Nunavut Tunngavik Annual General Meeting Closes
(ᓄᕕᐱᕆ 24, 2011 - ᐃᖃᓗᑦᑑᑎᐊᖅ, ᓄᓇᕗᑦ) ᓄᓇᕗᑦ ᑐᙵᕕᒃᑯᓐᓄᑦ ᐃᓚᒋᔭᐅᔪᑦ ᐊᕐᕌᒍᑕᒫᖅᓯᐅᑎᖓᓂᒃ ᑲᑎᒪᕐᔪᐊᕐᓂᖓ ᐱᐊᓂᓐᓂᐊᑐᖅ ᐅᓪᓗᒥ. ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᖏᔪᖅᑳᖓ ᑳᑎ ᑕᐅᑐᙱ ᐅᖃᖃᑕᐅᔪᖅ ᑲᑎᒪᓂᖓᓂ ᐱᓕᕆᐊᖃᑦᑎᐊᕐᒪᑕ ᐃᖏᕐᕋᑦᓯᐊᖅᑐᑎᒡᓗ.
“ᑲᑎᒪᓂᒋᔭᕗᑦ ᐊᐅᓚᑦᑎᐊᒻᒪᕆᓚᐅᑐᖅ. ᐃᓚᒋᔭᐅᔪᑦ ᓈᒻᒪᒃᓴᖅᖢᑎᒃ ᐊᕐᕌᒍᒧᑦ ᑮᓇᐅᔭᖅᑐᕈᑎᒃᓴᖏᓐᓂᒃ ᓄᓇᕗᑦ ᐸᐸᑦᓯᔨᒃᑯᓐᓂ, ᕿᒥᕐᕈᓪᓗᑎᑦ ᓈᒻᒪᒋᓪᓗᒋᓪᓗ ᖃᐅᔨᓴᖅᑕᐅᓯᒪᔪᑦ ᑮᓇᐅᔭᐃᑦ ᐅᓂᒃᑳᖏᑦ ᐊᒻᒪᓗ 2011-ᒧᑦ ᓄᓇᕗᑦ ᑐᙵᕕᒃᑯᑦ ᐊᕐᕌᒍᒧᑦ ᐅᓂᒃᑳᖏᓐᓂᒃ, ᓈᒻᒪᒃᓴᖅᑐᑎᒡᓗ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᑦ ᐊᑐᐊᒐᖓᓂᒃ,” ᐅᖃᖅᑐᖅ ᑕᐅᑐᙱ. ᐅᖃᐅᓯᖃᖅᑎᓪᓗᒋᑦ ᑐᙵᕕᒃᑯᑦ ᖃᐅᔨᓴᖅᑕᐅᓯᒪᔪᑦ ᑮᓇᐅᔭᐃᑦ ᐅᓂᒃᑳᖏᓐᓂᒃ, ᑕᐅᑐᙱᑦ ᓇᓗᓇᐃᖅᓯᓚᐅᑐᖅ ᖃᐅᔨᓴᖅᑏᑦ ᐅᐱᒍᓱᓚᐅᕐᒪᑕ ᑮᓇᐅᔭᐃᑦ ᐊᐅᓚᑕᐅᑦᓯᐊᒻᒪᕆᓐᓂᖏᓐᓂᒃ.
ᑖᓐᓇ ᓄᓇᒦᓐᖔᖅᑐᓄᑦ ᑮᓇᐅᔭᐊᓕᑦ ᐊᑐᐊᒐᖓ ᓴᖅᑭᑕᐅᓚᐅᑐᖅ ᐊᖏᖃᑎᒌᓯᒪᓪᓗᑎᒃ ᓄᓇᕗᑦ ᑐᙵᕕᒃᑯᑦ ᐊᒻᒪ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᐅᓚᑦᓯᔨᐅᓂᐊᕐᓗᑎᒃ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᓂᒃ ᐃᓄᐃᑦ ᓄᓇᖁᑎᖏᓐᓂ, ᓴᖅᑮᔭᕆᐊᖃᓕᖅᖢᑎᒃ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᓂᒃ ᐸᐸᑦᓯᔨᐅᓂᐊᖅᑐᓂᒃ ᐊᐅᓚᑦᓯᔨᐅᒐᔭᕐᓗᑎᒃ ᑐᓂᓯᕙᓪᓗᑎᒡᓗ ᓄᓇᒦᓐᖔᖅᑐᓄᑦ ᑮᓇᐅᔭᓕᐊᓂᒃ.
ᓄᓇᕗᑦ ᑐᙵᕕᓐᓄᑦ ᐃᓚᒋᔭᐅᔪᑦ ᑲᑎᔪᒫᖅᑐᑦ ᐃᖃᓗᓐᓂ ᐊᕐᕌᒎᓂᐊᑐᖅ ᐅᒃᑑᐱᕆᐅᓕᖅᐸᑦ ᐊᕐᕌᒍᑕᒫᖅᓯᐅᑎᖓᓂᒃ ᑲᑎᒪᕐᔪᐊᓂᖃᕐᓗᑎᒃ.
ᓈᒻᒪᒋᔭᐅᓚᐅᖅᑐᑦ ᑮᓇᐅᔭᓄᑦ ᑐᒃᓯᕋᐅᑏᑦ ᓄᓇᕗᑦ ᐸᐸᑦᓯᔨᒃᑯᓐᓂ 2011/12-ᒧᑦ ᐊᑖᓂ ᓇᓗᓇᐃᖅᓯᒪᔪᑦ.
| ᓄᓇᕗᑦ ᑐᙵᕕᒃ ᑎᒥᖓ | $ 19,261,378 | |
| ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ | 4,722,343 | |
| ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᑦ | 4,174,264 | |
| ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ | 5,487,089 | |
| ᐃᓄᐃᑦ ᐱᑐᖃᖁᑎᖏᓐᓂᒃ ᓇᐅᑦᑎᑐᖅᑏᑦ | 1,324,577 | |
| ᐊᑎᖃᖃᑕᐅᔪᓄᑦ ᐃᑲᔫᑏᑦ | 220,975 | |
| ᓄᓇᓕᖕᓂ ᑐᒃᑕᕐᕖᑦ | 2,605,310 | |
| ᐊᓯᖏᑦ ᑐᒃᓯᕋᐅᑎᐅᒃᑲᓂᖅᑐᑦ: | ||
| NIRC-ᐱᕙᓪᓕᐊᔪᓕᕆᓂᕐᒧᑦ ᐱᒋᐊᕈᑎᒃᓴᐃᑦ | 1,453,198 | |
| NIRC – ᓯᕗᒻᒧᑦ | 300,000 | |
| ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᑦ | 363,772 | |
| 2,116,970 | ||
| ᑲᑎᒃᖢᒋᑦ | 39,912,906 | |
| ᐃᓐᓇᒻᒪᕆᖕᓄᑦ ᐃᑲᔫᑏᑦ | 2,160,000 | |
| ᑲᑎᓕᒫᖅᖢᒋᑦ ᑮᓇᐅᔭᐃᑦ ᑐᒃᓯᕋᐅᖅᑕᐅᔪᑦ ᓄᓇᕗᑦ ᐸᐸᑦᓯᔨᒃᑯᓐᓂ | $ 42,072,906 | |