ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᑦ
ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᑦ ᑐᕌᖓᑎᑕᐅᕗᖅ ᐊᔪᖅᓴᓗᐊᕈᓐᓃᕈᑕᐅᓇᓱᒃᖢᓂ ᐃᓄᖕᓄᑦ ᓄᓇᕗᒻᒥ ᐊᒻᒪ ᐸᐸᑦᑎᔾᔪᑕᐅᓇᓱᒃᖢᓂ ᐱᐅᓯᒋᐊᖅᑎᑦᑎᔪᒪᓪᓗᓂᓗ ᐃᓄᐃᑦ ᐊᖑᓇᓱᒃᐸᖕᓂᖏᑕ ᐃᓕᖅᑯᓯᖏᓐᓂᒃ, ᐱᐅᓯᑐᖃᖏᓐᓂᒃ ᐊᒻᒪ ᐃᓄᐃᑦ ᐃᓅᓯᖏᓐᓂᒃ ᐃᓄᐃᑦ ᐃᑲᔪᖅᑕᐅᔭᕆᐊᓕᖕᓂᒃ ᑮᓇᐅᔭᑎᒍᑦ ᐃᑲᔫᑎᒃᓴᓂᒃ ᐊᖑᓇᓱᒃᑎᓄᑦ.
ᐱᓇᔫᑎᑦ ᖃᕆᓴᐅᔭᒃᑯᑦ ᐱᔭᐅᔪᓐᓇᖅᐳᑦ ᐊᑦᑕᑕᕐᕕᐅᔪᓐᓇᖅᑐᓂᑦ ᐊᑖᓃᑦᑐᓂᑦ:
NHSP Harvester Equipment Program Manual and Application:
KITIKMEOT REGION
KIVALLIQ REGION
QIKIQTAALUK REGION
NHSP Community Hunt Program Manual and Application:
KITIKMEOT REGION
KIVALLIQ REGION
QIKIQTAALUK REGION
ᐊᖑᓇᓱᖕᓂᕐᒧᑦ ᐱᖁᑎᓄᑦ ᐱᓕᕆᐊᒃᓴᖅ
ᐊᖑᓇᓱᖕᓂᕐᒧᑦ ᐱᖁᑎᓄᑦ ᐱᓕᕆᐊᖑᕙᒃᑐᖅ ᐱᑎᑦᑎᕙᒃᐳᖅ ᐃᓄᖕᓂᒃ ᓄᓇᕗᒻᒥ ᐱᔭᕆᐊᖃᖅᑐᓂᒃ ᑮᓇᐅᔭᑎᒍᑦ ᐃᑲᔪᖅᑐᐃᓂᕐᒥᒃ ᑕᒪᒃᑯᐊ ᐊᖑᓇᓱᖕᓂᕐᒧᑦ ᐱᖁᑎᑦ ᓴᓇᕐᕈᑎᓪᓗ ᐊᑭᑐᓗᐊᙱᓐᓂᖅᓴᐅᖁᓪᓗᒋᑦ, ᐃᓚᐅᔪᓐᓇᕐᓂᐊᕐᒪᑕ ᐃᓕᖅᑯᓯᑐᖃᒃᑯᑦ ᐊᖑᓇᓱᖕᓂᕐᒧᑦ ᐱᓕᕆᐊᖑᕙᒃᑐᓄᑦ. ᑮᓇᐅᔭᖃᖅᑎᑕᐅᓂᖅ ᐱᑎᑕᐅᓂᐊᖅᐳᖅ ᐱᖓᓱᐃᓕᖅᑲᖓᔪᒃᑯᑦ:
- ᑮᓇᐅᔭᑎᒍᑦ ᐃᑲᔫᑏᑦ ᓂᐅᕕᕐᓂᕐᒧᑦ ᒥᑭᑦᑐᓄᑦ ᐊᖑᓇᓱᖕᓂᕐᒧᑦ ᐱᖁᑎᓄᑦ;
- ᑮᓇᐅᔭᑎᒍᑦ ᐃᑲᔫᑎᑦ ᓂᐅᕕᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᑎᓂᒃ; ᐊᒻᒪᓗ
- ᑮᓇᐅᔭᑎᒍᑦ ᐃᑲᔫᑏᑦ ᐱᕐᕈᓗᐊᕿᔪᖃᖅᑎᓪᓗᒍ ᐃᑲᔪᕈᑎᒃᓴᓄᑦ.
