ᐅᖃᓘᑎᕋᓛᓄᑦ ᐱᓇᔫᑎᓕᐅᖅᐸᓪᓕᐊᓂᖅ

ᓄᓇᕗᑦ ᑐᙵᕕᒃᑯᑦ ᑎᒥᖓᑦ (NTI) ᐋᖅᑭᒃᓱᐃᕙᓪᓕᐊᕗᑦ ᐅᖃᓘᑎᕋᓛᓄᑦ ᐱᓇᔫᑎᒥᒃ ᐋᖅᑭᒃᓯᒪᔪᒥᒃ ᐅᔾᔨᕐᓇᖅᓯᑎᑦᑎᒃᑲᓐᓂᕐᓂᕐᒥᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᒃ (NLCA). ᑕᐃᒪᐃᓐᓂᖓᓄᑦ, ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᕿᓂᖅᐳᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᑲᒻᐸᓂᒋᔭᐅᔪᒥᑦ ᐋᖅᑭᒃᓱᐃᓂᐊᕐᓗᑎᒃ ᑕᐅᑦᑐᒃᓴᓕᐅᕐᓂᐊᕐᓗᑎᒃᓗ ᖃᔅᓯᑲᓪᓚᖕᓂᒃ ᐊᑐᖅᑕᐅᔪᓐᓇᖅᑐᓂᒃ ᖃᕆᑕᐅᔭᕋᓛᓄᑦ ᐊᑐᖅᑕᐅᕙᒃᑐᓂᒃ. ᑖᓐᓇ ᑲᒻᐸᓂᒋᔭᐅᔪᖅ ᖃᕆᑕᐅᔭᓕᕆᓂᕐᒧᑦ ᑲᒻᐸᓂᐅᔭᕆᐊᖃᖅᐳᖅ ᑕᑯᑎᑦᑎᓯᒪᓗᓂ ᓄᑖᙳᕆᐊᖅᓯᒪᔪᓂᒃ ᐅᖄᓚᐅᑎᕋᓛᒃᑯᑦ ᐊᑐᖅᑕᐅᕙᒃᑐᓂᒃ ᐊᑐᖅᑕᐅᕙᒃᑐᓂᒡᓗ ᐱᓕᕆᓂᕆᔭᐅᕙᒃᑐᒥ. ᐱᓇᔫᑎᓄᑦ ᐊᑐᖅᑕᐅᕙᒃᑐᖅ ᐱᖓᓱᓂᒃ ᐅᖃᐅᓯᕐᓂᒃ ᐊᑐᖅᑎᑦᑎᓂᐊᖅᐳᖅ ᑕᐅᑦᑐᒃᓴᖓᓂ. ᑖᓐᓇ ᑲᒻᐸᓂᒋᔭᐅᔪᖅ ᑕᑯᑎᑦᑎᓯᒪᓪᓗᐊᖅᐳᖅ ᑎᑎᕋᖅᓯᒪᔪᓂᒃ ᐱᓇᔫᑎᒋᔭᐅᔪᓂᒃ ᓂᐅᕐᕈᑎᖃᕐᕕᐅᕙᒃᑐᓂ ᑕᒪᐃᓐᓂ Android ᐊᒻᒪᓗ Apple OS−ᓂᒃ. ᑖᓐᓇ ᑲᒻᐸᓂᒋᔭᐅᔪᖅ ᐱᓕᕆᔨᓪᓚᕆᖕᓂᒃ ᐱᓕᕆᔨᖃᓪᓗᐊᖅᐳᖅ ᐃᓚᖃᖅᑐᓂᒃ ᖃᕆᑕᐅᔭᓕᕆᔨᒻᒪᕆᖕᓂᒃ ᓇᓗᓇᐃᒃᑯᑦᑎᖅᓱᐃᔨᓂᒡᓗ, ᑭᒃᑯᑐᐃᓐᓇᓄᑦ ᑐᓴᐅᒪᑎᑦᑎᕙᖕᓂᕐᒧᑦ ᐊᔪᙱᓐᓂᖃᓪᓚᕆᒃᑐᓂᒃ, ᐅᖃᓘᑎᕋᓛᓄᑦ ᐊᑐᖅᑕᐅᕙᒃᑐᓂᒃ ᓄᑖᙳᕆᐊᖅᑎᑦᑎᓂᕐᒥᒃ ᐊᔪᙱᓐᓂᖃᓪᓚᕆᒃᑐᓂᒃ. ᐱᓕᕆᖃᑦᑕᖅᓯᒪᓂᑰᓗᓂ ᐱᙳᐊᒐᒃᓴᓂᒃ ᐋᖅᑭᒃᓱᐃᕙᓪᓕᐊᓂᕐᒥᒃ ᐱᕚᓪᓕᕈᑕᐅᓯᒪᓂᐊᖅᐳᖅ. ᐱᓇᔪᒃᓯᒪᔪᑦ ᐱᓕᕆᖃᑦᑕᖅᓯᒪᓂᑰᔭᕆᐊᖃᖅᐳᑦ ᖃᔅᓯᑲᓪᓚᖕᓂᒃ ᐅᖃᐅᓯᓕᖕᓂᒃ ᑲᑐᔾᔨᖃᑎᒌᓂᒃ ᓄᓇᕗᒻᒥ. ᑐᓂᓯᓂᐊᖅᐳᑎᑦ ᑐᒃᓯᕋᐅᑎᓂᒃ ᐃᓚᖃᕐᓗᓂ ᑮᓇᐅᔭᓂᒃ ᐊᑐᖅᑐᒃᓴᓂᒃ ᒫᔾᔨ 6, 2015-ᖑᓚᐅᙱᓐᓂᖓᓂ, 5:00-ᒧᐊᖅᐸᑦ ᐅᓐᓄᒃᓴᒃᑯᑦ (ᑲᓇᖕᓇᐅᑉ ᖃᐅᔨᓴᐅᑎᖓᑎᒍᑦ) ᐅᕗᖓ:Nunavut Tunngavik Inc.ᑐᕌᖅᑐᖅ: ᑭᐅᕆ ᒪᒃᓚᔅᑭᑐᑭᒧᐊᒃᑎᑦᑎᔨ Communicationskmccluskey@tunngavik.comᐅᖄᓚᐅᑎᖓ: (867)
975-4914