ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᓄᕙᒡᔪᐊᕐᓇᖃᖅᑎᓪᓗᒋᑦ ᐃᑲᔪᖅᓯᔾᔪᑎᖏᓐᓄᑦ ᐱᓕᕆᐊᑦ ᐱᓪᓗᒋᑦ ᐊᐱᖅᑯᑕᐅᒐᔪᒃᑐᑦ (ᐸᖁᓇᐅᑕᐅᒐᔪᒃᑐᑦ)
ᐱᒋᐊᕐᓂᖓ
ᓄᓇᕗᑦ ᑐᙵᕕᒃ ᑎᒥᖓᑦ ᐃᑲᔪᖅᓯᔾᔪᑎᖃᕐᒪᑕ ᐃᓄᖕᓄᑦ ᓇᓗᓇᐃᖅᑕᐅᓯᒪᔪᓄᑦ ᓄᕙᒡᔪᐊᕐᓇᖅ - 19-ᒧᑦ ᖃᓂᒪᓂᖏᓐᓂ, ᐅᐸᒃᑕᐅᑦᑕᐃᓕᑲᐃᓐᓇᕆᐊᖃᖅᑐᓄᑦ ᐅᓪᓗᓄᑦ 14-ᓄᑦ ᓄᕙᒡᔪᐊᕐᓇᖃᖅᑐᒥᑦ ᖃᓂᒃᓴᖅᑐᕕᓂᐅᑎᓪᓗᒋᑦ ᓇᓗᓇᐃᖅᑕᐅᓯᒪᔪᑦ ᓄᓇᕗᑦ ᐃᓗᐊᓂ ᓄᕙᒡᔪᐊᕐᓇᖅ 19-ᒥᒃ ᖃᓂᒪᔪᑦ. ᐱᒻᒪᕆᐅᔪᖅ ᒪᓕᒃᑐᐃᓐᓇᐅᔭᕆᐊᖃᕋᑦᑕ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᒪᓕᒐᓕᐊᕆᔭᐅᓯᒪᔪᓂᒃ ᓄᓇᕗᒻᒥ ᐊᖓᔪᖅᑳᖓᓐᓄᑦ ᐋᓐᓂᐊᖅᑐᓕᕆᔨᐅᔪᑦ (CPHO) ᐱᖃᓯᐅᔾᔨᓯᒪᔪᖅ ᐊᖏᕐᕋᕆᔭᐅᔪᑉ ᐃᓗᐊᓂ ᐃᒡᓗᖃᖅᑐᓕᒫᓐ ᐅᐸᒃᑕᐅᑦᑕᐃᓕᑲᐃᓐᓇᕆᐊᖃᖅᑎᓪᓗᒋᑦ ᐊᓂᑦᑕᐃᓕᓗᑎᒃ ᒪᓕᒐᖏᓐᓂᒃ ᒪᓕᑦᑎᐊᕆᐊᖃᖅᑐᑦ ᓄᕙᒡᔪᐊᖅᑐᖃᖅᑎᓪᓗᒍ 19-ᒥᒃ ᐅᕝᕙᓘᓐᓃᑦ ᐊᐱᕆᔭᐅᓯᒪᑎᓪᓗᒋᑦ ᐊᓂᑦᑕᐃᓕᖁᔭᐅᓪᓗᑎᒃ ᐅᐸᒃᑕᐅᑦᑕᐃᓕᑲᐃᓐᓇᖁᔭᐅᑎᓪᓗᒋᑦ ᓄᕙᒡᔪᐊᓕᖅᑐᒧᑦ ᖃᓂᒋᔭᐅᓂᑰᓂᖏᓐᓂᒃ ᓇᓗᓇᐃᖅᑕᐅᓯᒪᑎᓪᓗᒋᑦ ᐅᕝᕙᓘᓐᓃᑦ ᓄᕙᒡᔪᐊᕐᓇᖅ 19-ᒧᑦ ᐋᓐᓂᐊᕆᔭᐅᕙᒃᑐᓂᒃ ᐋᓐᓂᐊᕈᕕᑦ ᑕᒪᒃᑯᓂᖓ ᒪᓕᒐᓕᐊᕆᔭᐅᓯᒪᔪᓂᒃ ᒪᓕᑦᑎᐊᕆᐊᖃᖅᐳᑎᑦ.
ᑖᒃᑯᐊ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᕈᑎᐅᔪᑦ ᑐᕌᖅᑐᑦ ᐃᑲᔪᖅᓯᔾᔪᑕᐅᓂᐊᕐᓗᑎᒃ ᓄᓇᕗᒻᒥ ᐃᓄᖏᑦ ᐊᖏᕐᕋᖅᓯᒪᐃᓐᓇᖁᓪᓗᒋᑦ. ᐃᓗᓕᕆᔭᖏᑦ ᑖᒃᑯᐊ ᐃᑲᔪᖅᓯᔾᔪᑎᑦ ᒪᓕᒃᓯᒪᓂᐊᖅᑐᑦ ᑐᓴᒐᒃᓴᓂᒃ ᑐᓂᔭᐅᓯᒪᔪᓂᒃ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐊᒻᒪᓗ ᐊᑐᓕᖅᑎᑕᐅᓂᐊᖅᑐᑦ ᐊᑐᕐᓗᒋᑦ ᓂᕆᔭᕆᐊᖃᖅᑕᖏᑦ ᒪᓕᒡᓗᒋᑦ, ᐅᓄᕐᓂᕆᔭᖏᑦ ᐃᓄᐃᑦ ᓱᕈᓯᓪᓗ ᐊᖏᕐᕋᖃᖅᑐᑦ ᐃᒡᓗᒥ ᐊᒻᒪᓗ ᓱᕈᓯᓛᖅᓯᐅᑎᑦ ᐊᑐᕆᐊᖃᖅᑕᖏᑦ ᐱᖃᓯᐅᔾᔭᐅᓗᑎᒃ.
