Nunavut Tunngavik Mourns the Loss of Jose Kusugak

Jose Kusugak was awarded the Elijah Menarik Award by CBC North late last year.

Photo by: Franco Buscemi

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᓪᓗᒥ ᓇᓗᓇᐃᖅᓯᔪᖅ ᑲᑎᒪᔩᑦ ᐃᖅᑲᓇᐃᔭᖅᑏᓪᓗ ᓄᓇᕗᑦ ᑐᙵᕕᒃᑯᓐᓄᑦ ᕿᒃᓵᒻᒪᕆᖕᒪᑕ ᐃᓅᔪᓐᓃᕐᓂᖓᓄᑦ ᐱᖃᓐᓇᕆᒻᒪᕆᒃᑕᕗᑦ, ᐃᖅᑲᓇᐃᔭᖃᑎᕗᑦ ᐊᒻᒪ ᐃᓕᓐᓂᐊᖅᑎᑦᓯᔨᒋᔭᕗᑦ, ᔫᓯ ᑯᓱᒐᖅ. ᔫᓯ ᐃᓅᔪᓐᓃᓚᐅᑐᖅ ᐅᓐᓄᒃ ᑲᖏᖅᖠᓂᕐᒥ ᐋᓐᓂᐊᖃᕐᓂᕐᒧᑦ.

“ᐃᖅᑲᐅᒪᑦᑎᐊᖅᐸᕗᑦ ᔫᓯᐅᑉ ᐃᓚᖏᑦ ᒫᓐᓇ ᕿᑦᓵᓇᒻᒪᕆᑦᑐᒦᑎᓪᓗᒋᑦ, ᐱᒡᒐᓇᖅᑐᓯᐅᖅᑎᓪᓗᒋᓪᓗ,” ᐅᖃᖅᑐᖅ ᑕᐅᑐᙱ. “ᐱᓕᕆᖃᑦᑕᕐᓂᖏᑦ ᐃᓄᓐᓄᑦ ᐊᒃᓱᐊᓗᒃ ᐊᑐᐃᓯᒪᕗᑦ ᐊᒻᒪ ᑲᔪᖏᒃᑲᓐᓂᕈᑎᒋᕙᒃᑲ ᐱᓕᕆᒃᑲᓐᓂᕈᒪᓪᓗᖓ ᐃᓄᓐᓄᑦ ᓄᓇᕗᒻᒧᓪᓗ ᓯᕗᓕᖅᑎᐅᓪᓗᖓ.”

ᑕᐅᑐᙱ ᐃᓕᑕᖅᓯᔪᒪᕗᖅ ᔫᓯᒥᒃ ᑲᔪᓯᑦᑎᐊᖅᓯᒪᓂᖓᓂᒃ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᐅᑉ, ᐊᒻᒪ ᐅᖃᖅᖢᓂ ᐊᕐᕌᒍᒐᓚᓐᓂᒃ ᐊᒃᓱᕈᐊᖃᓚᐅᖏᒃᐸᑦ, ᐃᓄᐃᑦ ᐅᖃᕈᓐᓇᕋᔭᓚᐅᖏᒻᒪᑕ ᓄᓇᕗᒻᒥ ᓄᓇᖃᕐᓂᕋᓪᓗᑎᒃ.

ᑯᓱᒐᖅ ᐃᓅᓯᕐᒥᓂ ᐱᓕᕆᐊᖃᐃᓐᓇᓚᐅᖅᐳᖅ ᐃᓄᓐᓄᑦ ᓄᓇᕗᒻᒥ. ᐃᓚᐅᓂᖓ ᐱᒻᒪᕆᐅᓯᒪᕗᖅ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᐅᑉ ᑲᔪᓯᓂᖓᓄᑦ, ᐊᕐᕌᒍᒐᓛᓗᓐᓂᒃ ᐋᔩᖃᑎᒌᒍᑎᒋᓚᐅᕐᒪᒍ, ᐊᒻᒪ ᐊᖏᔪᖅᑳᖑᓚᐅᖅᑐᓂ ᑐᙵᕕᒃᑯᓐᓄᑦ ᓄᓇᕗᑦᑖᖅᑎᓪᓗᑕ 1999-ᒥ. ᐊᕐᕌᒍᒐᓴᓐᓂᒃ ᐊᖏᔪᖅᑳᖑᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒦᒃᑯᓐᓄᑦ, ᐊᒻᒪ ᒫᓐᓇᓵᖑᓚᐅᑐᖅ, ᐊᖏᔪᖅᑳᖑᓚᐅᖅᖢᓂ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ. ᔫᓯ ᓰᐱᓰᒃᑯᓐᓃᓚᐅᖅᓯᒪᒻᒥᔪᖅ ᐊᕐᕌᒍᒐᓴᓐᓂᒃ, ᓴᖅᑭᔮᖅᑎᑦᑎᑦᓯᐊᖅᑐᓂ ᐃᓄᒃᑎᑐᑦ ᐅᖃᐅᓯᕐᒥᒃ. ᔫᓯ ᓇᒡᓕᒍᓱᓪᓚᕆᓐᓂᖓ ᐃᓚᖏᓐᓂᒃ ᐃᖅᑲᐅᒪᔭᐅᔾᔪᑎᖃᕐᓂᐊᑐᖅ.