NTI President Congratulates Premier Taptuna and New Ministers
ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᓪᓗᒥ ᖁᕕᐊᒃᑯᔾᔨᓂᕐᒥᓂᒃ ᓂᓪᓕᐅᑎᖃᖅᑲᐅᔪᖅ ᐊᖓᔪᖅᑳᖅ ᐲᑕ ᑕᑉᑑᓇ ᓂᕈᐊᖅᑕᐅᓚᐅᕐᓂᖓᓂᒃ ᓯᕗᓕᖅᑎᒧᑦ, ᐊᒻᒪᓗ ᑎᒃᑯᐊᖅᑕᐅᓂᖏᓐᓂᒃ ᒥᓂᔅᑕᐅᑏᑦ ᑲᑎᒪᔨᖏᓐᓂᒃ. ᐊᖏᖅᑎᑕᐅᓚᐅᖅᑎᓪᓗᒋᑦ ᒪᓕᒐᓕᐅᖅᑏᑦ ᐃᒃᐸᒃᓴᖅ ᒪᓕᒐᓕᐅᕐᕕᖕᒥ, ᓯᕗᓕᖅᑎ ᑕᑉᑑᓇ ᑐᓴᖅᑎᑦᓯᓕᓚᐅᖅᑐᖅ ᒥᓂᔅᑕᖁᑎᖏᑕ ᑲᒪᒋᓂᐊᖅᑕᖏᓐᓂᒃ.
“ᑐᓐᖓᕕᒃᑯᑦ ᑲᑎᒪᔨᖏᑦ ᑭᕝᒐᕐᑐᕐᓗᒋᑦ, ᖁᕕᐊᒃᑯᑎᑦᓯᐊᕐᐸᕋ ᓯᕗᓕᖅᑎ ᑕᑉᑑᓇ ᐊᒻᒪᓗ ᒥᓂᔅᑕᖁᑎᒋᓂᐊᓕᖅᑕᖏᑦ. ᑐᓐᖓᕕᒃᑯᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᖏᓪᓗ ᓂᕆᐅᒋᔭᖃᑦᓯᐊᕐᐳᑦ ᐃᖅᑲᓇᐃᔭᖃᑎᖃᓂᐊᓂᕐᒥᓂᒃ ᒐᕙᒪᑖᖅᑲᐅᓂᒃ ᐊᒻᒪᓗ ᒪᓕᒐᓕᐅᖅᑎᓕᒫᓂᒃ,” ᐅᖃᖅᑲᐅᔪᖅ ᑕᐅᑐᓐᖏ.
“ᑐᓐᖓᕕᒃᑯᑦ ᓂᕆᐅᒋᔭᓖᒃ ᐱᓕᕆᖃᑎᖃᕐᓯᐊᓂᕐᒥᒃ ᑲᑐᔾᔨᓂᒃᑯᑦ ᐊᑕᐅᓯᐅᖃᑎᒌᓪᓗᑎᒃ ᓄᑖᓂᒃ ᒐᕙᒪᒋᓂᐊᓕᖅᑕᑎᓐᓂᒃ ᐱᕚᓪᓕᕈᑎᒃᓴᖏᓐᓂᒃ ᓄᓇᕗᒻᒥᐅᓕᒫᑦ,” ᐅᖃᖅᑲᐅᔪᖅ ᑕᐅᑐᓐᖏ.