Nunavut Tunngavik Inc. Public Service Annoucement

ᓄᓇᕗᒻᒥᐅᑦ ᐃᓄᐃᑦ ᐅᐸᒍᑎᓛᕈᒪᔪᑦ ᐅᕝᕙᓘᓐᓃᑦ ᐃᓚᒋᔭᐅᓛᕈᒪᔪᑦ ᑲᑎᓐᓂᐅᓂᐊᖅᑐᒧᑦ ᐃᑦᓯᕋᕐᔪᐊᕌᐱᒃ ᕗᕌᓐᓯᔅ ᑲᓇᑕᒨᕐᓂᖓᓄᑦ ᒪᒥᐊᒋᐊᖅᑐᕐᓗᓂ/ᐅᒡᒋᐊᕆᐊᖅᑐᕐᓗᓂ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᓄᑦ ᒪᑐᐃᖓᑎᑕᐅᔪᒧᑦ ᐅᐸᖁᔭᐅᕗᑦ ᑐᑭᓯᒋᐊᕐᕕᒃᓴᒧᑦ ᐊᐅᓚᑕᖓᓄᑦ ᓄᓇᕗᑦ ᑐᙵᕕᒃ ᑎᒥᖓᓄᑦ (ᑐᙵᕕᒃ): ᐃᒡᓗᓕᒑᕐᔪᒃ ᓇᒡᒐᔾᔭᐅ, ᔪᓚᐃ 4 ᖃᐅᔨᓴᐅᑦ 6-ᒥᓂᒃ 8-ᒧᓄᑦ ᐱᖅᑯᓯᓕᕆᕝᕕᖕᒥ ᑐᙵᕕᒃᑯᑦ, ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪᓗ ᐊᓯᖏᑦ ᐃᓄᐃᑦ ᓄᓇᖏᓐᓂ ᐊᕕᑦᑐᖅᓯᒪᓂᕐᓂᒃ ᐱᓯᒪᔪᑦ ᐸᕐᓇᖃᑎᒌᑦᑐᑦ ᐅᑯᓄᖓ:

• ᖃᖓᑦᑕᐅᑎᖏᓐᓄᑦ ᐃᓄᐃᑦ ᐅᐸᒍᑎᓯᒪᓛᕈᒪᔪᑦ
• ᐃᓄᐃᑦ ᐅᓂᒃᑳᕈᒪᔪᑦ ᐊᑐᖅᓯᒪᔭᒥᓂᒃ ᐃᑦᓯᕋᕐᔪᐊᕌᐱᒻᒧᑦ ᐃᓂᒃᓴᓕᐅᖅᑕᐅᓗᑎᒃ
• ᐃᓄᐃᑦ ᐃᓕᖅᑯᓯᕐᒥᒍᑦ ᐅᑉᐱᕆᔭᒥᒍᓪᓗ ᓇᓪᓕᐅᓂᖅᓯᐅᕈᑎᖓ