ᓄᓇᓕᐅᔪᓄᑦ ᑕᐃᒃᑯᓄᖓ ᓇᓗᓇᐃᖅᑕᐅᓯᒪᔪᓄᑦ ᓄᕙᒡᔪᐊᖅᑐᖃᕐᓂᖓᓂᒃ, ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᓄᑦ ᑐᒃᓯᕋᐅᑎᑦ ᑕᑕᑎᕆᐊᖃᖅᑐᑦ ᐊᑎᓕᐅᖅᑕᐅᒋᐊᑐᖏᑦᑐᑦ ᓄᓇᓕᖕᓂ ᐋᓐᓂᐊᓯᑎᒧᑦ. ᐃᓘᓐᓇᖏᑦ ᐊᓯᖏᑦ ᓄᓇᕗᒻᒥ ᓄᓇᓕᖏᓐᓂ ᓄᓇᖃᖅᑐᑦ ᐊᒻᒪ ᐃᓄᐃᑦ ᓄᓇᖃᖅᑐᑦ ᓄᓇᕗᑦ ᓯᓚᑖᓂ ᐱᔭᕆᐊᖃᖅᑐᑦ ᐊᑎᓕᐅᖅᑕᐅᓯᒪᔪᒥᒃ ᐋᓐᓂᐊᖅᑐᓕᕆᔨᖓᓄᑦ. ᓇᓕᐊᑐᐃᓐᓇᖅ ᑐᓴᒐᒃᓴᑦ ᑐᓂᔭᐅᔪᑦ ᑲᓐᖑᓇᖅᑑᑎᑕᐅᖏᓐᓇᕐᓂᐊᖅᑐᑦ. ᐅᐸᒃᑕᐅᑦᑕᐃᓕᔪᓄᑦ ᐃᑲᔪᕈᑎᓄᑦ ᐱᓕᕆᐊᖑᔪᖅ ᑖᓐᓇ ᐊᑭᓕᖅᓱᖅᑕᐅᒐᑎᒃ ᐱᓕᕆᐊᖑᕗᖅ. ᓄᓇᕗᑦ ᑐᙵᕕᒃᑯᑦ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᖓ ᓴᓇᔭᐅᓚᐅᖅᑐᖅ ᐱᓕᕆᖃᑎᒋᔭᐅᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᑕ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔪᖅᓯᔾᔪᑎᓄᑦ ᑮᓇᐅᔭᖃᖅᑎᑕᐅᓂᖏᑎᒍᑦ.
ᑭᓇᐅᓂᖏᓐᓂᒃ ᖃᐅᔨᔭᐅᖁᓇᒋᑦ, ᑖᒃᑯᐊ ᓂᕿᒃᓴᖅᑖᕆᔭᐅᔪᑦ ᐊᒻᒪ ᐃᑲᔪᖅᓯᔾᔪᑎᒋᔭᐅᔪᑦ ᑐᓂᔭᐅᓂᐊᖏᑦᑐᑦ ᐃᓄᖕᒧᑦ ᑭᓯᐊᓂ ᐊᒃᑐᖅᑕᐅᓯᒪᔪᖅ ᐃᓄᒃ ᑎᑎᕋᖅᐸᑦ ᑕᑕᑎᕆᓗᓂ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᓄᑦ ᑐᒃᓯᕋᐅᑎᒥᒃ. ᑐᒃᓯᕋᐅᑎᑦ ᑕᑕᑎᕆᐊᖃᖅᑐᑦ ᐅᕙᓐᖓᑦ ᐱᔭᐅᔪᓐᓇᖅᑐᑦ ᑕᑕᑎᖅᑕᐅᓗᑎᒡᓗ ᐊᒻᒪ ᐸᐃᑉᐹᒃᑯᑦ ᑎᑎᕋᖅᑕᐅᔪᓐᓇᕆᓪᓗᑎᒃ
https://covid19.tunngavik.com/nti-isolation-kit-form/
ᑐᓴᒐᒃᓴᒃᑲᓐᓂᕐᓂᒃ ᐱᔪᒪᒍᕕᑦ
ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᕈᑎᖓᑦᑕ ᒥᒃᓵᓄᑦ, ᐅᕗᖓ ᐊᑭᖃᖏᑦᑐᒧᑦ ᐅᖄᓚᔪᓐᓇᖅᐳᑎᑦ 1-888-924-3757 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ COVID-19@tunngavik.com ᐅᕝᕙᓘᓐᓃᑦ ᑐᑭᓯᒋᐊᕐᕕᖓᓐᓄᑦ ᐅᕗᖓ
https://covid19.tunngavik.com
ᐊᐱᖅᑯᑕᐅᒐᔪᒃᑐᑦ
- ᑭᓇᒃᑯᑦ ᐱᖃᑕᐅᔪᓐᓇᖅᐸᑦ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᓂᒃ?
