ᒪᑐᐃᖅᑕᐅᓂᖓ ᓂᕈᐊᒐᒃᓴᙳᖅᑎᑦᑎᓐᓇᐅᑉ
ᐊᐃᕆᓕ 14, 2026 (ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᑕᒪᐅᓇᑐᐃᓐᓇᖅ ᓂᕈᐊᖅᑎᑦᑎᓛᖅᑐᑦ ᐊᖓᔪᖅᑳᒧᑦ ᒪᐃ 27, 2026−ᒥ. ᓂᕈᐊᖅᑕᐅᔪᖅ ᐃᓂᖃᕐᓂᐊᖅᑐᖅ ᐃᓱᓕᓐᓇᓱᖕᓂᖓᓂ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᒃᓴᒧᑦ ᓂᕈᐊᕐᓂᖅ ᑎᓯᐱᕆ 2028−ᒥ.
ᓂᕈᐊᒐᒃᓴᙳᖅᑎᑦᑎᓐᓇᖅ ᒫᓐᓇ ᒪᑐᐃᖅᐳᖅ, ᐱᒋᐊᕐᓗᓂ 9:00-ᒥ ᐅᓪᓛᒃᑯᑦ ᐱᖓᔪᐊᑦ, ᐊᐃᕐᕆᓕ 15, ᒪᑐᓗᓂᓗ ᐊᐃᑉᐹ, ᐊᐃᕐᕆᓕ 21 5:00-ᒧᐊᖅᐸᑦ ᐅᓐᓄᒃᓴᒃᑯᑦ.
ᓂᕈᐊᒐᒃᓴᙳᖅᑎᑦᑎᓂᕐᒧᑦ ᑎᑎᕋᕆᐊᓖᑦ ᓂᕈᐊᒐᒃᓴᙳᖅᑎᑦᑎᓂᐊᕐᓗᓂ ᐃᓄᖕᒥᒃ ᓂᕈᐊᒐᒃᓴᐅᓂᐊᕐᓗᓂ ᐊᖓᔪᖅᑳᒧᑦ ᓄᓇᕗᑦ ᑐᙵᕕᒃᑯᓐᓄᑦ ᐱᔭᒃᓴᐅᕗᑦ ᓂᕈᐊᖅᑐᓕᕆᔨᒻᒪᕆᐅᑉ ᑎᑎᕋᕐᕕᖓᓂ, ᔫ ᐊᓪᓚ ᑯᓄᒃ, ᓄᓇᓕᖕᓂ ᑐᓴᐅᒪᑎᑦᑎᔨᓂᑦ, ᐊᔮᔮ ᑐᓴᐅᒪᔪᓕᕆᔨᒃᑯᑦ ᐅᕝᕙᓘᓐᓃᑦ ᓄᓇᕗᑦ ᑐᙵᕕᒃᑯᑦ ᐃᑭᐊᖅᑭᕕᖓᓂ.
ᐱᓇᔪᒍᓐᓇᖅᑐᑦ ᐅᑭᐅᖃᕆᐊᓖᑦ 16−ᓂᒃ ᐅᖓᑖᓄᓪᓘᓐᓃᑦ ᒪᐃ 27, 2026−ᒥ ᐱᒋᐊᕐᓗᓂ, ᐊᑎᓕᐅᖅᑕᐅᖃᑕᐅᓯᒪᓗᓂᓗ ᓄᓇᕗᒻᒥ ᐊᖏᕈᑎᒧᑦ ᐃᓚᐅᔪᓐᓇᕐᓗᓂᓘᓐᓃᑦ.
ᓂᕈᐊᒐᒃᓴᐅᔪᑦ ᑐᓂᓯᔭᕆᐊᖃᖅᐳᑦ ᐱᐊᓂᒃᓯᒪᔪᓂᒃ ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐸᐃᑉᐹᓂᒃ ᓂᕈᐊᖅᑐᓕᕆᔨᒻᒪᕆᖕᒧᑦ ᐄᐳᕈ 21 ᑎᑭᓚᐅᙱᓐᓂᖓᓂ 5:00-ᒧᐊᖅᐸᑦ ᐅᓐᓄᒃᓴᒃᑯᑦ. ᓂᕈᐊᒐᒃᓴᐅᔪᑦ ᑲᒪᒋᔭᒃᓴᖃᖅᐳᑦ ᖃᐅᔨᒪᒋᐊᕐᓗᑎᒃ ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐸᐃᑉᐹᑦ ᑐᖅᑯᖅᑕᐅᓯᒪᒐᓗᐊᕐᒪᖔᑕ ᒪᓕᒡᓗᑎᒃ ᓄᓇᕗᑦ ᑐᙵᕕᒃᑯᑦ ᓂᕈᐊᕐᓂᕐᒧᑦ ᒪᓕᒐᖏᓐᓂᒃ ᐊᑐᕈᓯᖏᓐᓂᒡᓗ ᑐᖅᑯᖅᑕᐅᓯᒪᓗᑎᒡᓗ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ. ᓂᕈᐊᒐᒃᓴᙳᖅᑎᑦᑎᓂᕐᒧᑦ ᐸᐃᑉᐹᑦ ᐱᔭᐅᙱᑉᐸᑕ ᐃᓱᓕᕝᕕᒃᓴᖓ ᑎᑭᓚᐅᙱᓐᓂᖓᓂ, ᓂᕈᐊᒐᒃᓴᙳᖅᑎᑕᐅᑐᐃᓐᓇᕆᐊᓕᒃ ᓂᕈᐊᒐᒃᓴᐅᔪᓐᓇᔾᔮᙱᑦᑐᖅ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᕐᓇᐅᑎᓪᓗᒍ.
ᐱᕋᔭᖕᓂᑰᖕᒪᖔᑦ ᖃᐅᔨᓴᖅᑕᐅᓂᖅ ᑕᖅᑭᑦ ᐱᖓᓱᑦ ᐃᓗᐊᓂ ᐱᔭᕆᐊᖃᒻᒪᕆᒃᑐᖅ. ᓂᕈᐊᒐᒃᓴᐅᑐᐃᓐᓇᕆᐊᓖᑦ ᑎᓕᐅᖅᑕᐅᕗᑦ ᐱᒋᐊᑲᐅᑎᒋᖁᔭᐅᓪᓗᑎᒃ ᑕᒪᑐᒥᖓ ᐱᓕᕆᕙᓪᓕᐊᓂᕐᒥᒃ ᐸᓖᓯᒃᑯᓐᓄᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᓗᒍ:
ᓂᕈᐊᖅᑐᓕᕆᔨᒻᒪᕆᒃ (CRO)
ᔫ ᐊᓪᓚ ᑯᓄᒃ
ᐅᖄᓚᐅᑖ: 867-222-3634
ᐃᕐᖐᓈᖅᑕᐅᑦ: nticro@ayaya.ca
ᑎᑎᕋᕐᕕᖓ CRO
ᔭᐃᓴᓐ ᕌᐳᑦᔅ
ᐅᖄᓚᐅᑖ: 867-202-3696
ᐃᕐᖐᓈᖅᑕᐅᑦ: jasonr@ayaya.ca