ᓄᓇᕘᑉ ᐅᓪᓗᖓᓂ ᓂᖅᖠᐊᒐᒃᓴᓄᑦ ᕿᒥᕐᕈᐊᒐᖅ
Description
ᑖᓐᓇ ᓂᖅᖠᐊᒐᒃᓴᓄᑦ ᕿᒥᕐᕈᐊᒐᖅ ᐋᖅᑭᒃᓱᖅᑕᐅᓚᐅᖅᐳᖅ ᑕᑯᒃᓴᐅᑎᑦᑎᔪᒪᓪᓗᓂ ᓂᕿᓂᒃ ᖁᕕᐊᒋᔭᖃᕐᓂᕐᒥᒃ ᐅᑭᐅᖅᑕᖅᑐᒥ, ᐊᑐᖅᑐᖃᖅᖢᓂ ᓂᕿᓕᐅᒐᒃᓴᓂᒃ ᐃᓛᒃᑰᖅᑐᓄᑦ ᐊᖏᕐᕋᕆᔭᐅᔪᓂ ᓂᖅᖠᐅᖅᑎᓄᑦ ᓇᓂᑐᐃᓐᓇᖅ ᓄᓇᕗᒻᒥ. ᐃᓄᐃᑦ ᓄᓇᕘᓕᒫᒥ ᑐᓂᓯᓚᐅᖅᐳᑦ ᐱᐅᒋᓛᕆᔭᒥᓂᒃ ᐅᑭᐅᖅᑕᖅᑐᒥ ᓂᖅᖠᐅᒐᒃᓴᓂᒃ ᖃᐅᔨᓴᖅᑕᐅᓂᐊᖅᖢᑎᒃ, ᐆᒃᑐᖅᑕᐅᓪᓗᑎᒃ, ᓇᓃᑎᑕᐅᓪᓗᑎᒡᓗ ᐱᖓᓱᓄᑦ ᐅᑭᐅᖅᑕᖅᑐᒥ ᐃᒐᔨᒻᒪᕆᖕᓄᑦ. ᐃᓄᐃᑦ ᑐᓂᓯᓚᐅᖅᑐᑦ ᓂᖅᖠᐅᒐᒃᓴᓂᒃ ᑖᔅᓱᒧᖓ ᓵᓚᒃᓴᕋᓱᖕᓂᕐᒧᑦ ᐊᔪᖅᑎᑕᐅᓚᐅᖅᐳᑦ ᓇᓕᐊᖕᓂᑐᐃᓐᓇᖅ ᐱᓕᕆᔨᓪᓚᕆᐅᓂᕐᒧᑦ ᓂᕿᓕᐅᕐᓂᕐᒥᒃ ᐱᓕᕆᖃᑦᑕᖅᓯᒪᓂᑰᓂᕐᒥᒃ. ᑖᓐᓇ ᓂᕿᓕᐅᕐᓂᕐᒧᑦ ᓵᓚᖃᕋᓱᐊᕐᓂᖅ ᐱᔾᔪᑎᖃᓚᐅᖅᐳᖅ ᐱᔾᔪᑎᖃᖅᖢᓂᓗ ᓂᕿᓂᒃ ᖁᕕᐊᒋᔭᖃᕐᓂᕐᒥᒃ ᐅᑭᐅᖅᑕᖅᑐᒥ ᖃᓄᕐᓗ ᐱᒻᒪᕆᐅᑎᒋᖕᒪᖔᑦ ᐃᓄᐃᑦ ᐃᓕᖅᑯᓯᖏᓐᓄᑦ.