ᑖᒃᑯᐊ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᐅᔪᑦ ᐋᖅᑭᒡᑕᐅᓯᒪᔪᑦ ᐃᑲᔪᖅᑐᐃᖁᓪᓗᒋᑦ ᓄᓇᕗᒻᒥᐅᑕᑦ ᐃᓄᐃᑦ ᐊᖏᕐᕋᖅᓯᒪᐃᓐᓇᖁᓪᓗᒋᑦ. ᐱᖃᑕᐅᔪᓐᓇᖅᐳᑎᑦ ᑐᒃᓯᕋᐅᑎᓕᐅᕐᓗᑎᑦ ᓇᓗᓇᐃᖅᑕᐅᓯᒪᒍᕕᑦ ᓄᕙᒡᔪᐊᕐᓇᖅ - 19-ᒥᒃ ᖃᓂᒪᓂᕐᓄᑦ, ᐊᒻᒪ ᐅᐸᒃᑕᐅᑦᑕᐃᓕᑲᐃᓐᓇᖅᑎᓪᓗᑎᑦ ᐅᓪᓗᓄᑦ 14-ᓄᑦ ᓇᓗᓇᐃᖅᑕᐅᓯᒪᒍᕕᑦ ᓄᕙᒡᔪᐊᕐᓇᖃᖅᑐᒦᑦᑐᕕᓂᐅᓂᕐᓄᑦ, ᖃᓂᒪᒍᕕᑦ ᓄᕙᒡᔪᐊᕐᓇᖅ 19 ᖃᓂᒪᔾᔪᓯᖏᑕ ᐊᔾᔨᖏᓐᓂᒃ, ᐊᒻᒪ ᓄᓇᓕᖕᓂ ᓄᕙᒡᔪᐊᕐᓇᖅ 19-ᒥᒃ ᖃᓂᒪᔪᖃᖅᑎᓪᓗᒋᑦ ᐊᑐᖅᑕᐅᔪᒃᓴᐅᑕᐅᔪᑦ.
- ᖃᓄᕐᓕ ᑐᒃᓯᕋᐅᑎᓕᐅᕈᓐᓇᕋᒪ ᐱᖃᑕᐅᔪᒪᓗᖓ ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᓐᓂᒃ?
ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᓐᓄᑦ ᑐᒃᓯᕋᐅᑎᑦ ᑕᑕᑎᕆᐊᖃᖅᑐᑦ ᐅᕙᓐᖓᑦ ᐱᔭᐅᔪᓐᓇᖅᑐᑦ ᑕᑕᑎᖅᑕᐅᓗᑎᒡᓗ ᐊᒻᒪ ᐸᐃᑉᐹᒃᑯᑦ ᑎᑎᕋᖅᑕᐅᔪᓐᓇᕆᓪᓗᑎᒃ:
https://covid19.tunngavik.com/nti-isolation-kit-form/.
ᑐᓂᔪᓐᓇᖅᑕᓯ ᑎᑎᕋᖅᓯᒪᔪᑦ ᑕᑕᑎᖅᓯᒪᔪᑦ ᑐᒃᓯᕋᐅᑎᑦ ᐅᕗᖓ
COVID-19@tunngavik.com. ᑕᕝᕘᓇ ᑐᒃᓯᕋᐅᑎᓕᐅᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᓂᒃ ᓱᒃᑲᓂᖅᐹᖑᔪᑦ. ᐃᖅᑲᓇᐃᔭᖅᑎᖃᖅᑐᒍᑦ ᐱᖓᓱᓂ ᐊᒡᒍᖅᑐᖅᓯᒪᓂᐅᑉ ᐃᓗᐊᓂ ᖃᐅᔨᓴᐃᖃᑦᑕᖅᑐᓂᒃ ᖃᕆᑕᐅᔭᒃᑯᑦ ᑎᑎᕋᐅᓯᐊᖑᕙᓪᓕᐊᔪᓂᒃ, ᑐᓂᔭᐅᔪᓂᒃ ᑐᒃᓯᕋᐅᑎᓂᒃ ᐊᒻᒪ ᐊᐱᖅᑯᑕᐅᔪᓂᒃ ᑭᐅᖃᑦᑕᖅᑐᓂᒃ. ᑖᒃᑯᐊ ᐊᖏᖅᓯᒪᑦᑐᐊᖅᑐᑦ ᐃᖅᑲᓇᐃᔭᖅᑎᐅᔪᑦ ᐃᖅᑲᓇᐃᔭᖅᐸᖕᒥᔪᑦ ᐅᓐᓄᒃᑯᑦ ᐊᒻᒪᓗ ᓯᕕᑖᕐᕕᒃᑯᑦ.
ᖃᕆᑕᐅᔭᖃᖏᒃᑯᕕᑦ, ᑎᓕᐅᕆᕗᒍᑦ ᐃᑲᔪᖅᑕᐅᔪᒪᖁᓪᓗᑎᑦ ᐱᖃᓐᓇᕆᔭᕐᓄᑦ ᐃᓚᒋᔭᕐᓄᓪᓘᓐᓃᑦ; ᐅᕝᕙᓘᓐᓃᑦ ᐅᕙᑦᑎᓐᓄᑦ ᐊᑭᖃᖏᑦᑐᒃᑯᑦ ᐅᖄᓚᓗᑎᑦ ᐅᕗᖓ 1-888-924-3757 ᐊᒻᒪ ᐱᓕᕆᒐᓱᐊᑦᑎᐊᕐᓂᐊᖅᐳᒍᑦ ᐃᓕᖕᓂᒃ ᐃᑲᔪᖅᓯᖁᓪᓗᑕ. ᑭᓇᒃᑯᑐᐃᓐᓇᐃᑦ ᖃᕆᑕᐅᔭᒃᑯᑦ ᐅᖓᓯᒃᑐᒧᑦ ᐱᑐᒡᕕᖃᖏᑦᑐᑦ ᑕᑕᑎᕆᔪᓐᓇᖅᑐᑦ ᐅᖄᓚᐅᑎᒃᑯᑦ ᐅᖄᓚᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᖅᑲᓇᐃᔭᖅᑎᖏᓐᓄᑦ ᐃᓄᒃᑎᑐᑦ ᖃᓪᓗᓈᑎᑐᓪᓘᓐᓃᑦ ᐅᖃᓪᓚᒍᓐᓇᖅᑐᑦ. ᐅᖄᓚᐅᑎᑦ ᑭᐅᔭᐅᖃᑦᑕᖅᑐᑦ ᖃᒋᕐᓕᓂᐅᑉ ᖃᐅᔨᓴᐅᑎᖓ ᐊᑐᕐᓗᒍ ᐃᖅᑲᓇᐃᔭᕐᓇᐅᑉ ᐃᑲᕐᕋᖏᓐᓂ.
