Inuit Firm Registry
ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᕐᕕᒃ ᐃᑲᔪᖅᐸᒃᐳᖅ ᓇᓗᓇᐃᖅᓯᓂᕐᒥᒃ ᐃᓄᖕᓄᑦ−ᓇᖕᒥᓂᕆᔭᐅᔪᓂᒃ ᐃᓱᒪᒃᓴᖅᓯᐅᕈᑕᐅᔪᓐᓇᖅᑐᓂᒃ ᑎᑎᕋᖅᓯᒪᓂᓕᒃ 24−ᒥ ᓄᓇᕗᒻᒥ ᐊᖏᖃᑎᒌᒍᑎᒥ. ᐅᓇ ᒪᒃᐱᖅᑐᒐᖅ ᐊᑐᕐᓗᒍ ᕿᓂᕐᓂᐊᕐᓗᒍ ᑎᑎᕋᖅᑕᐅᓯᒪᕝᕕᒃ, ᐊᑎᓕᐅᕆᓂᕐᒧᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ, ᓄᑖᙳᕆᐊᖅᑎᑦᑎᓂᕐᒥᒃ ᓇᖕᒥᓂᕆᔭᐅᔪᓂᒃ ᑐᓴᖅᑕᐅᔪᒃᓴᓂᒃ, ᐃᓕᑦᑎᒃᑲᓐᓂᕐᓂᕐᒥᒡᓗ ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᕕᒃᓴᐅᔪᓐᓇᖅᑐᓂᒃ.
ᐱᓕᕆᐊᒃᓴᕗᑦ ᐃᒪᐃᓕᐅᕈᒪᓪᓗᑕ...
- ᑲᔪᓯᑎᑦᑎᓗᑎᒃ ᐅᔾᔨᕐᓇᖅᓯᑎᑦᑎᓗᑎᒡᓗ ᐃᓄᐃᑦ ᓇᖕᒥᓂᖁᑎᓖᑦ ᐊᑎᓕᐅᕐᕕᖓᓂᒃ
- ᐊᑐᖅᑎᓪᓗᒋᑦ ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᔪᓐᓇᐅᑎᖏᑦ ᐱᕚᓪᓕᕈᑎᖏᓪᓗ
- ᐃᑲᔪᖅᑐᕐᓗᒋᑦ ᐃᓄᐃᑦ ᐱᕙᓪᓕᐊᑎᑦᑎᑎᓪᓗᒋᑦ ᓄᓇᕗᒻᒥ ᑮᓇᐅᔭᓕᐅᕋᓱᖕᓂᕐᒧᑦ
ᐱᔾᔪᑎᖃᓪᓗᐊᑕᖅᖢᑎᒃ ᐊᑐᓕᖅᑎᑦᑎᔪᒪᓪᓗᑎᒃ ᑎᑎᕋᖅᓯᒪᓂᓕᒃ 24−ᒥᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥ, ᓄᓇᕗᑦ ᑐᙵᕕᒃᑯᑦ ᐊᑐᐊᒐᓕᕆᔨᖏᑦ ᐸᕐᓇᐃᔨᑦ ᑲᒪᒋᔭᒃᓴᖃᖅᐳᑦ ᑲᒪᒋᔭᖃᕐᓂᕐᒥᒃ ᑲᔪᓯᑎᑦᑎᓂᕐᒥᒡᓗ ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᕐᕕᖓᓂ.
"ᐃᓄᐃᑦ ᓇᖕᒥᓂᖁᑎᖏᑦ" ᑐᑭᖃᖅᐳᖅ ᑎᒥᐅᔪᖅ ᒪᓕᒃᑐᖅ ᒪᓕᒐᑎᒍᑦ ᐊᑐᖅᑕᐅᔭᕆᐊᓕᖕᓂᒃ ᑲᔪᓯᑎᑦᑎᓂᐊᕐᓗᓂ ᓇᖕᒥᓂᕆᔭᐅᔪᒥᒃ ᓄᓇᕘᒥ ᓄᓇᑖᕐᕕᐅᓯᒪᔪᒥ, ᐃᒪᐃᑦᑑᓪᓗᓂᓗ:
A) ᓕᒥᑎᑦ ᑲᒻᐸᓂᐅᔪᑦ 51-ᐳᓴᒥᒃ ᑭᒡᓕᖃᖅᑐᒥᒃ ᑲᒻᐸᓂᐅᔫᑉ ᓂᕈᐊᕈᓐᓇᖅᑎᑕᐅᓪᓗᑎᒃ ᓇᖕᒥᓂᖃᖅᑎᐅᔾᔪᑎᖏᑦ ᐃᓄᖕᓄᑦ ᓇᖕᒥᓂᕆᔭᐅᓗᑎᒃ, ᐅᕝᕙᓘᓐᓃᑦ
b) ᑯᐊᐸᒃᑯᑦ ᐊᐅᓚᑕᐅᔪᑦ ᐃᓄᖕᓄᑦ, ᐅᕝᕙᓘᓐᓃᑦ
C) ᐃᓅᓗᓂ ᓇᖕᒥᓂᖃᖅᑎᐅᓗᓂ ᑲᑐᔾᔨᖃᑎᖃᕐᓗᓂᓘᓐᓃᑦ
ᐱᖓᓲᖕᒪᑕ ᐊᔾᔨᒌᙱᑦᑐᑦ ᐃᓄᐃᑦ ᓇᖕᒥᓂᖁᑎᖏᑦ ᐃᓄᐃᑦ ᓇᖕᒥᓂᖁᑎᖏᑦ ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᕐᕕᐊᓂᑦ ᐊᔾᔨᖃᙱᖦᖢᑎᒃ ᐊᓯᖏᓐᓂᑦ ᐱᔪᓐᓇᕐᓂᕆᔭᐅᔪᓂᑦ ᓯᓚᑖᓂᑦ ᑖᔅᓱᒪ ᑐᖅᑯᐃᕕᐅᑉ ᑐᕌᒐᕆᔭᖓᑕᓗ ᐃᓄᐃᑦ ᓇᖕᒥᓂᖁᑎᖏᑦ ᐊᑎᓕᐅᕐᕕᐊᓂᑦ.
ᖁᕝᕙᓯᖕᓂᖓ 1 – 51%-75% ᐃᓄᖕᓂᑦ ᓇᖕᒥᓂᖃᕐᓂᖅ
ᖁᕝᕙᓯᖕᓂᖓ 2 – 76%-99% ᐃᓄᖕᓂᑦ ᓇᖕᒥᓂᖁᑎᒋᔭᐅᔪᑦ
ᖁᕝᕙᓯᖕᓂᓕᖕᒥᑦ 3 − 100−ᐳᓴᓐᑎᒥᑦ ᐃᓄᖕᓂᑦ ᓇᖕᒥᓂᖁᑎᒋᔭᐅᔪᑦ
To Contact Inuit Firms email – inuitfirm@tunngavik.com
Search the registry