ᓂᕈᐊᒐᒃᓴᙳᖅᑎᑦᑎᓂᖅ

ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᑕᒪᐅᓇᑐᐃᓐᓇᖅ ᓂᕈᐊᖅᑎᑦᑎᓛᖅᑐᑦ ᐊᖓᔪᖅᑳᒧᑦ ᒪᐃ 27, 2026−ᒥ. ᓂᕈᐊᖅᑕᐅᔪᖅ ᐃᓂᖃᕐᓂᐊᖅᑐᖅ ᐃᓱᓕᓐᓇᓱᖕᓂᖓᓂ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᒧᑦ ᓂᕈᐊᕐᓂᖅ ᑎᓯᐱᕆ 2028−ᒥ.

ᓂᕈᐊᖃᑕᐅᔪᓐᓇᕈᒪᒍᕕᑦ ᐃᓅᔭᕆᐊᖃᖅᐳᑎᑦ ᐊᑎᓕᐅᖅᑕᐅᖃᑕᐅᓯᒪᓗᑎᑦ ᓄᓇᕗᒻᒥ ᐊᖏᕈᑎᒧᑦ ᐅᕝᕙᓘᓐᓃᑦ ᐊᑎᓕᐅᖅᑕᐅᖃᑕᐅᔪᓐᓇᕐᓗᑎᑦ ᐅᑭᐅᖃᕐᓗᑎᓪᓗ 16−ᓂᒃ ᒪᐃ 27, 2026−ᒥ.

ᓂᕈᐊᒐᒃᓴᙳᖅᑎᑦᑎᓂᖅ ᒪᑐᐃᓛᖅᑐᖅ ᐱᖓᔪᐊᓐᓂ, ᐊᐃᕐᕆᓕ 15-ᒥ ᒪᑐᓗᓂᓗ ᐊᐃᑉᐹᓂ, ᐊᐃᕐᕆᓕ 21, 2026-ᒥ.

ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑕᑕᑎᕆᐊᓖᑦ ᐱᔪᒪᔪᓄᑦ ᐱᔭᐅᔪᓐᓇᕐᓂᐊᖅᑐᑦ ᓂᕈᐊᖅᑐᓕᕆᔨᒻᒪᕆᖕᒥᑦ, ᔫ ᐊᓪᓚ ᑯᓄᒃ, ᓄᓇᓕᖕᓂ ᑐᓴᐅᒪᑎᑦᑎᔨᖏᓐᓂᑦ, ᐊᔮᔭ ᑐᓴᐅᒪᔪᓕᕆᔨᒃᑯᓐᓂᑦ
(ᑎᑎᕋᕐᕕᖓ CRO−ᑯᑦ) ᐱᖓᔪᐊᑦ, ᐊᐃᕐᕆᓕ 15 9:00 ᐅᓪᓛᒃᑯᑦ ᑲᓇᖕᓇᒥ, ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ ᐱᖓᔪᐊᑦ, ᐊᐃᕐᕆᓕ 15 12:00-ᒧᐊᖅᐸᑦ ᐅᓪᓛᒃᑯᑦ ᑲᓇᖕᓇᒥ.

ᓂᕈᐊᒐᒃᓴᙳᖃᑕᐅᔪᒪᒍᕕᑦ, ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᒋᔭᐅᔪᓂᒃ ᖃᐅᔨᓴᖅᑕᐅᔭᕆᐊᖃᖅᐳᑎᑦ ᑕᖅᑭᑦ ᐱᖓᓱᑦ ᐊᓂᒍᓵᖅᑐᓂᒃ ᐱᔭᕆᐊᖃᒻᒪᕆᒃᑐᖅ. ᓂᕈᐊᒐᒃᓴᙳᕈᒪᔪᑦ ᑎᓕᐅᖅᑕᐅᕗᑦ ᑕᒪᑐᒥᖓ ᐱᓕᕆᕙᓪᓕᐊᓕᖁᔭᐅᓪᓗᑎᒃ ᐸᓖᓯᒃᑯᓐᓄᑦ ᐃᕐᖐᓐᓇᖅ. ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐸᐃᑉᐹᑦ ᑐᓐᓂᖅᑯᑕᐅᔭᕆᐊᖃᖅᐳᑦ CRO−ᒧᑦ ᐄᐳᕈ 21 ᑎᑭᓚᐅᙱᓐᓂᖓᓂ, 5:00−ᒧᐊᓚᐅᙱᓐᓂᖓᓂ ᐅᓐᓄᒃᓴᒃᑯᑦ.

ᓂᕈᐊᒐᒃᓴᐅᔪᑦ ᐱᔭᒃᓴᖃᖅᐳᑦ ᓂᕈᐊᒐᒃᓴᙳᖅᑎᑦᑎᔾᔪᑏᑦ ᑐᖅᑯᖅᑕᐅᓯᒪᒐᓗᐊᕐᒪᖔᑕ ᒪᓕᒡᓗᑎᒃ ᓄᓇᕗᑦ ᑐᙵᕕᒃᑯᑦ ᓂᕈᐊᕐᓂᕐᒧᑦ ᒪᓕᒐᖏᓐᓂᒃ ᐊᒻᒪᓗ ᐊᑐᐊᒐᖏᓐᓂᒃ ᐊᒻᒪᓗ ᑐᓂᔭᐅᓗᑎᒃ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ. ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐸᐃᑉᐹᑦ ᐱᔭᐅᙱᑉᐸᑕ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ, ᓂᕈᐊᒐᒃᓴᐅᑐᐃᓐᓇᕆᐊᓕᒃ ᓂᕈᐊᒐᒃᓴᐅᔪᓐᓇᔾᔮᙱᑦᑐᖅ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᕐᓇᐅᑎᓪᓗᒍ.