- ᐊᑎᓕᐅᕆᐊᖃᖅᐸᕌ ᑖᓐᓇ ᑐᒃᓯᕋᐅᑎᓕᐊᕆᔭᕋ?
ᑕᐃᒪᓕ ᐊᖏᕐᕋᒥ ᐅᐸᒃᑕᐅᑦᑎᐊᓕᒍᕕᑦ ᐊᒻᒪ ᑎᑎᕋᕈᑎᖃᖏᒃᑯᕕᑦ ᐸᐃᑉᐹᒃᑯᑦ, ᐊᑎᓕᐅᕆᐊᑐᖏᑦᑐᖅ. ᓇᕿᑦᑕᕐᓗᒍ ᐊᑏᑦ ᐊᑎᓕᐅᕐᕕᐅᑉ ᑎᑎᕋᕐᕕᖓᒍᑦ.
- ᑕᐃᒪᓕ ᐃᒡᓗᒥᐅᖃᑎᒋᔭᕋ ᐱᔭᕇᖅᓯᒪᓕᖅᐸᑦ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᓂᒃ, ᑐᒃᓯᕋᐅᑎᓕᐅᕈᓐᓇᕆᕗᖔ ᐱᒐᓱᐊᕐᓗᖓ?
ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᑦ ᐋᖅᑭᒡᑕᐅᓯᒪᕗᑦ ᐊᖏᕐᕋᖃᖅᑐᓕᒫᓂᒃ ᐃᒡᓗᒥ ᐃᑲᔪᖅᓯᔾᔪᑕᐅᓂᐊᕐᓗᑎᒃ ᐊᒻᒪᓗ ᑐᒃᓯᕋᐅᑦᑎᑦ ᑎᑎᕋᕆᐊᖃᖅᑐᑦ ᐃᓗᐊᓂ ᑐᒃᓯᕋᖅᓯᒪᔪᑦ ᑐᓴᒐᒃᓴᓂᒃ ᐱᔪᒪᓪᓗᑎᒃ ᐊᖏᕐᕋᖃᖅᑐᓕᒫᓐ ᐅᓄᕐᓂᖏᓐᓂᒃ. ᑕᐃᒪᓕ ᑭᓇᑐᐃᓐᓇᖅ ᐃᒡᓗᒥᐅᖃᑎᒋᔭᓯ ᑐᒃᓯᕋᐅᑎᓕᐅᕇᖅᓯᒪᒃᐸᑦ ᐱᔪᒪᓗᓂ ᐱᓇᓱᐊᕈᓰᒃ ᒪᕐᕉᒃ ᐃᓗᐊᓂ, ᐱᖃᑕᐅᔪᓐᓇᕋᔭᖏᑦᑐᑎᑦ. ᑭᓯᐊᓂᓕ, ᐅᐸᒃᑕᐅᑦᑕᐃᓕᔭᕆᐊᖃᕐᓂᓯ ᐅᖓᑖᓄᐊᖅᐸᑦ ᐅᓪᓗᑦ 14, ᐊᖏᕐᕋᖃᖅᑐᑦ ᑖᒃᑯᐊ ᑐᒃᓯᕋᐅᑎᓕᐅᒃᑲᓐᓂᕈᓐᓇᕋᔭᖅᑐᑦ.
- ᐃᒡᓗᒥᐅᖃᑎᒋᔭᕗᑦ ᐱᑎᑕᐅᓚᐅᖅᓯᒪᖕᒪᑕ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᓂᒃ ᐊᕐᕌᓂ ᐅᐸᒃᑕᐅᑦᑕᐃᓕᑎᑕᐅᑎᓪᓗᑕ. ᑕᐃᒪᓕ ᑕᐃᒪᐃᒃᓕᒃᑲᓐᓂᕐᒪᑦ ᐅᐸᒃᑕᐅᑦᑕᐃᓕᑲᓐᓂᕆᐊᖃᓕᖅᑎᓪᓗᑕ; ᑐᒃᓯᕋᐅᑎᓕᐅᒃᑲᓐᓂᕈᓐᓇᖅᐱᑖ ᐱᔪᒪᓗᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᓂᒃ?