ᑮᓇᐅᔭᖅᑖᖅᑎᑕᐅᔪᓐᓇᖅᐳᖓ?
ᐊᔪᙱᑎᑕᐅᔪᒪᓗᓂ ᑮᓇᐅᔭᓄᑦ ᐃᑲᔪᖅᑕᐅᓂᕐᒧᑦ ᑎᒥᙳᖅᑎᑕᐅᓯᒪᔪᖅ ᐃᒪᐃᑦᑕᕆᐊᖃᖅᐳᖅ:
- ᒪᓕᒐᑎᒍᑦ ᒪᑭᑕᑦᑎᐊᖅᓯᒪᓗᓂ ᐊᐅᓚᑦᑎᔪᓐᓇᕐᓗᓂ ᓄᓇᕗᒻᒥ;
- ᑎᑎᖅᑲᒥᒃ ᑐᓂᓯᓗᓂ ᐊᖏᖅᓯᒪᓂᕋᐃᔪᒥᒃ ᓇᓗᓇᐃᖅᓯᔪᒥᒃ ᑲᑐᔾᔨᖃᑎᒌᑦ ᐃᑲᔪᖅᓱᐃᓂᖏᓐᓂᒃ ᑐᒃᓯᕋᐅᑕᐅᓯᒪᔪᒥᒃ ᐊᖑᓇᓱᒃᑕᐅᔪᒪᔪᒥᒃ ᐊᖏᖅᖢᑎᒡᓗ ᑐᓂᐅᖅᑲᐃᓂᐊᕐᓂᕐᒥᒃ ᐃᒻᒪᖄ 50% ᐊᖑᔭᖏᓐᓂᒃ ᓄᓇᓕᖕᓄᑦ;
- ᐱᔪᓐᓇᕐᓗᓂ ᐊᖑᓇᓱᖕᓂᕐᒧᑦ ᐱᔪᓐᓇᐅᑎᒥᒃ, ᓂᕕᙵᑖᒥᒃ ᓈᒻᒪᒃᑐᒥᒡᓘᓐᓃᑦ ᓴᓂᕐᕙᒃᑕᐅᓯᒪᔪᒥᒃ, ᑕᐃᒪᐃᑦᑕᕆᐊᖃᖅᐸᑦ, ᑐᒃᓯᕋᐅᑕᐅᓯᒪᔪᒧᑦ ᓂᕐᔪᑎᓄᑦ ᐊᖑᓇᓱᒃᑕᐅᔪᒃᓴᒧᑦ.
ᐊᔪᙱᑎᑕᐅᔪᒪᓗᓂ ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒥᒃ ᑎᒥᙳᖅᑎᑕᐅᓯᒪᙱᑦᑐᑦ ᐱᓕᕆᖃᑎᒌᑦ ᐃᒪᐃᑦᑕᕆᐊᖃᖅᐳᑦ:
- Be made up of at least five (5) individuals who are:
- 16-ᓂᒃ ᐅᖓᑖᓄᓪᓘᓐᓃᑦ ᐅᑭᐅᖃᕐᓗᓂ;
- ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒧᑦ, ᐊᒻᒪ
- ᐃᓚᐅᔪᑦ ᐊᖑᓇᓱᖕᓂᐅᔪᒪᔪᒥᑦ
