Pink dwarf fireweed blooming along a shoreline, with sunlight sparkling on the water and buildings on the far shore under a cloudy sky.

News

Nunavut Tunngavik Inc. Accepting Applications for Kakiniit Grants

Wednesday May 05, 2010

(ᒪᐃ 5, 2010 -- ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓᑦ ᒫᓐᓇ ᐊᖏᖅᓯᕙᓪᓕᐊᕗᑦ ᑕᑕᑎᖅᓯᒪᔪᓂᑦ ᑐᒃᓯᕋᐅᑎᓄᑦ ᐅᑭᐅᖓᓄᑦ 2010 ᑲᑭᓐᓃᑦ ᑮᓇᐅᔭᓄᑦ ᑐᓂᕐᕈᑎᖏᓐᓄᑦ. ᑕᒪᓐᓇ ᐱᓕᕆᐊᖅ ᐱᒋᐊᖅᑎᑕᐅᓚᐅᖅᓯᒪᔪᖅ ᐅᑯᓄᖓ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ 2007-ᒥ ᐃᑲᔪᖅᑐᐃᓪᓗᑎᒃ ᐊᔭᐅᖅᑐᐃᓂᒃᑯᑦ ᐊᒻᒪᓗ ᐃᑲᔪᖅᓗᒋᑦ ᐃᓕᓐᓂᐊᖅᑎᑦ ᑕᒪᑦᓱᒧᖓ ᐱᖅᑯᓯᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᕈᑎᖏᓐᓄᑦ ᖁᑦᑎᖕᓂᖅᓴᓂ.

ᐅᑯᐊ ᑐᓂᕐᕈᑎᓄᑦ ᐱᓕᕆᐊᑦ ᑐᓂᓯᓂᐅᕙᒃᑐᑦ $1,000 ᐅᑯᓄᖓ ᑕᓪᓕᒪᓄᑦ ᐃᓕᓐᓂᐊᖅᑎᑦ ᕿᓂᖅᑎᓪᓗᒋᑦ ᐱᒋᐊᒃᑲᓐᓂᕈᒪᓂᕐᒧᑦ ᐃᓕᑦᑎᓗᑎᒃ ᐱᖅᑯᓯᓕᕆᓂᕐᒧᑦ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᖃᐅᔨᕚᓪᓕᕈᑎᒃᓴᓄᑦ ᐊᒻᒪᓗ $1,000 ᑕᓪᓕᒪᓄᓗᑦ ᐃᓕᓐᓂᐊᖅᑎᓄᑦ ᐊᑎᓕᐅᖅᓯᒪᔪᓄᑦ ᐃᓕᓐᓂᐊᕆᐊᒃᑲᓐᓂᕐᓂᕐᒧᑦ ᐃᓕᓴᕐᓂᕐᒥᑦ ᖁᑦᑎᖕᓂᖅᓴᓄᑦ ᐃᓕᓐᓂᐊᕐᓂᕐᒧᑦ ᐃᓕᓴᕐᕕᖕᒥ. ᓄᓇᑖᖃᑕᐅᓯᒪᔪᑦ ᐊᑎᓕᐅᖅᓯᒪᓪᓗᑎᒃ ᐅᑯᓄᖓ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᓂᑦ ᐱᔪᓐᓴᖅᑐᑦ ᐅᑯᓄᖓ ᐱᐊᓂᒃᓯᒪᑦᑎᐊᕐᓂᐊᓄᑦ ᐊᔪᖏᑦᑎᐊᕐᓗᓂᑦ ᐃᓕᓐᓂᐊᕆᐊᕐᓂᖅ ᐱᓕᕆᐊᓄᑦ ᐃᓕᖓᔪᑦ.

ᐊᑎᖏᑦ ᐱᑎᑕᐅᔪᑦ ᑎᓂᔭᐅᓪᓗᑎᒃ ᐅᖃᐅᓯᐅᓂᐊᖅᑐᑦ ᐅᑉᓗᐊᓂ ᓄᓇᕗᑦ, ᔪᓚᐃ 9, 2010, ᖁᕕᐊᓱᖃᑎᒌᒃᑎᓪᓗᒋᑦ ᐃᖃᓗᖕᓂ.

ᑕᑕᑎᕆᓯᒪᔪᑦ ᐊᐱᕆᔭᐅᕗᑦ ᑐᓂᓯᖁᔭᐅᓪᓗᑎᒃ ᑕᑕᑎᖅᓯᒪᔭᖏᓐᓂᒃ ᖃᕆᑕᐅᔭᑎᒍᑦ ᐅᕗᖓ www.tunngavik.com. ᐱᐊᓂᒃᓯᒪᔪᑦ ᑕᑕᑎᕈᑎᑦ ᐃᓱᓕᕝᕕᖃᖅᑐᑦ ᑕᓪᓕᒫᑦ, ᒪᐃ 28, 2010 5-ᒨᖅᐸᑦ ᑲᓇᖕᓇᒥ ᖃᐅᔨᓴᐅᑦ ᒪᓕᒃᓗᒍ.