ᑕᐃᒃᑯᐊ ᐃᓄᐃᑦ ᐅᐸᒃᑕᐅᑦᑕᐃᓕᑲᐃᓐᓇᖁᔭᐅᔪᑦ, ᒪᓕᒡᓗᒍ ᑐᒃᓯᕋᐅᑎᒋᓯᒪᔭᖓ ᐊᖓᔪᖅᑳᖓᑦᑕ ᐋᓐᓂᐊᖅᑐᓕᕆᔨᒃᑯᑦ
CPHO, ᐅᑯᐊᖑᕗᑦ ᑎᑭᕋᑖᕐᓂᑯᑦ ᓄᓇᕗᑦ ᓯᓚᑖᓄᑦ ᐊᐅᓪᓚᖅᑐᕕᓂᑦ ᐅᕝᕙᓘᓐᓃᑦ ᖃᓂᒃᓴᖅᑐᕕᓂᑦ ᓄᕙᒡᔪᐊᕐᓇᖅ 19-ᒥᒃ ᖃᓂᒪᔪᒥᒃ ᓇᓗᓇᐃᖅᑕᐅᓯᒪᔪᒥᒃ, ᑖᒃᑯᐊ ᑐᒃᓯᕋᐅᑎᓕᐅᖃᑕᐅᔪᓐᓇᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᓐᓄᑦ. ᑕᐃᒪᓕ ᐱᔭᕇᕐᓂᕈᕕᑦ ᐅᐸᒃᑕᐅᑦᑕᐃᓕᔭᕆᐊᖃᖅᑐᓄᑦ ᐃᑲᔪᖅᓯᔾᔪᑎᓂᒃ, ᑐᒃᓯᕋᐅᑎᓕᐅᒃᑲᓐᓂᕈᓐᓇᖅᐳᑎᑦ ᐅᖃᐅᑎᔭᐅᓯᒪᒍᕕᑦ ᐊᑯᓂᒃᑲᓐᓂᖅ ᐅᐸᒃᑕᐅᑦᑕᐃᓕᔭᕆᐊᖃᕐᓂᕐᓂᒃ, ᐅᕝᕙᓘᓐᓃᑦ ᓄᖑᕈᑎᒍᕕᑦ ᐊᑐᕆᐊᖃᖅᑕᕐᓂᒃ. ᑖᒃᑯᐊ ᐃᑲᔪᖅᓯᔾᔪᑎᑦ ᓈᒻᒪᓪᓗᐊᖅᐳᑦ ᐱᓇᓱᐊᕈᓰᖕᓄᑦ ᒪᕐᕉᖕᓄᑦ ᑕᐃᒪᐃᒻᒪᑦ ᓄᑖᓂᒃ ᑐᒃᓯᕋᐅᑎᓕᐅᖅᑐᑦ (ᐊᖏᕐᕋᖃᖅᑐᑦ ᑕᕝᕙᓂᑦᓴᐃᓐᓇᖅ) ᑐᒃᓯᕋᐅᑎᓕᐊᕆᔭᖏᑦ ᐃᓱᒪᒃᓴᖅᓯᐅᕈᑕᐅᓂᐊᖅᑐᑦ ᑭᓯᐊᓂ ᐱᓇᓱᐊᕈᓰᒃ ᒪᕐᕉᒃ ᐊᓂᒍᖅᐸᑎᒃ.
ᐊᑏ ᐱᖃᓯᐅᑎᔭᐃᓐᓇᕆᓂᐊᖅᐸᓯ ᐃᒡᓗᒥᐅᖃᑎᓕᒫᓯ ᑐᒃᓯᕋᐅᑎᑦ ᐃᓗᐊᓂ ᑎᑎᕋᖃᓯᐅᑎᓗᒋᑦ ᖃᐅᔨᓴᖅᑕᐅᓂᐊᕐᒪᑕ ᑭᓐᖒᒪᔭᐅᔪᑦ ᐊᒻᒪᓗ ᐊᑐᓂ ᑐᒃᓯᕋᐅᑎᒋᔭᐅᔪᑦ ᐃᑲᔫᓯᐊᑖᕈᒪᓗᑎᒃ ᐅᐸᒃᑕᐅᑦᑕᐃᓕᔪᑦ ᐃᑲᔪᕈᓯᐊᖏᓐᓂᒃ.
- ᑭᓱᑦ ᐱᖃᓯᐅᔾᔭᐅᓯᒪᕙᓐ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᑎᒍᑦ ᐱᔭᐅᔪᓐᓇᖅᑐᑦ?
ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᑦ ᐃᓗᓕᖃᖅᑐᑦ ᐊᑐᕆᐊᖃᓪᓚᕆᒃᑕᖏᓐᓂᒃ ᐃᓅᑉ, ᐊᒻᒪ ᐃᓅᖃᑎᖏᑕ ᐃᒡᓗᒥᐅᖃᑎᖏᑕ ᑕᕝᕙᓂᑦᓴᐃᓐᓇᖅ. ᐱᖃᓯᐅᔾᔨᓯᒪᔪᑦ ᓂᕿᓂᒃ ᓴᓗᒻᒪᖅᓴᐅᑎᓂᒃ ᐊᑐᖅᑕᐅᔪᒃᓴᓂᒃ ᐃᓘᓐᓇᖏᓐᓄᑦ ᐊᖏᕐᕋᖃᖅᑐᓄᑦ ᐃᒡᓗᒥ ᑕᕝᕙᓂᑦᓴᐃᓐᓇᖅ. ᓱᕈᓯᓛᓪᓗ ᐱᖃᓯᐅᔾᔭᐅᓯᒪᔪᑦ, ᐊᑐᕆᐊᖃᖅᑕᖏᑦ ᓇᖐᓐ, (ᖁᐃᕖᑦ), ᐊᓪᓚᕈᑎᕋᓛᑦ ᐊᒻᒪ ᐃᒻᒧᒃ.
- ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᑦ ᓯᒡᒐᓕᐊᓂᒃ ᐱᓯᖃᔾᐅᓯᒪᔪᓐᓇᖅᐸᑦ?
ᑕᐃᒪᓕ ᐃᒡᓗᖃᖅᑐᓂ ᓱᐴᖅᑐᖃᑦᑕᖅᑐᖃᖅᐸᑦ, ᑖᒃᑯᐊ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᐅᔪᑦ ᐱᖃᓯᐅᔾᔨᔪᓐᓇᖅᑐᑦ ᑕᕝᕚᑭᕋᔭᖕᓂᒃ.
