Nunavut Tunngavik Announces Chief Returning Officer
ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᖓᓱᒃᑎᑦᑎᓂᐊᖅᑐᑦ ᓂᕈᐊᖅᑎᑦᑎᓂᕐᒧᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖏᔪᖅᑳᑉ ᑐᖏᓄᐊᒪᑦ ᑎᓴᑉᐸ 8, 2014. ᓈᓐᓯ ᖃᕆᑕᖅ - ᓕᓐᑎᐅᕐ, ᐃᓚᒋᔭᐅᖃᑕᐅᔪᖅ ᐊᔮᔮ ᑐᓴᐅᒪᖃᑦᑕᐅᑎᓕᕆᔨᑦ ᓕᒥᑎᑦ., ᐱᓕᕆᓂᐊᖅᑐᖅ ᐊᖓᔪᖅᑳᕆᔭᐅᓗᓂ ᓂᕈᐊᖅᑐᓕᕆᔨᒻᒪᕆᐅᓂᕐᒧᑦ. ᑲᕆᑕᖅ-ᓕᓐᑎᐅᕐ ᖃᐅᔨᒪᓂᖃᑦᑎᐊᕐᓂᕐᒥᑦ ᐊᑐᖅᓯᒪᓪᓗᒍ ᓂᕈᐊᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᑦ ᐃᓂᒃᓴᖓᓄᑦ.
ᓂᕈᐊᒐᒃᓴᖑᖅᑎᑦᑎᓂᖅ ᐅᒃᑯᐃᖓᓂᐊ ᐅᑭᐅᒧᑦ 2014 ᐊᖓᔪᖅᑉ-ᑐᖏᓕᐊᓄᑦ ᓂᕈᐊᕐᓂᖅ ᐊᐅᓚᓂᐊᖅᑐᖅ ᐊᒃᑑᑉᐱᕆ 27-31, 2014. ᓂᕈᐊᖅᑐᓕᕆᓂᕐᒧᑦ ᐊᖓᔪᖅᑳᖅ ᓴᖅᑭᑦᑎᓂᐊᖅᑐᖅ ᖃᐅᔨᒃᑲᐅᑎᒥᑦ ᓂᕈᐊᕐᓂᕐᒧᑦ ᐱᐊᓂᒃᐸᑕ ᓂᕈᐊᒐᒃᓴᖑᖅᑎᑦᑎᔾᔪᑎᑦ ᐊᐅᓚᓂᐊ ᐱᐊᓂᒃᐸᑦ.
ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᑉ-ᑐᖏᓕᐊ ᐱᔨᑦᑎᖅᓯᒪᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ, ᐊᒻᒪᓗ ᐃᒃᓯᕙᐅᑕᐅᓪᓗᓂ ᒪᕐᕈᖕᓄᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᑲᑎᒪᔨᑦ ᑲᑎᒪᔨᕋᓛᖁᑎᖏᓐᓄᑦ, ᐃᓚᒋᓪᓗᒍ ᐅᑯᐊ ᐃᓄᐃᑦ ᐃᓅᓯᓕᕆᓂᕐᒧᑦ ᐊᒻᒪᓗ ᐱᖅᑯᓯᓕᕆᓂᕐᒧᑦ ᐱᕙᓪᓕᐊᑎᑦᑎᔨᑦ ᖃᐅᔨᒪᔨᑕᐅᓪᓗᓂ ᑲᑎᒪᔨᕋᓛᖁᑎᐊᓐᓄᑦ ᐊᒻᒪᓗ ᐃᓄᐃᑦ ᐆᒪᔪᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᖃᐅᔨᒪᔨᑕ ᑲᑎᒪᔨᕋᓛᖁᑎᐊᑦᑕ.
ᐱᔪᓐᓇᖅᑎᑕᐅᔪᑦ ᓂᕈᐊᒐᒃᓴᐅᓂᕐᒧᑦ ᐆᒃᑐᖅᑐᓄᑦ ᐊᒻᒪᓗ ᓂᕈᐊᖅᑏᑦ ᑲᓇᑕᒥᐅᑕᐅᔭᕆᐊᖃᖅᑐᑦ, ᐅᑭᐅᖃᕐᓗᑎᒃᓗ 16-ᓂᒃ, ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ. ᓂᕈᐊᒐᒃᓴᖑᖅᑎᑦᑎᓂᕐᒧᑦ ᑕᑕᑎᕈᑎᑦ ᐱᔭᐅᔪᓐᓇᖅᑐᑦ ᑭᐅᑉ ᓱᓕ ᐃᓗᐊᓂ ᒫᓐᓇᕈᓗᒃ ᐅᕙᖓᑦ ᓂᕈᐊᖅᑐᓕᕆᔨᒻᒪᕆᐅᓂᐊᖅᑐᒥᑦ, ᓄᓇᓕᖕᓂ ᑐᓴᐅᒪᑎᑦᑎᔨᑦ ᑲᑎᒪᔨᖏᓐᓂᒃ, ᐅᕝᕙᓘᓐᓃᑦᐅ ᓄᓇᕗᑦ ᑐᓐᖓᕕᒃ ᖃᕆᑕᐅᔭᑦ ᑐᑭᓯᒋᐊᕐᕕᐊᓐᓂᑦ.