- ᐱᑎᑦᑎᔪᖃᕐᓗᓂ ᑎᑎᖅᑲᒥᒃ ᐱᓕᕆᐊᖃᓪᓚᕆᒍᒪᓂᕐᒧᑦ ᐊᑎᓕᐅᖅᑕᐅᓯᒪᔪᒥᒃ ᐋᖅᑭᒃᓱᐃᔨᓕᒫᓄᑦ ᓇᓗᓇᐃᖅᓯᓗᓂ ᐱᓇᔪᒃᑐᖅ ᑐᑭᓯᐅᒪᓂᖓᓂᒃ ᑕᒪᕐᒥᑦᑎᐊᖅ ᐃᓚᖓᓂᒡᓘᓐᓃᑦ ᓇᓐᓄᒃᑕᐅᔪᓂᒃ (50−ᐳᓴᐸᓗᖕᒥᒃ) ᑐᒃᓯᕋᐅᑕᐅᓯᒪᔪᒥᑦ ᐊᖑᓇᓱᒃᑕᐅᔪᒪᔪᒥᑦ ᑐᓂᐅᖅᑲᖅᑕᐅᓂᐊᕐᓂᖏᓐᓂᒃ ᓄᓇᓕᖕᓄᑦ;
- ᐱᔪᓐᓇᕐᓗᓂ ᐊᖑᓇᓱᖕᓂᕐᒧᑦ ᐱᔪᓐᓇᐅᑎᒥᒃ, ᓂᕕᙵᑖᒥᒃ ᓈᒻᒪᒃᑐᒥᒡᓘᓐᓃᑦ ᓴᓂᕐᕙᒃᑕᐅᓯᒪᔪᒥᒃ, ᑕᐃᒪᐃᑦᑕᕆᐊᖃᖅᐸᑦ, ᑐᒃᓯᕋᐅᑕᐅᓯᒪᔪᒧᑦ ᓂᕐᔪᑎᓄᑦ ᐊᖑᓇᓱᒃᑕᐅᔪᒃᓴᒧᑦ.
ᐊᔪᖅᑎᑕᐅᙱᑦᑐᑦ ᐊᑭᓕᖅᓱᕆᐊᓖᑦ
ᐊᖑᓇᓱᖕᓂᕐᒧᑦ ᐱᖁᑎᓄᑦ ᐱᓕᕆᐊᒃᓴᖅ ᐱᑎᑦᑎᕙᒃᐳᖅ ᑮᓇᐅᔭᑎᒍᑦ ᐃᑲᔪᖅᑐᐃᓂᕐᒥᒃ ᐱᖁᑎᓄᑦ ᐱᔭᐅᔭᕆᐊᓕᖕᓄᑦ ᐊᖑᓇᓱᖕᓂᕐᒧᑦ, ᐃᖃᓗᒐᓱᖕᓂᕐᒧᑦ, ᑲᑎᖅᓱᐃᓂᕐᒧᑦ ᐊᒻᒪᓗ/ᐅᕝᕙᓗᓃᑦ ᒥᑭᒋᐊᕐᓂᐊᕐᓂᕐᒧᑦ ᐱᓕᕆᐊᖑᕙᒃᑐᓄᑦ. ᑕᒪᓐᓇ ᐃᓚᖃᖅᐳᖅ ᐅᑯᓂᖓ: a. ᒥᑭᑦᑐᓄᑦ ᐱᖁᑎᓄᑦ: 50% ᐱᖁᑎᓄᑦ ᐊᑭᖏᓐᓄᑦ (ᐃᓚᐅᓪᓗᑎᒃ ᐅᓯᔭᐅᔾᔪᑎᖏᑦ) ᐊᖏᓛᖃᕐᓗᒍ $500 ᐊᑕᐅᓯᕐᒧᑦ ᑐᒃᓯᕋᖅᑕᐅᔪᒧᑦ ᐊᒻᒪ $1,000 ᐃᓚᒌᓄᑦ ᐊᕐᕌᒍᑕᒫᑦ ᒥᑭᑦᑐᓄᑦ ᐊᖑᓇᓱᖕᓂᕐᒧᑦ ᐱᖁᑎᓄᑦ/ᓴᓇᕐᕈᑎᓄᑦ (ᑕᑯᓗᒋᑦ ᑎᑎᕋᖅᓯᒪᔪᑦ ᐱᔪᓐᓇᖅᑎᑕᐅᔪᑦ ᒥᑭᑦᑐᓄᑦ ᐱᖁᑎᓄᑦ ᑎᑎᕋᖅᓯᒪᔪᑦ ᐱᓇᔫᑎᒥ ᑕᑕᑎᕆᐊᓕᖕᒥ); b. ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᑎᑦ: 50% ᐱᖁᑎᓄᑦ ᐊᑭᖏᑦ (ᐃᓚᐅᓪᓗᑎᒃ ᐅᓯᔭᐅᔾᔪᑎᖏᑦ) ᐊᖏᓛᖃᕐᓗᒍ $500 ᐊᑕᐅᓯᕐᒧᑦ ᑐᒃᓯᕋᖅᑕᐅᔪᒧᑦ ᐊᒻᒪ $1,000 ᖃᑕᙳᑎᒌᓄᑦ ᐊᕐᕌᒍᑕᒫᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᑎᓄᑦ ᐊᑐᖅᑕᐅᔪᓄᑦ ᐊᖑᓇᓱᖕᓂᕐᒧᑦ (ᑕᑯᓗᒍ ᑎᑎᕋᖅᓯᒪᔪᑦ ᐊᔪᖅᑎᑕᐅᙱᑦᑐᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᑎᑦ ᑎᑎᕋᖅᓯᒪᔪᑦ ᐱᓇᔫᑎᒥ ᑕᑕᑎᕆᐊᓕᖕᒥ); c. ᐱᕐᕈᓗᐊᕿᓂᕐᒧᑦ ᐃᑲᔪᕐᓂᖅ: 25% ᐊᒥᐊᒃᑯᑦ ᐲᔭᐃᕝᕕᐅᓚᐅᖅᑎᓪᓗᒋᑦ ᐊᓯᔾᔨᖅᑕᐅᓂᕐᒧᑦ ᐊᑭᖓ, ᐃᓱᖃᕐᓗᒍ $2,000, ᓇᓕᐊᖕᓄᑐᐃᓐᓇᖅ ᐊᖏᔪᓄᑦ ᐊᖑᓇᓱᖕᓂᕐᒧᑦ ᐱᖁᑎᓄᑦ ᐊᓯᐅᔨᔭᐅᔪᓄᑦ ᐱᕐᕈᓗᐊᕿᓂᒃᑯᑦ ᐱᕐᕈᓗᐊᕿᔪᒃᑯᓪᓘᓐᓃᑦ. ᐊᔪᙱᑎᑕᐅᓂᐊᕐᓗᓂ ᑖᔅᓱᒧᖓ ᐱᓕᕆᐊᖑᔪᒧᑦ, ᐱᖁᑏᑦ ᐊᓯᐅᔨᔭᐅᔭᕆᐊᖃᖅᐳᑦ ᓱᕋᒃᓯᒪᓗᑎᒡᓘᓐᓃᑦ ᐋᖅᑭᒃᑕᐅᔪᓐᓇᐃᓪᓕᓗᑎᒃ. ᐊᒥᐊᒃᑯᑦ ᐲᔭᐃᕝᕕᐅᓚᐅᖅᑎᓪᓗᒋᑦ ᐊᓯᔾᔨᖅᑕᐅᓂᕐᒧᑦ ᐊᑭᖓ ᐅᖃᐅᓯᖃᖅᐳᖅ ᓂᐅᕕᖅᑕᐅᔫᑉ ᐊᑭᖓᓂᒃ (ᐃᓚᒋᔭᐅᓪᓗᑎᒃ ᐅᓯᔭᐅᔾᔪᑎᖏᑕ ᐊᑭᖏᑦ) ᐃᓇᖐᓂᕐᒧᑦ ᐱᖁᑎᓂᒃ ᐲᖅᓯᕕᒋᓗᒋᑦ ᐊᑭᓕᐅᑕᐅᔪᑦ ᓇᓪᓕᐅᒃᑯᒫᓄᑦ ᐊᒻᒪᓗ/ᐅᕝᕙᓗᓃᑦ ᓇᓕᐊᖕᓂᑐᐃᓐᓇᖅ ᒐᕙᒪᒃᑯᑦ ᐱᓕᕆᐊᕆᕙᒃᑕᖏᓐᓂᒃ ᑖᔅᓱᒧᖓᔅᓴᐃᓐᓇᖅ ᐱᖁᑎᒧᑦ.
