Nunavut Tunngavik Foundation Press Release
(ᔫᓂ 28, 2018 – ᐃᖃᓗᖕᓂ, ᓄᓇᕗᑦ ) ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᖁᕕᐊᒃᐳᖅ ᐊᐃᒃᐸᕆᓕᕐᑕᖓᓂᑦ ᐃᓕᓐᓂᐊᕐᑎᓄᒃ ᐃᑲᔫᑎᐅᕙᒃᑐᓂᒃ ᑲᒪᒋᔭᐅᔪᑦ ᑎᒥᙳᖅᑎᑕᐅᕋᑖᔪᔪᓄᑦ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᓐᓂᒃ.
ᖃᓂᒋᔭᖏᓐᓃᒃᑐᑦ 200 ᐃᓄᐃᑦ ᐃᓕᓐᓂᐊᖅᑏᑦ ᑐᓂᔭᐅᔪᑦ ᓯᕗᓪᓕᕐᒥ ᓴᖅᑭᑕᐅᑎᓪᓗᒋᑦ ᔮᓐᓄᐊᕆ 2018-ᒥ, ᐊᒻᒪ ᑐᓂᓯᔪᒪᔪᑦ 450-ᖏᓐᓃᒃᑐᓂ ᐊᐃᒃᐹᓂ ᑲᒪᒋᔭᖃᓕᕐᒥᑎᓪᓗᒋᑦ.
“ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᓯᕗᓪᓕᖅᐹᖑᑎᑦᑎᒻᒪᑕ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᐃᓕᓐᓂᐊᖅᑏᑦ ᐃᓕᓐᓂᐊᐸᓪᓕᐊᑎᓪᓗᒋᑦ.” ᐅᖃᖅᑐᖅ ᑰᑦᑎᖅ.
ᐊᐃᒃᐹᓂ ᑲᒪᒋᔭᐅᓂᖏᑦ ᓄᓇᕗᑦ ᑐᙵᕕᒃᑯᑦ ᐃᓕᓐᓂᐊᕐᑎᓄᑦ ᐱᓕᕆᐊᕆᔭᐅᓂᖏᑦ ᐱᒋᐊᕈᒫᕐᑐᑦ ᔪᓚᐃ 1, 2018-ᒥ ᐊᒻᒪᓗ ᐃᓱᓕᒃᕕᖃᓪᓗᓂ ᐊᒡᒋᓯ 31, 2018-ᒥ 5-ᒥ ᐅᓐᓄᓴᒃᑯᑦ ᕿᑎᕐᒥᐅᑦ ᓯᕿᙳᔭᖓ ᐊᑐᕐᓗᒍ.
- $2500 ᑐᕌᖅᑎᑕᐅᓂᐊᕐᑐᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᕆᐊᖅᑐᓄᑦ 200-ᖑᔪᑦ ᐃᓕᓐᓂᐊᖅᑏᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᓂᐊᖅᑐᑦ ᐃᓂᕐᓯᔾᔪᑎᑖᕋᓱᐊᕐᑐᓄᑦ, ᐅᑭᐅᓐᓄᑦ ᒪᕐᕉᓐᓄᑦ ᐃᓕᓐᓂᐊᓂᐊᕐᑐᑦ ᓇᓗᓇᐃᒃᑯᑕᑖᕋᓱᐊᕐᓗᑎᒃ ᐅᕝᕙᓗ ᐅᑭᐅᒧᑦ ᐊᑕᐅᓯᕐᒧᑦ ᐱᔭᕇᔭᕐᐸᓪᓕᐊᔪᓄᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᕆᐊᓛᕐᓂᖏᓐᓄᑦ;
- $1000 ᑐᕌᖅᑎᑕᐅᓂᐊᕐᑐᑦ ᓴᓇᔭᕆᐅᖅᓴᔪᓄᑦ ᐊᒻᒪᓗ ᐃᖅᑲᓇᐃᔮᒥᓂᒃ ᐃᓕᓐᓂᐊᖅᑐᓄᑦ 250 ᐃᓕᓐᓂᐊᖅᑎᑦ ᐃᓕᓐᓂᐊᓂᐊᖅᑐᑦ ᖁᕝᕙᓯᑦᑎᕆᐊᓂᐊᕐᓗᑎᒃ ᒍᕋᐃᑦᒥᓂᒃ, ᑐᕌᖅᑐᑦ ᐃᓐᓇᐃ ᓯᓚᑦᑐᓴᕐᕕᖕᒧᑦ ᐃᓕᓐᓂᐊᕈᓐᓇᕈᓪᓗᒋᑦ (P.A.S.S.), ᐃᓐᓇᕐᓄᑦ ᐃᓕᓐᓂᐊᕈᑏᑦ (A.B.E)., ᐃᓕᓐᓂᐊᓂᐊᖅᑐᑦ, ᐃᖅᑲᓇᐃᔭᕆᐅᖅᓴᓂᕐᒧᑦ ᐱᓕᒻᒪᓴᖅᑐᑦ, ᑐᖔᓅᕈᓐᓇᖏᓪᓗᑎᒃ ᐱᓇᓱᐊᕈᓯᑦ ᓯᑕᒪᑦ;