NTI Voters List Deadline Approaches
ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᖁᑎᐊᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐅᕐ ᐅᖃᐅᔾᔨᒃᑲᓐᓂᖅᑐᖅᐃ ᐃᖅᑲᐅᒪᖁᔨᓪᓗᓂ ᐃᓄᐃᑦ ᓂᕈᐊᖅᑏᑦ ᐅᑉᓗᒥ ᐃᓱᓕᕝᕕᖃᕐᓂᐊᓂᒃ ᓇᓗᓇᐃᖅᓯᓂᕐᒥᑦ ᑐᑭᓯᒍᑎᒃᓴᓂᒃ ᑕᒪᓐᓇ ᐱᓪᓗᒍ ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᕈᐊᖅᑎᓄᑦ ᐊᑎᓕᐅᖅᓯᒪᔾᔪᑎᓂᒃ ᐱᓇᓱᐊᕈᓯᒥ ᑕᓪᓕᒻᒥᖅ ᐅᓪᓗᕈᓗᑐᐃᓐᓇᖅ ᐅᓪᓗᕆᓂᐊᓕᕐᒪᒍ ᐊᒃᑑᑉᐱᕆ 24, 2014.
ᐃᓄᐃᑦ ᐅᑭᐅᖃᖅᑐᑦ 16-ᓂᑦ ᐅᖓᑖᓄᓪᓘᓐᓃᑦ ᑎᓴᑉᐸ 8, 2014 ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᒪᑯᐊ ᐃᓚᒋᔭᐅᔪᑦ ᓂᕈᐊᑦᑏᑦ ᓇᓗᓇᐃᖅᑕᐅᓯᒪᕕᐊᓐᓂ ᐊᑎᖏᑦᑕ, ᐅᖃᖅᓯᒪᔪᑦ ᐱᔪᓐᓇᖅᑎᑕᐅᓂᕐᒥᑦ ᓂᕈᐊᕈᓐᓇᕐᖅᑎᑕᐅᓂᕐᒥᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕈᐊᖅᑎᑦᑎᑎᓪᓗᒍ. ᐅᒃᐱᕈᓱᒃᑯᕕᑦ ᐊᕗᖏᑎᑕᐅᓂᕐᓂᒃ ᓂᕈᐊᕈᓐᓇᕐᓂᕐᒥᑦ, ᑭᓯᐊᓂ ᐊᑎᓕᐅᖃᑕᐅᓯᒪᖏᒃᑯᕕᑦ ᓇᓗᓇᐃᖅᑕᐅᓯᒪᔪᓂ, ᐃᒻᒪᖄ ᓇᓗᓇᐃᕈᑎᐅᔪᖅ ᐊᑎᓕᐅᖃᑕᐅᓯᒪᖏᓐᓂᕐᓂᒃ ᐃᓗᐊᓂ ᓄᓇᕗᑦ ᓄᓇᑖᕈᑎᓄᑦ ᐊᖏᕈᑎᖏᓐᓂ, ᐊᑏ ᐅᖃᕐᕕᒋᒍᒃ ᓄᓇᓕᖕᒥ ᑐᓴᐅᒪᑎᑦᑎᔨ ᑲᒪᔨᐊᑦ ᓄᓇᒋᔭᕐᓂ.
ᐃᓄᐃᑦ ᐊᑎᓕᐅᖃᑕᐅᓯᒪᔪᑦ ᓂᕈᐊᕈᓐᓇᖅᑎᑕᐅᓂᕐᒧᑦ ᓇᓗᓇᐃᔭᕐᕕᐅᔪᒥᑦ ᐊᐱᕆᔭᐅᔪᑦ ᖃᐅᔨᒋᐊᕐᓗᑎᒃ ᑕᒻᒪᖅᓯᒪᖏᒃᑲᓗᐊᕐᒪᖔᑕ ᐊᑎᖏᑦ ᑎᑎᕋᖅᑕᐅᓯᒪᓂᖏᑕ ᐊᒻᒪᓗ ᓇᓗᓇᐃᑦᑎᐊᕐᓗᒋᑦ ᐊᔾᔨᒌᑦᑎᐊᕋᓗᐊᕐᒪᖔᑕᓗ ᑎᑎᕋᖅᑕᐅᓯᒪᓂᖏᑦ ᓇᓗᓇᐃᒃᑯᑕᑦᓯᓐᓂ. ᐃᓄᐃᑦ ᐊᐱᕆᔭᐅᔪᑦ ᖃᐅᔨᒋᐊᕐᓗᓯ ᓄᓇᑦᓯᓂ ᑕᒻᒪᖅᓯᒪᖏᒃᑲᓗᐊᕐᒪᖔᑕᑦᑕᐅᖅ ᐊᑎᖅᓯ ᑎᑎᕋᖅᑕᐅᓯᒪᓂᖏᑦ. ᐊᑏ ᓇᓗᓇᐃᕆᑦ ᓄᓇᑦᓯᓂ ᐊᑎᓕᐅᕐᕕᒋᓚᐅᖅᓯᒪᔭᐃᑦ ᐅᕝᕙᓗ ᓄᓇᑐᖃᐃᑦ ᖃᑕᖑᑎᑉᓯᓐᓄᑦ. ᐱᒻᒪᕆᐅᔪᖅ ᐱᔭᕆᐊᖃᖅᖢᓂᓗ ᓇᓂ ᓄᓇᖃᕐᒪᖔᖅᐱᑦ ᒫᓐᓇ.