ᖃᓄᖅ ᐱᓇᔪᒍᓐᓇᖅᐳᖓ?
ᐱᓇᔪᒍᒪᒍᕕᑦ ᑮᓇᐅᔭᓂᒃ ᓄᓇᓕᖕᓂ ᐊᖑᓇᓱᖕᓂᕐᒧᑦ ᐱᓕᕆᐊᒃᑯᑦ, ᐱᓇᔫᑎᓄᑦ ᖃᐅᔨᒪᔾᔪᑎᑦ ᐊᒻᒪ ᑕᑕᑎᕆᐊᓖᑦ ᐊᑐᐃᓐᓇᐅᔪᑦ ᐃᑭᐊᖅᑭᕕᒃᑯᑦ www.tunngavik.com ᐅᕝᕙᓘᓐᓃᑦ ᖃᐅᔨᒋᐊᕐᓗᑎᑦ NHSP ᑎᑎᕋᕐᕕᖓᓄᑦ. ᐃᑲᔪᖅᑕᐅᔭᕆᐊᖃᕈᕕᑦ ᑕᑕᑎᕆᓂᕐᒧᑦ ᐱᓇᔫᑎᒥᒃ, ᖃᐅᔨᒋᐊᕐᕕᒋᓗᒍ NHSP ᑎᑎᕋᕐᕕᖓ ᐃᑲᔪᖅᑕᐅᔪᒪᓗᑎᑦ. NHSP ᐱᓕᕆᖃᑎᖃᕈᓐᓇᖅᑐᑦ ᓄᓇᓕᖕᓂ ᑐᓴᐅᒪᔪᓕᕆᔨᒥᒃ ᐊᒻᒪ/ᐅᕝᕙᓘᓐᓃᑦ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᓐᓂ ᖃᐅᔨᓇᓱᒡᓗᑎᒃ ᑐᒃᓯᕋᐅᑎᒋᔭᐃᑦ ᐊᖏᖅᑕᐅᓂᐊᕐᒪᖔᑦ, ᖃᐅᔨᒃᑲᐃᓂᐊᖅᐳᑎᓪᓗ ᐃᓱᒪᓕᐅᕈᑕᐅᔪᒥᒃ ᐅᓪᓗᑦ 30 ᐃᓗᐊᓂ ᑐᑭᓯᒋᐊᒐᒃᓴᓕᒫᑦ ᐱᓇᔫᑎᒋᔭᕐᓂ ᕿᒥᕐᕈᔭᐅᕌᓂᒃᓯᒪᓕᖅᐸᑕ.
ᐊᖑᓇᓱᖕᓂᕐᒧᑦ ᐱᖁᑎᓄᑦ ᐱᓕᕆᐊᒃᓴᒧᑦ ᒪᒃᐱᖅᑐᒐᖅ/ᐱᓇᔫᑎ ᑎᑎᕋᕆᐊᓕᒃ
KITIKMEOT REGIONKIVALLIQ REGIONQIKIQTAALUK REGION
ᐊᔪᖅᑎᑕᐅᙱᑦᑐᑦ ᐊᑭᓕᖅᓱᕆᐊᓖᑦ
