ᓄᓇᕗᒻᒥ ᐊᖏᕈᑎᒥ ᐅᓂᒃᑳᖅᑐᐊᑦ
ᖃᖓᑦᑎᐊᓵᖑᓚᐅᕐᓂᖓᓂᑦ, ᐃᓄᐃᑦ ᖃᐅᔨᒪᓂᖏᑦ ᐱᐅᓯᑐᖃᖏᓪᓗ ᐱᓯᒪᔭᐅᖏᓐᓇᓚᐅᖅᐳᑦ ᑐᓂᔭᐅᕙᒃᖢᑎᒡᓗ ᐅᖃᐅᓯᑐᐃᓐᓇᒃᑯᑦ ᐅᓂᒃᑳᖅᑐᐊᑎᒍᑦ.
ᓴᙱᔪᒥᒃ ᐊᐅᓚᔾᔭᒋᐊᖅᑐᖃᕋᓗᐊᖅᑎᓪᓗᒍ ᒫᓐᓇ ᑎᒍᓯᔪᒪᓪᓗᑎᒃ ᑖᒃᑯᓂᖓ ᐅᖃᐅᓯᒃᑯᑦ ᖃᐅᔨᒪᓂᕆᔭᐅᔪᓂᒃ ᐱᓯᒪᑦᑎᔨᓪᓗᐊᑕᖏᑦ − ᐃᓄᐃᑦ ᐃᓐᓇᐃᑦ − ᑲᔪᓯᓚᐅᙱᓐᓂᖏᓐᓂᒃ, ᒥᑭᑦᑐᒻᒪᕆᑯᓗᖕᒥᒃ ᑕᐃᔅᓱᒪᓂᓕᓴᕐᓂᒃ ᑐᓴᖅᑕᐅᔪᒃᓴᓂᒃ ᓯᓚᑐᓂᕐᒥᒡᓗ ᑎᑎᕋᖅᑕᐅᓯᒪᔪᖃᖅᐳᖅ ᐅᓪᓗᒥᒧᑦ ᑎᑭᖦᖢᒍ.
2003-ᖑᑎᓪᓗᒍ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᐊᖏᖅᓯᓚᐅᖅᐳᑦ ᐱᖁᔨᕗᖔᕈᑎᒥᒃ ᑎᑎᕋᖅᑕᐅᖁᓪᓗᒋᑦ ᐅᓂᒃᑳᖅᑐᐊᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥ. ᑲᑎᒪᔩᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐱᓕᕆᓯᑲᐅᑎᒋᖁᔨᓚᐅᖅᐳᑦ ᓂᐱᓕᐅᕆᖁᓪᓗᒋᑦ ᐅᓂᒃᑳᖅᑐᐊᓂᒃ ᐋᔩᖃᑎᒌᒍᑕᐅᓚᐅᖅᑐᓂᒃ ᑕᒪᓐᓇ ᐱᕐᔪᐊᖑᓪᓗᓂ ᑲᓇᑕᒥ ᐱᐅᓯᕆᔭᐅᕙᓚᐅᖅᑐᓂᒃ ᐊᓯᐅᔨᔭᐅᖁᓇᒍ.
ᑕᐃᒪᐃᓐᓂᖓᓄᑦ, ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ ᑮᓇᐅᔭᓂᒃ ᑐᓂᓯᓚᐅᖅᐳᑦ ᐱᓕᕆᐊᒧᑦ. ᓄᓇᕗᑦ ᑐᙵᕕᒃᑯᑦ ᐊᐱᕆᓕᓚᐅᖅᐳᑦ ᓄᓇᕗᑦ ᒐᕙᒪᒃᑯᖏᓐᓄᑦ ᑮᓇᐅᔭᖅᑖᒃᑲᓐᓂᕈᒪᓪᓗᑎᒃ. ᑖᒃᑯᐊ ᑮᓇᐅᔭᑦ ᐊᑐᐃᓐᓇᕈᖅᑎᑕᐅᓕᓚᐅᖅᐳᑦ ᑎᑎᕋᖅᑕᐅᖁᓪᓗᒋᑦ ᑎᑎᕋᖅᑕᐅᕙᓪᓕᐊᓗᑎᒡᓗ ᐅᓂᒃᑳᖅᑐᐊᑦ ᐱᕙᓪᓕᐊᑎᑕᐅᑎᓪᓗᒋᑦ, ᐋᔩᖃᑎᒌᒍᑕᐅᔪᑦ ᐊᒻᒪ ᐋᖅᑭᒃᑕᐅᕙᓪᓕᐊᑎᓪᓗᒋᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᑦ.
ᑖᒃᑯᐊ ᓴᓇᔭᐅᓯᒪᔪᑦ ᓴᖅᑭᑕᐅᓯᒪᔪᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒻᒥ ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ ᓯᕗᓪᓕᖅᐹᑦᑎᐊᒥ. ᑖᓐᓇ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᒃ ᐱᖃᓯᐅᔾᔨᒻᒥᔪᖅ ᐊᔾᔨᙳᐊᕆᔭᐅᕙᓚᐅᖅᑐᓂᒃ ᐋᔩᖃᑎᒌᒍᑕᐅᔪᓂᒃ. ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐱᒋᐊᖅᑎᑦᑎᔪᒪᕗᑦ ᐱᓕᕆᐊᒥᒃ ᐊᑎᖏᑦ ᐃᓄᐃᑦ ᐊᔾᔨᙳᐊᒦᑦᑐᑦ ᒫᓐᓇᒫᖅ. ᓄᓇᕗᑦ ᑐᙵᕕᒃᑯᑦ ᐸᕐᓇᒃᓯᒪᖕᒥᔪᑦ ᓴᖅᑭᑎᑦᑎᓛᕈᒪᓪᓗᑎᒃ ᓂᐱᓕᐅᖅᓯᒪᔪᓂᒃ ᐊᐱᖅᓱᖅᑕᐅᔪᓂᒃ ᑲᑎᖅᓱᖅᑕᐅᓯᒪᔪᓂᒃ ᐱᓕᕆᑎᓪᓗᒋᑦ ᖃᑯᒍᒃᑲᓐᓂᖅ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓇ ᖃᐅᔨᒋᐊᕐᕕᒋᓗᒍ:
Communications Division
questions@tunngavik.com
1-888-646-0006
867-975-4914
Banner from photo by Ed Maruyama