Nunavut Tunngavik Congratulates Annie Peterloosie on Award
(ᓄᕕᐱᕆ 24, 2010 - ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓ ᔫᓯ ᑯᓱᒐᖅ ᐅᓪᓗᒥ ᓇᓗᓇᐃᖅᓯᔪᖅ ᐅᐱᒍᓱᓐᓂᕐᒥᓂᒃ ᒥᑦᑎᒪᑕᓕᖕᒥᐅᑕᕐᒥᒃ ᐋᓂ ᐲᑦᑐᓘᓯ ᓵᓚᒃᓴᓚᐅᕐᓂᖓᓄᑦ 2011 ᑲᓇᑕᒥ ᓄᓇᖃᖅᑳᖅᑐᑦ ᐱᓕᕆᓯᒪᓂᖏᓐᓄᑦ ᐃᓕᑕᕆᔭᐅᔾᔪᑎᖓᓄᑦ ᐊᕕᒃᑐᖅᓯᒪᓂᖓ ᐃᓕᑕᕆᔭᐅᓂᖓᑕ ᐃᓕᖅᑯᓯᓕᕆᓂᕐᒧᑦ, ᐅᒃᐱᕐᓂᓕᕆᓂᕐᒧᓪᓗ.
ᐲᑦᑐᓘᓯ ᐃᓕᑕᕆᔭᐅᓚᐅᑐᖅ ᑲᓇᑕᐅᑉ ᒪᓕᒐᓕᐅᕐᕕᕐᔪᐊᖓᓂ ᐃᒃᐸᒃᓴᖅ ᓴᓂᓕᖃᖅᖢᓂ 13-ᖑᔪᓂᒃ ᐃᓕᑕᕆᔭᐅᔾᔪᑎᑖᖃᑎᖏᓐᓂᒃ.
“ᓄᓇᕗᒻᒥᐅᑦ ᐊᒃᓱᒻᒪᕆᐅᓗᒃ ᐅᒃᐱᕈᓱᒃᑐᑦ ᐋᓂᐅᑉ ᐱᔪᓐᓇᕐᓂᖏᓐᓂᒃ ᒪᒥᓴᐃᔨᐅᓂᕐᒧᑦ, ᓄᓇᓕᖕᒥ ᓯᕗᓕᖅᑎᐅᓂᕐᒥᒃ, ᐊᒻᒪ ᐅᓂᒃᑳᖅᑐᐊᕈᓐᓇᕐᓂᖓᓂᒃ. ᑲᓇᑕᒥ ᓄᓇᖃᖅᑳᖅᑐᑦ ᐱᓕᕆᐊᕆᓯᒪᔭᖏᓐᓄᑦ ᐃᓕᑕᕆᔭᐅᔾᔪᑖᓪᓗᐊᖅᑐᖅ ᐅᐱᓐᓇᖅᑎᐊᖅᖢᓂ,” ᐅᖃᖅᑐᖅ ᑯᓱᒐᖅ.
ᐃᓕᑕᕆᔭᐅᔾᔪᑎᖓᓂᒃ ᑐᓂᔭᐅᔪᒫᖅᑐᖅ ᖁᕕᐊᓲᑎᖃᓕᖅᐸᑕ ᐊᕐᕌᒍ ᐱᒋᐊᓕᓵᖅᑎᓪᓗᒍ
-30-