Voting Day for NTI Vice President

(ᑎᓯᑉᐱᕆ 10, 2018 ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᓂᕈᐊᖅᑐᓕᕆᔨᒻᒪᕆᖓ ᓈᑦᓯ ᖃᕆᑕᖅ−ᓕᓐᑎᐊᓪ ᑐᓴᕐᑎᑎᖅᑲᐅᕗᖅ ᐅᓪᓗᒥ ᓂᕈᐊᕐᕖᑦ ᒪᑐᐃᓛᕐᒪᑕ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᑐᖏᓕᖓᓄᑦ 10-ᒧᐊᖅᐸᑦ ᓯᕿᙳᔭᖏᑦ ᓄᓇᓖᑦ ᐊᑐᕐᓗᒋᑦ ᑎᓯᑉᐱᕆ 10, 2018. ᓂᕈᐊᕋᒃᓴᐅᔫᒃ ᐅᑯᐊ: ᔭᐃᒥᓯ ᐃᑦᑐᓗᒃ ᐊᒻᒪᓗ ᐲᑕ ᐅᕼᐅᒃᑲᓐᓄᐊᖅ ᓂᕈᐊᖅᑎᐅᔪᑦ ᐊᑎᓕᐅᖅᑕᐅᓯᒪᔭᕆᐊᖃᖅᑐᑦ ᓄᓇᕗᖕᒥ ᐊᖏᕈᑎᑎᒍᑦ, ᑲᓇᑕᒥᐅᑕᐅᓗᑎᒃ, ᐊᒻᒪᓗ ᐅᑭᐅᖃᓕᕐᑐᑦ 16-ᓂᒃ ᐅᓪᓗᖓᓂ ᑎᓯᑉᐱᕆ 10, 2018-ᒥ. ᓂᕈᐊᖅᑏᑦ ᓂᕈᐊᕈᓐᓇᕐᐳᑦ ᓇᖕᒥᓂᖅ ᓂᕈᐊᕐᓇᐅᑉ ᐅᓗᖓᓂ, ᓂᕈᐊᕈᔾᔭᐅᔪᓐᓇᕆᓪᓗᑎᒃ ᐊᓯᒥᓂᒃ ᐅᕝᕙᓗ ᑎᑎᖅᑲᓂᐊᕐᕕᒃᑯᑦ ᐊᐅᓪᓚᑎᑦᑎᓗᑎᒃ ᐋᑦᑎᐅᒍᑎᒃ ᑕᕝᕙᓂ ᐅᓪᓗᕐᒥ ᐅᕝᕙᓗ ᓱᕗᓂᐊᒍᑦ ᑎᓯᑉᐱᕆ 10. ᓂᕈᐊᕆᐊᖅᑐᕐᕖᑦ ᐋᖅᑭᒃᓯᒪᑦᑎᐊᓛᕐᑐᑦ ᓄᓇᕘᓕᒫᕐᒥ ᓄᓇᓕᖕᓂ, ᐊᒻᒪᓗ ᓯᑕᒪᒃᑲᓐᓃᑦ ᐊᓯᖏᓐᓂ ᓄᓇᕘᑉ, ᐱᖃᑕᐅᓪᓗᓂ ᔮᓗᓇᐃ, ᐃᐊᑦᒪᓐᑕᓐ, ᒍᐊᓇᐸᐃ ᐊᒻᒪᓗ ᐊᑑᕚ.

-30-

ᑐᑭᓯᒋᐊᒃᑲᓐᓂᕐᕕᒋᔪᓐᓇᕐᑕᐃ: ᓈᑦᓯ ᖃᕆᑕᖅ−ᓕᓐᓂᐊᓪ ᓂᕈᐊᖅᑐᓕᕆᔨᒻᒪᕆᒃ ᐊᑭᓕᕆᐊᖃᙱᑦᑐᖅ: 1-844-979-6554 ᐃᖃᓗᖕᓂ: 979-6554 ᖃᕆᑕᐅᔭᒃᑯᑦ ᑎᑎᕋᕐᕕᖓ: NTICRO@ayaya.ca ᓈᑎᐊ ᓯᒃᑰᓐ ᐊᔮᔮ ᑐᓴᐅᒪᐅᑎᓕᕆᔨᒃᑯᑦ ᐃᖃᓗᓐᓂ: 979-1484 ᖃᕆᑕᐅᔭᒃᑯᑦ ᑎᑎᕋᕐᕕᖓ: nadiac@ayaya.ca

📄 NTI Polling Stations Ad