(ᔫᓂ 23,2022, ᐃᖃᓗᐃᑦ, ᓄᓇᕗᑦ) ᓄᓇᕗᒻᒥ ᐃᓄᐃᑦ ᐃᓱᒪᖃᖅᓯᒪᑉᐸᑕ ᐅᐸᖃᑕᐅᒍᒪᓪᓗᑎᒃ ᐅᕝᕙᓘᓐᓃᑦ ᐃᓚᒋᔭᐅᒍᒪᑉᐸᑕᓘᓐᓃᑦ ᓱᑎᑕᐅᒐᓚᓐᓂᐊᕐᓂᖏᓐᓄᑦ ᐃᑦᓯᕋᖅᔪᐊᕌᐱᒃ ᐳᕋᓐᓴᔅ (Francis’) ᓂᕆᐅᒋᔭᐅᓂᖓᓄᑦ ᐳᓛᕆᐊᕐᓂᐊᕐᓂᖓᓄᑦ ᑲᓇᑕᒥᑦ ᒪᒥᐊᒋᐊᖅᑐᕐᓗᓂ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᓄᑦ ᐊᐱᕆᔭᐅᓕᖅᐳᑦ ᑕᑕᑎᕆᖃᑕᐅᖁᔭᐅᓪᓗᑎᒃ ᑖᒃᑯᓄᖓ ᓄᓇᕗᑦ ᑐᙵᕕᒃ ᑎᒥᖓᓐᓄᑦ. (NTI)
ᓄᓇᕗᑦ ᑐᙵᕕᒃ ᑎᒥᖓᑦ, ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᓯᖏᓪᓗ ᐃᓄᐃᑦ ᓄᓇᒋᔭᖏᓐᓂᑦ ᐊᕕᑦᑐᖅᓯᒪᔪᓂᑦ ᐱᓇᓱᐊᖃᑎᒌᒻᒪᕆᒻᒪᑕᓗ ᐸᓇᐅᔾᔨᓇᓱᐊᖅᓱᑎᒃ:
- ᖃᓄᖅ ᐊᐅᓚᑕᐅᓂᐊᕐᓂᖏᑦ ᐃᓄᐃᑦ ᐅᐸᒍᑎᒍᒪᔪᑦ
- ᐱᕕᖃᖅᑎᑕᐅᖁᓪᓗᒋᑦ ᐃᓄᐃᑦ ᐅᖃᖃᑎᖃᕈᒪᔪᓂᑦ ᐃᑦᓯᕋᖅᔪᐊᕌᐱᒻᒥᑦ ᐊᑑᑎᓯᒪᔭᖏᓐᓂᑦ ᐃᓅᓯᖏᑦᑎᒍ
- ᐃᓄᐃᑦ ᐱᖅᑯᓯᑐᖃᖏᑦ ᐊᒻᒪᓗ ᓂᖅᑐᐃᔾᔪᑎᒋᔪᓐᓇᖅᑕᒥᑎᒍᑦ ᐊᑐᕐᓗᑎᒃ ᓇᒻᒥᓂᖅ ᑲᑎᓐᓂᖃᖁᓪᓗᒋᑦ
ᓄᓇᕗᒻᒥᐅᑕᑦ ᐃᓄᐃᑦ ᐃᓚᒋᔭᐅᒍᒪᓂᐊᖅᑐᑦ ᐃᓇᑕᐅᑦᓯᐊᖅᐳᑦ ᑕᑕᑎᕆᖁᔭᐅᓪᓗᑎᒃ ᑕᑕᑎᕆᐊᓕᒻᒥᒃ ᐃᒻᒥᒃᑰᖓᔪᒥᑦ ᓇᑦᓯᐅᔾᔭᐅᖃᓯᐅᑎᓂᐊᖅᐳᕐᓗ ᐊᒻᒪᓗ ᐊᐅᓪᓚᖅᑎᓪᓗᒋᑦ ᖃᕆᑕᐅᔭᒃᑯᑎᒍᑦ ᐅᕗᖓ ᑐᕌᕈᑎᒧᑦ
saimmaqatigiinniq@tunngavik.comᐃᓱᓕᕝᕕᖃᖅᓱᓂ ᔪᓚᐃ 8, 2022-ᒥᑦ. ᑖᒃᑯᐊ ᑕᑕᑎᕆᐊᓖᑦ ᐊᑐᐃᓐᓇᐅᑦᓯᐊᕐᓂᐊᕐᒥᔪᑦ ᑐᕌᕈᑎᖓ ᐅᕗᖓ
www.tunngavik.com ᐅᕝᕙᓘᓐᓃᑦ ᑐᑦᑕᖅᕕᒋᔭᐅᔪᓄᑦ ᓄᓇᓕᓐᓂᒃ. ᐊᔪᐃᓐᓇᐅᔾᔭᐅᑦᓯᐊᕐᓂᐊᖅᐳᓪᓗ ᓄᓇᕗᒻᒥᐅᑕᑦ ᐃᓄᐃᑦ ᐃᓚᒋᔭᐅᒍᒪᔪᓕᒫᑦ ᐊᒻᒪᓗ ᓯᕗᓪᓕᐅᔾᔭᐅᓂᐊᖅᐳᓪᓗ ᑖᒃᑯᐊ ᓄᓇᕗᒻᒥᐅᑕᑦ ᐃᓄᐃᑦ ᐊᓂᒍᔾᔨᓯᒪᔪᓪᓗ ᐊᒻᒪᓗ ᐅᐹᖏᓐᓄᑦ ᐃᑲᔪᖅᑎᒋᓂᐊᖅᑕᖏᓐᓄᓪᓗ ᒪᓕᑦᑎᒋᓂᐊᖅᑕᖏᑦ.
