ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᕿᓂᕐᒪᑕ ᐃᓛᒃᑰᖅᑐᓂᒃ ᑐᑭᓕᐅᕆᔨᓂᒃ ᑐᓵᔨᓂᒡᓗ ᓴᙱᒃᑎᒋᐊᖅᑎᑦᓯᔪᒪᑉᓗᑎᒃ ᐱᓕᕆᖃᑎᒌᒃᐸᒃᑐᓂᒃ ᐅᖃᐅᓯᓕᕆᔨᒻᒪᕆᖕᓂᒃ.
ᕿᓂᖅᑐᒍᑦ ᐊᔪᙱᑦᑎᐊᖅᑐᓂᒃ ᑐᑭᓕᐅᕆᔨᓂᒃ ᐱᑎᑦᓯᑦᑕᕋᔭᖅᑐᓂᒃ ᖃᑉᓗᓈᑎᑐᑦ−ᐃᓄᒃᑐᑦ−ᑐᑭᓕᐅᕆᓂᕐᒧᑦ ᐱᔨᑦᑎᕋᕐᓂᕆᔭᐅᕙᒃᑐᓂᒃ ᖃᖓᙳᕌᖓᑦ, ᐃᓚᒋᔭᐅᓗᑎᒃ ᐃᓄᒃᑎᑐᑦ ᐃᓄᐃᓐᓇᖅᑐᓪᓗ ᐅᖃᐅᓯᖅᑕᕆᔭᐅᔪᑦ. ᑐᑭᓕᐅᕆᓂᕐᒧᑦ ᐱᓕᕆᐊᒃᓴᕆᔭᐅᔪᑦ ᐃᓚᖃᑐᐃᓐᓇᕆᐊᖃᖅᐳᑦ ᑐᓴᐅᒪᑎᑦᓯᓂᕐᒧᑦ ᐱᖁᑎᓂᒃ, ᐅᓂᑉᑲᐅᓯᕐᓂᒃ, ᖃᐅᔨᔾᔪᑎᓂᒃ, ᐊᓯᖏᑦᓂᒡᓗ ᐱᓕᕆᕝᕕᒋᔭᐅᔪᒥ ᐃᓗᓕᕆᔭᐅᔪᓂᒃ.
ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᕿᓂᕐᒥᔪᑦ ᑐᓵᔨᓂᑦ ᐱᓕᕆᐊᒃᓴᕆᓚᐅᓱᖓᖅᑕᖏᑦᓂᑦ, ᐃᓚᐅᑉᓗᑎᒃ ᑲᑎᒪᔩᑦ ᑲᑎᒪᓂᖏᑦᓂᑦ, ᐊᕐᕌᒍᑕᒫᖅᓯᐅᑎᓂᑦ ᑲᑎᒪᓂᖏᑦᓂᑦ, ᑐᓴᕋᓱᖕᓂᑦ, ᐊᓯᖏᑦᓂᒡᓗ ᖃᓄᐃᓕᐅᖅᑎᑦᓯᓂᖕᓂᑦ ᓄᓇᕗᑦᒥᑦ.
ᐃᑲᔪᖅᑐᐃᔪᒪᓪᓚᕆᒃᑯᕕᑦ ᐅᔾᔨᕐᓇᖅᓯᑎᑦᑎᔪᒪᒍᕕᓪᓗ ᐃᓄᒃᑐᑦ ᐃᖃᓇᐃᔮᒃᑯᑦ ᐃᑲᔪᕈᒪᒍᕕᓪᓗ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐱᐅᓯᒋᐊᖅᑎᑦᓯᓂᕐᒥᒃ ᐱᐅᓂᖓᓂᒃ, ᐊᑐᕈᖕᓇᕐᓂᕐᒥᒃ, ᓈᒻᒪᖂᑦᑎᓂᕐᒥᒡᓗ ᑐᓴᐅᒪᑎᑦᓯᓂᕆᕙᒃᑕᑉᑎᒃᓂᑦ, ᐱᓇᔪᖁᕙᑦᑎᒋᑦ.
ᓇᒃᓯᐅᑎᓗᒍ:
- ᐃᖃᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ
- ᑎᑎᖃᒥᒃ ᓇᓗᓇᐃᖅᓯᑦᑎᐊᖅᑐᒥᒃ ᐅᖃᐅᓯᕐᒥᒃ(ᓂᒃ) ᐊᒻᒪ ᐅᖃᐅᓯᖅᑕᕆᔭᐅᔪᓂᒃ(ᓂᒃ) ᑐᑭᓕᐅᕆᔪᖕᓇᖅᑕᕐᓂᒃ ᐊᒻᒪ/ᐅᕝᕙᓘᓐᓃᑦ ᑐᓵᔨᐅᔪᖕᓇᖅᑕᕐᓂᒃ
- ᐊᑭᒋᒐᔪᒃᑕᑎᑦ
- ᒫᓐᓇ ᓇᓃᒻᒪᖔᖅᐱᑦ
- ᐊᒃᓱᓪᓘᓐᓃᑦ ᐊᑕᐅᓯᕐᒥᒃ ᐱᓕᕆᔨᓪᓚᕆᐅᓂᕐᒧᑦ ᖃᐅᔨᒋᐊᕐᕕᐅᔪᖕᓇᖅᑐᒥᒃ.
ᑕᑕᑎᕈᑎᑦ ᓇᒃᓯᐅᔾᔭᐅᔪᓐᓇᖅᑐᑦ ᐅᕗᖓ: ᐊᐃᓖᓐ ᕿᓚᕝᕙᖅ (ekilabuk@tunngavik.com)
To apply for this position please email NTIHR@tunngavik.com