ᓄᓇᕗᑦ ᑐᙵᕕᒃ ᑎᒥᖓᑦ ᓴᓐᖏᔪᒃᑯᑦ ᑎᓕᐅᕆᕗᑦ ᐃᓄᖕᓂᒃ ᓱᐴᖅᑐᖃᑦᑕᕐᓂᕐᒧᑦ ᓄᖅᑲᖁᔨᓪᓗᑎᒃ. ᑭᓯᐊᓂᓕ, ᐊᓂᑦᑕᐃᓕᑲᑕᒃᑎᓪᓗᒋᑦ ᐅᐸᒃᑕᐅᑦᑕᐃᓕᑎᓪᓗᒋᓪᓗ ᐊᒃᓱᕉᓴᖕᓇᖅᑐᒃᑰᓕᖅᐸᖕᒪᑕ ᐅᕝᕙᓘᓐᓃᑦ ᐃᕿᐊᓐᖑᓇᖅᓯᖃᑦᑕᕐᒪᑦ. ᐃᑲᔪᖅᑐᐃᖔᕈᒪᕗᒍᓪᓕ ᐃᓄᖕᓂᒃ ᐊᖏᕐᕋᖅᓯᒪᐃᓐᓇᖁᓪᓗᒋᑦ ᐱᓇᓱᐊᕈᓰᖕᓄᑦ ᒪᕐᕉᖕᓄᑦ ᓯᐊᒪᒃᑎᑕᐅᑦᑕᐃᓕᒪᓗᓂ ᓄᕙᒡᔪᐊᕐᓇᖅ. ᑕᐃᒪᐃᒻᒪᓐ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᑦ ᐱᖃᓯᐅᔾᔨᔪᓐᓇᖅᐳᑦ ᑕᕝᕚᑭᒐᓚᖕᓂᑦ ᓴᓇᐅᒐᐅᓯᒪᔪᓂᑦ, ᑎᑎᕋᖃᓯᐅᑎᔭᐅᓯᒪᒃᐸᑕ ᑐᒃᓯᕋᐅᑎᓕᐊᑦ ᐃᓗᐊᓂ.
- ᖃᓄᕐᓕ ᐱᓂᐊᕋᒃᑭᑦ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᐅᔪᑦ?
ᑕᐃᒪᓕ ᑐᒃᓯᕋᐅᑎᓕᐊᑦ ᑎᑎᕋᖅᓯᒪᔪᖅ ᑐᓂᔭᐅᒃᐸᑦ ᐱᖃᓯᐅᔾᔨᓯᒪᓗᓂ ᐃᓘᓐᓇᖏᓐᓂᒃ ᑐᓴᒐᒃᓴᓂᒃ ᐱᔭᐅᔭᕆᐊᖃᖅᑐᓂᒃ, ᓄᓇᕗᑦ ᑐᙵᕕᒃ ᑎᒥᖓᑦ ᕿᒥᕐᕈᓇᖕᓂᐊᖅᑐᖅ ᑐᒃᓯᕋᐅᑎᓕᐊᓂᒃ ᐊᒻᒪ ᒪᓕᒡᓗᒍ ᓇᓂ ᓄᓇᖃᕐᓂᕆᔭᐃᑦ, ᐱᓕᕆᖃᑎᖃᕐᓂᐊᖅᑐᑦ ᓄᓇᓕᖕᓂ ᑯᐊᐸᒃᑯᑦ ᓂᐅᕕᕐᕕᖓᓐᓂᒃ ᐅᕝᕙᓘᓐᓃᑦ ᓂᐅᕕᖅᑎᒃᑯᑦ ᓂᑯᕕᕐᕕᐊᖓᓐᓂᑦ ᐋᖅᑭᒡᓱᐃᓂᐊᕐᒪᑕ ᐱᓂᐊᖅᑕᕐᓂᒃ ᐅᐸᒃᑕᐅᑦᑕᐃᓕᑎᓪᓗᓯ ᐃᑲᔪᖅᓯᔾᔪᑎᓂᒃ ᖃᒡᓕᔭᐅᓚᐅᖏᓪᓗᓯ ᐃᓕᑦᓯᓐᓄᐊᕈᔾᔭᐅᓂᐊᖅᑐᑦ.
ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᓐᓄᑦ ᑐᒃᓯᕋᐅᑎᐅᔪᑦ ᐊᑐᕐᓗᒋᑦ ᐊᖏᕆᐊᖃᖅᑐᓯ ᑐᓂᓯᖁᓪᓗᓯ ᑐᕌᕈᑎᖓᓐᓂᒃ ᐃᒡᓗᑉ ᐋᑕᐅᔪᓐᓇᕐᓂᐊᕐᒪᑕ ᐃᑲᔪᖅᓯᔾᔪᑕᐅᔪᑦ ᐃᒡᓗᒋᐅᔪᒧᑦ.
ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᑦ ᐊᑭᓕᖅᓱᖅᑕᐅᒐᑎᒃ ᐱᓕᕆᔭᐅᕗᑦ ᓄᓇᕗᒥᐅᑦ ᐃᓄᖏᓐᓄᑦ ᐊᒻᒪᓗ ᑐᓴᒐᒃᓴᑦ ᑖᒃᑯᐊ ᑐᓂᔭᐅᔪᑦ ᑲᓐᖑᓇᖅᑑᑎᑕᐅᓂᐊᖅᑐᑦ ᐊᓯᖏᓐᓄᑦ ᑐᓂᔭᐅᓂᐊᖏᑦᑐᑦ ᑭᓇᒃᑯᐃᓐᓇᕐᓄᑦ ᐅᕝᕙᓘᓐᓃᑦ ᐊᓯᖏᓐᓄᑦ ᑎᒥᐅᔪᓄᑦ ᑐᓂᔭᐅᓂᐊᖏᑦᑐᑦ ᐊᖏᓚᐅᖏᓐᓂᕐᓂ ᑐᓂᔭᐅᔪᓐᓇᖁᓪᓗᒋᑦ.
- ᑐᓂᓚᐅᖅᑕᕋ ᑐᒃᓯᕋᐅᑎᒐ ᐱᓇᓱᐊᕈᓯᐅᑉ ᐅᖓᑖᓃᓕᖅᑐᖅ ᐊᒻᒪ ᑐᓴᓚᐅᖏᓐᓇᒪ ᑭᐅᔭᐅᓚᐅᖏᒻᒪᑦ ᓱᓕ ᖃᓄᐃᓕᓐᓂᕐᒪᓐ?