ᐃᓄᐃᑦ ᑕᑯᒋᐊᕈᓐᓇᕐᒥᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑕ ᖃᕆᑕᐅᔭᒃᑯᑦ ᑕᑯᓇᒡᕕᐊᓐᓄᑦ ᐅᕗᖓ www.tunngavik.com ᖃᐅᔨᒋᐊᕐᕕᖏᓗᒍ ᓂᕈᐊᖅᑏᑦ ᐊᑎᖏᓐᓄᑦ ᓇᓗᓇᐃᔭᕐᕕᒃ ᓂᕈᐊᖅᑏᑦ ᐊᑎᖏᑦ ᓚ;ᓚᐃᖅᓯᒪᔪᑦ ᑐᑭᓯᒋᐊᕈᑎᒃᓴᑦ ᓂᕈᐊᖅᑏᑦ ᐊᑎᖏᑦ ᑕᒻᒪᖅᓯᒪᖏᒃᑲᓗᐊᕐᒪᖔᑕ. ᓱᓕᒃᒃᐸᑕ ᑕᒪᒻᒪᖅᓯᒪᓇᑎᒃ ᐊᑎᓯ, ᖃᓄᐃᓕᐅᕆᐊᖃᖏᑦᑐᑎᑦ. ᑐᑭᓯᒍᑎᒃᓴᑦ ᓱᓕᖏᑉᐸᑕ, ᖃᕆᑕᐅᔭᑎᒍᑦ ᑎᑎᕋᕐᕕᒋᒍᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᑎᓕᐅᕆᔨ ᑲᒪᔨᐊᑦ ᐊᐅᓚᑦᑎᔨ ᒫᒐᕆ ᑯᓱᒐᖅ ᐅᕗᖓ mkusugak@tunngavik.com ᐊᖅᑭᒋᐊᖅᓯᒪᔪᓄᑦ ᑕᒻᒪᐃᔭᖅᓯᒪᔪᓄᑦ ᑐᑭᓯᒍᑎᒃᓴᓄᑦ. ᒫᒐᕆᒃ ᑯᓱᒐᖅ ᐅᖃᓗᒡᕕᒋᔪᓐᓇᕐᒥᔭᐃᑦ ᑲᖏᖅᖠᓂᕐᒧᑦ ᐅᕗᖓ 867-645-5400 ᐅᕝᕙᓗ ᐊᑭᖃᖏᑦᑐᕐᒧᑦ ᐅᕗᖓ - 1-888-236-5400. ᐃᓄᐃᑦ ᐅᖃᕐᕕᖃᕈᓐᓇᕐᒥᔪᑦ ᓄᓇᓕᖕᓂ ᑐᓴᐅᒪᑎᑦᑎᔨᑦ ᑲᒪᔨᖏᓐᓄᑦ ᓄᓇᑦᓯᓐᓂ ᓱᓕᔪᓂᒃ ᑕᒻᒪᖅᓯᒪᖏᓕᖅᑐᓂᑦ ᑐᓂᓗᒍ ᑐᑭᓯᒍᒃᓴᐃᑦ ᒥᒃᓵᓄᑦ.
ᐱᔪᓐᓇᖅᑎᑕᐅᔪᑦ ᓂᕈᐊᖅᑏᑦ ᐱᕕᖃᖅᑐᑦ ᑎᑭᐅᑎᓗᒍ ᐊᒃᑑᑉᐱᕆ 24, 2014 ᒫᓐᓇᒨᖓᔪᓄᑦ ᑐᑭᓯᒍᑎᒃᓴᓄᑦ ᓱᓕᔪᓂᒃ ᓂᕈᐊᖅᑏᑦ ᐊᑎᖏᑕ ᓇᓗᓇᐃᔭᕐᕕᐊᓐᓄᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᓕ: ᐅᖃᕐᕕᒋᒍᒃ:
ᓈᓐᓯ ᖃᕆᑕᖅ ᓕᓐᑎᐅᕐ
ᐊᖓᔪᖅᑳᖅ ᓂᕕᕈᐊᖅᑐᓕᕆᓂᕐᒧᑦ ᑲᒪᔨ
ᐅᖃᓘᑎᐊ: (867) 979-3899 ᓱᑲᔪᖅ: (867) 979-1487
ᐊᑭᖃᖏᑦᑐᖅ: 1- 844-NTI-VOTE (684-8683)
elections@tunngavik.com
www.tunngavik.com