Public Service Announcement

ᑐᓴᕋᑦᓴᙳᖅᑎᑕᐅᔪᖅ ᐱᒋᐊᕐᓗᓂ: ᒫᑦᓯ 1, 2022 ᓄᖅᑲᕐᓗᓂ: ᒫᑦᓯ 4, 2022

ᓄᓇᓖᑦ ᑐᓴᕐᕕᐅᓇᓱᐊᕐᓂᖏᑦ ᐃᑲᔫᑎᒃᓴᒥᒃ ᐃᓄᐃᑦ ᓯᕗᓕᖁᓪᓗᒋᑦ ᐃᓗᓯᕐᒥᒃ ᖃᐅᔨᓴᕐᓂᕐᒧᑦ

(ᒫᑦᓯ 1, 2022– ᐃᖃᓗᐃᑦ, ᓄᓇᕗᑦ)ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑭᐅᒃᑕᖁᔨᔪᑦ ᓄᓇᕗᒻᒥᐅᓂᒃ ᐊᐱᖅᑯᑎᓂᒃ ᖃᓄᐃᑉᐱᑖ? ᓄᓇᓖᑦ ᐃᓚᓕᐅᑎᑕᐅᔾᔪᑎᖏᓐᓂᒃ ᑐᑭᓯᓇᓱᐊᕈᑎᓄᑦ. ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐃᓗᓯᖏᓐᓂᒃ ᑐᑭᓯᓇᓱᐊᕈᑎ (QNIHS) ᐃᓄᓐᓂᒃ−ᓯᕗᓕᖅᑕᐅᔪᖅ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐱᓕᕆᐊᒥᒃ ᑐᓴᐅᒪᔾᔪᑕᐅᓂᐊᖅᑐᒥᒃ ᐃᓱᒪᓕᐅᕈᑕᐅᒋᐊᓕᖕᒧᑦ ᐱᕚᓪᓕᕈᑎᒃᓴᒥᒃ ᐃᓗᓯᖏᓐᓄᑦ ᖃᓄᐃᙱᑦᓯᐊᕈᑎᒃᓴᖏᓐᓄᓪᓗ ᐃᓄᐃᑦ ᑲᓇᑕᒥ ᐊᐅᓚᑕᐅᓂᐊᖅᑐᒥᒃ ᑕᒪᐃᓐᓂ 25-ᓂ ᓄᓇᓕᓐᓂ ᓄᓇᕗᒻᒥ 2023 ᐊᒻᒪᓗ 2024. ᐃᓚᐅᔪᑦ ᑕᕝᕗᖓ ᑐᓴᕐᕕᐅᓇᓱᐊᕐᓂᕐᒧᑦ ᐃᑲᔫᑎᖃᕐᓂᐊᖅᑐᑦ ᑐᙵᕕᒃᑯᑦ ᖃᐅᔨᓴᕐᓂᖓᓂᒃ ᐊᑐᕆᐊᓕᖕᓂᒃ ᑕᕝᕗᖓ ᖃᓄᐃᑉᐱᑖ? ᑲᓇᑕᒥ ᐃᓄᐃᑦ ᐃᓗᓯᕐᒥᒃ ᑐᑭᓯᓇᓱᐊᕐᓂᖓᓄᑦ (QNIHS) ᐊᐅᓚᑕᐅᓂᖓᓂ ᓄᓇᓕᓕᒫᓂ. ᐃᓚᐅᔪᓕᒫᑦ ᐊᒧᔭᒃᓴᐅᖃᑕᐅᔪᓐᓇᓂᐊᖅᑐᑦ 25-ᓂᒃ ᐊᒧᓯᓂᐅᓂᐊᖅᑐᒧᑦ, $100 ᓂᐅᕕᕈᓐᓇᐅᑎᓂᒃ ᓄᓇᖓᑕ ᓂᐅᕕᕐᕕᖓᓂᒃ. ᐃᓱᓕᕝᕕᒃᓴᓕᒃ ᐃᓚᐅᓂᕐᒧᑦ ᐊᒧᔭᒃᓴᓄᑦ ᒫᑦᓯ 4, 2022, 11:59 ᐅᓐᓄᐊᒃᑯᑦ ᑲᓇᓐᓇᐅᑉ ᖃᐅᔨᓴᐅᑖᒍᑦ. ᑭᐅᑦᑕᕐᓗᒋᑦ ᑕᕝᕙᓃᑦᑐᑦ ᖃᓪᓗᓈᑎᑑᖓᔪᑦ ᖃᐅᔨᓴᕈᑏᑦ: ᐃᓄᒃᑐᑦ ᑲᓲᒪᕕᖓ: http://www.bit.ly/IN-QNIHS ᑐᑭᓯᒋᐊᒃᑲᓂᕐᕕᒃᓴᖅ QNIHS−ᒨᖓᔪᓂᒃ, ᑕᑯᒋᐊᕐᓗᒍ www.nationalinuithealthsurvey.ca ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᖢᒍ GAnawak@tunngavik.com ᐅᕝᕙᓘᓐᓃᑦ MBelleau1@tunngavik.com. ᔨᐊᕈᑦ ᐊᓇᕈᐊᖅ ᓄᓇᕗᒻᒥ ᐃᓗᓯᕐᒥᒃ ᖃᐅᔨᓴᕐᓂᕐᒧᑦ ᐊᐅᓚᑦᓯᔨᐅᖃᑎᒋᔭᐅᔪᖅ ᓄᓇᕗᑦ ᑐᙵᕕᒃ ᑎᒥᖓ ᐅᖄᓚᐅᑖ: 867-975-4900 ᐅᕝᕙᓗᓐᓃᑦ 1-888-646-0006 Ganawak@tunngavik.com www.nationalinuithealthsurvey.ca ᒪᓚᐃᔭ ᒥᑭᔾᔪᒃ ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ ᓄᓇᕗᑦ ᑐᙵᕕᒃ ᑎᒥᖓ ᐅᖄᓚᐅᑖ: 867-975-4900 ᐅᕝᕙᓘᓐᓃ 1-888-646-0006 mmikijuk@tunngavik.com www.tunngavik.com

📄 Qanuippitaa Community Support Survey PSA March 1 Inuk