ᓄᓇᕗᑦ ᑐᙵᕕᒃ ᑎᒥᖓᑦᑕ ᑭᐅᓂᕆᔭᖏᑦ ᑭᖑᕙᓯᒪᑐᐃᓐᓇᕆᐊᖃᖅᐳᑦ, ᐊᒻᒪ ᑕᒪᒃᑯᐊ ᐱᔭᐅᓂᐊᖅᑐᑦ ᐃᑲᔪᖅᓯᔾᔪᑎᐅᔪᑦ ᐅᓄᖅᓯᕙᓪᓕᐊᑎᓪᓗᒋᑦ ᓄᕙᒡᔪᐊᖅᑐᑦ 19-ᒥᒃ ᓄᓇᕗᑦ ᐃᓗᐊᓂ, ᓄᓇᓕᖕᓂ ᓂᐅᕕᕐᕕᐅᔪᑦ ᐃᑲᕐᕋᖏᑦ ᐊᒻᒪ ᓯᓚ ᐊᒃᑐᐃᓂᖃᕈᓐᓇᕐᒪᑦ ᐊᓯᖏᓪᓗ ᐱᓕᕆᔭᐅᔪᓄᑦ ᓄᓇᕗᒻᒥ ᓂᐅᕕᕐᕕᖏᓐᓂᒃ. ᐃᖅᑲᓇᐃᔭᖅᑐᒍᑦ ᐊᒃᓱᕈᕐᖢᑕ ᐱᓕᕆᖃᑎᒋᓪᓗᑎᒋᑦ ᐱᓕᕆᖃᑎᒋᔭᕆᐊᖃᖅᑕᕗᑦ ᐊᒻᒪᓗ ᐊᒃᑐᖅᑕᐅᓯᒪᔪᓄᑦ ᑐᓂᓯᐅᖅᑲᐃᓗᑎᒃ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᓂᒃ ᑕᐃᒃᑯᓄᖓ ᐊᓂᑦᑕᐃᓕᔪᓄᑦ ᐱᖃᑕᐅᔪᓐᓇᖅᑐᓄᑦ. ᓄᓇᕗᑦ ᑐᙵᕕᒃ ᑎᒥᖓᑦ ᒪᓕᒐᖃᕐᓂᐊᖅᑐᑦ ᐊᑐᖅᑕᐅᓂᐊᖅᑐᓂᒃ ᐊᖏᖅᓯᓂᕐᒥᒃ ᑐᒃᓯᕋᐅᑎᓂᒃ ᑐᓂᔭᐅᕙᓪᓕᐊᔪᓂᒃ.
- ᑐᓂᔭᐅᓚᐅᕋᒪ ᓂᕿᓂᒃ ᐊᒻᒪ/ᐅᕝᕙᓘᓐᓃᑦ ᓂᕿᑖᕈᑎᒃᓴᓂᒃ ᐊᒡᒍᖅᑐᖅᓯᒪᓂᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ. ᑖᒃᑯᐊ ᑕᒃᑯᐊᖑᕚᓐ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᐅᔪᑦ?
ᓄᓇᕗᑦ ᑐᙵᕕᒃ ᑎᒥᖓᑦ ᐊᒻᒪᓗ ᐊᒡᒍᖅᑐᖅᓯᒪᓂᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ ᐃᖅᑲᓇᐃᔭᖃᑎᒌᒃᐳᑦ ᓄᕙᒡᔪᐊᕐᓇᖅ 19-ᒥᒃ ᖃᓂᒪᔪᖃᖅᑎᓪᓗᒍ ᑭᐅᖓᓱᐊᕐᓂᕐᒧᑦ.
ᓄᓇᕗᑦ ᑐᙵᕕᒃ ᑎᒥᖓᑦ ᖃᐅᔨᒪᔪᑦ ᐊᔾᔨᒌᖏᑦᑐᓂᒃ ᓂᕿᖃᖅᑎᑦᓯᓂᕐᒧᑦ ᐱᓕᕆᐊᖃᕐᒪᑕ ᐱᔨᑦᓯᕈᑎᖃᖅᑐᑦ ᐊᒡᒍᖅᑐᖅᓯᒪᓂᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ, ᑖᒃᑯᐊ ᐊᔾᔨᒋᓐᖏᑕᖏᑦ ᐃᓛᒃᑰᖓᔪᑦ ᓄᓇᕗᑦ ᑐᙵᕕᒃ ᑎᒥᖓᑦᑕ ᐅᐸᒃᑕᐅᑦᑕᐃᓕᑲᐃᓐᓇᖅᑐᓄᑦ ᐃᑲᔪᖅᓯᔾᔪᑎᖏᑕ, ᑕᐃᒃᑯᐊᓕ ᐊᒡᒍᖅᑐᖅᓯᒪᓂᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᐅᓚᑕᐅᔪᑦ. ᐊᒻᒪ ᑖᒃᑯᐊ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᖏᑦ ᐊᐅᓚᑕᐅᓪᓗᑎᒃ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᓇᖕᒥᓂᖅ.
- ᓄᓇᕗᑦ ᑐᙵᕕᒃ ᑎᒥᖓᑦᑕ ᖃᕆᑕᐅᔭᒃᑯᑦ ᑎᑎᕋᕐᕕᖓᑦ ᐊᔪᓕᕐᒫᓐ?
ᐋᒃᑲ, ᓄᓇᕗᑦ ᑐᙵᕕᒃ ᑎᒥᖓᑦᑕ ᖃᕆᑕᐅᔭᒃᑯᑦ ᑎᑎᕋᕐᕕᖓ ᐊᔪᖏᑦᑐᖅ, ᐊᔪᓕᓚᐅᖏᑦᑐᖅ.