ᒪᓕᒃᖢᒋᑦ ᐊᓯᔾᔨᕈᑎᓄᑦ ᐊᖏᖅᑕᐅᓯᒪᓂᖏᑦ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᕐᕌᒍᑕᒫᖅᓯᐅᑎᓄᑦ ᑲᑎᒪᕕᒃᔪᐊᕐᓂᖓᓐᓂᒃ ᐊᒃᑑᑉᐱᕆ 2013, ᓂᕈᐊᒐᒃᓴᐅᔪᑦ ᐃᒪᓐᓇᐃᓕᐅᖁᔭᐅᓕᖅᑐᑦ ᒫᓐᓇ ᑐᓂᓯᓗᑎᒃ ᐱᓯᒪᔭᑐᖃᖏᓐᓂᒃ ᐱᕋᔭᒃᓯᒪᓂᕐᒧᑦ ᓇᓗᓇᐃᖅᓯᒪᔪᓂᒃ ᖃᐅᔨᓴᕈᑕᐅᓂᐊᖅᑐᓂᑦ ᑐᓂᓯᒃᐸᑕ ᓇᖕᒥᓂᖅ ᓂᕈᐊᒐᒃᓴᐅᔾᔪᑎᖏᓐᓂᒃ ᐸᐃᐹᑎᒍᑦ. ᖃᐅᔨᓴᖅᑕᐅᓂᒃᓴᑦ ᐱᑦᑎᐊᖅᓯᒪᖏᓐᓂᕐᒧᑦ ᖃᓄᖓᓴᕐᓂᕐᒧᑦ ᐱᔭᕇᖅᓯᒪᔭᕆᐊᖃᖅᑐᑦ ᑭᖑᓂᐊᒍᑦ ᔪᓚᐃ 27, 2014 ᓇᓗᓇᐃᖅᓯᒍᑕᐅᓂᐊᕐᒪᑕ ᓄᑖᖑᓂᖏᓐᓂᒃ ᒫᓐᓇᒧᑦ ᐸᐃᑉᐹᑦ. ᐱᓇᓱᐊᕈᖕᓂᑦ ᒪᕐᕉᖕᓂᒃ ᐱᓕᕆᐊᖑᕙᖕᓂᖏᓐᓄᑦ ᑲᒪᒋᔭᐅᓂᖏᑦ ᖃᓄᖓᓴᕐᓂᕐᒧᑦ ᐱᑦᑎᐊᖅᓯᒪᖏᓐᓂᕐᒧᓪᓗ ᖃᐅᔨᓴᕈᑎᑦ, ᑭᓇᑐᐃᓐᓇ ᐃᓱᒪᓂᐊᖅᐸᑦ ᐆᒃᑐᕐᓗᓂ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᑎᑦᑎᓕᖅᐸᑦ ᐱᒋᐊᕆᐊᖃᖅᑐᑦ ᓯᕗᓂᑐᖃᖓᒍᑦ ᓂᕈᐊᒐᒃᓴᐅᑎᑦᑎᓂᖅ ᓇᓪᓕᓚᐅᖅᑎᓐᓇᒍ.
ᐊᒥᓱᐃᑦ ᐊᑐᖅᑕᐅᔪᓐᓇᖅᑐᑦ ᓂᕈᐊᖅᑎᓄᑦ ᐃᓚᐅᓂᐊᖅᐸᑕ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᑎᑦᑎᓕᖅᐸᑕ, ᓂᕈᐊᖅᑎᑦ ᐃᒪᓐᓴᐃᓕᐅᕈᓐᓇᕐᑐᑦ ᓯᕗᓂᐊᒍᑦ ᓂᕈᐊᕐᓗᑎᒃ ᑎᓴᑉᐸ 1, 2014, ᐊᒻᒪᓗ ᓂᕈᐊᕈᓐᓇᖅᑐᑦᑕᐅᖅ ᓂᕈᐊᕈᔾᔨᔨᖃᕐᓗᑎᒃ ᑎᑎᖃᖅᑎᒍᑦ - ᓂᕈᐊᕐᓗᑎᒃ ᑎᑎᖃᑎᒍᑦ ᐊᑐᖅᑕᐅᔪᓐᓇᖅᑐᖅ ᐊᓯᔾᔨᖅᑕᐅᓚᐅᕐᒪᑦ ᐊᖏᑕᐅᓪᓗᑎᒃ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᑭᖑᓪᓕᕐᒥ ᐊᕐᕌᒍᑕᒫᖅᓯᐅᑎᖏᓐᓄᑦ ᑲᑎᒪᕕᒃᔪᐊᖅᑎᓪᓗᒋᑦ. ᓇᓗᓇᐃᔭᖅᓯᒪᑦᑎᐊᖅᑐᑦ ᑐᑭᓯᒋᐊᕈᑎᒃᓴᑦ ᑕᒪᑦᓱᒧᖓ ᓂᕈᐊᕐᓂᕐᒧᑦ ᑎᑎᖅᑲᑎᒍᑦ ᐃᒪᓐᓇᐃᑐᐃᓐᓇᕆᐊᖃᖅᑐᑦ ᐱᓗᑎᒃ ᐅᕙᖓᑦ ᐊᖓᔪᖅᑳᖓᓐᓂᒃ ᓂᕈᐊᖅᑐᓕᕆᔨᒻᒪᕆᐅᔪᒥᑦ.
ᓱᓕ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᖃᕐᕕᒋᒍᑦ ᐅᓇ
ᓈᓐᓯ ᖃᕆᑕᖅ-ᓕᓐᑎᐅᕐ
ᐊᖓᔪᖅᑳᖅ ᓂᕈᐊᖅᑐᓕᕆᔨᒃᑯᓐᓄᑦ
ᐅᖄᓚᐅᑎᐊ: (867) 975-3899 ᓱᑲᔪᒃᑯᑦ: (867) 979-1487
ᐊᑭᖃᖏᑦᑐᖅ: 1- 844-NTI-VOTE (684-8683)
elections@tunngavik.com