Recruitment and Retention of Inuit Nurses in Nunavut Report Released

(ᒫᑦᓯ 9, 2010-ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᓯᕗᓪᓕᖅ ᐊᖏᔪᖅᑳᑉ ᑐᒡᓕᐊ ᔭᐃᒥᓯ ᐃᑦᑐᓗᒃ ᓇᓗᓇᐃᖅᓯᔪᖅ ᐅᓪᓗᒥ ᐅᓂᒃᑳᒥᒃ ᕿᓂᕈᑕᐅᓂᐊᖅᑐᒥᒃ ᖁᕝᕙᑎᑦᓯᒋᐊᕈᑎᒃᓴᓂᐃᑦ ᐃᓄᓐᓂᒃ ᐋᓐᓂᐊᓯᐅᖅᑎᖃᕐᓂᕐᒥᒃ ᓄᓇᕗᒻᒥ. ᐅᓂᒃᑳᖅ ᐊᑎᖃᖅᑐᖅ ᐃᖅᑲᓇᐃᔭᖅᑎᑖᖅᐸᓪᓕᐊᓂᖅ ᐊᑕᐃᓐᓇᑎᑦᑎᓇᓱᐊᕐᓂᕐᓗ ᐃᓄᓐᓂᒃ ᐊᓐᓂᐊᓯᐅᖅᑎᓂᒃ ᓄᓇᕗᒻᒥ. "ᖁᕕᐊᒃᐳᖓ ᑐᙵᕕᒃᑯᑦ ᓴᖅᑮᔪᓐᓇᕐᖓᑕ ᐅᓂᒃᑳᒥᒃ ᑖᓐᓇ ᐃᓗᓕᖃᕐᒪᑦ ᐊᑐᓕᖁᔭᐅᔪᓂᒃ ᐊᒥᓱᕈᖅᐸᓪᓕᐊᖁᓪᓗᒋᑦ ᐃᓄᐃᑦ ᐋᓐᓂᐊᓯᐅᖅᑏᑦ ᐃᖅᑲᓇᐃᔭᕐᕕᓐᓂ," ᐅᖃᖅᑐᖅ ᐃᑦᑐᓗᒃ. "ᑕᒪᓐᓇ  ᐱᒻᒪᕆᐅᔪᖅ ᐊᑐᐃᓐᓇᐅᑎᑦᓯᓂᕐᒧᑦ  ᐋᓐᓂᐊᑐᓕᕆᓂᕐᒥᒃ ᓄᓇᕗᒻᒥ, ᐱᓗᐊᖅᑐᒥ ᐃᓗᖅᑯᓯᖃᑎᒌᑦᑐᓄᑦ ᑲᒪᒋᔭᖃᕐᓂᕐᒥᒃ." ᐊᑐᓕᖁᔭᐅᓗᐊᖅᑐᑦ ᐅᓂᒃᑳᑉ ᐃᓗᐊᓂ ᐅᑯᐊᖑᕗᑦ:

• ᓴᖅᑭᔮᖅᑎᑦᓯᓂᖅᓴᐅᓗᑎᒃ ᐱᓕᕆᐊᖑᔪᓂᒃ ᑲᔪᖏᖅᓴᕐᓗᒋᑦ ᐃᓄᐃᑦ ᐋᓐᓂᐊᓯᐅᖅᑎᐅᔪᒪᓂᕐᒧᑦ
• ᓴᖅᑮᓗᑎᒃ ᓄᑖᓂᒃ ᑲᔪᓯᓂᖅᓴᐅᖃᑦᑕᖁᓪᓗᒋᑦ ᐃᓕᓐᓂᐊᖅᑐᑦ ᐋᓐᓂᐊᓯᐅᖅᑎᒃᓴᐅᓂᕐᒧᑦ.
• ᓄᓇᕗᒻᒥ ᓯᓚᑦᑐᓴᕐᕕᒃᑯᑦ ᐋᓐᓂᐊᓯᐅᖅᑎᒃᓴᐅᓂᕐᒧᑦ ᐃᓕᓐᓂᐊᑎᑦᓯᓂᖏᑦ ᐃᓚᓕᐅᔾᔨᖁᓪᓗᒋᑦ ᐃᓄᐃᑦ ᐃᓕᖅᑯᓯᖏᓐᓂᒃ ᐅᒃᐱᕆᔭᖏᓐᓂᓪᓗ
• ᐃᑲᔪᖅᑐᓂᖅᓴᕆᓗᒋᑦ ᐃᓄᐃᑦ ᐃᓕᓐᓂᐊᖅᑐᑦ ᐋᓐᓂᐊᓯᐅᖅᑎᒃᓴᐅᓂᕐᒧᑦ
• ᐲᕐᓗᒋᑦ ᐊᐳᕈᑕᐅᖃᑦᑕᖅᑐᑦ ᐃᓄᓐᓄᑦ ᐋᓐᓂᐊᓯᐅᖅᑎᓐᖑᕈᒪᔪᓄᑦ ᐃᓕᓐᓂᐊᕐᓂᕐᒥᒃ ᐃᖅᑲᓇᐃᔭᕐᓂᕐᒧᑦ
• ᓴᖅᑮᓗᑎᒃ ᐃᓕᖅᑯᓯᑎᒍᑦ ᐅᖃᐅᔾᔨᒋᐊᖅᑎᐅᓂᐊᖅᑐᒥᒃ ᓄᓇᕗᒻᒥ ᐋᓐᓂᐊᓯᐅᖅᑎᓕᓂᕐᒧᑦ.

"ᑲᑐᔾᔨᖃᑎᒌᓪᓗᑕ ᓄᓇᕗᑦ ᒐᕙᒪᒃᑯᑦ ᐊᒻᒪ ᑲᓇᑕᐅᑉ ᒐᕙᒪᒃᑯᖏᓐᓂ, ᐊᒻᒪ ᐃᓄᐃᑦ ᐋᓐᓂᐊᓯᐅᖅᑎᓐᖑᕈᒪᔪᑦ ᐊᒻᒪ ᐋᓐᓂᐊᓯᐅᖅᑎᐅᔭᕇᖅᑐᑦ, ᓴᖓᑎᒃᐸᓪᓕᐊᔪᓐᓇᖅᐳᒍᑦ, ᐊᑕᑏᓐᓇᕐᓗᒋᓪᓗ ᐃᓄᐃᑦ ᐋᓐᓂᐊᓯᐅᖅᑏᑦ ᓄᓇᕗᒻᒥ," ᐅᖃᖅᑐᖅ ᐃᑦᑐᓗᒃ. ᑖᓐᓇ ᐱᓕᕆᐊᖑᔪᖅ ᐊᐅᓚᑕᐅᓚᐅᑐᖅ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐱᓕᕆᐊᖃᑎᖅᖢᑎᒃ ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᖏᓐᓂ, ᑲᓇᑕᒥ ᐋᓐᓂᐊᖅᑐᓕᕆᔨᒃᑯᑦ ᐅᑭᐅᖅᑕᖅᑐᒧᑦ, ᐊᒻᒪ ᓄᓇᕗᑦ ᓯᓚᑦᑐᓴᕐᕕᒃᑯᓐᓂ.

-30-