ᓄᓇᕗᑦ ᑐᙵᕕᒃ ᑎᒥᖓ ᐱᓕᕆᖃᑎᖃᕐᓂᐊᖅᐳᑦ ᐃᓄᐃᑦ ᑕᐱᕇᑦ ᑲᓇᑕᒥᑦ ᐊᒪᓗ ᑲᓇᑕᒥᑦ ᑲᑎᒻᒪᔨᐅᖃᑕᐅᔪᓄᑦ ᐃᒃᓯᕋᖅᔪᐊᑦ ᐊᔪᕿᖅᑐᐃᔨᖅᔪᐊᖏᓐᓂᓪᓗ ᐸᕐᓇᐅᔾᔨᑎᓪᓗᒋᑦ ᐳᓛᕆᐊᕐᓂᐊᕐᓂᖏᓐᓄᑦ.
ᓱᓕᔪᒥᑦ ᑭᓪᓕᓯᓂᐊᕐᓂᐅᓯᒪᔪᖅ ᐊᒻᒪᓗ ᓴᐃᒻᒪᖃᑎᒌᓐᓂᕐᒧᑦ ᑲᒥᓴᓐ ᐅᖃᖅᓯᒪᒻᒪᑕᓗ ᑕᒪᓐᓇ ᐅᑉᐱᕐᓂᕆᔭᐅᓪᓚᕆᑦᓯᒪᓃᓪᓗ ᐱᓂᕐᓗᑦᑕᐅᓯᒪᓂᖏᓐᓂᑦ ᑕᐃᑲᓂ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᓄᑦ ᑕᐃᑦᓱᒪᓂ. ᖃᓄᑐᐃᓐᓇᖅ ᐊᓚᒃᑲᐅᒪᑎᑦᓯᓂᐊᖅᑐᑦ ᐸᕐᓇᑕᐅᔪᑦ ᐊᓚᒃᑲᐃᓯᒪᓂᐊᕐᒪᑕ ᓴᓐᖏᔫᓯᒪᓪᓚᕆᓐᓂᖏᓐᓂᑦ ᐊᒻᒪᓗ ᒪᑭᒋᐊᒃᑲᓐᓂᕈᓐᓇᖅᓯᒪᓂᖏᓐᓂᑦ ᐃᓄᐃᑦ ᐱᖅᑯᓯᖏᑦᑎᒍᑦ ᐊᒻᒪᓗ ᓂᖅᑐᐃᔾᔪᓯᕐᒥᓂᒃ ᐊᑐᕐᓗᑎᒃ ᐊᒻᒪᓗ ᐃᓄᐃᑦ ᐅᖃᐅᓯᑐᖃᖓᑦ ᑲᔪᓰᓐᓇᖅᑎᑕᐅᓂᒥᓂᖓᓄᑦ ᐅᓪᓗᒥᒧᑦ.