ᐃᓛᓐᓂᒃᑯᑦ, ᓄᓇᕗᑦ ᑐᙵᕕᒃ ᑎᒥᖓᑦᑕ ᖃᕆᑕᐅᔭᒃᑯᑦ ᐱᑐᒡᕕᖓᑦ ᖃᒥᑲᐃᓐᓇᖃᑦᑕᖅᑐᖅ. ᐃᒪᓐᓇᐃᒐᔪᒃᑐᖅ, ᓄᑖᕈᕆᐊᖅᑕᐅᑎᓪᓗᒋᑦ ᓂᐱᒃᓴᔭᖏᑦ ᐅᕝᕙᓘᓐᓃᑦ ᐊᐅᓚᐅᑎᖏᑦ, ᑕᐃᒪᓐᓇ ᖃᕆᑕᐅᔭᓂᒃ ᓴᓇᒐᔪᒃᑐᑦ ᓯᓚᑖᓂ ᐃᖅᑲᓇᐃᔭᕐᓇᐅᑉ ᐃᑲᕐᕋᖏᑕ ᐊᒻᒪ ᕿᓚᒥᕈᓘᖃᑦᑕᖅᑐᑦ. ᐊᓯᖏᓪᓕ, ᖃᒥᔾᔪᑕᐅᖃᑦᑕᖅᑐᑦ ᐃᑯᒻᒪᖅᑯᑎᑦ ᖃᒥᑎᓪᓗᒋᑦ ᐅᕝᕙᓘᓐᓃᑦ ᓂᕆᐅᓇᖏᑦᑐᒥᒃ ᐱᔪᖃᖅᑎᓪᓗᒍ. ᑭᓯᐊᓂᓕ, ᑖᒃᑯᐊ ᖃᕆᑕᐅᔭᒃᑯᑦ ᑎᑎᕋᐅᓯᐊᕐᕕᒋᔭᕗᑦ ᐃᓕᐅᖅᑲᖅᓯᒪᕗᑦ ᐱᔭᐅᕙᓪᓕᐊᔪᑦ ᖃᕆᑕᐅᔭᒃᑯᑦ ᒪᓕᒃᓯᒪᓪᓗᒋᑦ ᐊᒻᒪᓗ ᐱᔭᐅᑦᓴᐅᑎᒋᒐᔭᖅᑐᑦ ᖃᕆᑕᐅᔭᖅ ᖃᒥᓐᖓᓚᐅᕐᓗᓂ ᐃᑭᑦᑐᕕᓂᐅᑐᐊᖅᐸᑦ.
- ᖃᓄᐃᒻᒪᓪᓕ ᖃᕆᑕᐅᔭᒃᑯᑦ ᑎᑎᖅᑲᖅ ᐊᐅᓪᓚᖅᑎᒐᓱᐊᖅᑕᕋ ᐊᐅᓪᓚᕈᓐᓇᓚᐅᓐᖏᓚᖅ?
ᑕᐃᒪᓐᖓᓂᑦ ᒫᑦᓯ 2020-ᒥᓂᑦ, ᖃᕆᑕᐅᔭᒃᑯᑦ ᑐᕌᕈᑎᐅᔪᖅ ᐊᑐᖅᑕᐅᖏᓐᓇᖅᐳᖅ ᑐᒃᓯᕋᐅᑎᓕᐅᖅᑐᓄᑦ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᕈᑎᐅᔪᓄᑦ ᐅᓇ
COVID-19@tunngavik.com.
ᑎᑎᐊᕐᔪᒃᓯᒪᔪᖅ - ᑎᑦᑕᖅ ᖃᕆᑕᐅᔭᒃᑯᑦ ᑐᕌᕈᑎᒥ ᑕᑯᒃᓴᐅᑦᑎᐊᖏᒻᒪᑦ. ᖃᐅᔨᓚᐅᕋᑦᑕ ᐃᓚᖏᓐᓄᑦ ᑕᑯᔭᐅᖃᑦᑕᖏᓐᓂᖓᓂᒃ ᑐᕌᕈᑎᖓᓂᒃ ᖃᕆᑕᐅᔭᒃᑯᑦ ᑎᑎᕋᖅᑎᓪᓗᒋᑦ ᑐᒃᓯᕋᐅᑎᓕᐅᖅᑐᑦ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᓂᒃ. ᐃᓚᓯᓯᒪᓕᖅᑐᒍᑦ ᓇᓗᓇᐃᒃᑯᑕᕐᒥᒃ ᖃᕆᑕᐅᔭᒃᑯᑦ ᑎᑎᕋᕈᑎᓄᑦ ᑐᕌᕈᑎᒥᒃ ᐅᑯᓂᖓ
covid-19@tunngavik.com ᐊᒻᒪᓗ ᐅᕗᖓ
covid19@tunngavik.com ᑐᒃᓯᕋᐅᑎᓂᒃ ᐊᐅᓪᓚᖅᑎᑦᓯᔪᓐᓇᖅᑐᑦ.
- ᑖᒃᑯᐊ ᐃᑲᔪᖅᓯᔾᔪᑎᐅᔪᑦ ᐊᑐᐃᓐᓇᐅᕙᑦ ᑭᓯᐊᓂ ᐃᓄᖕᓅᓐ?
ᑭᓇᑐᐃᓐᓇᖅ ᓄᓇᕗᒻᒥ ᓄᓇᑖᕈᑎᓄᑦ ᐊᖏᕈᑎᖏᓐᓄᑦ ᐊᑎᓕᐅᖃᑕᐅᓯᒪᔪᖅ ᐱᖃᑕᐅᔪᓐᓇᖅᐳᖅ ᑐᒃᓯᕋᐅᑎᓕᐅᖅᑐᓄᑦ ᐅᐸᒃᑕᐅᑦᑕᐃᓕᔪᓄᑦ ᐃᑲᔪᖅᓯᔾᔪᑎᓂᒃ ᑭᒡᒐᖅᑐᕐᓗᒋᑦ ᐃᒡᓗᒥᐅᖃᑎᖏᑦ.
📄 2022 01 14 NTI Isolation Kit Program FAQs INUK
