Nunavut Tunngavik Inc. Announces Call for Cultural and Healing Program Funding Applications
ᓴᒃᑯᑕᐅᑲᐅᑎᒋᔭᕆᐊᓕᒃ
(ᔪᓚᐃ 23, 2024 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ ᖁᕕᐊᓱᑉᐳᑦ ᑐᓴᖅᑎᑦᑎᔭᕆᐊᒃᓴᖅ ᐱᓇᓱᐊᖁᔨᔾᔪᑎᓂᑦ ᐱᔪᒪᒻᒪᑕ 2024-ᒧᑦ ᓄᓇᕗᑦ ᑐᙵᕕᒃ ᑎᒥᖓᑕ ᐃᑲᔫᑎᒃᓴᓕᕆᔨᒃᑯᑦ (NTF) ᐃᓕᖅᑯᓯᓕᕆᓂᕐᒧᑦ ᐊᒻᒪᓗ ᒪᒥᓴᕐᓂᕐᒧᑦ ᐱᓕᕆᐊᕐᓄᑦ.
ᓄᓇᕗᒻᒥᐅᑦ ᐃᓄᒻᒪᕆᖏᑦ ᐱᓇᓱᐊᕈᓐᓇᖅᑐᑦ ᐱᓕᕆᐊᕐᓄᑦ ᑮᓇᐅᔭᑦ ᐱᓕᕆᐊᒃᓴᕆᔭᐅᒍᒪᔪᑦ ᑲᒪᒋᔭᖃᕈᒪᔪᓂᑦ ᐋᓐᓂᖅᑕᐅᓯᒪᓂᖏᑦ ᐊᒻᒪᓗ ᑭᖑᕚᓄᑦ ᐊᑦᑐᐃᓂᖃᖅᑐᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᒪᒥᓴᕈᑎᑦᓴᓂᑦ; ᐱᖅᑯᓯᓕᕆᓂᕐᒧᑦ ᓄᓇᑐᐃᓐᓇᕐᒧᑦ ᐊᐅᓪᓚᕐᓗᓂ ᐱᓕᕆᐊᕐᓄᑦ; ᐊᒻᒪᓗ ᐃᓕᓐᓂᐊᖅᑎᑦᑎᔪᒪᔪᓄᑦ ᐃᓄᒻᒪᕇᑦ ᐊᑐᖃᑦᑕᓚᐅᖅᓯᒪᔭᖏᖕᓂᒃ, ᐃᓕᖅᑯᓯᖏᖕᓂᒃ, ᐅᖃᐅᓯᕐᓂᑦ, ᐊᒻᒪᓗ ᐱᖅᑯᓯᕐᓂᑦ.
ᐃᓄᐃᑦ ᐊᒻᒪᓗ ᑲᑐᔾᔨᔨᐅᔪᑦ ᐃᓄᒻᒪᕆᐅᔪᑦ ᐊᑎᓕᐅᖅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᒧᑦ, ᖃᑭᒍᑎᒃᓴᓕᐅᙱᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᖅᑐᓕᕆᕙᑦᑐᑦ ᐊᖏᕈᑎᓃᙶᖅᑐᓂᑦ, ᓄᓇᓕᐸᐅᔭᕐᒥᐅᑦ ᐊᒻᒪᓗ ᑲᑎᕝᕕᐅᔪᑦ, ᐊᒻᒪᓗ ᐃᓕᓐᓂᐊᓕᓵᖅᑐᓕᕆᔨᒃᑯᑦ ᐱᓇᓱᒍᓐᓇᖅᑐᑦ ᐊᒥᓲᓛᖏᖕᓂ ᑮᓇᐅᔭᓂᑦ ᐱᓕᕆᐊᕐᓄᑦ ᐃᒪᓐᓇᓂᑦ $25,000 ᐅᖓᑕᐅᔨᙱᓪᓗᒋᑦ ᑖᒃᑯᓄᖓ ᐊᑐᖅᑕᐅᓂᐊᖅᑐᓄᑦ ᖁᓛᓂ ᑎᑎᖅᑐᖅᓯᒪᔪᓂ ᖃᓄᐃᓕᐅᕈᑎᒋᔭᐅᒐᔭᖅᑐᓂᑦ.
ᓄᓇᕗᒻᒥᐅᑕᐅᔅᓴᐃᓐᓇᕆᐊᖃᙱᑦᑐᑦ ᐱᓇᓱᐊᕐᓗᓂ; ᑭᓯᐊᓂᓕ, ᐊᖏᖅᑕᐅᔪᓐᓇᖅᑐᑦ ᐱᓕᕆᐊᑦ ᑐᖔᓂᐅᙱᑦᑐᖅ 75% ᐃᓄᒻᒪᕆᓐᓂᑦ ᐊᑎᓕᐅᖅᓯᒪᔪᓅᖓᒐᔭᕐᓗᑎᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ.
ᐱᓇᓱᐊᕈᓐᓇᖅᑐᑦ ᑮᓇᐅᔭᓂᑦ ᐱᕕᖃᖅᑎᑕᐅᒐᔭᖅᑐᑦ ᔪᓚᐃ 22nd ᑎᑭᓪᓗᒍ ᐋᒡᒌᓯ 31st, 2024.
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒃᑲᕐᓗᒍ ᐊᕐᓇᐅᔪᖅ ᖃᐅᒧᒃ, ᑐᑭᒧᐊᑦᑎᑦᑎᔨᑉ ᑐᖏᓕᐊ ᐃᓄᐃᑦ ᐱᓕᕆᐊᖏᖕᓄᑦ ᐱᔨᑦᑎᖅᑕᐅᓂᖏᓐᓄᓪᓗ, ᐅᕗᖓ ᐅᖄᓚᓗᑎᑦ (867) 975-4900 ᐅᕝᕙᓘᓐᓃᑦ ᐊᑭᖃᙱᑦᑐᖅ ᐅᕗᖓ 1-888-646-0006, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᕐᓗᑎᑦ ᐅᕗᖓ foundation@tunngavik.com
-30-
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ: ᐃᕙᓗᐊᕐᔪᒃ ᒥᐅᕆᑦ ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᓂᕐᒧᑦ ᓄᓇᕗᑦ ᑐᙵᕕᒃ ᑎᒥᖓ media@tunngavik.com
-30-
ᐱᕙᓪᓕᐊᔪᓕᕆᔨᒃᑯᑦ ᖃᐅᔨᒋᐊᕈᓐᓇᖅᑐᑦ: ᐃᕙᓗᐊᕐᔪᒃ ᒥᐅᕆᑦ ᑐᑭᒧᐊᑦᑎᑦᑎᔨ ᑐᓴᐅᒪᑎᑦᑎᓂᕐᒧᑦ ᓄᓇᕗᑦ ᑐᙵᕕᒃ ᑎᒥᖓ media@tunngavik.com