ᓄᓇᓕᖕᓂ ᐊᖑᓇᓱᖕᓂᕐᒧᑦ ᐱᓕᕆᐊᖑᕙᒃᑐᖅ ᐱᑎᑦᑎᖃᑦᑕᕐᓂᐊᖅᐳᖅ ᑮᓇᐅᔭᖁᑎᒋᔭᐅᓂᐊᖅᑐᓂᒃ ᐅᑯᓄᖓ ᐊᑭᓕᖅᓱᕆᐊᓕᖕᓄᑦ ᐊᖏᓛᖃᕐᓗᒍ $5,000 ᐊᑕᐅᓯᕐᒧᑦ ᐱᓇᔪᒃᑐᒧᑦ: ᐃ. ᐅᖅᓱᐊᓗᒃ ᖃᒧᑕᐅᔭᕐᓄᑦ, ᑎᓴᒪᓕᖕᓄᑦ ᐅᒥᐊᕐᓄᓪᓘᓐᓃᑦ ᐊᑐᖅᑕᐅᕙᒃᑐᓄᑦ ᐱᓕᕆᖃᑎᒌᒃᑐᓄᑦ ᓄᓇᓕᖕᓂ ᐊᖑᓇᓱᖕᓂᕐᒧᑦ ᐃᒪᓐᓇ ᐊᑭᖃᖅᑎᒋᓗᑎᒃ:
- ᖃᒧᑕᐅᔭᖅ, $50 ᐅᓪᓗᖅ ᐊᑕᐅᓯᖅ ᐊᖏᓛᖃᕐᓗᒍ $250 ᐊᑕᐅᓯᕐᒧᑦ ᖃᒧᑕᐅᔭᕐᒧᑦ ᐱᓇᔫᑎᒧᑦ/ᐊᐅᓪᓚᕐᓂᕐᒧᑦ
- ᑎᓴᒪᓖᑦ, $30 ᐅᓪᓗᖅ ᐊᑕᐅᓯᖅ ᐊᖏᓛᕆᔪᓐᓇᖅᑕᖓ $60 ᑎᓴᒪᓕᖕᒧᑦ ᐱᓇᔫᑎᒧᑦ/ᐊᐅᓪᓚᖅᑐᒧᑦ
- ᐅᒥᐊᖅ, $100 ᐅᓪᓗᖅ ᐊᑕᐅᓯᖅ ᐊᖏᓛᕆᔪᓐᓇᖅᑕᖓ $500 ᐅᒥᐊᕐᒧᑦ ᐊᑕᐅᓯᕐᒧᑦ ᐱᓇᔫᑎᒧᑦ/ᐊᐅᓪᓚᕐᓂᕐᒧᑦ
b. ᓂᖀᑦ ᐊᖑᓇᓱᒃᑎᓄᑦ ᓄᓇᓕᖕᓂ ᐊᖑᓇᓱᒃᐸᒃᑐᓄᑦ ᐊᑭᖃᖅᑎᒋᕙᒃᐳᑦ $30 ᐊᑕᐅᓯᕐᒧᑦ ᐊᖑᓇᓱᒃᑎᒧᑦ ᐅᓪᓗᕐᒧᑦ ᐊᑕᐅᓯᕐᒧᑦ ᐊᖏᓛᖃᖅᖢᓂ $150 ᐊᑕᐅᓯᕐᒧᑦ ᐊᖑᓇᓱᒃᑎᒧᑦ ᐊᑕᐅᓯᕐᒧᑦ ᐱᓇᔪᒃᑐᒧᑦ/ᐊᐅᓪᓚᕐᓂᕆᔭᐅᔪᒧᑦ. ᖃᐅᔨᒪᓂᐊᖅᐳᑎᑦ ᓄᓇᕗᒻᒥ ᐃᒡᓗᓄᑦ ᒪᑭᒪᑦᑎᐊᖅᑐᓄᑦ ᐱᓕᕆᐊᒃᓴᓄᑦ ᑮᓇᐅᔭᑦ ᐊᑐᖅᑕᐅᔪᓐᓇᙱᑦᑐᑦ ᐊᖑᓇᓱᒃᑎᓄᑦ ᐊᑭᓕᐅᑎᐅᓗᑎᒃ ᓄᓇᓕᖕᓂ ᐊᖑᓇᓱᖕᓂᖏᓐᓄᑦ.
ᓄᓇᓕᖕᓂ ᐊᖑᓇᓱᖕᓂᕐᒧᑦ ᐱᓕᕆᐊᖑᕙᒃᑐᒧᑦ ᒪᒃᐱᖅᑐᒐᖅ/ᐱᓇᔪᒍᑕᐅᔪᖅ ᑎᑎᕋᕆᐊᓕᒃ
KITIKMEOT REGIONKIVALLIQ REGIONQIKIQTAALUK REGION