ᓄᓇᕗᑦ ᑐᙵᕕᒃ ᑎᒥᖓ ᑐᑭᓯᒪᑦᓯᐊᖅᐳᓪᓗ ᐳᓛᕆᐊᖅᑕᐅᕕᑦᓴᕗᑦ ᑎᑭᓐᓇᓱᐊᕐᓂᖓᓂᑦ ᐅᕝᕙᓘᓐᓃᑦ ᑭᖑᓂᖓᒍᑦ ᐊᓚᒃᑲᐃᓂᕐᓗᑦᑐᖃᑐᐃᓐᓇᕆᐊᖃᕆᐊᖓ ᐅᖁᒪᐃᑦᑐᒦᓗᐊᖅᓯᒪᔪᕕᓂᕐᒥᒃ ᐱᓂᕐᓗᑦᑕᐅᓯᒪᔪᒧᑦ ᑖᒃᑯᐊ ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᓂᑦ ᐊᒻᒪᓗ ᒐᕙᒪᑐᖃᒃᑯᑎᒍᑦ ᐃᓕᓂᐊᕆᐊᖅᑎᑕᐅᔪᕕᓃᓪᓗ ᐊᓂᒍᔾᔨᓯᒪᔪᓅᒐᓗᐊᖅ, ᐃᓚᖏᓐᓄᑦ ᐊᒻᒪᓗ ᑭᖑᕚᖏᑦᑎᒍᓪᓘᓐᓃᑦ. ᑐᑭᓯᒪᑦᓯᐊᖁᔨᕗᒍᑦ ᐅᖃᐅᔾᔪᐃᓂᒃᑯᑦ ᐊᑐᐃᓐᓇᐅᑎᑦᓯᓂᐊᖅᐳᖑᑦ ᐃᓘᓐᓇᖏᓐᓄᑦ, ᐅᑯᐊ ᑕᒡᒐ ᐊᑐᐃᓐᓇᐅᓂᐊᖅᑐᑦ:
ᐃᓕᓐᓂᐊᕆᐊᖅᑎᑕᐅᖃᑦᑕᖅᑐᕕᓂᕐᓄᑦ ᐊᓂᒍᔾᔨᓯᒪᔪᓄᑦ ᐃᑲᔪᖅᑕᐅᕕᑦᓴᖅ ᐅᖄᓚᕕᒃᓴᖅ
1-866-866-925-4419
ᐃᓄᐃᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᓂᕆᐅᓐᓂᖃᕐᓂᕐᒧᑦ ᖃᓄᐃᓐᖏᑦᓯᐊᕐᓂᕐᒧᑦ
1-855-242-3310
ᓄᓇᕗᒻᒥᑦ ᑲᒪᑦᓯᐊᖅᑐᑦ ᐃᑲᔪᖅᑕᐅᕕᑦᓴᖅ ᐅᖄᓚᕕᒃᓴᑦ
1-800-265-3333
ᓱᕈᓯᕐᓄᑦ ᐃᑲᔪᖅᑕᐅᕕᒃ ᐅᖄᓚᕕᒃᓴᖅ
1-800-668-6868 or ᑎᑎᕋᖅᕕᒃᓴᖅ 686868 and ᐊᒻᒪᓗ ᓇᕿᓪᓗᒍ “TALK” ᐅᖃᖃᑎᖃᕈᒪᒍᕕᑦ ᐃᑲᔪᖅᑎᒥᑦ ᐅᖃᐅᔾᔪᐃᔨᒥᑦ
ᓄᓇᕗᒻᒥᑦ ᐱᓂᕐᓗᑦᑕᐅᓯᒪᔪᓄᑦ ᐱᔨᑦᓯᕋᖅᑏᑦ
1-866-456-5216
ᒪᒥᓴᕐᓂᕐᒧᑦ ᐅᖃᖃᑎᒌᓐᓂᖅ
1-867-975-5367 ᖃᕆᑕᐅᔭᒃᑯᑦ ᑐᕌᕈᑎᖓ
healing@gov.nu.ca
IRS ᐅᖃᐅᔾᔪᐃᔩᑦ ᐊᑐᐃᓐᓇᐅᑎᑕᐅᒻᒥᔪᑦ ᐅᑯᓇᓐᖓᑦ:
ᐃᓕᓴᖅᓯᕕᒃ 867-924-6565
ᐳᓛᖅᕕᒃ ᑲᑉᓗ ᐱᖃᑎᒌᑦ ᐅᐸᑦᑕᖅᕕᕐᒃ 867-645-2600
ᑐᑭᓯᒋᐊᖅᕕᒃ ᖃᓄᐃᓐᖏᑦᓯᐊᕐᓂᕐᒧᑦ ᐅᐸᑦᑕᖅᕕᒃ 867-979-2400
ᐃᑲᓗᑦᑑᑦᓯᐊᕐᒧᑦ ᖃᓄᐃᓐᖏᑦᓯᐊᕐᓂᕐᒧᑦ ᐅᐸᑦᑕᖅᕕᒃ 867-983-4670
ᐃᒻᒥᒃᑯᑦ ᓄᓇᓖᑦ ᖃᐅᔨᒋᐊᖅᕕᑦᓴᖓᑦ ᐃᑲᔪᕈᓐᓇᖅᑐᓂᑦ, ᐅᕗᖓ ᖃᐅᔨᒋᐊᕋᒃᓴᐅᒻᒥᔪᖅ
http://www.inuusiq.com/.
-30-
ᑐᑭᓯᒋᐊᒃᑲᓂᕐᕕᒃᓴᖅ:
ᒪᓚᐃᔭ ᒥᑭᔾᔪᒃ
ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006
mmikijuk@tunngavik.com
www.tunngavik.com📄 2022 06 23 Inuit Register for Popes Visit final INUK
📄 Official Request for Inuit Participation INUK revised
