭᖅᑐᓕᕆᔨᒃᑯᓪᓗ ᐊᑐᐊᒐᖏᓐᓂᒃ; ᑎᑎᕋᕈᓐᓇᑦᑎᐊᕐᓗᓂ, ᑐᓴᐅᒪᑎᑦᑎᔪᓐᓇᑦᑎᐊᕐᓗᓂ ᐅᓂᒃᑲᐅᓯᖃᕈᓐᓇᑦᑎᐊᕐᓗᓂᓗ; ᖃᓪᓗᓈᑐᑦ ᐃᓄᒃᑎᑐᓪᓗ ᐱᒻᒪᕆᐊᓘᕗᑦ, ᐱᔪᒪᓂᖃᕐᓗᓂᓘᓐᓃᑦ ᐃᓕᑦᑎᔪᒪᓂᕐᒥᒃ/ᐆᒻᒪᕆᐊᖅᑎᑦᑎᓂᕐᒥᒃ ᐃᓄᒃᑐᑦ ᐅᖃᐅᓯᕐᒥᒃ ᐊᔪᕈᓐᓃᖅᑕᐅᕙᒃᑐᓂᒃ; ᐱᓕᕆᖃᑦᑕᖅᓯᒪᓂᑰᓗᓂ ᐋᖅᑭᒃᓱᐃᕙᓪᓕᐊᓂᕐᒥᒃ ᐊᐅᓚᑦᑎᓂᕐᒥᒡᓗ ᑮᓇᐅᔭᖁᑎᒋᔭᐅᔪᓂᒃ ᐱᓇᔪᒃᑐᓄᑦ ᐱᕚᓪᓕᕈᑕᐅᓯᒪᓇᔭᖅᐳᖅ; ᐊᔪᙱᓐᓂᖃᑦᑎᐊᕐᓗᓂ ᐃᖅᑲᓇᐃᔭᕈᓐᓇᕐᓂᕐᒥᒃ ᐃᓕᖅᑯᓯᖃᖃᑎᒌᙱᑦᑐᓂ ᐊᕙᑎᓕᖕᒥ, ᐃᓚᒋᔭᐅᓗᓂ ᖃᐅᔨᒪᓗᓂ ᒐᕙᒪᒃᑯᑦ ᑲᔪᓯᐊᔾᔪᑕᐅᕙᒃᑐᓂᒃ ᐅᑭᐅᖅᑕᖅᑐᒥᓗ ᐱᓕᕆᖃᑦᑕᖅᓯᒪᓂᑰᓗᓂ ᑲᒪᒋᔭᖃᕐᓂᕐᒥᒃ ᒐᕙᒪᒃᑯᓐᓂᒃ.
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᑎᒍᑦ.
ᑮᓇᐅᔾᔭᒃᓴᓯᒋᐊᕋᔭᖅᑐᖅ $103,600.00 ᐊᕐᕌᒍᒧᑦ (ᐃᖅᑲᓇᐃᔭᓕᒪᓂᖓ ᒪᓕᒡᓗᒍ) ᓈᒪᔪᓂᒃ ᐱᕚᓪᓕᕈᑎᒃᓴᓂᒃ ᑲᑎᖅᓱᖅᓯᒪᔪᓂᒃ ᐅᑯᓂᖓᓗ ᐃᖅᑲᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.
ᐃᒡᓗᒧᑦ ᐃᑲᔫᓯᐊᑦ $35,865.00
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᑕᑯᔪᒪᒍᕕᐅᒃ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐃᕐᖐᓈᖅᑕᐅᑦ: ntihr@tunngavik.com
ᐅᖄᓚᐅᑎᖓ: 867-645-5408
ᓱᒃᑲᔪᒃᑰᕈᑎᖓ: 867-645-3872
ᒪᑐᕝᕕᒃᓴᖓ: ᐅᑐᐱᕆ 16, 2026
ᐱᓕᕆᐊᒃᓴᕗᑦ: ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕐᒧᓪᓗ, ᐃᓅᖃᑎᒌᒃᐸᖕᓂᕐᒧᑦ, ᐃᓕᖅᑯᓯᑐᖃᕐᓄᓪᓗ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ.
To apply for this position please email NTIHR@tunngavik.com