ᓱᓕᔪᒥᒃ ᓴᐃᒻᒪᖃᑎᒌᓐᓂᒥᓪᓗ ᑲᒥᓴᒃᑯᑦ ᓇᓗᓇᐃᓚᐅᖅᑕᖓ ᓴᐃᒻᒪᖃᑎᒌᑉᐸᓪᓕᐊᓂᖅ ᓴᖅᑭᕈᑕᐅᓲᖑᒻᒪᑦ ᐋᖅᑭᐅᒪᒍᑕᐅᓪᓗᓂᓗ ᐃᓚᒌᑦᓯᐊᓂᕐᒥᒃ. ᐱᖕᒪᕆᐅᔪᖅ ᑕᕝᕗᖓ ᐊᐅᓚᓂᖓᓄᑦ ᐋᖅᑭᑦᓱᐃᓂᖅ ᐅᑉᐱᕆᔭᐅᔪᓐᓃᖅᓯᒪᔪᓂᒃ ᓯᖁᑦᑎᖅᓯᒪᔪᓂᒃ ᒪᒥᐊᓐᓂᒃᑯᑦ/ᐅᒡᒍᐊᕐᕕᖃᕐᓂᒃᑯᑦ, ᑐᓂᓯᓂᕐᒥᒃ ᑭᓇᑐᐃᓐᓇᕐᒧᑦ ᐊᒻᒪᓗ ᐊᑭᓖᒍᑎᒃᓴᓂᒃ ᓯᖁᑦᑎᕆᓯᒪᓂᕐᒧᑦ, ᐊᒻᒪᓗ ᑭᖑᓕᐊᒍᑦ ᓇᓗᓇᐃᕈᑕᐅᓗᓂ ᐊᐅᓚᔾᔭᐃᒍᑎᒃᓴᓂᒃ ᓴᖅᑭᔮᖅᑎᑦᓯᔪᓂᒃ ᐃᓅᖃᑎᒌᑦᓯᐊᓕᕈᑕᐅᓂᖓᓂᒃ. ᑐᙵᕕᒃᑯᑦ ᐅᔾᔨᕈᓱᑦᑐᑦ ᑎᑭᐅᑎᕙᓪᓕᐊᓂᖓ ᐳᓛᕆᐊᕐᓂᕆᓛᖅᑕᖓᓄᑦ, ᐳᓛᕆᐊᕐᓂᕐᒨᖓᔪᑦ ᐊᒻᒪᓗ ᑭᖑᓂᐊᒍᑦ ᐃᑉᐱᓐᓂᖅᓯᒪᒍᑕᐅᓛᕐᓂᐊᓂᒃ ᖁᐊᖅᓵᓇᖅᑐᒃᑰᕈᑕᐅᓗᓂ ᐋᓐᓂᖅᑕᐅᓯᒪᓂᕐᒥᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᓄᑦ ᐊᖏᕐᕋᒥᓂᒃ ᓅᑕᐅᓪᓗᑎᒃ ᐊᒻᒪᓗ ᐅᓪᓗᒃᑯᑦ ᓄᓇᒥᓐᓂ ᐃᓕᓐᓂᐊᕆᐊᖃᑦᑕᓚᐅᖅᑐᓄᑦ ᐊᓐᓇᓯᒪᔪᓄᑦ, ᐃᓚᖏᓐᓄᑦ ᐊᒻᒪᓗ ᑭᖑᕚᖏᓐᓄᑦ. ᖃᐅᔨᒪᒋᑦ ᐃᓅᓯᓕᕆᔨᒥᒃ ᐅᖃᖃᑎᖃᕐᕕᑦᓴᐅᓂᖓᓂᒃ ᐊᑐᐃᓐᓇᐅᑎᑕᐅᔪᓂᒃ, ᐅᑯᓇᓂ: ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᑦ ᐊᖏᕐᕋᒥᓂᒃ ᓅᑕᐅᓪᓗᑎᒃ ᐊᓐᓇᓯᒪᔪᑦ ᐃᑲᔪᖅᑕᐅᔪᓐᓇᖅᑐᑦ 1-866-866-925-4419 ᐃᓄᐃᑦ ᐊᒻᒪᓗ ᐊᓪᓚᐃᑦ ᓂᕆᐅᖕᓂᖓ ᖃᓄᐃᙱᑦᓯᐊᑲᓐᓂᕈᑎᒃᓴᒧᑦ 1-855-242-3310 ᓄᓇᕗᒻᒥ ᑲᒪᑦᓯᐊᖅᑐᑦ ᐃᑲᔪᖅᑏᑦ 1-800-265-3333 ᓱᕈᓯᕐᓂᒃ/ᓄᑕᖅᑲᓂᒃ ᐃᑲᔪᖅᑏᑦ 1-800-668-6868  ᐅᕝᕙᓘᓐᓃᑦ ᑎᑎᕋᕐᕕᒋᓗᒍ 686868 ᐊᒻᒪᓗ ᓇᕿᑦᑕᕐᓗᒍ “TALK” ᐃᓅᓯᓕᕆᔨᒧᑦ ᐅᖃᕐᕕᖃᕈᓐᓇᕐᓂᐊᕋᕕᑦ ᓄᓇᕗᒻᒥ ᐋᓐᓂᑎᖅᑕᐅᔪᓄᑦ ᐱᔨᑦᓯᖅᑏᑦ 1-866-456-5216 ᒪᒥᓴᕐᓂᖅ ᐅᖃᓕᒪᕕᖃᕐᓂᒃᑯᑦ 1-867-975-5367 ᐅᕝᕙᓘᓐᓃᑦ ᐃᕐᖐᓐᓈᕈᑖᓄᑦ healing@gov.nu.ca IRS ᐃᓅᓯᓕᕆᔨᖏᑦ ᐊᑐᐃᓐᓇᐅᔪᑦ ᐅᑯᑎᒎᓇ: ᐃᓕᓴᖅᓯᕕᒃ 867-924-6565 ᐳᓛᕐᕕᒃ ᑯᑉᓗ 867-645-2600 ᑐᑭᓯᒋᐊᕐᕕᒃ ᖃᓄᐃᙱᑦᓯᐊᑲᓐᓂᕈᑎᒃᓴᓄᑦ 867-979-2400 ᐃᖃᓗᑦᑑᑦᑎᐊᖅ ᖃᓄᙱᑦᓯᐊᓂᕐᒧᑦ ᐃᓂᖓ 867-983-4670 ᑭᓇᑐᐃᓐᓇᕐᒧᑦ ᓄᓇᓕᓐᓂ ᐃᑲᔪᖅᑕᐅᔾᔪᑎᒃᓴᑦ, ᑕᑯᒋᐊᕐᓗᒍ http://www.inuusiq.com/.

-30-

ᑐᑭᓯᒋᐊᒃᑲᓂᕐᕕᒃᓴᖅ: ᒪᓚᐃᔭ ᒥᑭᔾᔪᒃ ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ ᓄᓇᕗᑦ ᑐᙵᕕᒃ ᑎᒥᖓ ᐅᖄᓚᐅᑖ: (867) 975-4900/ᐊᑭᖃᙱᑦᑐᖅ: 1-888-646-0006 mmikijuk@tunngavik.com www.tunngavik.com

📄 PSA NTI Info Session Chesterfield Inlet INUK